انقذوني الفيزا ما طلعت بساااااااااااااااافر

[toooota2404]

:eh_s(1): السلام عليكم بنات
انا مقدمة على فيزة امريكا قبل شهرين تقريبا و مقابلتنا كانت بالظبط بتاريخ 14\3\2007 طبعا للسياحة ، بالمقابلةقالولنا انهم موافقين بس لان سفرتنا اخر 6 قالا بنرد عليكم بعد شهر و نص
الحين صارلنا شهرين و زود ما ردوا علينا دقينا عليهم و ريلي راح لهم قالوا اذا وصلت ندق عليكم

فبغيت اللي عندهم خبرة بالفيزا شلون حصلوا علها بسرعة و لا طولوا جذي !!!!

لان حدي ظايق خلقي نبي ندفع فلوس التذاكر و محنا قادرين الله يخليكم طمنوني قاعدة احااااااااااااتي وايد

 

[rawona]

غريبه .. وايد طولتو .. المهم لا تخلونهم تابعو وياهم وانشالله خير ..
يمكن ليش صيف وموسم سفر عندهم ازدحام .. انا لما قدمت عليها اطلعت بنفس اليوم!!
انشالله خير بس انتو قولولهم تاريخ السفر علشان يستعيلون فيها ​

 

[toooota2404]

و الله يدرون عن التاريخ بس مادري اشفيهم الله يهديهم

 

[وردة الجوري]

يقولنا الموظف فيزة امريكا تطول تآخذ شهرين ،، بس اذا علاج تاخذ خمس ايام ؛؛ فعطونى الفيزا بعد اسبوعين من المقابلة حده حده قبل سفرنا بكم يوم ،، والحمد لله سهلها ربى،،

 

[D.asmaa]

والله غريبه يا اختي انا فيزتي كانت دراسيه بس تخرجت وريلي ما خلص فاضطريت ارد وابدلها سياحيه وطلعت بيومين .. مادري والله دزولهم ايميل

 

[بنت الحزن]

غريبه حني عليهم ... لا توهقين روحج
موفقه

 

[toooota2404]

يمكن لان شافوا تو الناس على سفرتنا !!
تتوقعون عشان جذي يعطونا اياها حدةحدة ؟؟؟؟
بس ما يصير عشان نحجز :eh_s(22):

 

[noony_online]

غريبه انا امي طلعت فيزا العام بيومين

 

[toooota2404]

المشكلة يا بنات انهم قالولنا موافقين
بس احس جنة معلقينا

 

[rawona]

المشكلة يا بنات انهم قالولنا موافقين
بس احس جنة معلقينا

لا انشالله مايكونون معلقينكم ولاشي .. بس اختي انتو حاجزين؟ ليش انا كنت حاجزه لما قدمت على الفيزا فيمكن علشان مو حاجزين قاعدين يعطلونكم سأليهم عن هالشغله .. وانتوا تسافرون السعوديه وايد؟ ليش انعرف ناس وايد يروحون العمره بالسنه 3 او 4 مرات ما طلعو لهم فيزا خافو من الارهاب .. عموما تابعو وياهم ودزولهم ايميل .. موفقه انشالله ​

 

[انا كويتية]

غريبة اختي والله انا طلبتها عقب يومين عطوني الموعد وخلصت بيوم.... مادري ليش وضعج صار جذي ... عموما كلمي المسؤل عندهم مو موظف عادي

 

[toooota2404]

لا انشالله مايكونون معلقينكم ولاشي .. بس اختي انتو حاجزين؟ ليش انا كنت حاجزه لما قدمت على الفيزا فيمكن علشان مو حاجزين قاعدين يعطلونكم سأليهم عن هالشغله .. وانتوا تسافرون السعوديه وايد؟ ليش انعرف ناس وايد يروحون العمره بالسنه 3 او 4 مرات ما طلعو لهم فيزا خافو من الارهاب .. عموما تابعو وياهم ودزولهم ايميل .. موفقه انشالله ​

احنا حاجزين بس مو دافعين اهما السفارة قالولنا لا تحجزون لما نأكد لكم
و الله من زمان مو رايحة العمرة !!!
و مو ورا بعض يعني ما اروح وايد ؟
الله يستر :eh_s(22):

 

[toooota2404]

غريبة اختي والله انا طلبتها عقب يومين عطوني الموعد وخلصت بيوم.... مادري ليش وضعج صار جذي ... عموما كلمي المسؤل عندهم مو موظف عادي

يخلونج تدخلين السفارة داخل اذا ما عندج موعد ؟؟؟؟!!

 

[انا كويتية]

ماجربت ادخل بدون موعد والله .... بس كلمي مسؤل التأشيرات بالتليفون وقوليله الوضع وراح يساعدج

 

[toooota2404]

الله كريم
عالعموم ماقصرتي حبيبتي (انا كويتية ) و الله يسهل انشالله

 

[فتون علف]

من صجكم اللي تروح العمرة مايعطونها فيزا!!!
عاد انا ناوية اروح امريكا مع اختي وريلها وهي كل شهرين يمكن تروح العمرة
يعني اقول لها تغسل ايدها هههههههههه

 

[toooota2404]

من صجكم اللي تروح العمرة مايعطونها فيزا!!!
عاد انا ناوية اروح امريكا مع اختي وريلها وهي كل شهرين يمكن تروح العمرة
يعني اقول لها تغسل ايدها هههههههههه

لا ماعتقد بس تخمين الاخت قاعدة تقول :eh_s(22):
مو معقولة

 

[rawona]

من صجكم اللي تروح العمرة مايعطونها فيزا!!!
عاد انا ناوية اروح امريكا مع اختي وريلها وهي كل شهرين يمكن تروح العمرة
يعني اقول لها تغسل ايدها هههههههههه

لوووووووووووووول ...لا مو قصدي .. مو اللي يروحون العمره .. اهما اذا شافوا ناس وايد يترددون على السعوديه ايخافون لا يكونون جماعات ارهابيه .. لان سمعت وحده تقول ان طلعولهم كلهم فيزا ماعدا رييلها ليش وايد يروح السعوديه .. فقلت يمكن علشان جذيه معطلينكم
​

 

[toooota2404]

هههههه لو صج جذي السالفة جان محد يروح

 

[rawona]

هههههه لو صج جذي السالفة جان محد يروح

اي والله ..

بس ترى هم غريبه وايد معطلينكم .. اخاف عليكم شبهه؟ لووووووول ودج توتا تطلعين ارهابيه هيهيهيهي :eh_s(13): ​