اهم الشغلات إلي تجهزينها حق البيبي والمستشفى خل نستفيد

[LUXURY]

بنات حواء2
تشتاقلج العافيه ياعمري
وااااااااي ريلج جنه ريلي كله يقولي لو الولاده تعور جان ماشفتي الحريم اييبون كوكش يهال وقبل ماكو بنج
اقوله يحملون بالغلط ماكو موانع هههههه
والحلم مالج بالضبط نفس حلمي
انا البارحه حلمانه اني والده واتمشى


ام عزيز
ميرسي كتيييير
والتبخر انا بعد سامعه انه زين
جربي مابقى الا هذا جود تولدين



سويتا
لحححححححقي
روحي موضوع ديوانية اللي يولدون 2008 وشوفي باخر الصفحات كليرز اشكاتبه عن مكتب الدخنان
طالبه من آخر 12 ومكنسلين طلبها ومو قايلين
وشافت ناس من شهر 10 طالبين للحين ناطرين
وشغلهم خربوطه ونصب
يا معوده لا تعتمدين عليهم خلاص شوفي غيرهم مايسوى عليج

 

[بنات حواء2]

حبيبتي أم عزيـز و الله حاسه فيج
عاد يقولون الطلق الصناعي متعب لأنه قوي مو مثل الطبيعي
يا معود هذا و لا هذا اهم شي سلامتج يا بعد عمري و سلامةالبيبي بس فعلن تعب و الله لو انا مكانج بس خلاص اقولهم ولدوني
انا الحين بثامن و اقول حق الدكتور ولدني و الله تعبت
انا انشاله بعد اسبوع ادش التاسع و كل ما اتذكرج اقول حق ريلي ابي امشي يقولي ليش اقوله في وحده بالمنتدى عدت موعدها يضحك علي يقولي إلي الله كاتبه بصير

انشاله يارب الله يقومج بسلامه و لا تنسين تبشرينه و تطمنينه عليج
لمن تولدين شنو تاخذين بس كمام و إلا تاخذين إبرة الضهر ؟؟؟

 

[بنات حواء2]

هلا و الله Luxury شفتي اشلون يعني بطمنونه ما يبونه نخاف يقصون علينه
و على طاري هلحلم و الله كل يوم اتحلم جذي و اقوم مبجر من الوناسه و اكتشف انه بعده في بطني وااي يله بولد كل م اقول بولد احس قلبي يعورني ودي اشوف البيبي ابسرعه و شوف بنيه و لا ولد خو إلعبوا فيني ليلحين ما ادري شنو بينيه و لا ولد

 

[أم عزيـز]

ام عزيز
ميرسي كتيييير
والتبخر انا بعد سامعه انه زين
جربي مابقى الا هذا جود تولدين

انزين الكركم اللي عند الحواي والا اللي في البيت ؟
خل اشوف اعابل بعمري اليوم لوووووول

حبيبتي أم عزيـز و الله حاسه فيج
عاد يقولون الطلق الصناعي متعب لأنه قوي مو مثل الطبيعي
يا معود هذا و لا هذا اهم شي سلامتج يا بعد عمري و سلامةالبيبي بس فعلن تعب و الله لو انا مكانج بس خلاص اقولهم ولدوني
انا الحين بثامن و اقول حق الدكتور ولدني و الله تعبت
انا انشاله بعد اسبوع ادش التاسع و كل ما اتذكرج اقول حق ريلي ابي امشي يقولي ليش اقوله في وحده بالمنتدى عدت موعدها يضحك علي يقولي إلي الله كاتبه بصير

انشاله يارب الله يقومج بسلامه و لا تنسين تبشرينه و تطمنينه عليج
لمن تولدين شنو تاخذين بس كمام و إلا تاخذين إبرة الضهر ؟؟؟

الله يسلمج ياقلبي وان اشاء الله راح ابشركم وابلغكم اذا ربي سهلها علي وولدت بالسلامه
بصراحه انا ما جربت ابره الظهر ولا أفكر اجربها مو خوف مع اني سمعت عنها وايد وعندي صديقاتي مجربينها وسببت لهم آلام في الظهر وفي ناس بعد جربوها ومدحوها وايد

لكني دايم احتسب الأجر من رب العالمين
تره الوحده لما تدوس على نفسها وتتحمل التعب والألم كله تكفير وتطهير لذنوب واحتساب الأجر والثواب من رب العالمين
عشان جذي مخليتها على الله والكمام اخذه بس مو وايد احس يخليني جني سكرانه لوووووول

 

[nazek_q8]

واااااااااااااااااي اشفيكم اتكلمووون عن الولاده والطلق وانا اقرا بطني قام يعورني جني انا اللي بولد قبلكم

مشكووره بنات حواء 2 ممكن رقمها عالخاص

 

[بنات حواء2]

و انتي الصاجه أم عزيـز الصراحه كلامج عدل و انا سمعت انه الكمام وايد زين يعني يخلي الوحده ما تحس بالعوار
و الله انا خايفه من العوار و الفحص و هسوالف اول مر و ما ادري شنو بصير

 

[بنات حواء2]

هلا و الله bardana شنسوي قربت الولاده قبل كان لعب الحين صار وقت الصجيه و نحاتي
الله يسهل علينه جميعن و انشاهل المره بدزلج رقمها على الخاص

 

[أم عزيـز]

و انتي الصاجه أم عزيـز الصراحه كلامج عدل و انا سمعت انه الكمام وايد زين يعني يخلي الوحده ما تحس بالعوار
و الله انا خايفه من العوار و الفحص و هسوالف اول مر و ما ادري شنو بصير

شوفي يا قلبي انتي لا تفكرين ولا تحاتين وصدقيني ربج يهونها ويسهلها
انا مثلج في بجري كنت أسأل وايد بعدين قلت شلي بعوار الراس والمحاتات والوسواس
اتكل على الله وكل وحده تجربتها غير عن الثانيه مو شرط اذا وحده تعذبت وتأذت في ولادتها يعني الكل لازم يصير مثلها
وربي انا عندي رفيجتي بجر ماشاء الله تبارك الله راحت المستشفى مفتوحه 7 سانتي وما طولت مع انها بجر
وتقول كل اللي سمعته عن الولاده والتخرع طلع خرابيط ومبالغين فيه
وفعلا الوحده لازم ما تخوف الثانيه حتى لو تعبت في ولادتها لازم تنصحها وتشجعها وانا صراحه عمري ما خرعت أحد ولا صورت لهم ان الولاده فلم رعب لوووووول
وحتى اللي تعذبوا في حمالهم تشوفينهم يحملون مره ثانيه ماشاء الله عليهم ما جنهم كانوا يقولون الولاده عذاب وموت وما ادري شنو !!!

فعشان جذي انتي يا قلبي لا تفكرين في هالأمور وفكري في اليوم الي بتشوفين فيه ضناج بين ايدينج

 

[SweeTa_4ever]

صبحكم الله بالخير بنات

شلونكم عساكم مرتاحين ؟؟

بنات انا تعبت من النطره لين الحين ما ولدت باقيلي 4 أيام واخلص شهري
ولين الحين مافي أي تجاديم ولا بوادر ولا عوار
لاعت جبدي من كثر ما شربت الحلبه كل يوم وشربت حليب بالزعفران ولا زال الوضع كما هو عليه
بنات ادعولي اولد هالويك اند لأن آخر مراجعه لي يوم السبت وأخر يوم بالتاسع يوم الأثنين
وبعدها الله يستر

صبحج الله بالنور تمام انتي شلونج اللللللللله يعييينج قلبي البيبي مو راضي يطلع مدفي صبري قلبي انشالله خلال هاليومين اييج الطلق

 

[SweeTa_4ever]

هلا و الله حبيبتي SweeTa_4ever لا ما تشوف شر و ما يشوف شر البيبي حرام و الله ضاق خلقي عليها

بنسبه حق الاكل سوري طبعه مغلطيه على قولة داوود حسين
انا ولد خوي ماياكل وايد و السبه الكله و اضعيف حده بعدين قالولهم خلاص الكله تساوت مع الكله الثانيه الحمد لله ما يحتاي عمليه بس الضاهر انه ولد رفيجتج تعبان وايد لي درجة انه ضروري يسوونله عمليه
بس وين بسووله لا تحطه بيد مستشفى حكومه ترى يلعبون فيه خاصتن مستشفياتنه كلها تجارب

بنت اخت رفيجتي نولدت من بطن امها فيها ماي ورى المخ او شي جذي كان المفروض بس يشفطون الماي و خلاص لأ اهمه جربوا فيها و يمكن 6 عمليات سوولها و هي عمرها ما تعدى 3 او 4 اشهر بعدين امها اضطرت تاخذها توديها لندن لمن شافت اللعب و انه ما في احد فاهم بمستشفياتنا اول ما راحت لندن و فحصوا على بنتها قالولها انتي وين موديه بنتج راسها كله تجار ب لاعبين بمخها لعب ستين الف عمليه شي ماله شغل لا عبين فيه و قعدت هناك 9 اشهر على حسابا و ردت كاهي بنتها شحلاتها تينن ما فيها إلا العافيه بس من عمليات الكويت إلي لعبوا فيها اتوقع ريلها او ايدها ما تحركها عدل بصعوبه لأنه المخ يأثر على كل شي بالجسم
احنه عندنه مشكله بدكترتنه اما انهم شارين شهاداتهم اما انهم مايفهمون و يقولوناحنه نفهم خو عادي لو انا ما اعرف حق هشي اقول ما اعرف بس ما اذبح آدمي هذا روح و دم بيدي اشلون اعاجه و انا ما اعرفله
و شوفت عينج ثلالث ارباع المنتدى الحوامل قابين ( نجشه ) من مستشفيات الحكومه و غالين دم قلبهم على مستشفيات الخاصه كل واحد قام يشتري صحته وراحته و مستشفيات الحكومه خلت و الله داك اليوم عمي تعب رحنه مستشفى العدان و له كله هنود ما في كويتيين يراجعون هناك و ريحت المستشفى تلوع الجبد و السراير كلها دم يعني إلي مريض توه ياي ينومونه على دم إلي قبله تخيلي الوصخ و التلوث و الغذاره حتى إلي ما فيه شي يصير فيه شي

هلا والله قلبي صححح كلامج والله ايي انشالله بتوديي خاااص اشتبي مستشفيات حكووومه وربي لعب على كييفهم وصااااجه حتى احناا انخاف اذا صار فينا شي ارووحلهم اللله كريم انشالله قط فلوسك واقعد وره الشمس

 

[بنات حواء2]

و الله العظيم يا أم عزيـز انه كلامج كله صح و على العين و راس و الله حتى انا اقول حق نفسي خليها على الله يعني لو بحاتي و فكر الحين شنو بيتغير و لا شي اذا الله كاتبلي السهاله من الله ما راح احس بشي انا بتوكل على الله و مثل ما انتي تقولين يومها بشوف ضناي
يعطيج العافيه حبيبتي و الله طمنتيني
تصدقين انا كا كنت خايفه و لا شي دقت علي رفيجتي ما خلت تخروعه ما قالتها لووووووووووووووووووووووووول و انا ضاق خلقي و صكت فيني الدنيا

 

[بنات حواء2]

هلا و الله SweeTa_4ever و انتي الصاجه شلنه بهلعباله الواحد يدش ما يدري يطلع صاحي و لا ميت لوووووووووووووول لا حول إلا الله ما ادري ليش ما يضبطون مستشفياتنا معنه و الله انه احسن مواقع حق مستشفياتنا و احسن معدات و ادويه ييبون بس مو منهم و الله من إلي يشتغلون هناك الاهمال مشكله
ياحلات المستشفات الخاصه لي دخلتيها راحه نفسيه تحسين داشه فندف او مجمع مو داشه مستشفى و على قولتج حط فلوسك بالشمس و اقعد بالذلال بس هذا كله ترى حرام لانه المستشفيات الحكوميه نحطت لنه احنه المواطنين و كل هلفلوس الي تغلها وزارة الصحه مو لنه حرام حق الهنود و الفلبن و احنه بدال ما نروح هناك نروح خاص يعني خيرنه حق غيرنه ما ادري ليش ما يشيلون هسسترات إلي بو طقه و الدماتره إلي ما يفهمون يمكن يتعدل المستوى

بيني و بينج ترى صار كله واحد حتى الخاص مو كلهم زينين عشان جذي الواحد لي راح راجع يسأل منو الدكتور الزين و منو الشين كل مكان في زين و في شين بس عاد مستشفياتنا الشين طاغي على الزين

 

[SweeTa_4ever]

السلام عليكم يا بنات

واااااي احس اني ضايعه لان ما دشيت بس شسوي من اشبك يفصلونه علي بغيت انبط من القهر وااااااي
ماشاء الله الموضوع متحرك وليس ساكن عفيه عليكم يا بنات
انا عند ريلي واغراضي ببيت امي اخاف يحوسونهم واهم يرتبون علبن بيرتبولي يقومون يخربطون الفرز اللي سويته :\



سويتا
زين يسويلج البابا صج غلقه شنسوي بروحنا بالدار محكورين
والكبتات انا بعد من ايكيا واحد بو باب واحد ارفف والثاني بابين تعليق
اهلي يايبينهم حقي مادري يمكن يبون اعلق هدوم النفاس ملوتي بروح مو بكبتي العادي
والسحاره حلوه فكرتها بروح ادورها بسنتر بوينت
والسرير مال البيبي انا اذكر سريري ايام قبل لما كنت بيبي انام فيه لي عمر 7سنين مو بس 4 هههههه بس كلش مو ناويه اخلي بنتي 7 سنين عندي
وبالضجيج خالتي قالتي جبال سيرز او شئ جذي محل بحرف السين هناك في محلات تبيع غرف وسراير يهال
والعهده على الراوي
ضيقتي خلقي على رفيجتج
يالله يا رب تقومها اهي وولدها بالسلامه ما تشوف شر


اقولكم ما اييكم عوار بالخط بين الصدر والبطن؟ انا قبل عبالي من حديدة الستيان الحين حتى وانا فاصخته يعورني [/COLOR]

اي والله اللله يعينا ويقولون وايد بنات باللنفاس اتييلج كآبه وكله تبجين صج هالحجي؟ اي والله السحاره شفتها بروي وام عزيز تقول سنتر بوينت بالري روحي شوفيهم راح اقول حق رايلي عن الضجيج وروح معاه اشوف اي والله انشالله يشفي حياتي

انا اييني عوار بالمعده خاصته لما انسدح على ضهري معدتي تذبحني

 

[SweeTa_4ever]

هلا و الله SweeTa_4ever و انتي الصاجه شلنه بهلعباله الواحد يدش ما يدري يطلع صاحي و لا ميت لوووووووووووووول لا حول إلا الله ما ادري ليش ما يضبطون مستشفياتنا معنه و الله انه احسن مواقع حق مستشفياتنا و احسن معدات و ادويه ييبون بس مو منهم و الله من إلي يشتغلون هناك الاهمال مشكله
ياحلات المستشفات الخاصه لي دخلتيها راحه نفسيه تحسين داشه فندف او مجمع مو داشه مستشفى و على قولتج حط فلوسك بالشمس و اقعد بالذلال بس هذا كله ترى حرام لانه المستشفيات الحكوميه نحطت لنه احنه المواطنين و كل هلفلوس الي تغلها وزارة الصحه مو لنه حرام حق الهنود و الفلبن و احنه بدال ما نروح هناك نروح خاص يعني خيرنه حق غيرنه ما ادري ليش ما يشيلون هسسترات إلي بو طقه و الدماتره إلي ما يفهمون يمكن يتعدل المستوى

بيني و بينج ترى صار كله واحد حتى الخاص مو كلهم زينين عشان جذي الواحد لي راح راجع يسأل منو الدكتور الزين و منو الشين كل مكان في زين و في شين بس عاد مستشفياتنا الشين طاغي على الزين

اي والله الحين بنولد بالخاص وخايفين معنه الدكاتره يمدحوونهم بس ماتضمنينهم والله يخوورونه بعض المرات شنو يعني اذا فينه شي لاسمح الله اروح بره عشان نرتاح !!

 

[SweeTa_4ever]

سويتا
لحححححححقي
روحي موضوع ديوانية اللي يولدون 2008 وشوفي باخر الصفحات كليرز اشكاتبه عن مكتب الدخنان
طالبه من آخر 12 ومكنسلين طلبها ومو قايلين
وشافت ناس من شهر 10 طالبين للحين ناطرين
وشغلهم خربوطه ونصب
يا معوده لا تعتمدين عليهم خلاص شوفي غيرهم مايسوى عليج

حبيبتي هذيل لهنود وقفوو طلبهم كل المكااتب يوم رحتله قالي هنود ماكووو موقفينهم وراح تنطرين وايد حرام قالي وقالي طلبي سيلانيه ايولج بسرعه 40 يوم بس لهنود يطولون عرفتي قلبي

 

[ألوي الكويت]

أم عزيز

الله يهون عليج وتولدين بالسلامه وترتاحين من الثقل

اشلوونك بنات حواء2


أنا قبل يومين رحت حق دكتورتي وقالتلي امشي باليوم ساعه كامله

وأمس ما قدرت أمشي الا نص ساعه بالقصب تعبت

 

[نفيشه]

قوة بنات شلونكم اليوم؟؟

 

[LUXURY]

ام عزيز
كركم من مطحنه نظيفه على عداله غسليه ونشفيه وطحنيه
او اذا مايمدي تغسلين وتنشفين طحنيه علطول مع قشور بصل وورق (مادري ورق شنو يمكن غار) امي قالتلي عنهم اليوم
الكركم مال البيت من الجمعيه فيه صبغه
قالت اذا مانفعوا ما يضرون
يعطونها للحامل اللي فيها هوا اذا راح العوار يعني هوا اذا زاد العوار معناته ولاده ويسهل فتح جيس البيبي ويحمي الطلق
ووقت ماتحسين بطلق لو خفييف او نزل شئ علطول شربي دارسين قبل لا تروحين الطبيب يحمي الطلق
هذي نصايح امي


بنات حواء
شفتي اشلون؟ يعني جنه اهم مجربين
وعالمشي لاااااازم تمشين
انا ابي امشي من الحين انتي اشلون ماتمشين
تعالي صج مادخلتي شهرج من 29-1؟؟؟ جني خابره قلتي هالتاريخ تدخلين شهرج والا انا مضيعه؟؟؟
ولا تنسين حبيبتي دزيلي رقم المره مالت الصواني

بردانه
عيل لو اقولج انا شاحس فيه شتقولين تولدين علطول هههه لا تقرين اي شئ عن طلق وولاده وعوار وتعب لا تخترعين وتولدين

سويتا
ما اعتقدر طالبين هنود اهي ماحددت جنسيه
اقولج الطلب تكنسل ومابلغوها شهرين ناطره مسكينه
شوفي انا بنطرج تروحين الضجيج بعدين قوليلنا اشفتي
انا شايفه غرفة بيبي تيييييييييينن ولونها بالضبط اللون اللي ماشي مع غرفتنا عند ماماز اند باباز بس واااااايد رخيصه
ب800وشي هههههه لما قلت حق ريلي بغا يطقني يقولي زبوط اييبله غرفه ب800وشي اغلى من غرفتنا
انا عبالي تقولين لنا اثاري للبيبي هههههه
والعوار مو بمعدتي لا العوار بين صدري وبطني الخط الفاصل وين حز الستيان!!! هني يذببببببح

الوى
الله يعينج
بس حبيبتي لازم ساعه علشان تتسهل الولاده
المشكله انه الجسم ما يبدي يحمي الا عقب ثلث او نص ساعه يعني يبيله زياده اهو اللي يعطي مفعول
انتم السابقون ونحن اللاحقون


نفيشه
هلا والله
اشلونج اليوم؟
تعالي لقيتي موديل حق قميصج؟


بنات (يايتكم بالشكوى الثانيه) ام عزيز لا تقرين اخاف تحترين هههه اتغشمر
انا اليوم اقول حق امي جني اشوف على عمري علامات جنها علامات ولاده بس وايد مبجر يعني احس اني باولد ان شاء الله مبجر
اييني عوار بآخر ظهري غريب ومغصصصصص ببطني جنه عوار دوره اول عبالي هوا بعدين لا مهما اتدفى واسوي ايي العوار ويروح
بس الافرازات العاديه البيضا مالت الحمال
انا مره تعبت وجذي ياني عوار بس كان نازل علي افرازات بنيه او شوية دم وامي اخترعت قالت علامات اجهاض
عاد الحين مع هالعوار قلت يمكن علامات مبكره للولاده
امي تقول بيزيد بالتاسع
منو مثلي؟؟؟

 

[Na77olah]

شلونكم بنات شخباركم
لوكسيا حبوبه شنو الملح الي تستخدمينه حق جسمج ؟
ام عزيز بغبت اسالج بما انه عندج خبره اكثر منه , بعد الولاده شنو تشرب الوحده غير الحليب ابي شي مايسوي غازات لأنه على ولدي صارت فيني غازات الله لا يوريج ويقولون عصير البرتقال هم موزين اول الأيام يعني الحوامض فشنو يقدر الواحد يشرب؟
بنات حوا انا خشمي يطلع منه دم من اول حمالي لي الحين بس مو بشكل نزيف لمن سالت امي والدكتور قالولي عادي كل شي بالحمال يتهيج وهذا من الجيوب بس هم سالي دكتورج لاتخلين

 

[نفيشه]

قوة بنوتات ياية اتطمن عليكم وبمشي