اهل الخبره قولولي شنو اشتري من مكه المكرمه؟؟؟

[دلوعت مودها]

بعد جم يوم بروح عمره الله يسهلها علينا ويتقبل منا
ابي اشياء للعنايه الشخصيه من الصيدليه
واشياء حق البيت وكل شي حلو متوفر بمكه وباسعار اقل من الكويت,,,,
مشكوووووريييييين,,,

 

[دلوعت مودها]

شدعوه 11مشاهده ولارد:eh_s(14):
وهذا قسم تبادل الخبرات ,,,,:eh_s(11):
الله يوفق اللي ترد علي باجر طيارتنا,,,

 

[خبيرة اعشاب]

رد : اهل الخبره قولولي شنو اشتري من مكه المكرمه؟؟؟

عمرة مقبولة مقدما

هدايا قصدج ؟؟

عطورات من سيد جنيد
كحل المدينة من قزاز السلفر
عطورات محمود سعيد حلوة و الكحلة عنده اصلية
ساعات
شيال في عندج اكثر من محل بس الحلو للهدايا مزاج الشيلة الحلوة ب 70 ريال
مساويج
عندج بن داوود عنده عطر حلو للجسم اسمه كازانوفا على فراولة و عود سعره 25 ريال بس جربته فظيع
تمر عجوة
و عندج بعد جناط خام عند بن داوود حلوووات
مطاطير الشاي و القهوة من المويس او استراحة الكويت خلي لهم مكان بالسيارة هههه
و ماي زمزم طبعا اشتري عبوات من عند بن داوود و عبيهم بنفسج

و لا تنسين دجاج الطازج الكبسة عندهم مو طبيعية

و في بعد مطعم بالمجمعة علي يسار اول اشارة و انتي جاية من الارطاوية اسمه بيت جدودنا يسوي مندي على كيف كيفج

 

[خبيرة اعشاب]

رد : اهل الخبره قولولي شنو اشتري من مكه المكرمه؟؟؟

تحاميل البوثيل من الصيدلية

سمن عداني من الحفر عند ام مهوس .. اسالي اي احد يدلج عليها
دخن
بقل
بهارات سعودية
سمر و ارطا

و انا دايما احب اذا مريت استراحة الكويت اشتري حليب بوني الي بطل قزاز - قرصان - حبق - و خبز سعودي احسه احلى من خبز الاكياس عندنا
و كل المواعين الحلوة بالحفر ( المويس ) او باستراحة الكويت بعد بنفس السعر ما في فرق واجد

و لا تنسين حنة القصيم و القهوة المحوجة و خليط الكيك الجاهز الاكياس ( الزهرة )

و مرات اجيب طحين بر سعودي بعد حلو

و ان شاء الله البنات يفيدونج بالنسبة لي انا بمكة ما احب اتسوق واجد ... هدايا خفيفة و خلاص
و الاحلى تقعدين بالحرم تقرين قران و تشربين ماي زمزم ..........
و لا تنسينا بدعواتج الصالحة

:yaaaaaarb:

 

[بنت آل زايد]

رد : اهل الخبره قولولي شنو اشتري من مكه المكرمه؟؟؟

عندج ابرااج مكه لفيه لف .. لا اتخلين بقعه ما اتروحينهاا فيه

بالنسبة لأبرااج زمزم <<<--- أحسه عاادي .. يعني مثل هالمولات اللي منتشره عدناا

فيه محل في أبراج زمزم يبيع فساتين حلوه <<-- أسعارهم ارخص من اللي عدنا (أقصد دبي)

يقولون فيه محلات في العتيبية حلوه <<-- أنا ما رحت العتيبية <<-- إن شاء الله الودية الياايه برووح

 

[دلوعت مودها]

خبيرة اعشاب,,,,يابعد قلبي مشكوووووره ماقصرتي
بنات ابي تجاربكم ,,,,

 

[دلوعت مودها]

بنت الزايد مشكووره بس شنو شتريتي من هناك ؟؟؟مميز وحلو؟؟

 

[بنت آل زايد]

رد : اهل الخبره قولولي شنو اشتري من مكه المكرمه؟؟؟

هيه نسيت أقولج

أدعي لي بالزوج الصالح

 

[بنت آل زايد]

رد : اهل الخبره قولولي شنو اشتري من مكه المكرمه؟؟؟

حبوبه من ابرااج مكه أحس كل شي مميز

هو صح اتحسن انه محلات عادية و اتكاسرين فيهاا ..

بس بالنسبة للجلابيات و ملابس اليهاال و الشالات فبتلقينها كوالتي و شغل عدل <<-- ع قولتكم

 

[دلوعت مودها]

مشكوووووووووووووووووووووووووووووره ماقصرتي,,

 

[الدلـــع كله]

عمرة مقبوله مقدما
اهم شي اخذي اثمد الاصلي
عندج قزاز اخذي منه عطور وبخور
موفقه

 

[@فطفوووطه@]

رد : اهل الخبره قولولي شنو اشتري من مكه المكرمه؟؟؟

رفع لعيونج

 

[دلوعت مودها]

مشكورين تكفون ابي خبرتكم بسرعه بسرعه,,,

 

[دلوعت مودها]

رفع,,,

 

[دنيابدونج خساره]

رد : اهل الخبره قولولي شنو اشتري من مكه المكرمه؟؟؟

اول شيء عمره مقبوله انشاءالله..
عنج عطورات الماجد اخذي منهم عطرين ريما والعاذريه
الشرقيه عندهم ملافع روعه
قزاز بخورهم الشخصي
ساعات دهاااام روعه

 

[UM MARIEM]

السلام عليكم

عمره مقبوله إن شاءالله .. تروحون وتردون بالسلامه

عندج مركز مكه .. محل عطورات نواعم <<:eh_s(15):

وفي محلات حلوووه بعينج رآآح تشوفين

بسس لا تنسين بن داود تراه والله حلووو طقي فره وشوفي الاكسسورات
والجناااط بالهبل وخياااااليه نفس نظام الماركات ...

مممم بعد عندج .. أسوآق حلوه ومحلات شيال وعبي .. حلوووه


موفقه​

 

[honey lust]

حبيبتي انا توني راده من العمره و الاشياء اللي ما تلقينها بالكويت و انصحج فيها اهيه:
كحل من قزااز لازم تاخذين منه و عندهم الوان روعه و ثبات ما تلقين نفسه
عطورات جنيد
و عود جنيد
محل العبي و الشيلات : الشرقيه و مزاج و الحلوة
بس هذا اللي تتميز فيه مكه من ناحيه السوق و لا الباجي كل شي تلقينه بالكويت

 

[فنكيه]

تحاميل البوثيل

 

[ام الوردة]

كريم الجمال من صيدلية النهدي

 

[عاالية]

رد : رد: اهل الخبره قولولي شنو اشتري من مكه المكرمه؟؟؟

تروحين وتردين بالسلامه انشاالله
للهدايا روحي باالتاكسي لسوق الجعفري واشتري منه الآتي
عطردهن عودالمقام وبخوره العلبة ب12ريال
العاب ب2ريال من نفس السوق
جناط الشاي والقهوة ب5ريال هم من نفس السوق
اساور حلوةب2ريال واكسسوارات غريبه
من الصيدلية صابونة البيزيلين
تحاميل البوثيل لخامس يوم الدورة
غسول المنطقة الحساسة باللافندر
كريم كاثي دالاس سراويل لبسة وحدة مالوت السفر
محلات الحلوة دراعات كشميرية وعبايات كتف وسيعة غريبة وناعمه
محل المتحف سجادة الجيب ب10ريال بس كشخة
محل الشرقية منزلين طاقية ربط غريبة ومعصم لليدين خامته حلوة
محل فوق بمركز مكة اسمه مسك الحرمين يا بالدورالثاني اوالثالث عنده مسك بودره للجسم ومزيل عرق 2 ب1
خطييييييييييييييييير وعندهم معمول الكعبه
للصبيان بمركزمكة دشاديش مغربية بيج حلوة
وقزاز ساعاته حلوة وخصوصا ماركةامبرس كنت شاريتها والله من فرنسا ولقيتها بس عندهم
وادعي لي بالشفاء