باركوووو لي سويت عملية التكميم ولله الحمد

[جمانه2009]

رد: باركوووو لي سويت العملية ولله الحمد

اي والله مالي الا الورد
النت ماله امان مثل ماقلتو
حبايبي سامحوني عالتاخير
بس والله اليوم مثل ماخبرتكم كتبت موضوع اشطوله وبالصور الا بعدين خذلني النت :eh_s(16):
سشوي راح احاول اجمع افكاري من جديد والله المستعان

طبعا حبايبي خبرتكم ان ديانا كرزون كانت سبب كبير في الخطوه اللي انا اتخدتها ولله الحمد
وهذه صور ديانا قبل وبعد من باب التشجيع

وهذه صور لها بعد العمليه وانزال الوزن

هاااا شرايكم فيها حلووووه صح ؟؟
انا بصراحه من شفتها جنيت
قلت مستحيل يكون هذا رجيم لازم فيه سر خطير ورا هالجسم الخيالي ...
ومعروفه عن ديانا انها شرهه في الاكل وتعشق الطعام مثل ماقراءت عنها يعني اي رجيم تتبعه راح يجي يوم تميل للاكل اللي انحرمت منه وتسمن مره ثانيه
بس ماشاء الله عليها مواصله ومحافظه ...
ومن اهني كانت البدايه للبحث والتقصي هههههه المحقق كونان مو جمانه :eh_s(10):
وبالفعل قراءت اكثر من موضوع لقرابة الشهر وانا ابحث لحد ماعلمت انها سوت عمليه تحوير للمعده
وهذه احدى الاخوات في المنتديات كاتبه عن نفس الموضوع شوفوا شنو تقول
اللي سمعته انها مسويه عملية تحوير الامعاء اتوقع سمعتو عنها قبل ... وهي تجاوز المعده ( قاسترك باي باس ) حتى مسويه تصريح للصحافه بها الموضوع وذكرته للناس والصحفين ... حتى هي اختفت فتره سنه بعد العمليه على بال مانزل وزنها ... وقالت انها ما سوت اي عمليه تجميل ... بمجرد عمليه المعده هذه + رياضه قاسيه يوميا ...

وفكرة ها العمليه ان المعده تنقص وتصير مره صغيره وبرضو الامعاء تنقص وتنوصل بالمعده ... والجزء الي ينقص من الامعاء هو الجزء الي يمتص الدهون ... فيكون مهما تاكل دهون وحلويات وحركات ... جسمها مايمتص زي الجسم العادي
وانا ماصدقت خبر من اكتشفت السر على طول بحث عن نوعية هالعمليات ونتائجها وكم نسبة نجاحها وسلبياتها وايجابياتها واشهر الاطباء
واتضح من خلال البحث ان اشهر الاطباء اللي اجروا مثل هالعمليات موجودين في المملكة العربية السعوديه مثل الدكتور المعروف سلطان التمياط وبصراحه عجبني هالدكتور وكنت اتمنى اسوي العمليه عنده بس للاسف لظروف خاصه ماكنت اقدر اسافر لعنده كوني ابغي الشي سري محد يدري عنه لا اهلي ولا حتى خطيبي
فصابني الاحباط من جديد وقلت انسى امر العمليات لعلها صلاح وبالفعل صار همي بس ابحث عن انواع جديده للرجيمات والحميات وبالصدفه وانا ادور في النت لقيت موقع لمستشفى في البحرين فيه دكتور لبناني اسمه حسين عافور يجري هالعمليات بس انا ماقط سمعت عنه فقلت خلني اتصل واتاكد من الموضوع وبالفعل اتصلت وحجزت اقرب موعد للقاء الطبيب كونه كان مسافر فتاخر الموعد لحد ماوصل وعلى طول اول يوم له في العياده كنت انا بانتظاره وقابلته وكلمته عن حكايتي وشرح لي كل العمليات وشنو يصير فيها بالضبط شرح مطول ومن كلامه اقتنعت اسوي العمليه عنده وفي نفس اليوم سويت التحاليل والفحوصات كامله واتفقنا على موعد للعمليه تاريخ 23/3/2009 بس اختار لي عملية سليف تكميم معده لانها انسب لي مثل ماقال وماتتصورون اي كثر كانت فرحتي اني بسوي العمليه بس اللي صار ان الدكتور سافر واجل العمليه ولما وصل صار يماطل بكثره فخلاني اشك واخذ خيره وقلت خلاص مابسويها عنده وبالصدفه كانت لي صديقه تبغي تسوي نفس العمليه وسالتني ادور لها عن دكتور شاطر غير الدكتور اللي اخترته انا اول مره لانها مو مقتنعه فيه وانا قبل العمليه كتبت موضوع في هذا المنتدى اخبر الجميع اني بسوي عملية تكميم واطلب دعاوتهم لي بالسلامه وبالصدفه لما تاخرت عمليتي عند الدكتور البناني ردت عليه وحده تقول انها سوت العمليه عند دكتور مشهور عندنا في البحرين اسمه الدكتور خليفة بن دينه وبالفعل قلت لصديقتي عنه فطلع انها عندها اسمه واتحرت عنه وطلع فعلا اشهر دكتور في المملكة واجرى مثل هالعمليات وااااايد وانا ماادري
وماجذبت خبر وعلى طول تحريت انا بعد واخذت رقم تلفونه وحجزت موعد قريب وقابلته

ياربي تعبت بجد بكمل بعدين ​

 

[aljoory_62]

رد: باركوووو لي سويت العملية ولله الحمد

حمد لله على السلامة وانا ناطرتج تقولين جم صار وزنج لأن زوجة اخوي خذت موعد في الأميري راح تسويها في شهر 5

 

[صدى الأفراح]

رد: باركوووو لي سويت العملية ولله الحمد

يلاااااااااااا كملي متابعينك ربي يتمم عليكي يارب

 

[كرواسان]

رد: باركوووو لي سويت العملية ولله الحمد

الحمدلله على سلامتج
بس التكميم نفسها تغيير مسار ولا غيرها لاني مفكره بتحزيم المعده

 

[أم الفهود]

رد: باركوووو لي سويت العملية ولله الحمد

_03ba:الحمدلله علي السلامة
وعطينا كل المعلومااااات
نبي اسم المستشفى -اسم الدكتور -
شنو عمليتج -جم كان وزنج -والحين جم صار وزنج -
وبجم تكلفتها -وومتي سويتيها -وبنجج موضعى اوبنج عام
شفتى الاسئلة ياللة عاد ردى ياحبوبووووووووووووبة:_03BA:_03BA:

 

[جمانه2009]

رد: باركوووو لي سويت العملية ولله الحمد

حمد لله على السلامة وانا ناطرتج تقولين جم صار وزنج لأن زوجة اخوي خذت موعد في الأميري راح تسويها في شهر 5

ربي يقومها بالسلامه ان شاء الله وطمنيها وان شاء الله يكون طبيبيها شاطر
وبالنسبة للوزن ترى نزلت وااايد قولوا ماشاء الله
بس مابقول الحين بخليها مفاجاه هههههه ​

 

[جمانه2009]

رد: باركوووو لي سويت العملية ولله الحمد

يلاااااااااااا كملي متابعينك ربي يتمم عليكي يارب

ويتمم عليكي اختي انتي وكل البنات ويارب كل وحده توصل للوزن المثالي قولوا آمييييين​

 

[جمانه2009]

رد: باركوووو لي سويت العملية ولله الحمد

الحمدلله على سلامتج
بس التكميم نفسها تغيير مسار ولا غيرها لاني مفكره بتحزيم المعده

لا اختي التكميم هو ازالة اغلب المعده المسببة لافراز هرمون الجوع وتير المعده على شكل موزه صغيره جداااا ويسمونها الاطباء سليف
تغيير مسار هو التحوير على مااعتقد
وهذه بيانات اكثر عن العملية اللي انا سويتها وان شاء الله تستفيدي

عملية قص المعده الطولي (التكميم او السليف ) Sleeve
هذه العمليه حديثة العهد اصبحت احدى العمليات التي اوصى الاتحاد العالمي للبدانه بادراجها ضمن عمليات جراحات البدانه
يعود تاريخ هذه العمليه في الواقع الى قبل ذلك بسنوات حيث انها كانت تجرى كخطوة اولى لعمليات عدم الامتصاص وتغيير مسار العصاره الصفراويه والبنكرياس وهي نفس مفهوم عملية سكوبينارو ولكنها تجرى على خطوتين .
يتم في الخطوه الاولى عمل قص طولي في المعده يستأصل تقريبا 70% من حجم المعده ويترك ما سعته 150 مليلتر ثم ياتي المريض بعد 6 اشهر ويجري تغيير مسار العصاره واجراء التوصيلات وهذا يقلل من مضاعفات مثل هذه العمليه الكبيره والتي غالبا تجرى لذوي الاوزان الكبيره لانها تمت على مرحلتين .
لاحظ الاطباء ان 50% من هؤلاء لم يعودوا بعد 6 اشهر لاجراء الجزء الثاني من العمليه وهذا دليل على ارتياحهم لفقد الوزن الذي تم في هذه الفتره البسيطه لذا بدأ الاطباء بالتفكير بعمل هذه العمليه (التكميم) كعمليه دائمه وتم تغيير بعض المفاهيم مثل جعلها اصغر ثم بعد ذلك تغيير الشروط المطلوبه وبدأت تقريبا من 4 سنوات ونحن نراقب نتائجها الا ان الفتره قصيره للغايه لكي نطلق حكم نهائي , الا ان المعلومات المتوفره ممن اجرى التكميم كخطوه اولى ولم يعد للعمليه الثانيه غير مشجعه حيث ان كثير منهم اعاد وزنه بعد عامين من العمليه والسبب بسيط ان هذه المعده االطويله والرفيعه تمددت واصبح الحجم تقريبا 300 الى 400 مليلتر وبالتالي لا تسمح بفقد الوزن ولا حتى المحافظه عليه !!!
السؤال المطروح الان هل ننصح بها ؟؟؟
قبل الاجابه هنالك اشياء يجب معرفتها اولا في تاريخ البدين مع الانظمه الغذائيه وانواع الاطعمه المفضله لديه ومدى قابليته للاتزام مستقبلا بنوعية الطعام المقترحه لان هذه العمليه بها اكبر الاحتمالات لاعادة الوزن السابق ما لم يتم الالتزام بالغذاء الصحي وعدم تناول وجبات كبيره تسبب تمدد المعده مع مرور الوقت
اذا هي خيار مطروح كعمليه تتحكم بحجم المعده ولا تلعب اي دور في عملية عدم الامتصاص التي تصاحب التحوير اوسكوبينارو (تغيير مسار عصارة البنكرياس والمراره) وبالتالي ليست لها مضاعفاتها مثل نقص الفيتامينات والمعادن البسيطه في حالة التحوير والعاليه في حالة سكوبينارو
اهم مضاعفاتها هو التسريب حيث ان مكان القص الطولي طويل ويوجد نسبة تسريب من 2 الى 5% في بعض الدراسات ربما اكثر من التحوير والسكوبينارو
اذا الاجابه تتم فقط بعد استشارة الطبيب ومراجعة تارخك الغذائي وايضا استعراض جميع الخيارات الاخرى
من المهم جدا ان يكون الجراح يجري جميع هذه العمليات لكي يعطيك رأي صريح وليس فقط يجري التكميم والتي تعتبر اسهل هذه العمليات بالنسبة للجراح , بينما ينبغي لك ان تختار العمليه الاسهل والافضل لك انت .
ملاحظه : اتفقت انا وزملائي الجراحين ان نطلق عليها اسم التكميم بالعربي او نقول سليف كما هو الاسم بالانجليزي ونتجنب وصفها بالقص او التدبيس زذلك ليتسنى لكم فهمها وعدم الخلط بين العمليات لذا ارجو ان تعمم هذه التسميه لديكم وانا بانتظار ارائكم وردودكم
سلطان التمياط
شرم الشيخ 2/مايو / 2008
ماهي ايجابيات عملية تكميم المعده ؟!

1- تصغير حجم المعده يزيد من الاحساس بالشبع .
2-تؤدي المعده وظيفتها طبيعيا بما يسمح ان جميع انواع الاطعمه قابله للاكل لكن بكميات قليله.
3-الجزء من المعده الذي يفرز الهرمون المحفز للجوع Ghrelin يتم استئصاله.
4-لم اعرف اترجمها للعربي بحاول اشرحها من فهمي انه لايوجد للدامنبق سيندروم وهي تسارع دقات القلب والاحساس بالتعب بعد الاكل ودوخه والكثير من عمل التحوير يعاني منها ..
5-تبقى الامعاء ووظيفتها سليمه والامتصاص سليم لذا لا يحتاج اخذ فيتامينات ومدعمات.
6- من الممكن اجرائها بالمنظار .
7-وتعتبر اسهل من التحوير واقل مضاعفات
8- تستهلك وقت اقل من التحوير وحتى لا تحتاج وقت بالمستشفى اذا لك تكن هناك مضاعفات.
9-لايوجد اجسام غريبه يتم زراعتها بالجسم مثل الربط.

وهذه هي الايجابيات التي تمتاز بها التكميم

والان ماهي السلبيات الممكنه لعملية التكميم ؟

1-عملية التكميم نزول الوزن فيها يعد اقل من التحوير ومن الممكن رجوع الوزن .
2-تعتبر علاج موقت ومن الممكن عمل التحوير بعد اجرائها اذا لم تتحقق النتايج المطلوبه
3-من الممكن توسع المعده مما يؤثر على الوزن المفقود .
4-النتائج على المدى البعيد لم يتم تقيمها.
5- لازلت تحت دراسة الاطباء والجراحين .


اتمنى الجميع يستفيد وارجوا اسموحه منكم اذا لك يتضح لكم اي شي لكني حاولت ان انقله لكم باللغه العربيه وتسهيله لكم وباذن الله سوف احاول ان اجاوب على اي استفسار بخصوص الموضوع ..

طبعا المعلومات منقوله من موقع الدكتور سلطان التمياط للامانه​

 

[جمانه2009]

رد: باركوووو لي سويت العملية ولله الحمد

_03ba:الحمدلله علي السلامة
وعطينا كل المعلومااااات
نبي اسم المستشفى -اسم الدكتور -
شنو عمليتج -جم كان وزنج -والحين جم صار وزنج -
وبجم تكلفتها -وومتي سويتيها -وبنجج موضعى اوبنج عام
شفتى الاسئلة ياللة عاد ردى ياحبوبووووووووووووبة:_03ba:_03ba:

هههههه كل هذه تحقيق هههه
اسم دكتوري ذكرته في سرد حكايتي مع السمنه وهو الدكتور خليفة بن دينه ربي يوفقه دنيا واخره
تكلفة عمليتي الفين دينار فقط وسويتها في مستشفى السلمانيه في مملكة البحرين
طبعا ماحسبت دخولي عالدكتور والتكاليف اللي دفعتها العمليه غير وهذه غير هههههه
وعمليتي مثل ماقلت عملية تكميم معده اي سليف
ووزني كان 95 وصار ............... انتظري المفاجاه ههههههههههههه
وعمليتي كانت تاريخ 9/4/2009 مثل ماذكرت سابقا
وبنج عام ههههههههههههههه
وحياج الله خيووووو​

 

[حصوص الكويتية]

رد: باركوووو لي سويت العملية ولله الحمد

ماتشوفين شر

 

[جمانه2009]

رد: باركوووو لي سويت العملية ولله الحمد

ماتشوفين شر

الشر مايجيكي اختي والف شكر لج​

 

[جمانه2009]

رد: باركوووو لي سويت العملية ولله الحمد

طبعا خبرتكم اخر شي اني خذيت موعد عالدكتور خليفه بن دينه اشطر دكتور في البحرين ومحصل وسام التميز من عند الملك حمد يحفظه ربي ولما قابلته خبرته بقصتي كلها شوي وبصيح له هههههههه
قالي مشكلتج عاديه وانا اشوف وزنج مو ذاك الزود
وزني كان 95 ويقول مو ذاك الزود اجل يبغيني اكون كم عشان يقتنع ؟؟
المهم انا حدي كنت مقهوره وقلت له سوي لي حل وشوف شنو يناسبني من عمليات السمنه اللي تسويها
فقال لي انسب شي لج عملية تكميم بس انتي اختاري اللي تبغين انا مااقدر افرض على اي مريض عمليه وهو مو مقتنع
فقلت خلاص خلها تكميم
وبالفعل سوي لي الاوراق لدخول المستشفى بتاريخ 8/4/2009 عشان اسوي كل الفحوصات من دم واكسجين واشعه ونسبة الهواء وغيرها
وضاع ذاك اليوم اللي دخلت فيه المستشفى كله في الفحوصات واحلى شي لما قالت لي الممرضات اكلي اللي تحبينه بكره راح تكون عمليتج الا هي بتاريخ 9/4/2009
وانا ماصدقت على طول طلبت لي معكرونه بالبشاميل ولازانيا هههههههههه مفجوعه
وانا اكل وانا اقول الوداع يااحلى طعام :eh_s(16):بعدين ماراح اكل اللي احبه
بس يالله لازم اتصبر من بغى الدح لايقول اح صح ؟؟
وجى يوم العمليه وتصدقون كنت احسب الوقت عشان يمر بسرعه واسويها ولا كنت خايفه ابد وجت الممرضه تطلب مني اغير ثيابي واستعد فسالتها متي بالضبط راح ادخل غرفة العمليات ؟؟
تقولي اول مره اشوف وحده متلهفه للعمليه ومو خايفه ... :080402ask_prv: كانها تحسدني ههههههه
وبالفعل بدلت وقعدت انتظر وبعد لحظات حضروا يجروني لغرفة العمليات ودخولي غرفه قريبه من العمليات للانتظار ويقولون لي لحظات وتدخلين ... يوم سمعت هاللحظات اهني بديت اخاف :eh_s(2):خاصه وانا بروحي محد وياي من الاهل لاني حبيت اسويها بالسر وخبرت امي اني بنام في المستشفى اسوي تحاليل عاديه لعمليه بسيطه وماخبرتها بالسالفه
وبالفعل دخلت العمليات الساعه عشر وشي تقريبا وماصحيت الا الساعه 3 العصر وانا اون من الالم وشفت الاضواء فوقي خفت حسبت روحي مت ههههههه
المهم شفت نفسي في الغرفه وكنت اون من الالم واصرخ ابغي ماء عطشانه ريقي ناشف
والممرضه تقولي لا مايصير تشربي اي شي لمدة 3 ايام
تصوروا 3 ايام ومايطب الماء فمي والله راح اموت
يعني اعتمادي عالمغذيات فقط
لااااااااااااااااااا حرااااام
جلست اصرخ مااقدر اصبر لازم ابغي ماء
فقامت الممرضه اتصلت عالطبيب وطلب منها تمسح شفايفي مسح بالماي فقط
اهني بغيت اعض الدكتور بصراحه
وبعد شوي جت الممرضه ومعاها الماء ومسحت شفايفي وعطتني ابره مخدره وماصحيت الا الليل
ولما صحيت حسيت بشي غريب
تصورا شنو ؟؟

بعدين بكمل لكم ​

 

[lara_action]

رد: باركوووو لي سويت العملية ولله الحمد

الحمدالله على السلامه يالغاليه

 

[جمانه2009]

رد: باركوووو لي سويت العملية ولله الحمد

الحمدالله على السلامه يالغاليه

الله يسلمج حبيبتي وتسلمين يالغلا وربي يوفقج وينولج بالج​

 

[بنوته86]

رد: باركوووو لي سويت العملية ولله الحمد

يالله عاااااد كملي ..
مااحب انطر هههه

 

[شانيل نمبر 5]

رد: باركوووو لي سويت العملية ولله الحمد

اندمحت حدي معج....
كملي

 

[الجوري28]

رد: باركوووو لي سويت العملية ولله الحمد

الحمدللة على السلامة ويا ريت تكملين لاني كنت مندمجة وقطعت علي

 

[جمانه2009]

رد: باركوووو لي سويت العملية ولله الحمد

يالله عاااااد كملي ..
مااحب انطر هههه

ولايهمج حاضره خيوووو بس لازم ارتاح شوي مااقدر اكتب واااايد :ggdw:​

 

[جمانه2009]

رد: باركوووو لي سويت العملية ولله الحمد

اندمحت حدي معج....
كملي

:gathering: والله لو انتو معاي مباشره كنت خبرتكم بسالفتي بدون كتابه ههههههه ​

 

[جمانه2009]

رد: باركوووو لي سويت العملية ولله الحمد

الحمدللة على السلامة ويا ريت تكملين لاني كنت مندمجة وقطعت علي

الله يسلمج يارب وان شاء الله بكمل لكم ولايهمكم حبايبي​