بتسافرين النمسا والمانيا هالصيف؟؟!! حياج بتجمعنا صيف 2010

[ام مهاوش]

بنات ابي مكتب يسوي الشنغن ؟؟؟؟

والتامين مع الفيزا ؟؟؟ ولا شلون اسويييه ؟؟؟ انا ولا مرره سويت حق روحي هالسوالف !!!

بليز اللي عندها رقم المكتب تقوللي ... وفيزا النمسا تفرق عن المانيا ؟؟ ولا شلون ؟؟ كلهم معاهم تامين صحي ولا لازم انا اسويه

اي التامين مع الفيزا سعرهم حق اسبوعين 45 دينار وحق شهر 50 دينار
اي تفرق الفيزا الاحسن انج اطلعين فيزتج على اول دوله راح توصلين لها يعني اذا كنتي تبين تروحين فيينا اول اطلعينها من النمساويه واذا كنتي تبين توصلين ميونخ اول شي طلعيها على الالمانيه
الحين بدورلج رقم المكتب وبدزلج رساله على الخاص

 

[om 5aloody]

لوف هيت ما انصحج بمريديان فيينا لانه شوى بعيد عن السنتر وكئييييييييب

 

[ام مهاوش]

لوف هيت خالي مجرب فندق يوروباا بفيينا ويمدحه وايد بالسنتر يقول عجيب اذا تبين اعطيج الرابط حقه واسعاره حلوه

 

[ام مهاوش]

ام خلودي اشلونج واشلون السفره انشالله استانستي والحمدالله على سلامتج

 

[سيــدة الغــــيد]

سيدة الغيد يوروب بارك بمنطقه تبعد عن ميونيخ اربع ساعات اذا تبينها انا انصحج تروحين تنامين فيها
اما قارمش تبعد عن ميونخ ساعه هذي سهله وفينيسيا تروحين لها من زلمسي خمس ساعات المسافه بينهم

هلا ام مهاوش طيب انا سمعت ان يورو بارك كلها مفاصيخ انتي رحتيلها شكلي بهون عنها اذا جذي

وقارمش رحتيلها او عندج معلومات عنها اشرايج فيها تسوى الروحه لها
وسمعت ان بميونخ ملعب عالمي شسمه ؟؟؟ وفي مدينه العاب مثل دزني لاند عندج علم عنهم ؟؟؟؟؟؟؟

وبقيت رقم المكتب لان هالسفره زوجي معتمد علي اعتماد كلي هو بس البنك وانا ابي اسوي رحله ممتعه ومافيها اخطاء وانتي شنو الفنادق اللي سكنتي فيها لان اشوف نصحتي لوف بفندق بفيينا ماقلتي عن الفندق اللي انتي سكنتي فيه :klhfl:

اسألتي وايد سامحيني اييييي والميزانيه 3000 تكفي شامله السفره كلها تذاكر وسكن ومواصلات واكل وسياحه من غير مشترى والجووو برد راح يكون بسمبتمبر :jumpon:

ومشكوووووره مقدما فديتج ادري باذيج استحملينا :33_1185028183:

 

[سيــدة الغــــيد]

هلا وغلا حبيبتي سيــــدة الغيــــد

اي لما شفت ردج ؟؟ قلت تقريبا نفس الجدول

والله ليلحين ماسويت شي بس رحنا صورنا للفيزا اليوم !! الحمدالله سوينا اول خطوه ;p

وانشالله بدش بالنت بحجز موعد للفيزا ونروح انشالله الاحد لاني جيكت انه مو زحمه والموعد دايركت .. مكتوب انه من عقب شهر 1

لازم مواعيد مسبقه ومايندرى بروح وبشوف

التذاكر عندي خيارين يا امه الاماراتيه او القطريه محتاره بينهم لانهم تقريبا نفس السعر ... انا روحتي فيينا وردتي ميونخ او ابي اقلبها

روحتي ميونخ وردتي فيينا ليلحين ماقررت .. التذكر تقريبا 240 هالحروه غاليه شوي لانه الروحه من مكان والرده من مكان ..

للأمانه انا حاطه اسامينا بس ليلحين ما دفعت انشالله ناويه هالاسبوع بس اطلع الفيزا ..

والفنادق البحث جاري زلامسي انشالله فندق القراند ... وسالزبورج انشالله فندق ساخير ... فيينا انشالله فندق الميرديان ... " واذا عندكم

فندق احلى بفيينا بليز قولولي " وميونخ ليلحين مادري اي فندق ؟؟ لانه عندهم مهرجان شهر 9 سبتمبر فستيفل الفنادق وايد اوفر وقاعده ادور

شي حلو ماانغش فيه ... وانتي شنو جدولج ؟؟

هلا لوف تبين الصج انا تو قاعد اجمع معلومات ونفس يالله طلعنا صور للفيزا المشكله اني كنت ابي استراليا وخاطري فيها وزوجي يبي النمسا بالاخير رضخت له <<<<<<<<<<<<<<متعوب عليها :eh_s(2):
الرجال قوامون على النساء وقلت خلني اطلع بسفره احسن من ولاشي صارلي يومين احوس بمنتدانا ومنتدى مسافرون العرب
بس المهم الحين يعطون زوجي اجازه ادعيلي باجر يبين كل شي ماابي اتأمل 100% وبالاخير ماروح سفرتنا متوقفه على اجازته :eh_s(2)::eh_s(2)::eh_s(2):
ووناسه اذا في مهرجان احب هالسوالف بس اتوقع الاسعار دبللللل وانا بقعد فيها 4 ايام

 

[Love \ Hate]

هلا وغلا اممهاوش اللي فتحلنا هالموضوع الحلو

عطيني الرقم بليز مال السفريات شكلي جذي اقنعت ريلي باجر بنوديلهم الفيز ... بسالج ؟؟ الفيزا ماتصير سنين ؟؟؟

اذكر مرره ابوي سواها لنا 3 سنوات ..

زين بسالج ايهوا احسن ؟؟ السفاره من المانيا ولا النمسا ؟؟؟ صج معاملة المانيا مو حلوه ؟؟ مااخليها اول ديره ؟؟

انا عادي اخلي اي منطقه ابيها اول شي يعني يا المانيا او فيينا ... بليز فيدوني بسرعه

 

[Love \ Hate]

غريبه عاد الكل يمدح الميريديان ؟؟

يالله شوركم وهداية الله عطيني موقع يوروبا اشوف الافيلبلتي والاسعار حبيبتي ام مهاوش عيزت ادوره في بوكينج مالقيته

 

[Love \ Hate]

سيـــدة الغيـــد ..

آميييين انشالله يوافقون على اجازته وتروحون وتستانسون

واي جنج انا شفرتي على كف عفريييت لوووول ليلحين ماسويت شي .... انشالله انشالله هاليومين بشطب على كل شي ....

وترى ميونخ اي غاااليه هالفتره وايد والاسعار الدبل ... وانا شكلي بكنسلها !!! دورلي منطقه قريبه منها لييش ؟؟؟؟

لانه الهدف من ميونخ اول كان السوق والحين عقب ما وايت مسك الله يحفظها قالت انه بفيينا في اوت لت كبير وحلو خلاص بخلي السوق

في فيينا وماراح اسكن بميونخ بمرها .. وبسكن ياامه برست او سترازبروغ الفرنسيه اهما اقرب شي حق يورب بارك وانا ابي اروح

يورب بارك مشتهيا اروح لها

 

[ظلال القرآن]

رد : رد: بتسافرين النمسا والمانيا هالصيف؟؟!! حياج بتجمعنا صيف 2010

هلا وغلا حبيبتي سيــــدة الغيــــد

اي لما شفت ردج ؟؟ قلت تقريبا نفس الجدول

والله ليلحين ماسويت شي بس رحنا صورنا للفيزا اليوم !! الحمدالله سوينا اول خطوه ;p

وانشالله بدش بالنت بحجز موعد للفيزا ونروح انشالله الاحد لاني جيكت انه مو زحمه والموعد دايركت .. مكتوب انه من عقب شهر 1

لازم مواعيد مسبقه ومايندرى بروح وبشوف

التذاكر عندي خيارين يا امه الاماراتيه او القطريه محتاره بينهم لانهم تقريبا نفس السعر ... انا روحتي فيينا وردتي ميونخ او ابي اقلبها

روحتي ميونخ وردتي فيينا ليلحين ماقررت .. التذكر تقريبا 240 هالحروه غاليه شوي لانه الروحه من مكان والرده من مكان ..

للأمانه انا حاطه اسامينا بس ليلحين ما دفعت انشالله ناويه هالاسبوع بس اطلع الفيزا ..

والفنادق البحث جاري زلامسي انشالله فندق القراند ... وسالزبورج انشالله فندق ساخير ... فيينا انشالله فندق الميرديان ... " واذا عندكم

فندق احلى بفيينا بليز قولولي " وميونخ ليلحين مادري اي فندق ؟؟ لانه عندهم مهرجان شهر 9 سبتمبر فستيفل الفنادق وايد اوفر وقاعده ادور

شي حلو ماانغش فيه ... وانتي شنو جدولج ؟؟

اذا ما حجزتي تذاكر لي الحين شوفي طيران الخليج مسوين عروض مذهله اختي خذت حق عطله العيد كويت تايلاند كويت على 128 وتقول تذاكر المانيا نفس الشي

 

[Love \ Hate]

مشكوره حبيبتي ظلال .. الحين ادش اجيك الموقع ..

بس طيران الخليج شلونه؟؟ ينفع حق سفره بعيده 7 ساعات

 

[عسوله بيبي]

رد : بتسافرين النمسا والمانيا هالصيف؟؟!! حياج بتجمعنا صيف 2010

يااااااااااااااااااااااااااااي متى اتزوج وافر العالم مع زوجي واتناقش معاكم؟؟؟
مشكوره ياام مهاوش ع الموضوع الحلو؟؟؟؟؟؟؟؟؟؟؟؟؟؟

 

[dreamer_33]

لوف/ هيت
الفيز اريح لج المكتب
واذا بتكنسلون الاقامة بميونخ عندج ستراسبورغ او بادن بادن قرااب من يوروب بارك

بس شوفي شلون تضبطون الجدول


ظلالالالالالال .. شخبااارج حيااتي :hjy5jewf: وشلون امريكا انشاالله استانستوا ؟ :eh_s(6):

 

[ياشايل الظبى]

روعه الموضوع شكلى بقعد عليه اسبوع اقراه كله

حدى ودى اسافر النمسا

 

[Love \ Hate]

بنات بليز عطوني رقم المكتب مال الفيزا ماابي اتاخر اكثر ..

وفي احد عنده فكره عن فنادق سترازبورغ

 

[White Musk]

Love \Hate
اختيارج موفق لفندق سالزوبورج وفندق زيلامسي مواقعهم وايد حلوة
الله يسهل عليج امورج
وانصحج بالاماراتية واااااايد احلا من القطرية

 

[White Musk]

صبا الورد
الي بتسافر مع زوجها وتسا ل عن التكاليف والمصاريف اليومية : انا بحط لكم من تجربتي التكاليف لشخصين
حسبو حساب 130 يورو باليوم اعتقد كافية وراهية
اهم شي حجزي الفندق مع وجبة الريوق
وتعالي حسبي معاي
نقول 30 يورو وممكن اقل لوجبة الغدا
نقول 30 للتاكسي وعندكم فيينا ما تحتاجون تاكسي الا للأوت لت لأن كل التنقلات بالأندر قراوند ويمكن التاكسي ياخذ 100 يورو للاوت لت
باقي من 130 70 يورو
نقول 30 حد اقصى لسعر التذاكر
يبقة 40 يورو خلوهم للشاي والقهوة والحلو ووجبة خفيفة للعشا
حسبو حساب 100 يورو تنقل من منطقة لأخرى ومرات التاكسي من والي المطار ياخذ 100 او 80 يورو حسب مزاجهم
وحسبو حساب مشتريات بسيطة لا تزيد عن 500 يورو

نصيحة اخت لا تضيعون وقتكم بالسووووووووووووق شوف المناطق والطبيعة والشي الي ما تشوفونه بالكويت
والي تبي تروح النمسا ومشتهية تروح مدينة العاب وما في وقت تروح يوروبا بارك ممكن تروح مدينة العاب براتر في فيننا فيها العاب للكبار
والله يسهل الأمور عليكم وتسافرون وتستانسون يارب

 

[White Musk]

نصيحة اذا الرحلة قصيرة لا تتنقلون وايد شبعو من ديرة وحدة مثلا عشر ايام تكفي للنمسا ماله داعي المانيا الا اذا بترجعون من ميونخ ليلة وحده كافية على ميونخ
طبيعة انمنسا والجو العام فيها واااايد حلو تمتعوا وشبعوا عدل منها
بزيلامسي وسالزبورج بتحسون انكم ابطال فيلم كارتون وتتذكرون سالي وهايدي هههههههههه

 

[مزيونة الهيلا]

مرحبا

وايت مسك .......اشلونج ؟ ابي تقريرج عن رحلتج ......امستردام _بروكسل _باريس ما عليج امر

 

[Love \ Hate]

بنات وينكمممم ؟؟؟؟

بليز ام مهاوش ابي موقع فندق يوربا بالظبط عيزت ادوره ..