أحلى همبه كويتية
**مشرفة قسم مائدتك**
المقادير :
نص كيس المعكرونة القواقع الكبيرة سلقتها بماي وملح ونقط من الزيت
وشخلتها
الصوص الأحمر انا دايما اسوي كمية كبيرة واحطه بالفريزر بتبر ويرات كل وجبة بروحها
للزنقات
مقادير الصوص :
طماط مبشور خشن يمكن استحدام الخلاط بس لا تخلينه يصير ناعم وااااااايد
ماجي
بصل
بقدونس او كزبرة مفرومة
3-4 ملاعق بودرة صوص الأسباجيتي ( كنور او ماجي )
جزر مبشور
فلفل رومي اخضر او احمر مقطع صغير ( اختياري )
معجون طماط
ملح الليمون
لومي اسود ناعم
ثوم مدقوق او ناعم
كمون
زيت
طريقتها :
حمست بصل لما يشقر شوي
اضفت عليه جزر مبشور او مكعبات صغيرة بس يفضل المبشور مع فلفل اخضر رومي صغير
وحسمتهم لما ينشف الماي واضفت عليهم بقدونس مفروم او كزبرة ( انا عندي الأثنين )
واحمس
- نضيف الزيت + مكعبين او اكثر ماجي + بودرة الأسباجيتي مالت كنور او ماجي ( 3 - 4 ملاعق حسب الكمية ) + الثوم مع الحمس المستمر
- نضيف الطماط المفروم بالخلاط بس خشن مو يصير مثل الماي ماله معالم ( انا مسوية كمية كبيرة )
- نضيف شوية ملح الليمون + لومي أسود شوية + كمون شوية ( يفضل ما تضيفين بهارات غيرهم وخصوصا حق المعكرونة لأن يتغير الطعم )
- فوقهم علبتين معجون طماطم كي دي دي
واخليهم يطبخون على النار لما تثقل ، طبعا تشوفين الملح اذا تبين زيادة او مكعب ماجي ثاني
وبعدين بس تبرد اوزعهم بالعلب عشان احفظهم بالفريزر
الطريقة :
دهنت البايركس بشوية زيت
حطيت المعكرونة المسلوقة
بعدين من الصلصة اللي سويناها
الحين دور البشاميل
انا سويت العادي مال بالبيت
3 قلاصات ماي
4-5 ملاعق حليب بودرة ( سوي حليب عادي بطريقتك )
حبة ماجي
4-5 ملاعق طحين ابيض ( زيدي الطحين اذا تبينها شوي اثقل)
شوية زيت او زبدة
4 شرايح جبن سلايسز
- خلطتهم بالخلاط وحطيتهم على النار
- واحركهم باستمرار
- اضفت شرايح جبن سلايسز عليهم لما تثقل الخلطة
- يمكن اضافة ملعقتين جبن قلاص كرافت اذا تبين طعم الجبن يبين اكثر
بس اذا تبين اللي بالأكياس الجاهزة
كيس واحد بالطريقة المكتوبة عليه - تضيفين عليها 3 قطع جبن سلايسز ومكعب او نص ماجي
وتحطين على المعكرونة
يمكنك اضافة بيضة عقب ما تخلص الصوص وشوي تبرد - تخلطينها عدل
يعطيها طعم غير وايد حلو
الوجه رشيتها بالبابريكا
بس لما خلصت المعكرونة وذقتها طلعت حاطة فلفل احمر حار مو بابريكاااااااااااااا
:dddds::dddds:
وبعد الهجوم السريع
نصيحة : عقب ما تطلعينها من الفرن خليها تبرد شوي عشان تصك الصوص نوعا ما تطلع احلى
اختياري : قبل لا ترشين البابريكا رشي شوية بقسماط وجبن بارميزان
تصير انطع وانطع
والناس اذوااااااااااااق
وبالعافية
جربوها جدا لذيذة
التعديل الأخير:
