باجر عملية خشمي مع د. منذر العجمي بالليزر :)

[misS DiamoND]

اليوم كانت مراجعتي بعد الشهر ونص وطلعت من المراجعة ضايق خلقي

قلت لكم انتي أحس بمطبات صغار على العظم من جدام.. تخيلوا طلع غضروووف
يقولي احتمال يروح ويحتاج طبعا علشان يتأكد من هالشي 6 أشهر وقالي علي بالمساج واني اضغط عليه واحتمال يدش من نفسه مع الضغط والمساج بس مادري ليش ما اقتنعت بالسالفة مادري احس شلون يدش واهو جذي بالاحساس حيل بارز !
واذا ما دش قالي اسويلج عملية ثانية مدتها خمس دقايق وحدها بسيطة يبرد الغضروف بس وعلى قولته انا اهني لا تشوفون ويهي لالالالا عملية مرة ثانية ومستشفى وبنج ولوية
قالي هذا اذا ما راح لأني ابي يكون بيرفكت ولو ان ماراح يفرق لو نخليه بس علشان انتي تكونين مرتاحه !
الحين انا لما اجيس العظم شي بارز مثل ورمه بس بالشكل خفيف ما يتلاحظ..

في احد صارله جذي بلييييييييييييز قولولي !!؟؟؟
وهل راحت بعد الـ 6 اشهر او احتاجت صج عملية ثانية ...؟؟؟؟

وااي حدي محتاجة احد يطمنني ضايق خلقي

 

[NoNa20]

الله يعيينج حبيتبي


نطري 6 اشهر و شوفي الدكتورر شنو رايه ..

زين والله قالج بيسويلج 2 .. زين ما يكشت فيج عقب ال 6 اشهر..

انا اوول ما سويته كان شوي عوي الدكتور قالي يحتاج عمليه ثانيه و انا اطلعت عييوووني
وقالي عقب 6 اشهر راجعيني
وطلع فعلا عووي
الحين انا راضيه اسوي ال 2
اهو يقولي لا مايحتاج

 

[misS DiamoND]

المشكلة من له خلق عملية ثانية يا رب يتعدل

بس الغضروووف ممكن يروح بروحه وينزل هذا السؤاااال... بليييييييييز بنات من صارله نفس هالسالفة وتغير قولولي ..؟؟؟؟

 

[LoNeLy-WoMaN]

ما شاء الله حلو بس بنات انا بسوي حق لارنبه يصير ليزر ولا لازم عمليه عند منذر ؟؟؟ يعني الارنبه عندي متفوخه ونازله اخاف تنتفخ زياده واتوهق

 

[misS DiamoND]

لونلي
شكرا من ذوقج... والله ما اقدر افيدج لازم تسئلين فيها الدكتوووور !

 

[nandeny]

ماعليج شر ان شاءالله تقومين بالسلامه

 

[misS DiamoND]

شكرا مس الله يسلمج

 

[شيخة الحلوة]

ما شا لله
تبارك الرحمن

عليج بالعافية

 

[misS DiamoND]

شيخة الحلوة مشكووورة الله يعافيج

 

[misS DiamoND]

اب اب اب

 

[NoNa20]

حبيبتي وين الصورة باي صفحه موجوده؟

 

[NoNa20]

مو طالعه الصورة للأسف

 

[misS DiamoND]

الصور طالعة ص 6

 

[misS DiamoND]

اليوم صارلي شهرين على العملية والنتيجة:
الانتفاخ قل بصورة خفيفة
الغضروف مازال ما راح
مادري احس شكل خشمي اول ما سويت العملية احلى من الحين

قمة الاحباط :bbbiu:

 

[Glamour_85]

مبروك الخشم الجديد هههه
جم مدة العمليه
وعقب ما يفج البنج في عوار ولا لا
وفي زرااق والوان قوس قزح بالوجه ولا لا
وجم كلفتج كلها مع المستشفى

 

[misS DiamoND]

مبروك الخشم الجديد هههه
جم مدة العمليه
وعقب ما يفج البنج في عوار ولا لا
وفي زرااق والوان قوس قزح بالوجه ولا لا
وجم كلفتج كلها مع المستشفى

الله يبارك فيج
مدتها ساعة وما في عوار خفيف وما في زراق شوي بس انتفاخ بسيط
والعملية تكلفتها 800 الدكتور و300 المستشفى والتفاصيل كلها كاتبتها في الموضوع اول شي

 

[diamonda]

ادري انه دكتور فاااااشل
اذا قصدج الغضروف العظمه اللي جدام بس من فوق؟؟
انا للحين مو سيده وايد وصارلي 9 شهور من سويتها عنده...
عادي عنده عمليه ثانيه ما يحس فينا!! من الاول لو ما يعرف جان قال
استغفر الله العظيم!
الله يسهل علينا ويرحم حالنا ان شالله
نفسسيتي صفر وما عندي ثقه بنفسي كلش بسبته

 

[دلع_البحرين]

ماشاء الله احسه مرتب وحلو وترى توج ريضه وجذي حلو لين طاف 6 شهور بيصير احلى صبري ودايما ااقري المعوذتين حبيبتي لا تنسين ادعي ويارب ما تعيدين العمليه لانها يبي لها قلب الله يعينيج وماتحتاجين عمليه ثانيه

 

[الدانه_83]

مشا الله وايد حلوه

 

[misS DiamoND]

ادري انه دكتور فاااااشل
اذا قصدج الغضروف العظمه اللي جدام بس من فوق؟؟
انا للحين مو سيده وايد وصارلي 9 شهور من سويتها عنده...
عادي عنده عمليه ثانيه ما يحس فينا!! من الاول لو ما يعرف جان قال
استغفر الله العظيم!
الله يسهل علينا ويرحم حالنا ان شالله
نفسسيتي صفر وما عندي ثقه بنفسي كلش بسبته

لا بالعكس الدكتور زين والنتيجة الحمدالله تغير خشمي للأحسن وبس هالغضروف احتمال يكون من احد الضربات اللي حصلتها من بنتي الله يخليها كل شي جايز يعني الدكتور ماله شغل... وبعدين يقولون ان مافي خشم بيرفكت

اهو ميزه الدكتور انه شغله ما يبين تجميل للي حابة يكون خشمها طبيعي بس اللي تبيه اوفر ومفقص اتوقع احسن لها تروح ايران هناك ينحتون الخشم حسب الطلب وبيني وبينج الطبيعي احلى وانا المشكلة اللي في خشمي كانت بس العظمة الزايدة وشالها اوكي بس هالغضروف اللي مادري من وين نط لووول مرات اقول خشمي يتحداني يقول يا انا يا انتي
بس متفاءلة خير ان شاء الله

ولا خليج واثقة من نفسج حبيبتي ولا يهمج وحطي في بالج ان اهم شي انه صار احلى من قبل حتى لو بنسبة 10 بالمية والحمدالله على كل حال.