باجر عندي موعد وابي اقول للدكتورة تسوي لي عملية.... شرايكم؟؟. ترا الوسواس تعبني

[بحرينية حلوة وق]

السلام عليكم
شلونكم يا اخواتي شخباركم
مثل مو مكتوب بالعنوان

انا بصراحة الحين صار لي اسبوعين من دشيت التاسع وانا من قربت الولادة وحالتي حالة ونفسيتي تعبانه وخايفه واحاتي واوسوس

وافكر شلون بولد واحس نفسييتي مو متهيأة حق ولادة وخايفه حددددددي واقعد اوسوس واقول مادري اشفيني البول متقطع عندي والكمية قليله مو مثل الاشهر اللي قبل لايكون كليتي فيها شي ؟؟؟ ويمكن يصيبر لي شي من الضغط وافكاااااار وايد اعوذ بالله منها

وباجر عندي موعد مع الدكتورة وقلت ابي اقولها تسوي لي عمليه قيصيريه لاني خايفه من الولادة
مع اني من قبل قلت لها بس مارضت تسوي لي تقول لي مافيج شي عشان عمليه ووضعيه البيبي طبيعيه وراسه تحت يعني ماتحتاجين عمليه واذا خايفه من الولادة بعطيج ابره ظهر عشان ماتحسين بشي وماتحسين بألم

انا ترددت وقلت اذا ابره ظهر وولادة طبيعيه بعد ليش اعور نفسي وابره الظهر يقولون خطرة ولها اعراض بعدين

انا بصراحة محتارة وداير راسي وابي شوركم

اقول لها باجر تسوي لي عمليه
انا قلت بحاول اقنعها واذا اضطريت ببجي لها عشان تحس بمعاناتي
بس امي تقول لي لاتسوين حق عمرج سوالف وولدي ولاده ربج وتوكلي على الله:eh_s(11):

سااااعدووني ارجووكم وخففو عني ​

 

[أم قمبـر]

الله يسهل عليج ان شا ءالله

وصدقيني انا مثلج كنت ابي قيصريه من كثر ماكنت خايفه من الولادة وموسوسه منه لاني بجريه بس الله كتب وصارت ولادتي بالسابع والحمدلله ... اهيه اجمن ساعة وخلاص

والله اهيه جم ساعة وتقومين مافيج شي ... كنت ادردش ويا وحده كنت اقولها كنت ابي قيصريه جان تقولي والله الطبيعي احسن واسهل من رب العالمين وهيه كنت مسويه عمليه قالت الله لا يوريج الألم وتمين طايحه بفراشج اسبوع اللين اسبوعين وألم الجرح مو شي بسيط
يفتحون لج بطنج وبعدها عظلات البطن وبعدها الرحم شي مو بسيط والله ...
اذا الله كتب لج ولادة طبيعيه الله يسهلها عليج ان شا ءالله ...

 

[البسايل]

ياحياتى انتى والله لاتحاتين ولا تفكرين توكلى على الله ونطرى ولادت ربج والاعراض اللى تحسين فيها كلها جدا طبيعيه البول ينقط عادى ماتنامين بالليل هم عادى كله تفكرين هم عادى ... والله كلها سهالات من رب العباد وبتردين تحملين مره واثنين وثلاث عادى لو كل وحده بتخاف هالخوف جان ماكو بشر بالاض .. توكلى على الله وربج بيساعدج لاتولدين قيصرى نصيحه ... الولاده تهبــــــــــــــــــل

 

[دموع السحاب]

كل شي طبيعي نعمه
باجر يصير فيج نفس هالحريم اللي طلبو عمليه و الحين ميتين يبون بيبي رابع ماكووو
ادعي ربج يسهل عليج و خلي الله يمشي امورج

 

[بحرينية حلوة وق]

الله يسمع منج ياقلبي ويسهل وييسر

تسلمين ياقلبي على مرورج وتعليقج العسل

 

[بحرينية حلوة وق]

ياحياتى انتى والله لاتحاتين ولا تفكرين توكلى على الله ونطرى ولادت ربج والاعراض اللى تحسين فيها كلها جدا طبيعيه البول ينقط عادى ماتنامين بالليل هم عادى كله تفكرين هم عادى ... والله كلها سهالات من رب العباد وبتردين تحملين مره واثنين وثلاث عادى لو كل وحده بتخاف هالخوف جان ماكو بشر بالاض .. توكلى على الله وربج بيساعدج لاتولدين قيصرى نصيحه ... الولاده تهبــــــــــــــــــل

تسلمين حبيبتي ماقصرتي فديتج وانا بصراحة الكل قاعد يهديني بس ماكو فايدة من افكر بالولادة احس راسي يعورني وشوي واقعد ابجي واقعد افكر واقول شكلي مابشوف البيبي ويمكن اموت عن عيالي واقعد الم ولدي البجر وابجي عليه

بس مسئلت البول الي وسوست فيني اكثر
يعني عادي اذا قلت كميه البول؟
واحس اني للحين ابي ابول بس البوله انقطعت

 

[بحرينية حلوة وق]

كل شي طبيعي نعمه
باجر يصير فيج نفس هالحريم اللي طلبو عمليه و الحين ميتين يبون بيبي رابع ماكووو
ادعي ربج يسهل عليج و خلي الله يمشي امورج

اكيد كل شي من عند الله نعمه وابرك من كل شي بس انا اخاف اذا طولت يحطون لي الطلق الصناعي مثل الولادة اللي قبل

وبصراحة تعذبت 5 ايام على التحاميل بالطلق الصناعي وولدت باليوم الخامس

بس ان شاء الله باجر كل فحوصاتي زينه عشان يخلوني اولد طبيعي ويجيني طلق من ربي قووولوو امين

 

[meen_ana]

نصيحه اولدي طبيعي احسن لج الانه فتح البطن تعب وعوار بعد الولادة ومرة منزلين مقطع طريقع الفتح البطن ترى مو هينه العمليه ياقلبي

 

[بحرينية حلوة وق]

نصيحه اولدي طبيعي احسن لج الانه فتح البطن تعب وعوار بعد الولادة ومرة منزلين مقطع طريقع الفتح البطن ترى مو هينه العمليه ياقلبي

انا خايفه ومتردده من الاثنين ويارب يجيني طلق من ربي ويسهل عليييي قووولوو امين

مشكورة ياقلبي ماقصرتي على مرورج

 

[حلم الجنه]

توكلي على الله سبحانه وسلمي امرش له

والله يسهل عليش

ترى انتي مثلي صار لي اسبوعين من دخلت التاسع

واتمنى اولد اليوم قبل بكره حتى ولدي كل يقول ماما متى بيي الدادو اقول له بعد اسبوعين
هههههههههههههههههههههههههههههههههههه

 

[أم بتول]

عيل أنا عكسج

أمي اتحن علي و اتقول ... قولي للدكتورة اتولدج قيصرية

بس أنا أقولها ... الله لا يقوله ... الطبيعي و بس

تدرين ليش .. أولا الطبيعي .. عوار حزت الولادة وبس جم ساعة .. و لا مع تطور العلم

ووجود ابرة الظهر و الكمام و ...الخ .. صار بدون عوار ... و بعدين ورا الولادة راحة

بس القيصرية ... و ما أدراك ما القيصرية ..

صج وقت الولادة ما اتحسين بشي ... بس بعدين تعالي عابلي بالخياط .. ما تتحركين مثل الأوادم

طايحة بالسرير ... بين كل فترة و فترة .. روحي غيري اللزق ..

و أعرف من الأهل مساكين .. اللي انفج الخياط عليها ... و اللي التهب خياطها ... يعني عذاب جم يوم و حتى جم أسبوع

 

[بنت بحرينية]

حبيبتي لا تحاتين ولا تحطين في بالج وانا حاطة في بالي اللي خله اهو اللي بيطلعه انشالله وكلشي بيد الله سبحانه