اي استفسار لطلبة الحقوق - جامعة الكويت

[مـ سهله ـو]

بناااااااات سنه ثانيه نازل عندكم مشاري العيفان ؟

 

[blue diamond]

والله ما ادري مو سهله

 

[SweET^LiKe^chocolate]

حتى انا مادري p:

 

[مـ سهله ـو]

بس يقولون زين ويعطي درجات مو ؟.

 

[o0O 6aM6oMa O0o]

مو سهله
اي نازل
يمدحونه وايد

 

[o0O 6aM6oMa O0o]

اليوم التسجيل ضييم

من الساعه 8 انا هناك و الموظفات جنابهم ما وصلوا الا 9ونص

لمن عرفت انه السستم فتح طرت مع رفيجتي لاب الكلية

سجلت 8 مواد هناك جان يسكرون علينا السستم

بقتلي مادة نطرت دوري وصل الساعه 11وربع سجلتها و مشيت

لا سحبوا الجدول ولا بطيخ بس كلام فاضي

الحمدالله الف الحمدالله



وانتوا دفعة 2006 شصار معاكم؟

 

[رمز الوفـا]

والله ما ادري بلو دايمند ما مدحوه لي وبصراحه انا شفت تعامله مع الطلبه مو شي ما في سلوب فما عجبني

بس ما قلتولي شلون داوود الباز بنات ان شاء الله زين..

 

[o0O 6aM6oMa O0o]

لاا مو زين الباااز كلش

 

[لــــورا]

مـــرحــبا بنوووتات شلووونكم شخباااركم ؟ ها شلووونن الجدول معاكم انا جدووولي منعفس فوق تحت لوووووووووووول بشريني عنـج موسهـله وجيكـي عالخـاص

 

[رمز الوفـا]

لاا مو زين الباااز كلش

يو حريتيني والله كنت احسبه عادي محد يعرفه من رفيجاتي والفارسي عادي ما ادانيه ينوم ما يشرح فقلت يمكن هذا يترقع

الحين شسوي يلا خيره ...

 

[مـ سهله ـو]

لورا رجعي بالصفحات لي ورى وشوفيني شلون اتحلطم هههههههههههههههه

 

[eva beach]

القلوب هههههههههه بدعتي اهم شي قاعة بحث عند عبيد :krkrkr:

شوفي مابي اخرعج بس ترى جد جد الي اعرفه وسمعته من البنات انه وااااايد يشد حيله في قاعة بحث ويعطي محاضرات اضافيه بعد :krkrkr:

امبـــــي الله يعينج بس مادري عنه اذا يكرف والا عااادي بس جد ترى اهو وااااااايد زين مع البنات يعني يعاملج جنج وحده من الربع واهم شي

اذا فصـــل حددده عجيــــــب

والرشود مادري كل الي اعرفه عنه انه ما يداوم الا ناااااااادراااا بس يعطي درجات واذا جدولج يضبط مع الكندري حولي داخلي والا حضري عنده استماع ولاتحاتين انشالله زيـــــــــــــن

رفيف حرااام ترى فاهمه عبيد غلط

شوفي اول قبل لا اخذ عنده وحتى لما خذيت عنده كااااان صج صج يلوع جبدي واييب القامت والله كنت ادخل المحاضرة مستانسه بس لما اطلع

حدددددديي مقموته وضااايق خلقي بس عقب اسبوعين من الدواااام خلااااص تعدل الوضع وصااااار عااادي بس جد والله احس عبيد يحببج

بمرافعات معطي الماده حقهاااااا وزيااااده لان الماده جد يبيلهاااا دكتور يتعب معااج عشان تفهمين واهو ماشالله عليه ما يقصر

وااااااااااااااااااااااااااااااااااااااااااااااااايد تعــــــــــــــــــــــب معانه واذا عرفتيه راااح تحبينه بس اناا ماحبه ابداااااا ولا راح احبه

بلو الظفيري بشكل عااام زيــــن بس مادري كنت احس انه حاااافظ الكتاب وقاعد يسمعه بالمحاضرة بس امانه الشرح زيـــن ومفهوم بس اهم شي انج تحضرين عنده لان يعطي كيرف على الحضور ويحب الطالبه الي تحضر

 

[مـ سهله ـو]

بنات لا تخافون سهالات <<<<<<<<<< لا والله

 

[f6oooma]

مو سهلة انتي دازة مسج حق الدوانية ...صح؟؟

سمعتج

 

[L a w y e R]

البنات اللي سجلوا اليوم الله يوفقكم انشالله

قالولي الوضع حد المصخرة اليوم :/

الله يسامحهم هذا واحنا موادنا ثابتة لو مثل باجي الكليات جان شسووا فينا ؟

.
.

انا امس بجيت بجي والسبة سالفة المعدلات

مابي اسجل التزامات عند انور راضية يعتفس جدولي

بس ماسجل عند انور .. ادعولي بنات والله حالتي كسيفة

ومادري باجر متى اروح محد رد لي خبر

حدي متوهقة والله ونفسيتي بالقاع

 

[amooon82]

الموقع السيستم ليش مو قاعد يفتح معاي الحين ؟​

 

[L a w y e R]

لان عليه لود

انا بعد مو راضي يفتح معاي

 

[مـ سهله ـو]

فطووووووووووووومه اييييييييييييي انا :> وناسه انشهرت :>

 

[مـ سهله ـو]

قلت اني شيخة الدوسري وحطيت اللي بقلبي بس شدراج لايكون تعرفيني ؟؟ هاهاها وناسه

 

[مـ سهله ـو]

لوير حبيبتي هونيها وتهون عادي كا انا عند ثومة الاثري وساكته شسوي


عادي الله على الظالم