اول إعانة جامعيه .. شلون صرفتيها :) تعالوا ياطالبات

[زبــــــــدة]

انا بالجامعه المفتوحه

قل كورسين اعتقد يعني العام نزلت 600 طبعا فسفست بالحلال لووووووول

شريتلي هدووم وتلفوون ومكياج وجذي اشياء خرابيط لوول

 

[قطوووة]

هههههههه حياكم

 

[noo7a]

انا نزلت لي باثر رجعي جنه كانت 400 بعد ما عمموها للكل نزلت بالصيفي
و شريت فيها لاب توب

 

[قطوووة]

:aha:

خوووش والله

 

[مطيريه ماركه]

وييييييييه ناااسيه والله بشنو صرفتها

وناسيه جم نزلتلي بس جنه نزلت عـ الكورس الثااني يمكن 300


<< شحقه داشه لوول

نزلت لنا 400 شفيج نسيتي :016: وأظن بآخر شهر 1

أحم أحم

آنا والله خربطتها مادري بشنو

وأول مرة اذكر أخواني بشي للحين اتمنن أذكر أبوي كان مسافر وبدا الكورس قالت أمي روحي واشتري لأخوانج دفاتر للمدرسة قلت خلي فلوسج آنا بشتريلهم < عشتووووو معاي مصاري

وأول مرة اصرف من الاعانة شريت لأخواني دفاتر < الله يكثر من امثالي :fun:

أول وآخر مرة أذكرهم لووووووووووووووووووول

اللي أذكره أني شريتلي شحاطتين بأيام التنزيلات < مية راااااحت ركزوا ايام التنزيلات

وشريت بوك وجنطة غالياااااات :eh_s(2):

وانطقيت بالجواتي اللي شريتهم :dddds:

وشريتلي بدلة كشخة مادري ليش شريتها بس جت فايدتها بسررررعة

وشريت لأمي بخور وعطور وخالتي ومرت خالي < هديت عجايزنا الغاليات

وبقى100 أمي اخذت مني المية وعطتها أخوي الكبير قالت شيلها لا تخربطها :lkmnkl:

بس ردها لي يوم احتجتها ورديت صبغت شعري :weight_lift: ويوم اعتمرت بالصيف كان معاي 70 دينار منها وشريت لي عباية وملفع من الشرقية :rerrerek:

 

[AnGel GirL]

شخباري لوول اتذكر اني عطيت امي ماتذكر جم وشريت فيها كمبيوتر هالحجي يمكن 2008 أو 2007

 

[Chocolate Milk]

وناسه

انزين انا 4 ثانوي وماعرف شلون يعني اعانه؟

وعلى حسب شنو تنزل يعني ليش كل وحده مبلغ ؟

ومتى تنزلي

لوووووووووول

 

[قطوووة]

مطيريه بدعتي........

ستروبري

لما تدشين كليه تنزل لج كل شهر 100 اذا ماخذيتيها اول شهر تنزل لج الشهر الياي 200 وجذي

 

[شوشوا]

نزلت لي الكورس الي طاف 300
كلها مطاعم وخرابيط ولا شي سنع

 

[^وجد قلبي^]

امممم اذكر نزلت لي باثر رجعي وسافرت فيها مع اهلي .. دفعت التذاكر منها >>يحليلي والله :>

 

[قطوووة]

وناسة والله انتوا

 

[bnt_7waa]

اول اعانه لي كانت 700 دينار نزلت بأثر رجعي بالصيف وصرفتهم بايطاليا

 

[قطوووة]

عليج بالعافية حلوين 700 هههههه

 

[soseta]

لوووووووووووول خوش موضوووووع

انا دفعه 2007 واتذكر كانوا قايلينلي ان ينزلونها بالعطله وتكون 500 المهم كنت حاطه آمال وايد على ال500 , ملابس واغير شوي باثاث غرفتي وتلفون وسوالف وااااااايد << اللي يسمعها يقول مليون

انصدمت ان نزلوها مبجر وكانت 200 , لاتشوفيني الحمدلله والشكر عصبت قلت شكوووووو ينزلونهااااااا انا ابيها 500 كامله
لوووووووووووووووووول طراره واتشرط , اذكر عصبت وقلت خربوا احلامي وتخطيطي ماراح اشتري فيها شي , وصج ماشريت فيها شي بس بعد مده قصيره رحت السوق وقطيتها عالملابس

وشريت تلفون

تصدقيييييين اعاناتي كلها ياتلفون ياملابس يامكياج ياخرابيط !!

اعتقد كل البنات مثلي , احس مااستفيد منها بشي سنع

 

[نهاية حبنا]

الله خوووش موضوع

انا نزلت لي 300 اثر رجعي بس سويت فيها اشياء وايد لوول :080402ask_prv:


اول شي 100 سجلت بنادي .. :weight_lift:

وباجي الفلوس خربطت فيهم ملابس ومطاعم .. وعطيت امي.. وشريت حق بنات اختي شغلات .. وشريت طقم اكواب حق القهوة لووول

وشي طبيعي المكياج .. كروت تعبئه .. ووواممممممممم:gr4uu:

بس والحين الـ 100 ماتكفي شي :lkmnkl:

 

[)(MoOoNy)(]

سوويت فيها العييد لا تذكرني نزلت الكورس الي طاف 300 دينار

عزمت اخواني على مطعم جوني والمشكله اخووي يقولي بخسرررج بخسسسرج خخخ ويطلب اصناف زياده اي ولا همه من جيبي

مم شسويت فيها بعد اي شريت ملابس و مكياج وبس على جذي قزرتها بكل طلعه

الحين انا متحسفه لو شاريتلي نظاره ماركه كسرت عيونه الشمس :d

 

[قطوووة]

ههههههههههههههههههه

حياكم

 

[Dare to challenge]

انا عطوني 400 دينار عطيت أمي 50 وابوي 50

وعطيت خواتي كل وحده على 10

وبعدين صرفتها

هههههههههههههه

عجبني موضوعج يسلموووووووو

 

[أفوق الوصف]

وييي لو اقولج بشنو صرفتها

حدي متحسفه والله لاني ماصرفتها على شي سنع ..

انزلت لي بأثر رجعي جنه 400 ماادري 500 .. وكان عندي عرسين ( ولد خالتي و ولد عمي ) وانا يعني بخفف الميزانية على ابوي وشريت لي نفانيف للعرسين و صالون والحين النفانيف لبستهم بس مره وحده ومقطوطين بالكبت ..

والحين لي صار عندنا عرس ولا دينار ادفع كل شي على ابوي خخخخ << تبت خلاص اعانتي حقي بلعب فيها

.
.

 

[folfolh]

لوووووووووووووووووول يعطيج العافيه على الموضوع الحلو حبيبتى

انا اول اعانه نزلت لى أثر رجعى بشهر 11 و كانت 200

عطيت امى و ابوى على 20 و 20 و عطيت يدتى و خالاتى على 5 و 5 و 5

و الباجى فسفستهم على ملابس و المكياج و المطاعم

يسلموؤوؤ