بتسافرين النمسا والمانيا هالصيف؟؟!! حياج بتجمعنا صيف 2010

[om 5aloody]

مرحبا بنات

في مستجدات صايرة ودي اغير حجزي !!

ودي اشيل سالزبورغ لاني حاجزة ليلتين فيها !! اشرايكم اشيلها وازورها من زلمسي يوم كامل ؟؟؟؟

واضيف ايامها كالتالي ::: ليلة فينيسيا وليلة اضيفها حق ميونخ ؟؟؟؟؟؟؟؟؟؟

المشكلة بالطريج لان يقولون من زلمسي الى فينيسيا خمس ساعات ومن فينيسيا الى ميونخ ست ساعات !!!!
والمشكلة الثانية
زوجي مو متحمس للسفرة وبالاخص لفينيسيا ويقول الطريج راح يزعجنا لانه مو ناوي يحجز سيارة وانا ودي


ساعدوني شنو الحل؟؟؟؟

 

[^^ام ميمي^^]

الشر ماييج حبيبتي
شوفي مالج الا تتفقون انتي وريلج قبل لايبطل الباب تكونون ماسكين الجناط تقسمونهم بينكم عشان تلحقون وماتصير لويه
ام ميمي ريلي قاعد يفكر بسالفة تأجير سياره بس حده متردد وقاعد يحاتي ولد عمي اقنعه انه يأجر سياره للعلم ولدي عمي اهوا ولد عمه لانه ريلي ولد عمي بعد
عمي ومرته وعياله راح يكونون هناك قبلنا بيقعدون على حد الشهرين واحنا بنروح ونلقاهم هناك واهما يأجرون سياره عشان جذي قاعد يفكر ريلي بالبسياره

انا جنطتي معاي وزوجي يشيل جنطته وبس انتهت السالفه يعني ماراح ناخذ اكثر من جنطتين ويكونون سحب وبحط بجنطتي هاند باق كبيره وتكون اخر محطه لي ميونخ اتسوق فيها واترس الهاند باق من مشترواتي
شوفي اذا انتو عايله فنصيحه سكنو بكابرون واخذولهم فيلا وانا ودي نأجر سياره بس زوجي مو مقتنع بالفكره كلش يقول ديره اول مره اطبها اذا شفتها واعجبتني ان شاء الله مره ثانيه

واذا ماتبين تلتزمين فيهم سكن بشقق وااااايد فيه بزيلامسي وروعه بس عيبها يبيلها واحد يكون عنده سياره وكل ما بعدتي من السنتر كل ما كانت الشقق والفنادق اجمل لانها مو مستهلكه وايد ,,,


في بوكينج شقق فندقيه يديده اسمها ابارتمنت هاوس زيل سيتي وتبعد عن السنتر 100 متر يعني وايد زين انا قاعده افكر فيها وشقه يديده ونظيفة بس للحين بعد محتاره لان محد جربها للحين ودي لو تشبك اوكسجين وتقولنا اشلونها واشلون بعدها عن السنتر و البحيره اخاف احجز فيها واتحسف

 

[new-mamy]

يعطيج العافية على المعلومات
انا وريلي بنروح السنة انشاء اللء و بنتنقل بين المناطق بالسيارة لانها ارخص و بعدين الله يخلي النفجيتر

 

[%قبلة العجمان%]

ام مهاوش رحلتي من 9/7
الى 26/7

 

[ستروبري87]

حتى احنا حجزنا تاريخ 6-7 والرده 21-7 السعر 183

 

[^^ام ميمي^^]

حتى احنا حجزنا تاريخ 6-7 والرده 21-7 السعر 183

على اي خطوط حجزتي ولقيتي هالسعر ؟؟ واشلون خط سير الرحله ؟؟ ومن متى حاجزه ؟؟

 

[ام مهاوش]

مرحبا بنات

في مستجدات صايرة ودي اغير حجزي !!

ودي اشيل سالزبورغ لاني حاجزة ليلتين فيها !! اشرايكم اشيلها وازورها من زلمسي يوم كامل ؟؟؟؟

واضيف ايامها كالتالي ::: ليلة فينيسيا وليلة اضيفها حق ميونخ ؟؟؟؟؟؟؟؟؟؟

المشكلة بالطريج لان يقولون من زلمسي الى فينيسيا خمس ساعات ومن فينيسيا الى ميونخ ست ساعات !!!!
والمشكلة الثانية
زوجي مو متحمس للسفرة وبالاخص لفينيسيا ويقول الطريج راح يزعجنا لانه مو ناوي يحجز سيارة وانا ودي


ساعدوني شنو الحل؟؟؟؟

اهلين ام خلودي وين هالغيبه ماتبينين شوفي اذا ريلج موحاب الطريج ولا وده يأجر سياره في مكتب سفريات بزلمسي يسوون قروبات حق فينيسيا روحو معاهم احنا احتمال نروح معاهم لا تحجزين ليله بفينيسيا شوفي شنو يصير معاج اذا رحتو مع قروب خلي نص اغراضج بالفندق بزلمسي على ماتردون وحجزي ليلتين ميونيخ حق التسوق روحيلها بالقطار وسالزبورغ كنسلي حجزج فيها روحيلها من الصبح لي بالليل ترا قريه صغيره وتلفينها كلها بساعه والطريج من زلمسي لي سالزبورغ ساعه وربع احنا بنسوي جذي بروح سالزبورغ من الصبح لي بالليل

 

[ام مهاوش]

انا جنطتي معاي وزوجي يشيل جنطته وبس انتهت السالفه يعني ماراح ناخذ اكثر من جنطتين ويكونون سحب وبحط بجنطتي هاند باق كبيره وتكون اخر محطه لي ميونخ اتسوق فيها واترس الهاند باق من مشترواتي
شوفي اذا انتو عايله فنصيحه سكنو بكابرون واخذولهم فيلا وانا ودي نأجر سياره بس زوجي مو مقتنع بالفكره كلش يقول ديره اول مره اطبها اذا شفتها واعجبتني ان شاء الله مره ثانيه

واذا ماتبين تلتزمين فيهم سكن بشقق وااااايد فيه بزيلامسي وروعه بس عيبها يبيلها واحد يكون عنده سياره وكل ما بعدتي من السنتر كل ما كانت الشقق والفنادق اجمل لانها مو مستهلكه وايد ,,,


في بوكينج شقق فندقيه يديده اسمها ابارتمنت هاوس زيل سيتي وتبعد عن السنتر 100 متر يعني وايد زين انا قاعده افكر فيها وشقه يديده ونظيفة بس للحين بعد محتاره لان محد جربها للحين ودي لو تشبك اوكسجين وتقولنا اشلونها واشلون بعدها عن السنتر و البحيره اخاف احجز فيها واتحسف

اهلين حبيبتي ام ميمي اي دام انتي تمسكين جنطتج وريلج يمسك جنطته سهالات انشالله اما اذا كنتوا عايله واغراضكم وايد لالالالا وخري عن القطار
سفرتنا انا وريلي مو مع عايله بس راح نصادف عمي ومرته واعياله هناك
شفت ابارتمنت هاوس من بوكنق وحدها عاجبتني وقلت حق ريلي بس مومقتنع بفكرة الحجز من الانترنت اما انا عادي بالعكس ودي اجرب وكل اللي جربوا يقولون مضمون بوكنق وسعر السقه حلو بعد كونها يديده وقريبه من السنتر بس شسوي تخيلي يقول نسكن بكابرون !!!!
انا عندي اهم شي الموقع ابي اسكن بمكان قريب من البحيره ابي امشي على ريولي فيني نقص مشي بجو حلو خخخخخخ
ابي اطلع من الفندق اروح البحيره مشي مابي اروح بسياره ويع لاعت جبدي من السيارت وانا هني اصلا ماودي اركب سياره ودي سفرتي كلها قطارات ومشي بس شسوي الشكوى لله ههههههه

 

[ام مهاوش]

يعطيج العافية على المعلومات
انا وريلي بنروح السنة انشاء اللء و بنتنقل بين المناطق بالسيارة لانها ارخص و بعدين الله يخلي النفجيتر

حياج الله حبيبتي والله يعافيج
اي التنقل بالسياره ارخص واحلى تشوفين الطبيعه وتكتشفون اماكن يديده بس ماقلتيلنا حجزتي ولا بعد واذا حجزتي متى روحتكم؟

 

[ام مهاوش]

ام مهاوش رحلتي من 9/7
الى 26/7

على خير انشالله كلكم قبلي الا انا 20\7 يالله عشان تقولون شنو الاماكن اللي رحتولها

 

[ام مهاوش]

حتى احنا حجزنا تاريخ 6-7 والرده 21-7 السعر 183

السعر ماشاءالله حلو على اي طيران ومتى حجزتي؟

 

[^^ام ميمي^^]

هلا وغلا ام مهاوش

يعني شرايج استقر عليها والا احجز نيو بوست لان زوجي يقول حلوه وارقى وارخص من نيو بوست ؟؟


ودي لو اوكسجين تشبك وتقولنا اذا مرت عليها وشافتها اشلونها قريبه والا بعيده وتسوى الحجز فيها والا لأ؟؟

 

[ام مهاوش]

اهلين ام ميمي نورتي
اذا تبين نصيحتي حجزي وانتي مغمضه نيوبوست حلو وموقعه حلو بس بصراحه اذا شفتي الاثاث يضيق خلقج بس حق الي مالقا يحجز نيوبوست
حجزي هالشقق وانتي مغمضه انا سألت عنهم بمنتدى العرب المسافرون يمدحهم المشرف ويقول المكان قريب من السنتر
اشصار على الطيران حجزتي تذاكر ولا بعد؟

 

[weekend]

السلام عليكم

شلونكم أوربيات؟ وشنهي آخر تطوراتكم؟

بالنسبة لي كنسلنا فينيسيا ريلي كلش مو حاب الطريج يقول بعيدة ماتسوى ومتخوف من الطريج لأنه بنكون مأجرين سيارة

وراح تكون أول مرة

بغينا نزيد الليلة على زيلامسي بس فندقنا كان فول :0bee2e8d89:

فكرت وفكرت وفكرت جان نحجز بميونخ ليلة غير عن فندقنا<<< تدليع واستجمام _03BA:

حجزنا بسوفيتيل ليلة وعقبها نشيل قشنا ونروح ميركور

 

[Om_Ksha]

بناااااااااات ماشاءلله عليكم
احس اني تااايهه ..
ولاعمري زرت اوروبا واتفقنا مبدئيا لعى ميونخ وزلمسي وبنقعد اسبوعين وريلي يبي يأجر سياره

بس احس اني ضايعه مو عارفه احسن الاماكن ولا غيره ومادري ريلي كل يوم كلام يقول نزور ايطاليا ومره مادري شنو فضعت يعني حتى لو بقرا تجمعكم واستفيد راح اضيع لانه ليلحين ماستقرينا على شي
ونفرض انه اوكي ميونخ وزلمسي شلون اقسم الايام بينهم وهالمكانين كافين ولا لا يبيلنا مناطق زياده اقرا عن سالزبورغ ومادري وين


ريلي الله يهدااااااااه بااااااااااارد انا عندي نحجز من السفريات ونفتك بسس رفيجه قاله احجز من النت وتوهقت اخاف ماعرف

في شكثر فنادق شنو احسن الفنادق بميونخ !؟ وااي احسس ببجي

وصج ترا انا حامل بجر وانشالله ان الله كتب وسافرنا بكون بال5 فأبي اماكن تريحني مادري شنو حزتها شبصير بكون ثقيله ولا عادي

ومادري وين احسن اماكن تناسبني ادري اذيتكم بقرقتي بسسسسسسس كلها تساؤلالالالالات كنت بنزل موضوع بس قلت اقولكم احسن

 

[Om_Ksha]

تووووه سئلت ريلي ويييين رسينا قال اسبوع ميووونخ ويومين زلمسي و ويومين لونا بارك وسويسرا 5 ايام

شراااايكم بجدولنا ؟؟

وابي اعرف هالاماكن بعاااااد عن بعض ولا قراااب من بعض ؟

وشنو تقترحون برنامج ابي اماكن يم بعض .. كل تنقلاتنا بالسيااااره بتصير ومثل ماقلتكم اني حامل فأبي شي يريحني

 

[ديمـ77ــا]

مرحبا..ام كشه...لاتروحين اماكن كثيرة...تتعبين وانتي حامل...خلوكم بين زلمسي ..وميونخ...وسالبورغ...

 

[weekend]

أم كشه

أفا عليج لا تضيعين ولا شي

نعين ونعاون وأي شي محتارة فيه لا يردج إلا كيبوردج

بالنسبة لي راح أجاوبج عن زيلامسي وميونخ لأنها وجهتي هالصيف ومقطعة التقارير تقطع :dddds:

أول شي أشوف ان زيلامسي حاطيلها يومين حرام انا اشوف تزيدينها من أيام ميونخ

الكل يقول يبيلها اسبوع

وهذي الأماكن السياحية اللي تقدرين تزورينها من زيلامسي:

1- البحيرة تتمشين صوبها وتأجرون قارب

2- كابرون تبعد 10 دقايق وفيها قمة كيتسشتاين هورن عبارة عن جبل كله ثلج وتصعدوله بالتلفريك

3- شلالات كريميل أعلى شلالات أوربا ويبعد ساعة وربع تقريبا

4- الكهف الجليدي: اكبر كهف جليدي في العالم ويبعد ساعة (الرحلة جدا متعبة وماتناسب وضعج كحامل بس انا كتبته حق
باجي البنات عشان يستفيدون)

5- الزحلاقية الصيقية بسيلفادين

6- عالم شوارفسكي بأنسبروك تقدرين تزورينه من زيلامسي أو ميونخ حسب جدولكم

7- سالزبورغ تبعد ساعة ونص ولج الخيار انج تباتين فيها او تقضين فيها يوم كامل وترجعون
طبعا فيها وايد اماكن والكل يمدحها اذا عزمتو عليها بقولج عن احسن الاماكن فيها

8- بالاضافة الى منجم الملح

وبالنسبة لميونخ

أهم شي تسكنين قريب من المارين بلاتز أو الكارلزبلاتز

وتقدرين تروحين قارمش يوم كامل يمدحونها حيل

ومعرض bmw

اولمبيا بارك

الانجلش جاردن محد مدحها

واذا ريلج من ربع الكرة روحو ملعب البايرن ميونخ يسولكم تور فيه

امممممممم هذا اللي يحضرني واذا تذكرت شي بعد بقولكم

 

[^^ام ميمي^^]

اهلين ام ميمي نورتي
اذا تبين نصيحتي حجزي وانتي مغمضه نيوبوست حلو وموقعه حلو بس بصراحه اذا شفتي الاثاث يضيق خلقج بس حق الي مالقا يحجز نيوبوست
حجزي هالشقق وانتي مغمضه انا سألت عنهم بمنتدى العرب المسافرون يمدحهم المشرف ويقول المكان قريب من السنتر
اشصار على الطيران حجزتي تذاكر ولا بعد؟

هلا فيج حياتي

الحمدلله حجزنا على القطرية بس ما دفعنا قالت اللي تشتغل بالمستقبل اذا نزل اللمتد وبتقفل الرحله ادق عليكم علشان تدفعون وماتروح عليكم التذكره كويت فيينا ميونخ كويت وسعرها 265 دينار

 

[^^ام ميمي^^]

انا رأي من رأي ويك اند ما شاء الله كفت ووفت


وانصحج بعد ادورين على الرحلات الخفيفه وتكون مو طويله علشان لا تتعبين ولا اتقربين يم الرحلات اللي فيها مرتفعات علشان اسم الله عليج الضغط لا يرتفع عندج

وربي يسهلها لج يارب