بتسافرين النمسا والمانيا هالصيف؟؟!! حياج بتجمعنا صيف 2010

[جاردينيا_2000]

اهلين انا ودي اروح المانيا وانترلاكن
ودي بالغابه السوداء
بس لما الحين ماشفت الحجز ولا فنادق

 

[ام مهاوش]

ام مهاوش احنا روحتنا اذا الله سهل ويسر 1 سبعة الى 14 سبعة

والترانزيت ساعة وثلث بالروحة والردة

اها يعني تروحون وتردون قبلنا يالله عاد هالله هالله بالتقرير واحلى شي تروحيله قوليلنا عشان مانطوفه

 

[ام مهاوش]

اهلين انا ودي اروح المانيا وانترلاكن
ودي بالغابه السوداء
بس لما الحين ماشفت الحجز ولا فنادق

هلا فيج
حجزي من الحين اهم شي الطيران لانه رمضان مبجر والكل يبي يرد قبل رمضان تخيلي احنا مالقينا رده من ميونيخ على الاماراتيه من تاريخ 30\7 لي 10\8 مافي رده ماشالله
الناس مادري متى احجزوا

 

[miss_jamsheer]

اي تاريخ السفر ومتى الرده؟
انشالله 29/6 الر وحه والرده ليلحين بس احتمال انغير 28/7

على اي طيران حجزتوا وجم سعر التذكره ؟
على الافتانزا جنه جذي اسمها والتذكره على 195 تقريبا

جم مدة الرحله؟
ليلحين شهر بس احتمال كبير انخليها يمكن 3 اسابيع


اشلون تقسيمكم على المناطق يعني كل منطقة اشكثر تقعدون فيها؟
مادري والله

شنو اسامي الفنادق اللي بتسكنون فيها وجم سعرها بالليله؟
ليلحين ماحجزنا الفنادق

شنو وسيلة التنقل؟ تأجير سياره؟ قطارات ؟ تكاسي؟
احتمال سياره
جم شخص؟
انا و ريلي بدون ولدي

جم الميزانيه؟
والله مادر ي

 

[miss_jamsheer]

بنات بسالكم صج باريس وايد عليها اسبوعين اخوي يقول حتى اسبوع وايد عليها؟

 

[ام مهاوش]

مس جامشير تروحين وتردين بالسلامه يارب
صح كلام اخوج وايد على باريس اسبوعين لانه مافيها وايد اشياء حدج اسبوع

 

[ظلال القرآن]

السلام عليكم .انشاء الله كل ما تروحون تردون بالسلامه. ظلال القران بغيت السكن فى زلمسى وميونخ ؟ وشلون اللبس هناك انا منقبه ؟ اناو زوجى عيالى اكبرهم 15 سنه واصغرهم سنه ونصف اول مره اسافر لالمانيا . وجزاج الله الف خير

السكن في زلمسي سهل جدا متروسه شقق فندقيه وشققهم زينه ونظيفه
البس عادي الي تبين عباه ونقاب عادي صج يتلفتون بس عادي
وفي ميونخ انا اسكن في سويت هوتيل بعيد عن السنتر بس انا ما احتاج السنتر اروح مره وحده لاني مو من هواه السوق
وانتي بالذات لازم تأجرين سياره علشان عيالج ما يتبهدلون بالقطارات والباصات
وترا سهااااااااااااااااااااله لا تحاتون

 

[ظلال القرآن]

اهلا ظلال القرآن ياحلو نكج
حلوه فكرة تأجير السياره بس خايفه ريلي ولا مره ساق باوروبا واول مره نروح هالدول فوخرنا هالفكره ان شاءالله بالمرات اليايه والله يكتبلج روحه حق زلمسي هالسنه
وبالنسبه حق السنه اللي فاتت صح كلامج نزلي من اسعار الاماراتيه كان سعرها وايد حلو والحمدالله الله وفقكم ورحتوا عليها

صدقيني سهله سواقتهم يسار مثلنا وطرقهم تينن واشتري قارمن من العميري
وجربيه هنيه بالكويت وليما تعودين عليه
مكاتب التأجير موجوده بمطار الكويت روحو حجزو السياره من الكويت وتستلمونها بمطار ميونخ
اخوي جذ نفسكم اول مره يطب اوربا ومايعرف ولاااا كلمه انجليزي واجر سياره واستانسو حيل وصارو كل سنه يروحون ويأجرون لان تأجير السياره يوفر عليج وايد شغلات يعني ما تحاتجين تسألين احد وساعات الباصات تركبين الباص ما تدرين وين يقطج اذيه صراحه واتكاسي مو على كيفج لازم تتصلين مو مثل الدول العربيه التكسي مقطط بكل مكان
عموما فكرو فيها انا قبل لا اسافر اسيف كل الاماكن من الكويت اخذ الاحداثيات من العرب المسافرون
اسيف الي بروح لها بالقارمن وكل يوم اول ما اركب السياره احط المكان وتوصلنا :rerrerek:

عموما بنات الحين خلصو حجوزات الطيران والتذاكر
وعقب بلشو في البرنامج اليومي في السفره بحط لكم برنامجي سفره العام يمكن يساعدكم بالتجمع :aha:

 

[ظلال القرآن]

بنات بسالكم صج باريس وايد عليها اسبوعين اخوي يقول حتى اسبوع وايد عليها؟

صح حدها اسبوع

 

[ظلال القرآن]

اهلين انا ودي اروح المانيا وانترلاكن
ودي بالغابه السوداء
بس لما الحين ماشفت الحجز ولا فنادق

نعم الاختيار انترلكن قلب سويسرا النابض
والغابه السودا تينن وتقدرين تطلعين لها من انترلكن تقريبا 5 ساعات بالسياره والطريج زوووووووغه
ومن الغابه تقدرين تروحين اوربا بارك

 

[fhf39564]

Goods2010-4-8-two-75

jbybqehlx3vipm4i6mcredhood55yuxiaoqiong18rhku1j

 

[ام مهاوش]

ظلال جني بفكر بسالفة تأجير السياره وباخذ راي ريلي

 

[^^ام ميمي^^]

اي تاريخ السفر ومتى الرده؟

ناوية باذن الله اسافر بتاريخ 25/6 والرده بتاريخ 9/7

على اي طيران حجزتوا وجم سعر التذكره ؟
ما حجزت للحين ومفكره بالقطريه لان يمدحونها
جم مدة الرحله؟
تقريبا 15 يوم
اشلون تقسيمكم على المناطق يعني كل منطقة اشكثر تقعدون فيها؟
فيينا يومين / زيلامسي 7 ايام / سالزبورغ 3 ايام / ميونخ يومين
شنو اسامي الفنادق اللي بتسكنون فيها وجم سعرها بالليله؟
للحين البحث جاري عن الفنادق والشقق الفندقيه
شنو وسيلة التنقل؟ تأجير سياره؟ قطارات ؟ تكاسي؟
محتااااااااااااااااره
جم شخص؟
شخصين انا وزوجي فقط
جم الميزانيه؟
ميزانيه مفتووووحه والحمدلله يعني مو مقيده روحي بمبلغ معين

 

[^^ام ميمي^^]

علما باني اول مره اسافر اوروبا بس من قبل رايحة استراليا ودول شرق اسيا و دول عربية فقط

واستراليا لما رحت لها بدون قروب يعني كل شيء عرفته من النت وزوجي كان معتمد علي بكل شيء واللحين نفس الطريقة بس مادري ليش هالمره متخووفة اشوي ؟؟

الله يسر امورنا يارب

 

[^^ام ميمي^^]

بنات تخيلو توني دقيت على السفريات انا ابي بداية العطله على طول ومدة السفره 15 يوم فقط تخيلو يقول ماكو الا جم كرسي فاضي على القطريه وسعر التذكره 350 دينار والامارتيه سعرها 315 دينار ويقول وراح تصير اغلى بعد كل ماقرب موعد السفر ,,,,,,,,,

سألته اي احسن انطر العروض والا احجز قال شوفي هالسنه غير عن كل سنه هالسنه الناس كلها بتسافر وبترد بوقت معين قبل رمضان

شنو تنصحوني بنات احجز والا انطر ؟؟؟؟

 

[معشووقة السفر]

هلا فيج ام مهاوش
شلونكم شخباركم؟
انا بنتي عمري سنه و10 شهور الله يحفظها
اتوقع ردتنا الصبح لان اول رحله توصل الكويت انشالله
انا حجزت حق بنتي ولو بكنسل تذكرتها عادي يخصمون بس 10 دنانير بس محتاره فيها ودي اخذها تصير جدام عيني و ودي اخليها لان ادري بتلعوزني

 

[ام مهاوش]

ام ميمي هلا فيج حبيبتي شوفي الظاهر المكتب اللي دقيتي عليه يحب يستغل الفلوس خليه وشوفيلج مكتب ثاني انا اول شي كنت داقه على مكتب المستقبل قالولي التذكره 236 قلت اوكي خلاص بروح احجز فيه ودقيت على مكتب رمسيس اللي بالفروانيه قالولي نفس السعر قلت حلو بروح المستقبل عشان اقرب
رحنا انا وريلي وقعدنا عند موظف الظاهر يبي ياخذ عموله زياده قالنا 310 مافي غير هالسعر وقبلها بشويه كنت داقه عليهم كان السعر غير بس على حسب الموظف
وشلقنا قشنا انا وريلي
ورحنا البندر لقيت التذكره233 وحجزنا عندهم
نصيحه مني لج دامج بتسافرين بشهر 6 حجزي على اللوفتهانزا مسوين عروض لي 30\6 التذكره من 150 لي 190 وايد حلو السعر وطبعا طيران اللوفتهانزا لا يعلى عليه احلى من القطريه والاماراتيه وويقولون كراسيهم مرييييييييييييحه ووسيعه
دشي على موقعهم وشوفي الاسعار
www.lufthansa.com

 

[ام مهاوش]

معشووقة سفر نصيحه مني خليها عمرها اسم الله عليها متعب
وراح تتعبين معااها وماراح تستانسين ماراح تقدرين تصعدين قمة كابرون اللي فيها الثلج ولاراح تقدرين تصعدين الزحلاقيه الصيفيه صعبه مو زين عليها نقص اكسجين خليها من غير شر وروحي غيري جو عيشي شهر عسل يديد انا بنتي اسم الله عليها وقت سفرتي يصير عمرها سنه وشهرين ماراح اخذها يمه ادري عوار قلب بس احسن لي ولها عن التعب وكثرة التنقل مسكينه

 

[ام مهاوش]

ام ميمي حجزي من الحين بس شوفيلج مكتب ثاني ترا انا توني حاجزه الاسبوع اللي طاف دقي على اكثر من مكتب ماعليج منهم شنو 310 السعر اقل مايعدي 240

 

[نوارس الشوق]

بنات تخيلو توني دقيت على السفريات انا ابي بداية العطله على طول ومدة السفره 15 يوم فقط تخيلو يقول ماكو الا جم كرسي فاضي على القطريه وسعر التذكره 350 دينار والامارتيه سعرها 315 دينار ويقول وراح تصير اغلى بعد كل ماقرب موعد السفر ,,,,,,,,,

سألته اي احسن انطر العروض والا احجز قال شوفي هالسنه غير عن كل سنه هالسنه الناس كلها بتسافر وبترد بوقت معين قبل رمضان

شنو تنصحوني بنات احجز والا انطر ؟؟؟؟

هلا حبيبتي شوفي اي خطوط ثانيه
انا حجزت على البناني رخيصه وما فيها زحمه

والحقي ترا كل تأخير مو في صالحك
واتمنى لك رحلة سعيدة