بأي عمر يترك الطفل الحفاظه ..

["*آآآنؤؤؤقهـ*"]

مسااء الورد


اشلونكم ...


سالفتي ان بنتي جريب بتصك ال3سنين

وللحين حفاظه .. ماتعرف كلش بدون حفاظ

وحاولت بكل مره اقط الحفاظ عنها واقولها

اذا فيج وفيج تعالي قوليلي ماما فيني ككه


وتسوينها بنفسها مااااتعرررررف ..

وانا شاريه لها مقعد الحمام ......

بعرف متئ يفهم الطفل وهل بنتي توها طبيعيه ... عادي ....




اكون شاكره لكم ... الافاده

 

[همي رضى خالقي]

٣ سنين ماشاءالله تفهم

انا صراحة ماعندي خبره بس لو انا مكانج اشوف متى الحزة الي تبي تروح الحمام فيها اخذها وادش وياها ونقعد ليمن تسويها

 

[نـعـومـه]

بما ان دش الصيف علميها

وانا اشوف سنها جدا مناسب بس مومعناته شي موطبيعي لالااااا عادي وايد يهال يتأخرون

وبصراحه انا بجر فماعندي خبره

 

["*آآآنؤؤؤقهـ*"]

ماقصرتوووو


ياليت تفيدوني اككثر ....

لان هم انا بجر بنوتي الاولى مالي فالسوالف

 

[عـــــروس]

من بعد السنتين يبدا الجاهل يتعلم وكل واحد عاد حسب مقدرته
على التعلم

 

[om-3abodey]

عمرها وايد حلو انج تعلمينها على تكرمين الحمام بس يبيلها طولة بال ومجابل يبيلج وقت مخصص انج تعلمينها
قطي الحفاظة عنها وكل نص ساعه وديها الحمام بنفسج لاتنطرينها اتيي تقولج تبي حمام مسكينه تعودت عالحفاظة فتلاقينها ناسيه انها مولابسه فتسويها على نفسها انتي بنفسج اخذيها ووديها الحمام

 

[Model Look]

يبيله طوله بال وصبر ومثل ماقالت ام عبودي كل شي وديها الحمام

 

["*آآآنؤؤؤقهـ*"]

اوديها الحمام ماااااايطلع شي عزكم الله


وخليتها بدون حفاظه سوتها ع نفسهااا ماتقووووولي

اعلمها مامارقوليلي ماتعررررف للحينها ... محتاره


بس يعني عادي ومرات احسها صغييييره للحين نتفه ...




ويعطيكم العااااافيه يااااارب

 

[أمـ مبارك]

انوقه ربي يحفظها لج

شوفي قلبي

اشتريلها السراويل النايلون تحصلينهم بكل مكان


وكل نص ساعه وديها الحمام ولو مابالت كرمج الله عطيها ماي عصير وحسبي خمس دقايق ووديها



خن اقولج شي مستحيل تجي وتقولج ابي الحمام انتي من نفسج حسبيلها


شي ثاني ترئ ٣ سنين تنحسب كبيره وخاصه ان بنت اسم الله عليها

انا اعرف ناس من قبل لاتتم بنتها السنتين واهيا معلمتها على الحمام


وفي ناس عيالها تقعد للروضه بعدها تقطها


انا اختي ولدها يوم تم ٣ سنوات علي اساس بتعلمه للحمام. وطبعا اختي مللووووووله جابلنه يمكن ٣ شهور ويوم قرب يتعلم ردت وحطتله حفاظه المسيكين

والحين عمره ٣ سنوات و ٨ شهور وانا كنت عندهم بالعطله اسبوعين الله وكيلج زفيت اختي ززززززف ومسكت ولدها وعلمته ماشااآء الله اسبوعين وخلاص مايلبسها الحين ...


حطي ببالج تعليم الحمام احتمال يوصل لي ٦ اشهررررررر لانه يعتبر اصعب مرحله

انامرت خالي ماشااآء الله من يطوف السنه وشهرين تو جذي تعلمهم بس طبعا ماتقوله سوها يلا لا تخفف عنهم الحفاظه مثل جذي تقول احسن واهوا صغير

 

["*آآآنؤؤؤقهـ*"]

هلاا ام مبارك

صااجه يبيلها طووووولت باااال .. وانا بالي طويل

وبجابلهاااا ... والله يعينارع تربيتهم ..

انا مابيها توصل للمرحله لروضه والحضانه واهي للحين حفاظه

بخف عنها وعني ....



وصج صج ماقصرتي يالغلااا

ويخليلج بروكي ويهون عليييج

 

[golden_coca]

من بعد عمر السنتين يبدي الطفل يتعلم يروح الحمام بالتدريج

 

["*آآآنؤؤؤقهـ*"]

اب

اب

 

[طيبة83]

انا الحين اعاني مع بنتي

في ناس ما شالله من سنة ونص تقطع الحفاظة ومن سنة يبدون يعلومن عيالهم

في كذا موضوع بالقسم سويه سرج وايد استفدت منهم

 

["*آآآنؤؤؤقهـ*"]

طيبه جاهل عن جاهل يفررررق ..


وبنتي من النوع اللي خلاص كل شي بكيفها


تعبت تعبت ..

 

[M!SS.LOBY]

طولي بالج عليها

الياهل من فترة 3سنين يبدأ يتعلم

 

["*آآآنؤؤؤقهـ*"]

مس طمنتي قلبي الحمدلله يارب

اي بطول بالي .. واذا مافاد

بخلي الحضانه يعلمونهاا جووود تسلك مع الجهاال

 

[زهور المحبة]

ولدي بعمر بنتج
ونفس الحاله للحين ماقطها حتى المميه مستمره
مادري شلون اعلمه جميع محاولاتي فشلت
بس انا عكسج مو طويلة بال ومتعبني حمالي
ان اشاء الله بعد الولاده والنفاس بعلمه عالحفاظه والمميه يبيلها وقت لانه يغار من اللي اصغر منه

 

[حساسة مصر]

طبعا اول ما يتكلم عشان يقولك عايز تواليت ويقومك تروحي معاه



من عمر سنتين ونص او 3



بلاش تدلعو العيال كدة

 

["*آآآنؤؤؤقهـ*"]

الله يصبرناا


مشكووريييين

 

[كتالونيه]

اختي انصحج قطيها عنها من اول ماتقعد من النوم
ولا تعصبين اذا سوتها ع نفسها
انا قالت لي اختي اذا ولدج سواها قوليله لا مو هني هناك
واكرمج الله اوديه الحمام
ترى عادي يسويها مره مرتين لو مية مره بس اهم شي يفهم
انا ولدي لما يوسخ الغرفه كانت الخدامه تعصب وكنت اجابله واهاوشهاً
طبعا هي مالها خلق تنظف وانا اقولها انتي جايه تنظفين وياويلج اذا سمعت
تهاوشين ولدي كيفه خليه ع راحته والحمدالله الحين قطها
وهو عمره سنتين بس سمعيني
اذا بتطلعين لبسيها حفاظه كل طلعه بس بالطلعات مثلا مسيار لرفيجاتج
بس اول طلعاتج وبس وبعدين هي راح تقطها راح تكرها
ولدي اذا جيت البسه اذا نام يعصب ويصارخ مايبي
وقوليلي تجربتج اذا بنتج قطت الحفاضه الله معااااج