رد : %% بذمتكم ماتزهقون مع رياييلكم 
%%
كل عام وانتي بخير
انا من ناحيتي اشوف شنو الأشياء اللي يحب يسولف عنها مثلا انا ريلي غرامه الكورفت اقعد اسأله عن الكورفت عاااد واااي يقعد يقرق ما يسكت احب لونه اسود-رنجات نياكل- احب عليه هادرز و فلو ماستر-
يحب الموتر زد او سكس-او- زد ار ون
يحب عالماكينه استروكر وسوبر جارج .. لوووووول جيكو انا حفظت من كثر ما يسولف عن الكورفت !
انتي شوفي شنو يحب اي سياره؟؟ وراح يقرق معاج
تكلمي بالسياسه بالأقتصاد..
مثلا عن المباريات والاعبين
عن النوادي وشلون يصير مجسم الواحد
ههههه شكله بيذبحج والسبه انا .. مادري انا ريلي وااايد بتناقش معاي بهالأمور
وبيني وبينج صج ان لايعه جبدي من سوالفه الخااااااااااااايسه المليييييييييييقه اللي ما تستهويني بس
شسوي يا خويتي العوض ولا القطيعه .. يسولف ولا ان يسكت مو جذي ؟؟؟
والله مادري شقولج احنا البنات عطينا- سوقه - واخر موضه انزلت - ونت - واكشخ تلفون - اكشخ سياره - ولا المنتشر عند البنات ووووي طالعي فلانه وشوفي فلانه شلابسه وشحاطه بمعنى اصح (الحش) لووووول من جذي متعودين عالقرقه !
