فسحه امل + amainat
اثنيناتكم نفس الوضع
اللي عارفته ان اذا طلع قبولج وما سجلتي مواد "ركزوا على عدم تسجيل المواد " ( ف الوضع عادي وتقدرين تقدمين مره ثانيه بشهاده الثانويه اليديده )
بينما اذا طلع قبولج من زمان بمكان "وسجلتي المواد " ودرستي حتى لو كورس واحد ( هني ما يصير تقدمين عليهم مره ثانيه حتى لو شهاده يديده ) ,, لان العبره عندهم ب تسجيل المواد ,, لان عند تسجيل المواد ودراسه لو كورس واحد معناته توثيق للقبول والتزامج بالدراسه بالكليه ,, فتكونين بين حالتين الفصل او الانسحاب وبالوضعين ماتقدرين تقدمين عليهم مره ثانيه اذا طلع فيج قرار الفصل او الانسحاب من الجامعه او التطبيقي ,, ف اذا درستي كورس وخليتيها تقدرين تراجعينهم وبيقولون لج وضعج ( اكيد بيقولون احنا فصلناج اساسا لانج ما تداومين )
لان كلامي مستوحاه من رفيجتي اللي تخرجت من جامعه الكويت كليه العلوم الاداريه وتشتغل عندنا بالوزاره ,, وحاليا تدرس بالتربيه الاساسيه بعد اعاداتها للثانويه العامه قبل سنتين ,, تقولي ( كنت مقدمه على التطبيقي قبل وطلع قبولها بالتربيه الاساسيه وبنفس الوقت طلع قبولها بجامعه الكويت ,, ف خلت قبول التربيه ودرست بجامعه الكويت وتخرجت منها ,, ف تقولي القبول اذا استمر اربع كورسات وما سجلتي مواد ,, راح يصير كأن لم يكن ولازم تقدمين مره ثانيه بشهاده يديده عشان يطلعلج قبول يديد ,, اما اذا سجلتي مواد ودرستي كورس معناته التزامج بالقبول الصادر واذا سحبتي وخليتيها يطلعلج قرار فصل او انسحاب فيج هالشي ما يخليج تقدمين مره ثانيه حتى لو بشهاده يديده ) هذا كلامها
( وارجو منكم ما تعتمدون على كلامي وتراجعون بنفسكم وتتاكدون )
اختي ماريابوبو
انتي تعليم خاص او حكومه ؟؟؟ عشان تتوضح امورج عندنا ونقدر نساعدج
لان ( تحسين النسبه من زمان موجوده بالتعليم الخاص ) بينما الحكومه ( توهم بلشوا فيها سنه 2010 )
وبكل القطاعين لج تسوينها مره ,, يعني ممكن تسوينها مره بالقطاع الخاص ومره بالقطاع الحكومي ( يعني يطلعلج مرتين تحسين نسبه )
ولكن بالنسبه لنا النظام القديم هالسنه اخر سنه لنا ,, ف لازم تحددون وين تبون تحسنون النسبه بالخاص او الحكومه لان السنه اليايه بالتعليم الخاص او الحكوميه بالنسبه لنظامنا القديم مافي تحسين نسبه ,, هالسنه اخر سنه لنا عشان نعدلها ونحسن النسبه فهمتوا بنات
بنات ضيفوني عال كيك SLimTHin ( علميه )
