ايهو الافضل : مايكروويف و لا فرن كهربائى .. و لا ثنينهم :)

[still there]

السلام عليكم​

بنات ودى اشترى جهاز لتسخين الطعام و خاصة للخبز و المعجنات .. و هم بعد حق الطبخات البسيطة ...
و محتارة بين المايكروويف و الفرن الكهربائى ..

و يا ليت تساعدونى برايكم ايهو الافضل و شنو يتميز فيه كل جهاز عن الثانى و ايضا شنو عيوبه ..
يعنى مثلا المايكروويف يستخدم انواع اكثر من اوانى التسخين بينما الفرن انواع الاوانى محدودة .. و المايكروويف سمعت ان مو زين حق تسخين الخبز ؟ وهم يخوف من ناحية الاشعة .. انتوا شرايكم من خلال تجربتكم او اللى سمعتوه عن هالاجهزة ..


و شرايكم بالجهاز اللى يكون 2*1 يعنى مايكروويف و فرن كهربائى بنفس الوقت ؟ يا ليت اللى شرت هالجهاز تقولنا شرايها فيه ..


و ملاحظة مهمة يا ليت كل وحدة عندها خبرة من هالاجهزة تفيدنا اى ماركة هى الافضل بالسوق و شنو اسعارهم ..


اتمنى تواجدكم بالموضوع اخواتى العزيزات و تساعدونى و تساعدون غيرى بعد برايكم بالافران المناسبة للتسخين .. و شاركوا و لو برفع الموضوع .. و مشكورين مقدما :eh_s(7):​

 

[راعية الطويلة]

الفرن الكهربائي أسلم و افضل
و يكفي إن مافيه إشعاعات
و بالتوفيق حبي

 

[أميرة-]

رد : ايهو الافضل : مايكروويف و لا فرن كهربائى .. و لا ثنينهم

مو مجربه الفرن الكهربائي


بس المايكروويف مالنا يطبخ الدجاج والسمج فيه زر حق كل شغله جربت مره اسوي فيه من زماااااان طلع زين بس قالوا لي مو صحي وخلاص قمت استخدمه بس للتسخين

 

[انسام الكويت]

الفرن الكهربائي واااايد احسن من الماكرويف شتبين بالاشعاعات اللي تضرج وماتفيد حتى حق الطبخ موشي الطعم يفرق


فرن كهربائي واايد اسلم وحلوو حق الطبخ وحق التسخين ومن ناحية ايهم الاحسن

والله مادري انا اللي عندي فرن ماركة ونسا ومجكنم وزين والله انتي روحي للغانم وشوفي الافضل

واخذيه

 

[فواحة عطر]

حتى انا محتاره خاطري بمكرويف بس خايف منه بالتوفيق

 

[sunshine22]

اكيد الفران حتى بالحراره والتسخين
تسخين الفرن فرررررررق عن الميكرويف اللي استغفر الله بالنص حار وبالاطراف باررررررررد

 

[om MaRyooM]

الفرن الكهربا احسن صحيا طبعا

لا مايسخن عن طريق الاشعاع نفس المايكروويف

 

[still there]

رد : ايهو الافضل : مايكروويف و لا فرن كهربائى .. و لا ثنينهم

مشكورين بنات على الردود فديتكم والله :33_1185028183:

الاكثرية فرن كهربائى ,, خلاص على رايكم ,, و لو ان المايكروويف ميزته نفس ما قلت من ناحية الاوانى اكثر خيارات و اعتقد ان الخبز مثلا ينحط بكيسه و نفس الشى المعجنات < مو متاكدة من المعلومة :080402ask_prv:

بس قولولنا الماركات الزينة يا بنات &&&&

و نبى تجارب اكثر بعد اللى حابة تفيدنا و مشكورين جميعا :eh_s(7):

 

[عهد..]

رد : ايهو الافضل : مايكروويف و لا فرن كهربائى .. و لا ثنينهم

ايه اخذي لك فرن احسن من المكرويف بكثير عند بيت اهلي الاثنين وببيتي اخذت الفرن احسن بكثير حتى للتسخين تقدرين تستخدمينه وبالتوفيق,,,,,,​

 

[still there]

رد : ايهو الافضل : مايكروويف و لا فرن كهربائى .. و لا ثنينهم

مشكورة عهد على الافادة الله يجزاج خير

 

[صلوا على النبي]

رد : ايهو الافضل : مايكروويف و لا فرن كهربائى .. و لا ثنينهم

شكرا بنات .. بصراحة استفت من الموضوع

 

[UNICORNA]

الفرن الكهربائى افضل

حتى زوجى يقولى اخذى 2 فى1 احلى واحسن

ورفضت لان الميكروويف به اشعه ويسوى مشاكل والعياذبالله

والفرن الكهربائى بد يسوى البيتزا والكيك ويشوى يسوى طواجن يعنى كل شى

بس انصحك لو عدد افراد الاسره مو كبير جيب واحد متوسط لا تجيبى الكبير على لافاضى (=

 

[Zen&7ala]

انا افضل الماكرويف اسهل و تحطين حتى في البلاستك و الفرن مالا داعي في فرن العادي احسن

 

[still there]

رد : ايهو الافضل : مايكروويف و لا فرن كهربائى .. و لا ثنينهم

مشكورين حبايبى على الردود ,, و كل الاراء استفدت منها بمعلومة و ان شاء الله غيرى يستفيد بعد

 

[موجة ~ بحر]

الفرن الكهربائي لان فيه شمعات اما المكروفين فيه اشعاع ويقولون موزين الاشعاع

 

[Heaven Light]

ما اعرف شنو الافضل ..

بس بصحح معلومة ..

الميكرويف ومعناه الموجات الصغيرة يشتغل بالموجات وماله شغل بالاشعاعات الراديشن ..





​

 

[still there]

رد : ايهو الافضل : مايكروويف و لا فرن كهربائى .. و لا ثنينهم

^
حياج الله اختى
انا اللى اعرفه ان اهم شى بالمايكروويف هو الحرص على تسكير الباب جيدا قبل التشغيل و التاكيد على صيانة الباب و عدم وجود تسريب للاشعة .. و كانت هذه النقطة الوحيدة للامان فى استعماله .. و هذا يدل على خطر الاشعة او الموجات الخارجة منه .. هو فيه ميزة السرعة و السهولة فى اختيار الاوانى للتسخين .. لكن فى كلام جديد ان حتى الطعام مو زين يتسخن بهالاشعة والله اعلم عن هالجهاز اللى يحير بصراحة يعنى زين و مو زين بنفس الوقت ​

 

[Business Girl]

رد: رد : ايهو الافضل : مايكروويف و لا فرن كهربائى .. و لا ثنينهم

انا عندي ميكروويف يسخن الاكل بسرعه بس احسه بسرعه يبرد !!! ومايصير اتحطين بلاستك داخل مو زيين يسبب امراض الله يكافينا الشر لان ممكن مادة البلاستك تذوب وتختلط مع الاكل

مفكره اشتري فرن لان صحيا افضل واتوقع الاكل ماراح يبرد بسرعه نفس الماكرويف

 

[اطباق ماي ورد]

انا بعد مثلج عندى ميكروويف وفرن اثنين بواحد على قولتهم

ولى الحين ما استخدمه الالللتسخين وبس

ودى اشترى فرن عادى صغير لانى خايفه استعمل الميكروويف بالطبخ بسبب الاشعاعات اللى يقولون عنها

والله حرام شريته غالى وبس تسخين بس شسوى

ولا حتى تعلمت عليه ودى اتعلم عليه بالطبخ وهم خايفه

انتى اش صار عليج شريتيه والا بعد