اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

[3SHO8H]

رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

تسلم الايادى

 

[أذوب في عيونها]

رووووووووووووووعه




واصلي روووووووووحي

 

[SeLf^CoNfiDeNce]

رد: رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

تسلم الايادى

مشكوره حبيبتي ....~
حطي توقعاتج للقصه حبيبتي =)

 

[SeLf^CoNfiDeNce]

رووووووووووووووعه




واصلي روووووووووحي

مرورج الاروع

حطي توقعاتج دلول راح تحب عزووز و لا لأ ؟؟!!

 

[Miss.blue berry]

رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

ثينكيو حبي على البارت الحلووو
و امم اتوقع انه دلول تحب عزيز مع الاايام
و ناطرين البارت الرابع

 

[SeLf^CoNfiDeNce]

رد: رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

ثينكيو حبي على البارت الحلووو
و امم اتوقع انه دلول تحب عزيز مع الاايام
و ناطرين البارت الرابع

مشكوره يا قلبي غ المرور و ترقبي البارت اليديد

 

[SeLf^CoNfiDeNce]

الجزء الرابع

قاعدين ياكلون و اول ما شاف عبدالعزيز طبقه على طول تذكر
كلام دلول و دزلها مسج كتب فيه
~ السلام عليكم محدثكم من ميس الغانم .. اود اخباركم بان طاح العشا لوووول اهم شي طاح العشا مو عارف اركبها اقول سقط العشا و لا شنو بالضبط المهم ترى يابو العشا يا حلوه ~

دلال مركزه بالكتاب و فجأه صوت موبايلها يرن , قربت من الموبايل شافت رسال فتحتها و قرت كلام عبدالعزيز
ردت عليه دلال :
~ ههههههههه بالعافيه و عقبال ما يحطون عشا تخرجك من الجامعه ~

عبدالعزيز : قره المسج و اهوا طاير من الفرحه دزلها :
~ عقبال عرسي انا معاج ... تتزوجيني و لا في وحده قاعده بالطاوله الي جدامي قاعده تطالع تبينها تاخذني منج .؟ ~

دلال ما قدرت تمسك نفسها حست انها قعدت تحبه ما تبي اييبلها طاري اي بنت خذت التلفون و دقت عليه
شاف الرقم و فز قلبه و رد عليها
عبدالعزيز : هلا بو حمود
دلال : من بو حمود
عبدالعزيز : لا وين طالع مع الاهل
دلال : اها ليكون بس مادري
عبدالعزيزيبي يشوف غيرتها : عاد قاعد جدامي الحلو
دلال : صج ... انزين انا بروح ادرس باي
عبدالعزيز : وين على الله داق عشان تقولي باي ؟
دلال : لا بس شكلك لاهي مع الحلوه الي جدامك
عبدالعزيز يساسرها : والله و قمنا نغار !!
دلال : منوانا اغار عليك انت ههههه
عبدالعزيز : اي واضح
دلال : اي شي صج
عبدالعزيز : عيل ليش دقيت اول ما دزيتلك مسج
دلال : لا ... بس بغيت اقولك اني ..
عبدالعزيز : انك شنوو ؟؟
دلال : ولا شي دقيت بالغلط
عبدالعزيز : خلاص عيل حبيبي اشوفك على خير
دلال : اوكي حبيبتي هههههه
عبدالعزيز : مردوده
دلال : يا سلام يعني شنو مردوده انت تقول حبيبي انا اقول حبيبتي
عبدالعزيز : خلاص حبيبي
دلال : خلاص يا حلوه باي
عبدالعزيز : باي



خلصت الامتحانات و ظل عبدالعزيز و دلال متواصلين و زاد تواصلهم عن الاول
عبدالعزيز : دلوله يلا متى تطلع نتيجتج
دلال : واااي لا تذكرني حدي خايفه
عبدالعزيز : لا تخافين كل شي بتاخذينه بحقج و انتي ما قصرتي بالدراسه
دلال : الله يسمع منك
ظلوا عبدالعزيز و دلال يسولفون لي الساعه 3 الفير

*****************

تاريخ 21-5-2006
كل اهل منار ( ام عبدالعزيز ) متيمعين ابيت اخوم محمد
و كل من يسولف و يضحك من صوب
خالتهم الكبيره منيره : ها بنات متى النتايج ؟
البنات : والله ماندري خالتي
مريم ( اخت عبدالعزيز ) : خالتي حدي خايفه من النتايج
سعود ( ولد منيره ) : ويييييييه ما عندج سالفه مريوم تخافين والله انا عندي اهم شي اتخرج حدي مو محاتي النسبه محاتي الدور الثاني
منيره ( امه ) : لا تييبلي طاري دور الثاني لا اقطك من الدور الثاني ترى
البنات : هههههههه
سعود : يما زين جذي فشلتيني جدامهم انا زعلان
منيره : دورلك اخد غيري يراضيك
سعود : مريوم راضيني
مريوم منصدمه بدون ولا كلمه : @@
نوره اخت مريوم الصغيره : ها سعودو تحبها احسن حبها فكني مها ابي اصير دلوعه ابوي بروحي مابيها
مريم يعصبيه : نوره عيب هالكلام لا اقول حق امي
سعود : خليها شقالت ما قالت شي
مريم : انا بروح الحمام
نوره : الا بتنحاش عبالها ما فهمنا ههههه
سعود : انتي داهيه يما منج


ظلوا يسولفون لين فجأه تصرخ ام عبدالعزيز :
بنات شباب لحقوا حطوا النتايج
مريم : وين يما ماكو شي
سعود : لا امبله حطوا الراي خنشوف
مريم : اعتقد حاطينهم عالوطن
سعود : اي انا بيحطوني بكل القنوات لاني واثق اني بكون الاول ع الكويت
الكل : ههههههههههه
مريم : اي اي كا خالتي طولي ع الصوت هذيل اسماء الاوائل يعني احنا بعد شوي يدزون لنا مسجات او نجيك عالنت
يدش عليهم عزوز عرض : خالتي شلون اطلع النسبه من النت
خالته منيره : شوف اول شي دش على موقع وزاره الكويت و بعدين اول شي .....
عزوز : اي كملي خالتي بسرعه
خالته منيره : انت شكو بالنسبه مو دشيت الجامعه الحمدالله
عزوز : لا بس بطلعها حق اخو واحد من الربع
خالته ييب رقم جلوسه و حطه بالموقع
عزوز دز حق دلول مسج ~ حبيبتي ممكن رقم جلوسج ~
دلول :~ليش~.
عزوز : ~حطوا النسب و نتي مع كوثر طالعه قلت اطلعها لج~
دلول ~هذا رقم جلوسي (345) بسرعه بلييييز ~
عزوز :~حبيبتي الف الف الف الف الف الف الف الف الف الف مبروك ساقطه بالبدنيه~
دلول ~ عزيز لا تستعبط يالله ~
عزوز : فديت الي مستعيله نسبتج 87.25
دلول مسكت السماعه و دقت على عبدالعزيز
دلال : من صجك ؟
عبدالعزيز : اي والله
دلال:مشكوور مادري شقولك بس اردها بالافراح ان شاء الله
عبدالعزيز : حبيتيي انتي
دلول مستحيه : مشكور
عبدالعزيز : خلاص حبيبتي اذا رديتي البيت دزيلي مسج
دلال : اوكي
عبدالعزيز : باي حياتي و حطي بالج على نفسج
دلال : ان شاء الله باي

كوثر تقول حق دلول من صجه هذا جم عمره جنه ياهل يدور نسبتج و يتغشمر معاج يقول ساقطه بالبدنيه ويع شلون متحملته ؟؟
دلال : حبيبي و كيفي
كوثر : يدري انج تحبينه
دلال : لا للحين ما بينتله شي
و ظلوا يسولفون عن عزيز و عن ايامهم الي راح تيي بالجامعه



بيت بو عبدالعزيز :
عالريوق الساعه 8:00 الصبح
بو عبدالعزيز : فديت بنتي الي رفعت راسي والله
عبدالعزيز : اي صح على طاري مريوم جم يابت ؟
ام عبدالعزيز : 85.15
عبدالعزيز : زين . يلا مريوم مبروك و الحقيقه مره لاني راح ابتلش فيج و اعشيج باجر
مريوم : هههههههه يا ريت والله
رن تلفون عبدالعزيز :
عبدالعزيز : هلا والله بهالزين
علي : هلا فيك
عبدالعزيز : ها شلون الجو عندك بأسبانيا ؟
علي : والله حده تمام ما ودي ارجع من الوناسه
عبدالعزيز : ها يبتلي تيشريت برشلونه
علي : افا عليك يبتلك و يبتلك كل الي تبيه
عبدالعزيز : حبيب والله ... متى بترجع ؟
علي : الاحد ان شاء الله
عبدالعزيز : حلو راح اكون ناطرك
علي : اوكي
عبدالعزيز : خلاص عيل
علي : باي
عبدالعزيز : باي
بو عبدالعزيز : مو ملاحظ مكالماتك صارت وايد تلفونك ما يسكت كل شوي يرن
عبدالعزيز : لا يبا الشباب و الشغل و هذا عليوي مسافر شتبيني اسوي

طلع عبدالعزيز من بيتهم و راح يشتري هديه حق دلول مثل ما وعدها
و اهوا بالطريج دق عليها و كان حاط اغنيه :
يوسف المطرف – انتي جمال الروح
انتي جمال الروح و عمري و دنياي
انتي قمر يضوي الليالي السعيده
يا لحن عمري و يا قصيدي و مغناي
بحبي صرتي احلى قصيده
في عز صمتي تفهم الناس معناي
مالج شريكه في حياتي وحيده
يالله عسى الله دوم يخليج وياي
تبقى السعاده في حياتي اكيده
و قعد يسولف معاها فجأه صرخ بأعلى صوته و رد قال مقطع من الاغنيه
قالها ^ مالج شريكه في حياتي وحيده
يالله عسى الله دوم يخليج وياي
تبقى السعاده في حياتي اكيده ^

دلال حست الدنيا شايلتها من الفرحه مو عارفه شقول بس قالت بقلبها عسى الله لا يحرمني من الصوت الحلو
تجرات دلال و قالت : عبدالعزيز
عبدالعزيز : عيوني
دلال : صوتك حلو ما شاء الله
عبدالعزيز : عيونج الحلوه
و ظلوا يسولفون لين وصل عبدالعزيز الفنار عشان كان يبي يشتريلها عطر GIVENCHY
و شرالها ساعه من ON TiMe


************************


مريم ( اخت عزوز ) كانت شابكه و كانت حاطه التوبك مالها
و كانت حاطه التوبك مالها :
KiL 3aM oO 7uBii B5aiiiR =)

دش عليها سعود و قالها منو حبج ؟!!
رديت مريوم ؟ رفيجتي ليش؟
قالها : لا اسأل
مريم : اها
سعود : مريم انا احبج
مريم : سعود انا بخليك بفصل
سعود على راحتج
مريم: باي

دزلها مسج ~ ليش تتهربين مني من دريتي اني احبج
ليش حبي لج غلطه و لا في احد بحياتج ؟ ~

مريم :~سعود مادري شقولك بس مع الايام راح تعرف انا ليش اصدك ~

سعود رد عليها بمسج ~ ابي اعرف الحين ~
مريم : ~ ما اقدر ~
سعود : ~ على راحتج ~

دانه بنت خالهم محمد
دقت على مريوم و قالتلها
دانه : قوه مريوم
مريم : هلا دانو شلونج ؟
دانه : مو زينه
مريم : ليش شفيج ؟
دانه : تدرين اكلم سعود بالمسن و حاقرني و حاط توبكه
Ma abii a7aD '3aiREch (M)
مريم توهقت : مادري شقولج ؟ بس اهوا ما يدري انج تحبينه ؟
دانه : شسوي اهوا نفسه خايسه علينا
مريم : ممم والله مادري شقولج
دانه : اموت و اعرف منو هذي الي ما يبي احد غيرها ... ويع شهالحظ
مريم : دانو انا لازم اشوفج باجر
دانه : وين ؟
مريم : تعالي بيتنا و اخلي عزوز يودينا ستاربكس مشرف نقعد هناك
دانه : اوكي خلاص
مريم : خلاص اشوفج باجر .. باي
دانه : باي

باجر شافت مريم دانه و قالت لها عن سعود
ماعرفت شنو تسوي , و دانه راحت طلعت من الكافيه و اهيا تبجي
و دزت حق سعود مسج ~ انا كنت احبك و حركاتي طول هالسنين كانت واضحه بس انت الي صديتني و كنت تحب مريم و واضح عليك هالحب بس اذا انت للحين تحبها انا اقولك ان مريم ما تبيك لانك مثل اخوها ~
تاريخ
12-7 – 2006
الساعه 1 الفير
دلول دقت على عزوز اول مره تسويها و تدق عليه الفير (( العاده كل اهوا يدق عليها ))
دلال : مساء الخير
عبدالعزيز : مساء النور
دلال : سوري عزيز حدي مفتشله لاني داقه هالحزه
عبدالعزيز : دلول ما احب هالكلام انتي تدقين بأي وقت انتي غيير عن العالم ... امري حبيبتي
دلال : بغيت اقولك لا تمسى باجر التسجيل و انا قلت حق امي ان اخو رفيجتي بيدلينا لان اخته معاي
عبدالعزيز : صار و ان بقول حق مريوم ان انتي اخت رفيجي و رفيجي مسافر موصينيي اسجلج
دلال : ههههههههههههههههه اوكي يا رفيج اخوي
عبدالعزيز : ههههههههه وين اشوفج ؟
دلال : مادري الصبح لما اقعد اعطيك خبر
عبدالعزيز : اوكي حبيبتي
دلال : خلاص عيل خل اروح انام عشان اقعد مبجر باجر
عبدالعزيز : اوكي حبيبتي
دلال : و انت ما تبي تنام ؟ ترى مو زين السهر
عبدالعزيز : فديت الي يخافون علي من السهر
دلال : ....
عبدالعزيز : السكوت علامه الرضا ؟ و لا انا غلطان ؟
دلال : عزيز : اخليك خل انام عشان اقوم الصبح مبجر
عبدالعزيز : خلاص حبيبتي تصبحين على خير و تغطي عدل
دلال : U 2
عبدالعزيز : خلاص حبيبتي باااي
دلال : باي

تاريخ 17 – 9 – 2006
يوم تسجيل مريم اخت عزوز و يوم تسجيل دلال حبيبه عزوز

عالخط السريع فجأه وقف عزيز و دز مسج حق دلول وينج ؟؟
ردت عليه دلول ؟؟؟



تابعوني بالجزء الخامس

 

[SeLf^CoNfiDeNce]

الجزء الخامس :

ردت عليه دلول : ~عالخط السريع~
دزلها مسج ثاني: ~ انا صافط قبل جسر التحكم ~
دزتله مسج ~ شنو سيارتك ~ ؟
رد عليها : ~طوارق سوده~
قالت له اوكي
مريوم منصدمه من وقفت عزوز قالت له :
عزووز شفيك واقف هني ؟؟ ليكون السياره خربانه
عزوز رد عليها : لا ناطر اخت رفيجي عندها تسجيل و رفيجيت مسافر و موصيني عليها امها يايبتها
مريوم : اها

ظلوا 5 دقايق بالسياره لين وصلت دلول
دزت حق عزيز مسج ~ يالله امش و امي راح تمشي وراك ~
قالها اوكي
و ظل طول الطريج يطالعها بالمنظره و دزلها مسج ~ صايره حلوه~
كانت مستحيه ما ردت عليه

اول ما وصلوا

نزلت دلال و راحت للمكان الي تحط رغباتها فيه
و لحقها عزيز و قالها:
قولي حق امج ان الاجراءات تطول خلترد البيت و انتي تردين معاي انا و مريم
دلال : انت ينييت تبيني اركب معاك؟
عزبز : ترى انا مع اختي يعني في احد معانا .. و بعدين الاجراءات صج تطول يعني يبيلج 3 او 4 ساعات عالاقل
دلال : ممم خلاص خل اشوفها شتقول
عزيز : لا تخافين مستحيل اني بيوم من الايام اضرج انتي روحي مو بس حبيبتي تعرفين شنو يعني روحي ؟
دلال استحت : خلاص عزيز
عزيز : احبج
دلال: انا بروح
و دارت ويها عن عزيز و راحت لانها استحت من كلامه

و خلص التسجيل بعد 3 ساعات

و عزوز يبي يرد مريوم و دلول البيت
و كان يحاول بعرفهم على بعض بس ماكو فايده كل وحده مستحيه من الثانيه
دز مسج بالسياره حق دلول ~ دزيلي عنوان بيتكم لاني قايل حق مريوم ان انتي رفيجه اخوي يعني اكيد بكون ادل بيت رفيجي ~
دلول ~ هههههههه هذا العنوان ... ~
عزوز: ~ حبيبتي في لج شغله ورا تلقينها يم ريلج جيس احمر نزليها وياج و انا بلهي مريوم اوكي حبي ~
دلول : ~ اوكي ~


************************

بيت بو عبدالعزيز :
ساعه 5:36
ام عبدالعزيز : ها مريومه حبيبتي شنو سجلتي رغباتح ؟
مريم : يما انا ما اسجل و بس انا انقبل فوري ههههه , قبلوني علوم اجتماعيه
ام عبدالعزيز : زين انتي و عزوز بمكان واحد
مريم : اي عشان يدليني ما ادل
و ظلت مريم تسولف مع امها عن الجامعه و عن المرحله اليديده بحياتها
******************
وحشتيني وحشتيني و جيت اسأل و اظن اني على بالك
عسى ما شر ما تسأل وش الي غير احوالك
وحشتيني وحشتيني
بالسياره عبدالعزيز كان يحب يسمع هالاغنيه
و كان يغني مع الاغنيه فجأه رن تلفونه
شاف الرقم و لا ما يعرف مو مسيف عنده
عبدالعزيز : الو
....... : الو السلام عليكم
عبدالعزيز : وعليكم السلام و الرحمه
..... : عزيز انت ما تعرفني بس حبيت اقولك ان علياء بعد يومين بتسافر مع ابوها لندن لان ابوها حيل تعبان و يبي يسوي عمليه ... راح تكون بغربه و محتاجتك واايد دق عالاقل كلمها او قولها كلمه تقوي قلبها
عبدالعزيز : جم رقمها ؟
..... : هذا رقمها 66******
عبدالعزيز :اوكي باي
...... : باي


في بنت منيره
عالغدا :
ام حسين : ما شاء الله شفتوا نسب بنات خالتكم لا اله الا الله عيني عليهم بارده كل نسبهم تبيض الوي
بو حسين : الله يفرح اهاليهم فيهم
انوار بعصبيه : سانتي >>> اسم شغالتهم .... سانتي يبيلي قلاص فيه ثلج
ام حسين : و انتي ان شاء الله متى ناويه تتخرجين من المعهد ..؟
انوار : ماني محتاجه الوظيفه الحين ليش استعيل
بو حسين : خلاص خلي البنت على راحتها
انوار : يبا محد حفزني و حطلي دافع من الاول و الحين يايين تحاسبوني على دراستي و مستقبلي , ما لقيت اهتمام من هالناحيه كلش , و امي دايما تحاول تعايرني بلي احسن مني بالعافيه عليهم شهاداتهم و طموحاتهم , بس الاهل لهم الدور الكبير بمستقبل عيالهم
ام حسين بأستغراب : تبيني اييب الكتاب و احفظج
انوار : من صغري اعتمدت على نفسي بدراستي
بو حسين : خلاص يبا سوي الي تقدرين عليه و تخرجي و ان شاء الله بتتوظفين
انوار : ان شاء الله
صعدت انوار لغرفتها و قعدت تبجي محد راضي يحس فيها

***********************

عبدالعزيز رايح النادي الساعه 9:00
لمن كان بالطريج قاعد يفكر بكلام الي اتصلت فيه !!
دار هالحوار بينه و بين نفسه
( يا ترى شمصلحه البنت .. و شنو الي ذكر علياء فيني بعد كل هالسنين ؟؟ معقوله اهيا محتاجتني ؟؟ اذا دقيت عليها شقولها ؟؟ بس انا متأكد ان لها وايد غيري تقدر تلجأ لهم و .. )
فجأه سمع صوت نغمه تلفونه
مسج من دلال
(~ مساء الخير ... حبيت اقولك مشكور و ما تقصر عالتسجيل و ما كان له داعي تكلف على نفسك بالهديه ... thaNx )

قره المسج و دق عليها :
عبدالعزيز : دلوول متى بتفهمين و تحسين انج حبيبتي و عمري و كل حياتي والله ابيج مو بيدي و انتي تستالين كل خير
دلال: مشكور ما تقصر ... شكلك طالع
عبدالعزيز : اي والله طالع
دلال بنفس : اوكي عيل ما اطول عليك
عبدالعزيز : دلول انتي تحبيني ؟
دلال : ليش تسأل
عبدالعزيز : مادري بس ليش تزعلين لمن تدرين اني طالع .. والله انا ودي اقولج هالشي بس انتي ما طلبتي مني انج تعرفين وين اروح و وين ارجع هالشي لازم يكون اهتمام منج حتى لو للحين ما تحبيني عالاقل اهتمي فيني عشان يحن قلبج علي
دلال : بس انا اعزك وااااااااااااايد
عبدالعزيز : شكثر يعني ؟
دلال : كثر السما
عبدالعزيز : و متى تحبيني كثر السما ؟
دلال: لما احبك
عبدالعزيز يالله متى ايي هاليوم؟؟ ابي اسمعها منج
دلال : كل شي بوقته حلو
و ظلوا يسولفون لين وصل النادي
************
بما ان عطله دلال فتحت الـ MSN
عشان تسولف فيه مع رفيحاتها
كانت حاطه التوبك
Wallah a7bik oo ysh'haD aLLah 3Ly LAMa ashoFiK aBTeSM Maho BeDay
دشت عليها كوثر و قالت لها : ولكم نور المسن
ردت دلال : يسلمو بوجودج
كوثر : ها يا العاشقه منو هذا الي لما تشوفينه تبتسمين ؟؟
دلال : تبين الصج ؟
كوثر : اي اكيد
دلال : عزوز حبيته من كل قلبي و اذا مر يوم واحد و ما كلمته احس شي كبير ناقص بحياتي
كوثر : كل هالحب ؟؟
دلال : ما يصير افهمج هالحب بالمسن ما ينفع لازم اكلمج faCe To FaCe
باجر تعالي بيتنا و اسولفلج
كوثر : اشوف ان شاء الله اذا قدرت ايي
دلال : اوكي
و ظلوا يسولفون سوالف عاديه

بعد ما خلصت دلول من المسن
راحت على FoLDar الاغاني عشان تدور لها اغنيه تسمعها
حطت اغنيه عبدالمجيد عبدالله _ تشطر عاد و افهمها
كلماتها :
الكلام الي انا قلته
و هالورد الي ارسلته
و لا حسيت ابد انت
تشطر عاد و افهمها
احبك يعني مو داري
و لا حسيت في ناري
كفايه تشغل افكاري
تشطر عاد و افهمها
احبك احبك احبك يعني مو داري
تقول بينها و بين نفسها متى يفهم اني احبــــــــــــــــــــــــــــــــــــه


****************

عبدالعزيز تمرن بالنادي و بنفس الوقت قاعد يفكر شنو تبي فيه علياء ؟؟؟ .... و ليش بعد هالسنين تذكرته و اهيا الي باعته عشان واحد ثاني ؟؟
طلع من النادي بعد ما تمرن و ركب السياره
لقاها فرصه يدق عليها و يتفاهم معاها عشان اذا وصل البيت يسبح و يدق على دلول
مسك موبايله بتردد و اتصل على رقمها
عبدالعزيز :الو
علياء :الو
عبدالعزيز : السلام عليكم ... عرفتيني ؟
علياء : و عليكم السلام ... هلا عزيز شلون ما اعرفك .. السنين الي كانت بينا ما تخليني انسى صوتك
عبدالعزيز : اشوفج احترمتي السنين الي كانت بينا
علياء : عزيز خلاص ماله داعي هالكلام ... والله محد بالدنيا يسواك
عبدالعزيز : علياء انتي الي ماله داعي تقولين هالكلام لانج لازم تعرفين انج قاعده تكلمين واح مرتبط و عن قريب راح يتزوج (( ما يبي يعطيها وي ))
علياء : يا حظها الي بتاخذك
عبدالعزيز : علياء الي دزيتيها اتمنى ما تدزينها مره ثانيه علي لاني مرتبط و ماني مستعد اخرب حياتي لاني الحمدالله استقريت
علياء : ما تبي توقف يمي بأصعب لحظ بعمري ؟
عبدالعزيز : المفروض الناس الي بعتيني عشانهم يوقفون معاج بهاللحظه
علياء : ساكته
عبدالعزيز : انا اخليج الحين مابي الي راح تكون ام عيالي بالمستقبل تدق و تلقاه waiting و حطي ابالج انا بس دقيت عشان اقولج حطي بالج على ابوج و لا تهملينه لان الابو ما يتعوض ... و الدليل لما بعتيني في واحد اخذ مكاني (( تعمد يقولها هالمثال ))
علياء و خاطرها مكسور : الله يهنيك و ربي يصبرني على مرض ابوي
عبدالعزيز : الله يشافيه و يشافي كل المرضى المسلمين
علياء : الله يمسع منك
عبدالعزيز : اخليج انا الحين
علياء : اوكي
عبدالعزيز : باي
علياء : باي

علياء دزت حق عبدالعزيز مسج
~ ما كنت متوقعه هذا ردك لي و انت حتى ما عطيتني فرصه اكلمك فيها و اقولك الي عندي و انا ما ابيك بس اتمنى انك ما ترتاح معاها .... * جزء من النص مفقود * ~

تابعوني بالجزء السادس =)

 

[بيـــشو17]

حبيبتي مشكوره على الرويه وااايد حلوه
نبي بااارت الحين

 

[بيـــشو17]

نبي باااااااااااااااارت؟!

 

[Miss.blue berry]

رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

ثينكيو حبيبتي على البارت ~~
امم مثل ما توقعت دلاال تحب عزيز
امممم و مريم ما اتوقع ارفضت سعووود لانه مثل اخوووه اكييد فيه سبب كبير مادري
وو يمكن صج تحب وااحد ما يندرىى ~~
لوول بلييز لا تطولين ناطرينج
^
^
من امس قريت البارت بس المنتدى معلق و ما قدرت احطلج رد

 

[SeLf^CoNfiDeNce]

حبيبتي مشكوره على الرويه وااايد حلوه
نبي بااارت الحين

مرورج الاحلى حبيتبي

تابعيني اليوم الساعه 6 بنزل بارت

 

[Miss.blue berry]

رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

وين البارت ناطرتج

 

[SeLf^CoNfiDeNce]

هلوو بنات
سوري المنتدى كاآآآن معلق
الحين بزل بارت

نطروؤوؤوؤوؤوؤوؤوؤوؤوؤوؤوؤوؤوؤوؤوؤوؤوؤنــــي

 

[SeLf^CoNfiDeNce]

بيشو :

تابعيني ثواني و يكون نازل البارت

 

[SeLf^CoNfiDeNce]

مس بلو بيري
ثانكس ع التوقعات


تابعيني ...*

 

[SeLf^CoNfiDeNce]

الجزء السادس :
علياء دزت حق عبدالعزيز مسج
~ ما كنت متوقعه هذا ردك لي و انت حتى ما عطيتني فرصه اكلمك فيها و اقولك الي عندي و انا ما ابيك بس اتمنى انك ما ترتاح معاها و عسى الله لا يجمعكم و انا كرهتك وايد و عساكم تحترقون قبل لا تاخذون بعض ~

رد عليها عزيز بمسج :
~ يقولج : احسن دوا للي يحاول يستفزك نحقره ----< و هالكلام ينطبق عليج و يا ريت ما تدزين شي ~

***************************
في بيت منيره اخت ( ام عبدالعزيز)
حسين قاعد مع امه بروحهم و استغل الفرصه يفتح معاها الموضوع
حسين : يما بتزوج ..
ام حسين : و منو سعيده الحظ الي بتاخذ وليدي
حسين : بنت اختج *_*
ام حسين : اي بنت اخت ؟؟
حسين : يما شوفي انا بقولج كل شي و بعترفلج .... انا احبها من زمان و فوق هذا كنت محترم معاها ما بينتلها اي شعور من اتجاهي و عاملتها نفس معامله بنات خالاتي الثانين بس من داخلي انا احبهها اهيا و ابيها ... وتوها تخرجت من الثانويه و لقيتها فرصه اقولج عشان
ام حسين : لحظــه لحظـــه @@ توها متخرجه من الثانويه يعني صغيره !!
حسين : يما حتى لو صغيره انه كبير و بعدين انا ابيها تكون صغيره احسن لان البنت الصغيره تسمع الكلام (( و يضحك )) و انا الريال و مستعد لازم انا اصرف عليها و مافيها عيب اذا البنت تزوجت بهالعمر

ام حسين : منو اهيا ؟
حسين : مريم بنت خالتي منيره
ام حسين و اهي مبتسمه : خلاص انطر شوي عشان افتح الموضوع مع ابوك و هم عشان اخذ رااحتي بالتفكير هذا زواج مو لعبه
حسين : خلاص يما على راحتج

**********************

دلال مسكت الموبايل و دقت على كوثر عشان تشوفها و دها تكلمها عن عبدالعزيز
دلال : كوكو تعالي اليوم بيتنا عشان اخلي امي تودينا الفنار و نقعد على راحتنا اب columbus cafeو نتكلم
كوثر : اوكي ابدل و اييج
دلال : خلاص و لا اقولج بدلي واحنا نمرج على طريجنا
كوثر : خلاص اوكي الحين بروح ابدل
دلال : خلاص عيل خلصي بسرعه
كوثر : وليييييييييين بدينا انحن خلاص ان شاء الله عمتي ههههههه
دلال : ههههههههههههههههه
كوثر : خلاص باي
دلال : باي

دلال دقت على عبدالعزيز عشان تستأذن منه انها بتطلع
قالها : اوكي بس حطي بالج على نفسج و اي شي تبين دقي علي
دلال : قالت له اوكي
و راحت بدلت

**************

انوار طلعت من بيتهم مخنوقه حدها تبي تروح اي مكان حدها مضغوطه و حاسه الدنيا مو قادره تشيلها ... راحت عالبحر و قعدت و حست ان هالمكان مستعد يتحمل كل ما فيها و قعدت تفكر بينها و بين نفسها و تقول :
مو غريبه ام مشاري تقول عني ما عندي طموح و فاشله و رافضه تزوجني ولدها ما الومها اذا امي الي اهيا امي تعايرني و تحسسني اني غير عن الناس
و ظلت تبجي و تقول لازم القالي حل مع مشاري مابي اخسر الانسان الي حبيته عشان شهادتي


****************
دلال : انا عند بيتكم يلا طلعي
كوثر : اوكي
ام دلال وصلتهم الفنار و راحت
كل وحده طلبت لها مشروب بارد و بدت دلال تتكلم عن عبدالعزيز
بدت تتكلم فيه و تقارنه بأبوها الي ما عمره درا عنها و كله لاهي و بيوم حفله تخرجها ما حظرلها و حست ان ناقصه ريال بحياتها ... و صارت تتكلم عن عزيز كان شايلها بعيونه و دوم يسأل عنها و كان يخاف عليها و هذا اكثر شي كان ناقصها
وبنفس اللحظه دق عليها عبدالعزيز : دلول ابي اشوفج متلهف على شوفتج انا قريب عالفانار خليني اي و اشوفج
دلال : عبدالعزيز شهالكلام ؟؟!!
عبدالعزيز : بس بشوفج و امشي و الله اوعدج
دلال : لا عبدالعزيز ما اقدر
عبدالعزيز : والله بس من بعيد اشوفج و امشس
دلال : اوكي
و شافها عبدالعزيز و كان حده مستانس و اهيا بعد نفس الشعور بس ما بينت هالشعور جدامه
*********************
بعد اسبوعين
ام حسين اتابع مسلسل و تشرب عصير
حسين راح حق امه : يالله يما ما صارت كل هذا منطرتني ؟؟
ام حسين انطر شوي كله مستعيل هذا زواج مو لعبه
ام حسين قعدت اتابع المسسل لين زهق حسين من القعده و راح
لقتها فرصه خذت الفون و دقت على ام عبدالعزيز
ام حيسن : الو
ام عبدالعزيز : هلا والله هلا بالقاطعه ... يعني عشان انتي ااختي الكبيره كله تبيني انا الي ادق
ام حسين : لا والله بس مشغوله مع العيال و سوالفهم
ام عبدالعزيز : اي والله صاجه عندي و عندج خير ... انا والله الكبار مينينيني اكثر من الصغار نورو اهدا من مريوم و عزوز
ام حيسن : على طاري مريوم شلونها مع العطله ؟ شمسويه
ام عبدالعزيز :الحمدالله بخير
ام حسين : انزين انا بشوفج اليوم
ام عبدالعزيز : خير ان شاء الله في شي ... صاير شي ؟؟
ام حيسن : لا عادي بقعد معاج بس
ام عبدالعزيز : متأكده ترى قلبي نغزني اذا في شي قولي
ام حسين : لا ما في والله قتلج مافي عادي
ام عبدالعزيز : اوكي بعد صلاه المغرب اييج
ام حيسن : اوكي انطرج
ام عبدالعزيز : خلاص عيل باي
ام حسين : باي


حسين ... حسون ... بسم الله مساع كان قاعد وين راح معقوله طلع ؟؟ لا ما اعتقد راح فوق
قربت ام حسين عند السلم و راحت تنادي حسين
حسين : هلا يما شفيج تصارخين آمري ؟
ام حسين : اليوم بقعد مع ام مريوم ابيك تكون هني عشان تكلمها معاي
حسين : صج يما (( يبوس راسها ))
ام حسين : شفيك مستعيل ما صار شي للحين خل يوافقون بعدين
حسين : يا رب توافق
ام حسين : الله يسمع منك ... مريوم تستاهل نفس بنتي و اكثر
حسين : يما انا بروح اشتري كيك و حلو و كل انواع العصاير
ام حسين : اشوف الحين متلهف على روحه الجمعيه العاده كله مالك خلق كل هذا عشان ام الحبيبه عياااااااااااااارتك واضحه
حسين : لا يمي يعني اقول فشله
ام حسين : فشله ها ... قوم قوم عن ويهي خلني ارتب الصاله و اروح اطلب كيكه
حسين : اوكي
ام حسين : خلاص يلا روح


*********************************
انوار دقت على مشاري و اهيا حيييييييل متضايقه
انوار : حبيبي وينك اليوم ما سألت عني ؟
مشاري : مادري شقول حبيبتي بس امي صاكتها بوي من كل صوب و ما ابي اظلمج وياي
انوار : يعني شنو تقصد @@ !!! خلاص يعني تبي كل الي بنيناه بيوم يروح عشان ما تقدر تقنع امك ؟؟ انت لو تبيني توقف بوي الكل بس انت حقير و حسافه كل دقيقه ضيعتها معاك و حسافه كل كلمه حب قلتها لك و قعدت تبيجي
مشاري كان يدلعها نونو
مشاري : نونو حبيبتي انتي متضايقه و هالكلام كله مو من قلبج ... بس والله مو بيدي عذر امي و قتلح ياه
انوار : مشاري خلني بروحي و يسير خير
مشاري : انا راح ادق عليج بليل اول ما تهدين
انوار : اوكي باي
مشاري : باي

انوار قعدت تطالع غرفتها كل شي تحسه غريب عنها مافي شي محسسها بالامان و الحب
كل العالم ضدها
و طاحت عينها على صورت ابوها ماسكها و كان يضحك
التفتت عالصوره و قامت تطالعها و تتمنى من داخلها لو هاليوم يرجع تبي ابوها الي كان دايم يسأل عنها و يوقف عندها ... امها حرمتا من كل شي حتى من ابوها خلته بعيد عنها
بنفس اللحظه مسكت فونها و دزت مسج حق ابوها :
~ باباتي بقولك شي و اتمنى تسمعني و تفهمني و تخليني اكمل حياتي بالطريقه الي انا ابيها .. ابي منك فلوس لاني قررت اني اسحب اوراقي من المعهد و بدش جامعه خاصه على حسابي و ان شاء الله ما راح اخيب ظنك ة راح انخرج منها ~
بو حسين قره المسج و حس بأحساس حلو حس ان بنته قدرت تبني حياتي حتى لو انها تأخرت بالقرار بس حس انها بدت تفكر صح و رد عليها بمسج :
~ عيوني لج ، بس لازم اقعد معاج و عشان افهم منج ليش كل هالتغيير المافجئ ~

تابعوني بالجزء السابع

 

[Miss.blue berry]

رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

ثيــنكيو حبيبتي على البارت |~~
اممم و ودي اعرف مريم راح توافق و لا لا بس اتوقع لا مادري ليش ~~
اممم و قرار انوار صح ! لازم تكمل دراستها بس مو عشان مشاري عشان مستقبلها ~~
ناطرين البارت الياي ~~

 

[SeLf^CoNfiDeNce]

iLpaRt ELYay eNSHaLLah a7DaThaa aKthaaaR


taB3ouNiii oO eNSHaLLAh 5aiiR



=)



;*

 

[SeLf^CoNfiDeNce]

حطوللي توقعاتكم و راح امزل بارت يوم الثلاثه ان شاء الله =)


ن * ط * ر * و * و* ن * ي