باركولى وتحمدولي بالسلامه سويتها وتشجعت ..........

[Turquoiseya]

الحمدالله عالسلامة
اي دكتور امسوي لج؟

 

[!الجادل الصعب!]

انتي حطي سالفتج والبنات بيدشون ويقرونها .. وحمدلله على السلامه ..

 

[LuLiTa]

مبرووك و الحمدلله عل السلامة و غدا الشر ان شالله ,,,

 

[سارا2090]

حبيبتي انا بسوي شفط بطن وظهر وخواصر وزنود وفخوذ وشد بطن والله يستر

 

[حناينq8]

الحمدلله على السلامه حبيبتي

 

[حبى لله أكبر]

:nbvppw: :nbvppw: :nbvppw:


الله يسلمكم اجمعين يا حبايبى ما قصرتوا جميعا ....


والحمد الله وشكر على الصحه والعافيه الحين اكلمكم من بيتى الحمد الله رجعت بيتى حق اعيالى وزوجى الف الحمد الله


الحين ابتدى اقولكم قصتى واحلف لكم ان كل حرف اقوله انا محاسبه عليه امام ربى وبسالنى عليه يوم القيامه


وصدقونى بنات انا ما سويت هالشى الا بعد تفكير عميق وصلاة وادعيه واستخاره وربى الحمد الله ساعدنى



ابتدى بسم الله الرحمن الرحيم

فى كل يوم اقعد من النوم اقعد اطالع نفسى بالمنظره اقول ياربى الحمد الله وشكر على الصحه بس ليش جسمى مو منسق كلش فرق واضح وعجيب وشى ملاحظ بنات انا وايد حاولت اسوى رجسم وامشى واشتركت بنوادى وايد ومحاولاتى كلها ناجحه وانزل وزنى ولكن جسمى ما يتغير كل شى يضعف فينى الا اردافى وخلفيتى مسببتى بالمجتمع ومع صديقاتى وعايلتى احراجات


واللى اهم من الكل مع زوجى .....


دايماا يقولى بس مو بطريق مباشر حاولى تسوين رياضه للارداف ... وانا اسوى اللى يبيه ... وامشى واضعف ومابقى الدكاتره الرديمات كلهم رحتلهم الا عبد الله المطوع ما رحت لها ودقيت عليها وقالولى 2011 نستقبل مواعيد يعنى كلوز على هالموضوع من قلب


سبحان الله كل شى من ربى اهوا اللى يسر الانسان ....


المهم ذاك اليوم قعدت مبجر قلت ياربى ماعندى شى خلونى احورف بعمرى رحت احف اريولى و( .....) عرفتوا اكييد

وخلصنا ومن باجر دقت على الوالده تقولى تعالى تغدى عندنا مسويتلج ربيان الاكله اللى احبها


المهم ساعه 2 ظهر رحت بيت اهلى عبايه اسلاميه ورحت وتحتها الدشداشه مالت البيت وحنظتى اللى مافيها الا مبايلى وبوكى واكس بركسى


المهم تغدينااااا الغدا اللى يرد الروح تبارك الرحمن الله يخليها لنا ويطول بعمرها ما على اكلها شى عجيب الله يحفظها ويطول بعمرها لنا يارب


واختكم راحت بعد الاكل تنسدح بالغرفه عند اختى اشوى اشوى يتنا امى واشوى اشوى اختى وصرنا 4 خوات وامى


ما ادرى شنو اللى قومنى من السرير واهما قاعدين وقعدت اشكيلهم معاناتى


اصر ملابسى واوريهم خصرى واشلون اردافى بارزه


وكلهم انبهروااا وريتهم عدل المهم ايدونى كلهم خذيت التليفون دقيت على دكتور اعذرونى بنات ما اقدر اقولكم اسمه واللى تبيه على الخاص المهم سالنا قالو من غير موعد


قلت حق امى وخواتى يالله ودونى له ابسرعه ورحنه له العياده وبالعياده وريته اللى فينى الارداف والخصر مليكان سبحان الله الخالق


وقالى هذا اكياس دهنيه لازم تشفطينها وعمليه سهله واقنعنى وبسرعه عطانى موعد من باجر ادش المستشفى الساعه 11

وصار اللى صار ......


راح اكملكم التفاصيل بس اشوف ردودكم .....


واى وحده تبى منى اى شى انا مستعده وبالخدمه الان انا كنت اعانى وكنت اتمنى احد يكلمنى على نفس عمليته ولكن للاسف ما لقيت ... ولكم الحمد الله وفقنى الله وكل شى صار مثل ما انا ابى


تابعونى ....​

 

[om deaj]

ليش اسم الدكتور على الخاص؟؟
الاخت عطر البوادي ما قصرت ذكرت تجربتها كاملة وحتى اسعارها وكل شوي تروح لمراجعة يسألونها البنات وترد تقولهم الدكتورة شقالت

الله يجزيها الخير شكلها المراجعة الجاية بتقولها مسختيها عاد

 

[حبى لله أكبر]

ام دعيج مشكوره على ردج لى

بالنسبه لاسم الدكتور حاليا ما اقدر اقوله الاشياء خاصه فى ناس وايد معاى بالمنتدى من الاصدقاء والمعارف وانتى ادرى باجى تفاصيل

انا ما خلصت لى الحين مع الدكتور وراح اقولكم اول باول عن تجربتى بس اسم الدكتور اعذريني واللى تحب تعرف بالخاص ماعندى مانع

 

[عمري الخالد]

متابعينج حبيبتي

كملي شوقتييييييييييييييييييييييييييييينا

 

[غلاي غير]

الحمد الله على سلامتج وان شاء الله تقومين بالسلامه وانتي احلى جسم

ممكن اسم الدكتور ووين سويتي العمليه( شفط والا قص وخياط) باي مستشفى وبكم التكلفه واهم شي جنسية الدكتور

 

[كويتية طيبه حنونه]

حمدالله على سلامتك .

 

[readflawer]

الحمدلله على سلامتج

 

[ArEEj]

الحمدلله ع سلااااااامتج
نبي تفاصيل اكثررررررررررررررر

 

[حبى لله أكبر]

السلام عليكم بنات


والحين بكمل لكم باجى قصتى ......


بسم الله الرحمن الرحيم ....


وأول ما رجعت من العياده رجعت بيتى بس بالى مشغول بباجر وقاعده افكر بينى وبين نفسى اشلون صار كل هذا بسهاله وبسرعه

واحمد ربى واشكره على كل صار فينى واللى بيصير ....

سميت بالرحمن وانا على الفراش حاولت انام ما قدرت طبعااا انا بنام الان ميته يوع كنت على غداى واول ما رجعت الدكتور

قايلى لا تاكلين وكونى صايمه وانا يوعانه بصراحه رجعت البيت لقيت زعتر وبيتزاا وكليت بيتزا وزعتر وبعدين رحت الحمام

عزكم الله ابى استفرغ ما قدرت معدتى انقزتنى وعورتنى وما سويت شى ورحت نمت وقعدت الساعه اربع ونص


ورحت تجددت وصليت الفجر وقريت صوره البقره كامله واذكار الصباح وسبحت وايد ولله الحمد وسبحان الله صبح كنت مطمأنه وايد


وقعدت اشوف البيت وشنو فيه وشنو ناقص وكملت كل شى رحت الجمعيه ورحت حق خدمى المزينى وديت فلوسهم وشريت لهم كل وحده كرت وعطيته بيدها 5 دنانير قلت صدقه عنى وعن اعيالى


وتوكلت على الله بسيارتى ورحت انا بروحى ودشيت وبالطريج دقوا على خواتى ولاحقينى بالمستشفى وانا اقولهم اذا بتضايقونى تعالوا معاى شفايدتكم الحين بس حق البجى ما احب جذى المهم

وصلت المستشفى ...... وصفت سيارتى ودشيت وسويت اوراقى قالتلى الدور الاول ورحت وبعدين قالت تبى منى 300 قتلها اخذى 500 ابى ذود قالتلى الفلبنيه مدام ليش قتلها يمكن انام عندكم مو اكيد يمكن


الان دكتورى قايلى بسويلى العمليه وارجع البيت الساعه 11 بليل بس انا من داخل قلبى حابه انام عندهم وارتاح


المهم بنات دشيت ولبسونى السير اللى فيه اسمى بيدى اليمين وقالولى فى سرير 10 دنانير وفى سرير 25 دينارقتلها ابى 25 هذا قبل ما ادش العمليات ودشيت غرفتى وقطيت كل ملابسى ولبسونى لبس العمليات والقبعه الخضرا وانا ابى ادش بسرعه قبل خواتى ما يوصلون وله بسرعه دزوا الباب وجونى 3 اقولهم باسكم قوى لازم تجون قالوا يا حياتى اذا ما جيناج من نجيله عيل ماعندنا اغلى منج


مو وقته هالكلام وانا ماسكه نفسى ومسويه عمرى قويه واضحك ومشيا الامور وانا اشوف بعيونهم البجى والحزن والدموع حتى الكحل منمسح انا اعرف كل شى واشوف مانى عميااا


علشان جذى انا ما احب اشوف احد قبل ما ادش العمليات ولا اكلم احد


دشيت وانا اضحك واتغشمر معاهم اوسع اصدورهم


طبعاااا تسكر الباب السستر ودتنى غرفه بروحى وحطتلى الابره مالت العمليه وخلتنى وراحت وبعدها قعدت اقرا ايات ومنهم الكرسى والمعوذات وامسح على اردافى وخلفيتى المهم يانى دكتور التخدير مصرى ادخلوا على 2 كلهم جنسيه المصريه


قتلهم انا من النوع اللى اول ما اقعد من البنج ارجع وهذا الشى اللى ما يحببنى بالبنج وقالولى البنج اللى كانوا يعطونج اياه وايد وكميته مو مدروسه بس انتى الحين برعايتنا وراح تشوفين الفرق


وسالونى اذا فى اضروسى تركيب اوفى عدسات بعينى المهم كل شى تمام قتله دكتور هالله هالله فينى انا برقبتى 6 اطفال وهما دكتور على ودكتور سامح كل الشكر والتقدير والاحترام حقهم


وبعدين شفت وجه السعد دكتورى ودش على وكلمنى وخطط على اردافى وخلفيتى طبعا قمت من السرير وبعدها دزونى الغرفه العمليات

كلهم تكودوا على وقتلهم قبل التخدير قولولى علشان بقول شى


يانى الدكتور على التخدير وقالى قولى اللى تبينه قلت أشهد ان لا إله الا الله واشهد انا محمدا رسول الله مرتين ورا بعض


ورحت بسابع نوووووومه ..........:eh_s(15):



وتابعونى ارتاح واكمل لكم الباجى .....:bye22:​

 

[قناديل الخير]

الله يقومج باالسلامه ويسهل عليج والله ودي اسوي شفط للبطن بس زوجي ابد مو راضي يقولي ربي عيالج بس ومخوفني منها

 

[حبى لله أكبر]

قناديل الخير يسلمج حبيبتى ويسهل على البنات والحريم كلهم وكلنا نصير رشقات ونهبل ورياييلنا ما يشوفون غيرنااا وجسمنا احلى اجسام

انا اقول سمعى كلام ريلج يمكن سبحان الله ربى يقول على اللسانه


انا ريلى كان راضى واهوا اللى شجعنى ....


وخليج متابعتنى ....

 

[حبى لله أكبر]

بنات مو قاعدين تشجعونى اكتب لكم محد متابعنى جذيه ما راح اكتب وازعل عليكم


من اليوم اسوى ريفلش ماكووو الكل يدش يقرااا وما يعلق ....:080402ask_prv:




ناطرتكم بنات الهمه معاى ...​

 

[وشاح الذكريات]

الحمد الله على سلامتج كملي متابعين بصمت

 

[حبى لله أكبر]

وشاح ::::: الله يسلمج حبيبتى بس انا ما ابى متابعه بصمت انتى تايدين كلامى يعنى وايد يدشون يقرون بدون تعليقات



انا ابى انسولف مع البنات وابى اخذ واعطى معاهم شالفايده عيل اكلم روحى عيل جان ما كتبت شى ...​

 

[حبى لله أكبر]

اقولج عاد انا كتبت الموضوع ومشتططه وعندى اصور وبحطهم للبنات الحين بخلونى اهون واسكر الموضوع ماكو تشجيع كلش​