بتخلون عيالكم يداومون حضانة اول 12؟

[ورد وردي]

السلام عليكم

بنات انا من الحين افكر وان شاء الله بستخير بس قلت اشوف البنات خصوصا ان الشتاء يقولون ممكن يزيد مرض افلونزا الخنازير

وجزاكم الله خير

 

[ام عفاف الكويت]

بنتي داومت بالبلاي قروب
وايد متشددين هي كي جي ليسنر
وهمن الحضانه مداومين
بس محولين الدوام من 4 الى 7 مساءا

 

[ورد وردي]

مشكورة حبيبتي يعني امان ان شاء الله ماتحاتين

 

[ريماا]

ولدى بالبرى كى وان شالله بخلية يداوم
مدرسة ماخذة الاحتياطاات الحمدلله

 

[برينجلز الاصلي]

حبيبتي الله الحافظ وطبيعي بنخليهم يداومون انا عيالي صار فيهم وراح الحمدلله ربج يحفظهم ان شاء الله

 

[Miss_Tiger79]

حبيبتي الله الحافظ وطبيعي بنخليهم يداومون انا عيالي صار فيهم وراح الحمدلله ربج يحفظهم ان شاء الله

بأذن الله بخيها اداوم

برينجلز قوليلي عفيه شصار بعيالج لما يتهم وجم أعمارهم؟؟
والحمدلله عى سلامتهم

 

[حلم الطفولة]

ان شالله بخليها تداوم .. ودّي حتى اليوم قبل باجر ,,
أظن الانفلونزا دارت على كل بيت بالكويت .. ناس يتهم خفيفه وناس نص ونص وناس قويه ..
الله يرحمهم برحمته ويغفرلهم اللي توفو منها .. ,, على كلام الدكاتره حالات خاصه وقليله ,,

الله يحفظنا وإياكم ويحفظ عيالنا وعيالنا المسلمين .. آمين . ماكو إلا العافيه ان شالله

 

[bella bambina]

والله اذا يخلونهم يداومون مستعدة أوديها هالأحد والله هالمرض معطينه أكبر من حجمه

 

[كويتية صغيرة]

ألحين
بعد
كل هالضجة
و كل هالاعتراضات
اللي سويتوها .... و بعضهم وصل الموضوع مجلس الأمة
لتأجيل الدراسة

علشان محد يداوم
بالمدارس
علشان خايفين على عيالكم

و اخر شي راح تخلونهم يدامون بالحضانة !!!!!!!!!

انا بس سؤال في بالي: لو وزارة التربية قررت عدم تأجيل الروضة و الحضانة ؟ و انه يداومون مع الابتدائي ....... شنو راح يصير فيهم ...... شنو الحروب اللي راح يواجهونها بسبب عدم التأجيل ..... و ألحين بعد التأجيل ..... الكل يبي يودي عياله اليوم قبل باجر

سبحان الله طبيعة الإنسان يناقض نفسه
احيانا اكتشف ان هناك صفة في الشعب الا و هي
الاعتراض لمجرد الاعتراض
و ان دائما كل شي مو عاجبة
اذا ما أجلوا الدراسة ...... مو عاجبهم
و اذا اجلوا الدراسة ..... بعد موعاجبهم

انا اقول شرايكم :
اقترح يسكرون كل الروضات و الحضانات سنة كاملة بسبب انفلونزا الخنازير .......شرايكم بالاقتراح ؟...... اتوقع الكل راح يعارضنى ...... موهذا نفسه كلامنا من شهرين ..... انهم اطفال و مناعتهم قليلة و بسهوله يحتكون ببعض لومهما خذينا احتياطات !!!!........ اذن ما الذي تغير الآن

اللي تغير ان الإنسان الكويتي دائما معترض على كل شيء .... سواء في مصلحته او ليس في مصلحته
اللي تغير ..... ان الأطفال ملوا من قعدة البيت ..... و متعودين على الطلعة صبح و عصر و الشعب الكويتي مايعرف يقعد بالبيت
اللي تغير ...... ان المرض منتشر بالكويت بالدرجة الاولى اكثر من باقي الدول .... و منتشر قبل لاتبدأ المدارس(من شهر 9 بعد عودة المسافرين) و كلنا نعلم هالشي ... و مع ذلك نقول لانريد مدارس نعم للتأجيل و سوينا صيحة و صلنا الموضوع لمجلس الأمة..... و ألحين لما ملوا من قعدة البيت .....نعم للحضانة و الروضة بعد و لا للتأجيل

 

[قلبي ابيض]

ألحين
بعد
كل هالضجة
و كل هالاعتراضات
اللي سويتوها .... و بعضهم وصل الموضوع مجلس الأمة
لتأجيل الدراسة

علشان محد يداوم
بالمدارس
علشان خايفين على عيالكم

و اخر شي راح تخلونهم يدامون بالحضانة !!!!!!!!!

انا بس سؤال في بالي: لو وزارة التربية قررت عدم تأجيل الروضة و الحضانة ؟ و انه يداومون مع الابتدائي ....... شنو راح يصير فيهم ...... شنو الحروب اللي راح يواجهونها بسبب عدم التأجيل ..... و ألحين بعد التأجيل ..... الكل يبي يودي عياله اليوم قبل باجر

سبحان الله طبيعة الإنسان يناقض نفسه
احيانا اكتشف ان هناك صفة في الشعب الا و هي
الاعتراض لمجرد الاعتراض
و ان دائما كل شي مو عاجبة
اذا ما أجلوا الدراسة ...... مو عاجبهم
و اذا اجلوا الدراسة ..... بعد موعاجبهم

انا اقول شرايكم :
اقترح يسكرون كل الروضات و الحضانات سنة كاملة بسبب انفلونزا الخنازير .......شرايكم بالاقتراح ؟...... اتوقع الكل راح يعارضنى ...... موهذا نفسه كلامنا من شهرين ..... انهم اطفال و مناعتهم قليلة و بسهوله يحتكون ببعض لومهما خذينا احتياطات !!!!........ اذن ما الذي تغير الآن

اللي تغير ان الإنسان الكويتي دائما معترض على كل شيء .... سواء في مصلحته او ليس في مصلحته
اللي تغير ..... ان الأطفال ملوا من قعدة البيت ..... و متعودين على الطلعة صبح و عصر و الشعب الكويتي مايعرف يقعد بالبيت
اللي تغير ...... ان المرض منتشر بالكويت بالدرجة الاولى اكثر من باقي الدول .... و منتشر قبل لاتبدأ المدارس(من شهر 9 بعد عودة المسافرين) و كلنا نعلم هالشي ... و مع ذلك نقول لانريد مدارس نعم للتأجيل و سوينا صيحة و صلنا الموضوع لمجلس الأمة..... و ألحين لما ملوا من قعدة البيت .....نعم للحضانة و الروضة بعد و لا للتأجيل

حبيبتي الانسان عدو ماجهل

وفعلا فالبداية الكل خاااااااااف لتضخيم الاعلام للمرض لكن بعد ما الناس قامو يشوفون ان صغار السن من المرضى وكبارهم قامو يتشافون الاغلبية فهمت ان المرض اذا احتطنا منه وعالجناه سيطرنا عليه

بس انتي ليش زعلانة ؟؟ ما تبين تدوامين لاتداومين ترا المسأله مو مسألة الشعب الكويتي متعود عالطلعة او كله يعترض

 

[ورد وردي]

مشكورين عالردود الحلوة


بنات انا اختفيت عن الموضوع مادري شفيني المهم الي عرفناه الحين ان المرض شي عادي مجرد صخونة يومين او 3 وتروح وماكو شي يخوف

بس الي مخليني مترددة ان اهم خايفين من تحور المرض وهالشي للحين ماصار وان شاء الله مايصير لكن الي سمعتة مادري اذا صح والا لا ان تحور المرض خطر ......... وهالشي اعيد واقول ان ماصار لكن خايفين يصير بالشتاء

فهالنقطة مو قاعد تفكرون فيها ولا مخوفتكم؟؟؟؟؟؟؟؟

 

[سفرجل]

والله انا كنت ضد موضوع التأجييل
وبعدييين معطيين الموضوع اكبر من حجمه
وانا لو يحصلي اخليهم يداومون اليوم قبل باجر
الصراحه اعيالي ملووا وانا بعد مليييت

 

[رفرف]

انا بخليها تداوم انشالله ..

وانا كنت معترضة على الدوام .. صح .. لكن اذا كان التأجيل مبرر ..
اللي صار اولا تهويل اعلامي من الدرجة الاولى ... ما ندري شنو المرض او شنو يسوي حتى الدكاترة مو عارفين ..
ثانيا تأجل الدوام بس علشان يسكتونا .. لا تجهيزات .. لا استعدادات .. لا تطعيم .. ولا شي .. عيل ليش التأجيل ؟؟
وانا اتحدى اللي يقول ضد هالحجي ..
انا مدرسة بالتربية يابولنا معقمات بس بدون عمالة يعني الفراشات يالله يلحقون يسوون شغلهم اليومي وين اللي بينظف بعد الفرص وبين الحصص .. الله وكيلكم انا مختبر حاسوب ما يتنظف الا كل 3 او 4 ايام مرة هذا والمختبر اخطر مكان لأن الجهاز الواحد يستعملونه 3 او 4 بنات باليوم .. !!
صح وحطولنا غرفة للنيرس بس ماكو ممرضة ولا شي ومعقمات اليد خلصت ولا في غيرها ..
وسوو دورة للمعلمات كلللللهم حشرو كل معلمات 3 او 4 مدارس بمكان واحد (خوش تعليمات منظمة الصحة) وعلموهم شلون يغسلون ايدهم علشان بس يقولون احنا مستعدين ..
عيل ليش التأجيل ؟؟ لا والله خل يداومون ويستفيدون لأنهم عمرهم ما راح يستعدون ولا شي دامهم مقتنعين بسياسة كلو تمام يافندم ..

احنا قلنا يأجلون لين يلقون لنا حل بهالمرض .. بس مردهم عيالنا داومو بدون استعدادات ..
والكبير اللي داوم لي حاشه بيعدي الصغير حتى لو غيبناه من الحضانة او الروضة !
يعني صبه حقنا لبن ! ما سوينا شي ..

 

[ورد وردي]

حلووة صبا حقنة لبن والله ضحكت

انزين بنات والتحور مو خايفين منه ؟؟؟؟؟خاصة ان حضانة مو شي ضروري

 

[زوزو الحلوه]

ورد وردي شنو قصدج التحور؟وكويتيه صغيره لازم ماتعممين على الكل في وايد ناس حوالينه ماكانو يبون التأجيل ماشين على البركه وفي ناس قله هذول القله الي وصلوا لي الاعلام وهولوا السالفه اهم الي يبون التأجيل تم التأجيل واحنا ابتلشنا في وايد ناس وانا منهم توهقوا وين يحطون عيالهم مافي خدم عندهم وظروف وايد حدتهم على الحضانه فمومعقوله هاذي الناس الي محتاجه انه عيالهم يروحون المدارس والحضانات لانه ماعندهم احد يجابل اعيالهم اهم طالبوا بتأجيل المدارس والحضانات
حدث العاقل بما يعقل

 

[ورد وردي]

اقصد التحور ان يقولون ان الفايروس يمكن يطور ويصير اشد شراسة وهذا الفايروس المطور اهو الخطر

 

[زوزو الحلوه]

حبيبتي السالفه كلها تهويل اول شي الفيروسh1n1مركبينه ومايتطور الي اذا طوروه وينشروه علينا والله يخلي الي عندنا تهويل بتهويل مالا داعي الله يحفظهم وكلها انفلونزا وتعدي انشالله

 

[عيش و مرق]

صباح الخير المرض فعلا تحور بس مو عندنا تحور باستراليا وانشاله مايتحور عندنا وحتى لو استعدو منىىىى لى السنه اليايه هذه المرض خارج نطاق السيطره لان ينتشر بالهوا شلون يمسكونه الله الحافظ

الدنيا ماشيه محد واقف وبنتى ملت كل يوم اتقولى متى ادروح المدرسه مير الشطانه زايده من الملل

 

[ورد وردي]

بصراحة كا ما اسئل احد غالبيتهم مو مهتمين وبيودون عيالهم فإن شاء الله بستخير وبشوف الي ربي يكتبه اهو الخير اكييد

جزاكم الله خير

 

[katko_ota]

حبيبتي اول شي الحافظ رب العالمين
احنا بالوقت هذا كل مكان نودي عيالنا ما اعتقد انج حاكره عيالج في البيت يعني الحين كل مكان اليهال يروحون بخاف عليهم من الحضانه واسمحيلي هذا راي الشخصي في الموضوع واتمنى انج تتقبلينه في صدر رحب