باذن الله التساقط بشعرك بيوقف على طول

[ملامح بريئة]

​

الكلام هذا من تجارب وخساير فلووس وعيادات والنتايج كلها مؤقته وسبق ان حطيتلكم تونك الجرجير والحين بعطيكم افكار ماسكات تحطينها بالبيت باذن الله وبترتاحين والكلام للي تبي شعرها يكثف والتجربة على كلامي خير برهان الماسكات اللي بحطها نصها جربتها ونصها بجربها بس للمعلومة اول خطوة لعلاج التساقط الثوم ادري ريحة بس هو البداية وانا اول ما بديت رحت الصالون وطلبت جرجير بالثوم ومااستفدت شي خف التساقط بس الريحة تكرهك شعرك والشغلة الثانية وانا ادور بالاستجرام لقيت وحدة تبيع ماسك ثوم وركضة اطلبه منها والله اهو مثل الكريم وريحته احس ثوم مطحون او مخلل ثوم عالعموم كنت كل يومين احطه ووقف التساقط ماشالله وطلعلي شعر جديد وانا على فكرة مدمنه خلطات مردي للعطار احب اجرب واذا استمريت فيه نتايج فأول شيٌ:نحتاج قبعات للشعر /////////شامبو يا سلفكرين بيض او حنة او جونسون اطفال نبدا بماسك الجرجير نحتاج الى مايلي::::حزمة جرجير nحزمة بقدونس وحلبة وخردل وحبة سودا ونطبخهم بشوية ماي عالنار ماعدا الجرجير وننطرهم يبردون بعدين نشهل الماي وبالخلاط ونضيف له الجرجير وقفشة سدر واي حمام زيت تفضلينه عشان يثقله طبعا 3 قفشات ونضيفله زيت مركز عند العطار زنجبيل ونضربهم بالخلاط ونحطهم بعلبة بالثلاجة وكل مابغينا طلعنا الكمية اللي نبيها لماتدفا ونحطها عالفروة مع تدليك لها ونخليها ساعة عالاقل ونغسله ولي عودة مع ماسكات اخرى اكمل بعد شوي

 

[رمادية الهوى]

حلووو

يعطيك العافيه على الافااده

 

[ملامح بريئة]

تسلمن عالمرور

 

[انسانه صريحه]

يعطيك العافيه حبيبتي
بس ماقلتي كم مقدار من كل حاجه

 

[ملامح بريئة]

يعطيك العافيه حبيبتي
بس ماقلتي كم مقدار من كل حاجه

والله مااقيس المقادير بس انا اقولك الحلبة قفشة والخردل اختياري والجرجير حزمة والبقدونس نص شده والماي قلاص صغير وقفشة سدر وحمام زيت قد ماتبين المهم تطلع ثخينه وسهله بالتوزيع كانج حاطة كريم عشعرك ولو بدال حمام زيت نحط دابر فاتيكا الكريمي اتوقع احسن

 

[دلع24]

يعطييييج العاااافيه

 

[ملامح بريئة]

طيب الحين ماسك الثوم نقشر ١٠ فصوص ثوم ونطبخها بقلاص ماي ولما تبرد بالخلاص على طول ونضيف لها ٣ قفشات من حمام زيت الحية وحمام زيت الثوم وقفشة عسل وبودرة ثوم ٣ قفشات وبالخلاط ونحها بعلبة بالثلاجة ونستخدمها كل ٣ ايام توقف التساقط فورا وماننسا نغسل الشعر ونشطفه بماي مضاف له قفشة نسكافيه او قهوة تركية يمكن الريحة اخف لان الثوم مطبوخ وممكن تضيفين جوز الهند الطبيعي المبشور او حليب جوز الهند كمية قليلة للخلطة واستمتعي بشعر صحي

 

[ملامح بريئة]

اللي تقرا تدعيلي وهذي خلطات طبيعية مامنها ضرر حتا التاجرات قامو يبيعون الشغلات الطبيعية يعني متوفرة لك بالمطبخ وبالسوق واللي تقرا الموضوع تدعيلي وعساها دعوتها بركة عليها يارب واحنا مفيد ونستفيد من بعض

 

[ياميه وافتخر]

الله يعطيكي. العافيه

 

[Aloolah]

يعطيج الف الف عافيه



الجرجير جربته بروحه و عجيب يبيلي اجرب طريقتج

 

[ملامح بريئة]

يعطيج الف الف عافيه



الجرجير جربته بروحه و عجيب يبيلي اجرب طريقتج

طبعا الجرجير عجيب مايوقف التساقط على طول الا اذا بدينا بثوم او عالاقل نخليه 3مرات بالاسبوع بس مشكلته انه ماي يعني لما تحطينه يتدبق عل الجسم لكن اذا خلطناه بحمام زيت وشويه سدر (السدر موضروري)ومع عسل طبيعي يصير ثقيل وتحطينه بسهوله وانسيابية عالشعر وبعدين الشغل هذا ما يكلفك دينارين كله ونتايج روعه

 

[أم هيونه]

حلوه طريقتج


الله يعطيج العافيه

 

[princess meriam]

جزاكى الله خييييير افدييتنى انا بفكر استعمل الجرجير ف خلطاتى باذن الله
​

 

[princess meriam]

متابعه

 

[شذي الفردوس]

مشكلة الثوم ريحه تبقا لو شنو والي متزوجه صعبه وايد ..لازم بيحس فيه ريحة بشعرج لو شنو تعطرينه مجربه انا

 

[فّقدّ]

مرحبآ ,


يعطيك ألف عآفيه ()

 

[ملامح بريئة]

مشكلة الثوم ريحه تبقا لو شنو والي متزوجه صعبه وايد ..لازم بيحس فيه ريحة بشعرج لو شنو تعطرينه مجربه انا

لما تسلقينها بالماي وبعدين تصفينها وتهرسينها وتضيفينها للخلطات نفس المفعول مافي ريحة واذا حطيتيها بالفروة تدليك بس براس الثومة وتكونين لابسة دسوس وبعدين حطيتي فوقها الدهن المفعول عجيب ومافي ريحة بس لانه عالفروة بس تعب التدليك وتحتاجين اكثر من فص وتتعبين انا افضل ماسكات طبيعية وريحة الثوم اتحملها اذا مو مرةزة حيل ولا اتحمل شعر طايح على ملابسي وامسكه بايدي والفيتامينات تسببلي معده