بتسافرين النمسا والمانيا هالصيف؟؟!! حياج بتجمعنا صيف 2010

[^^ام ميمي^^]

للاسف جاردينيا ماعندي فكره عن المناطق اللي ذكرتيها والا والله ما اقصر معاج


تدرين اشلون قوليلي المناطق اللي ذكرتيها وين علشان اسألج ناس اهل خبره واردلج خبر


ويارب عسى يخليلج مريومتج ويخليلي مريومتي قولي امين

 

[بـــاريـــس]

السلام عليكم

اخيرا تفعلت عضويتي

شفت الموضوع من فتره وتحمست معاكم بس عضويتي ما كانت مفعله

بس شكلكم سكتوا ورحتوا عني !!!


جاردينيا اتوقع لازم يكون معاكم سياره لانه الي ذكرتيهم قرى مو مدن فما يكون فيها اندرقراوند بس اكيد فيها باصات وقطارات



حبوبات ابي اسالكم عن فندق في ميونخ مرتب وحلو وسعره مناسب

 

[برازيليه22]

اببببببببببببببببببببب لعيونكم
وما راح اسافر اي مكان
نطره الوظيفه وقولوا امين اتوظف

 

[جاردينيا_2000]

للاسف جاردينيا ماعندي فكره عن المناطق اللي ذكرتيها والا والله ما اقصر معاج


تدرين اشلون قوليلي المناطق اللي ذكرتيها وين علشان اسألج ناس اهل خبره واردلج خبر


ويارب عسى يخليلج مريومتج ويخليلي مريومتي قولي امين

آمين اشكرج

 

[جاردينيا_2000]

السلام عليكم

اخيرا تفعلت عضويتي

شفت الموضوع من فتره وتحمست معاكم بس عضويتي ما كانت مفعله

بس شكلكم سكتوا ورحتوا عني !!!


جاردينيا اتوقع لازم يكون معاكم سياره لانه الي ذكرتيهم قرى مو مدن فما يكون فيها اندرقراوند بس اكيد فيها باصات وقطارات



حبوبات ابي اسالكم عن فندق في ميونخ مرتب وحلو وسعره مناسب

ويي مايحب زوجي اسوق هناك
مادري اسوق انا =)
اشكرج

 

[ريم القمردينه]

الله يوفجكم بس على فكرة المانيا غاليه

 

[أوكسجين]

مراستلكم من المانيا تحييكم

 

[أوكسجين]

قوه بنوتات شلونكم شخباركم اشتقتلكم والله

انا الحين ببلاك فوريست براشتات يم بادن بادن

اول امس وصلنا بالسلامه وامس رحنا اوروبا بارك

واليوم في بادن بادن رحنا السنتر وتمشينا وقعدنا في حديقه تينن

وتونا رادين الفندق بنصلي ونريح شوي ونرد نتمشى في راشتات

الجوووو حده عجييييييييييييييب

اتنقصتلكم اياه

وباجر انشاله بنروح انترلاكن

 

[^^ام ميمي^^]

هلاااااااا

وغلااااااا



بمراسلتنا اشلونج وشخبارج واشلون السفره ان شاء الله سهالات


قوليلنا متى تروحين ميووونخ و متى توصلين زيلامسي


وطلبج يا اوكسجين اذا شبكتي حتى لو انا مو موجوده كتبي بالتجمع او دزيلي على الخاص اشرايج بالفنادق اللي سكنتيها واحجز واااااهم شيء نيو بوست ؟؟

 

[حبيبة زوجها دوم]

هلااااااااااااااااااا والله حيا الله مراسلتنا ان شاء الله مستانسه بشرين شلون السفره ابي اسألج عن يورب بارك يقولون ما تسوى دزني احلا منها شرايج وجم تبعد عن ميونخ و اذا معاي جهال عادي الطريج و لا ملل و انزين جم سويتو الفيزا و من وين مكتب و لا على طول من السفاره لان سمعت ان السفاره ارخص من المكتب

عاد لا تصيرين مراسله كسلانه ردي علينا مو تلقين الوناسه و تنسين :dddds:


لا اتغشمر معاج الله يهنيكم ان شاء الله بس عاد ردي علينا ترى يويلج كل جم اسبوع ولاحقينج :eh_s(9):

 

[ديمـ77ــا]

اكسجين... تهنين انشاالله...

سجلي في نوته..كل ملاحظاتج...لاتنسين شيء..

بنات...وين ام مهاوش...عسى المانع خير...

 

[الحلا^^مبتليني]

مرحبااا بنات حبيت اطل عليكم واسلم
اكسجين بعد قلبي جيكي عالخااااص ضروووري وان شالله سااافره روووعه
ولاتنسين اطلين علينا بتجمعنا
ام مهاااوش لج وحشه وينج ماطلين على تجمعنا تسلمين شوفي انا احسن منج بين فتره وفتر اطل واسلم

 

[ام مهاوش]

مراستلكم من المانيا تحييكم

اهلا اهلا سوري ماسلمت عليج قبل لاتروحين كنت مشغوله بعرس بنت خالتي كان يوم الاثنين وبعدها على طول مرضت بنتي وتعبت وايد بعد عمري ولهيت معاها
الله يوفقج بسفرتج ويحفظكم وتردون بالسلامه يارب واستانسي كثر ماتقدرين ولاتنسين الصوغه هههههههههههه
صوغتنا التقرير لوسمحتي
ووافينا بآخر الاخبار من هناك

 

[%قبلة العجمان%]

وانا بعد وياكم

التخطيط للسفر كان من شهرين بس احترنا وين الوجهة؟؟

الحين عزمنا بإذن الله الرحلة راح تكون كويت_فيينا_سالزبورغ_زلمسي_ميونخ_الكويت

الحجز على طيران الأمارات
المدة 18 يوم
فيينا 5 ايام
سالزبورغ 4 ايام
زلمسي اسبوع
ميونخ يومان

وسيلة التنقل سيارة مرسيدس cl عن طريق شركة يوروب كار الاستلام في مطار فيينا والتسليم في مطار ميونخ

الميزانية مفتوحة وغير محددة

حاليا": جاري حجز الفنادق( اللي تقدر تفيدني بخصوص الفنادق اكون شاكرتلها)
الفندق الوحيد اللي تم حجزه جراند هوتيل زلمسي الليلة 90 دينار

 

[ام مهاوش]

هلا قبلة العجمان الله يتتم سفرتج على خير يارب وتروحين وتردين بالسلامه بس ماقلتي اي تاريخ سفرتج
واذا تبين فنادق تكلمنا عن وايد فنادق بهالمناطق
عندج فيينا خمس نجوم راديسون بلو وعندج اربع نجوم وبالسنتر موقعه بساحة ستيفانز اسمه هوتيل ام ستيفانز
وبسالزبورغ عندج ستين وبريستول وساخير وشيراتون وكراون بلازا
وزلمسي الحمدالله حجزتي
ميونيخ ميريديان ميركور ليوناردو هوليدي ان

 

[ام مهاوش]

الحلا مبتليني عذريني حبيبتي هاليومين انشغلت بعرس بنت خالتي ومرضت بنتي عشان جذي مافضيت بالمره بس نطروني راح افظالكم واقعد لكم قعده

 

[ديمـ77ــا]

ام مهاوش...ولكم باك...عقب العرس

اشلونكم يابنات التجمع...وشنو جد عليكم جديد...

اكسجين ...حنا بانتظارج...

 

[أميره بلا قصور]

عساكم ع القووه بناات وخااصه ام مهااوش شقررديه والله
انا معاكم من اول مانزلتوو الموضوووع وقلت لكم اناا بعد وياكم ان شاء الله هالصيف
بس تدرون مادري شفيني كسلاانه ماحجزت ولاتحركت ولا سويت شي
تعتقدوون يمديني اسوي شي...والا انطر معرض السفر 19/5
علما بأني ناويه ارووح ع شهر7 يعني قممممة الزحمه بس شسوي مرتبطه بسفرة صغييره قبلهااا

 

[^^ام ميمي^^]

هلا وغلا الكادي

انا قبل امس مريت على السفريات وسألتهم عن معرض السفر قالو مافي شيء اسمه معرض السفر بالكويت

معرض السياحة والسفر فقط ينزل بدبي واتشارك فيه بعض مكاتب السفريت بالكويت ومن عقبه يحصلون عروض حلوه وقالت يوم السبت يوصلون الموظفين اللي معاهم من دبي يعني اليوم اعتقد وتقول اكثر شيء اتصير العروض على الفنادق والرحلات ومو على التذاكر وتقول اكثر شيء يصلح حق القروبات يعني مو الرحلات الفرديه

 

[ام مهاوش]

عساكم ع القووه بناات وخااصه ام مهااوش شقررديه والله
انا معاكم من اول مانزلتوو الموضوووع وقلت لكم اناا بعد وياكم ان شاء الله هالصيف
بس تدرون مادري شفيني كسلاانه ماحجزت ولاتحركت ولا سويت شي
تعتقدوون يمديني اسوي شي...والا انطر معرض السفر 19/5
علما بأني ناويه ارووح ع شهر7 يعني قممممة الزحمه بس شسوي مرتبطه بسفرة صغييره قبلهااا

هلا فيج اختي الكادي واشتنطرين ماحجزتي يالله لحقي على الحجوزات ترا كلمالها وتزيد الاسعار ومادري عن معرض السفر بصراحه انا احتمال احجز فنادق من النت والتذاكر حزتهم من كتب سفريات