((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[ReeMoh]

yalla 7abobaaa meeeta elpaart
baGolich wejhat natharim maiss waaaid bal'3at ana ashouf ena 7ada 3adi etha elbnt tkalm ya3nii 7asab elmojtma3 eli ana 3aisha feeh ashof ena elmothers ma yswoon chethi etha elbnt kant tkalm momken tez3aaal menha bas ma tsawi methl ma swaat om maaiss l2na 3aadi bel3akss a7na belqarn 20 madri 21

 

[صب القفشه]

تيكـــ يور تااايمـــ قلبووو

 

[ღ TőOőma ღ]

yalla 7abobaaa meeeta elpaart
bagolich wejhat natharim maiss waaaid bal'3at ana ashouf ena 7ada 3adi etha elbnt tkalm ya3nii 7asab elmojtma3 eli ana 3aisha feeh ashof ena elmothers ma yswoon chethi etha elbnt kant tkalm momken tez3aaal menha bas ma tsawi methl ma swaat om maaiss l2na 3aadi bel3akss a7na belqarn 20 madri 21

حياج حووبي

وهذي وجهه نظرج وبالعكس صح كلامج في وايد امهات جذي يعني على حسب تفكيرهم وكل وحده لها طريقتها بتربيه بنتها

وهم في امهات يتعاملون مع هالشي بطريقه غلط نفس اللي صار مع ميس

ولو تلاحظين لان مو اول مره كانت طايحه عليها 4 مرات وماكو فايده!! ولو تركزين بكلام امها راح تعرفين ليش سوت جذي وشنو قصدها

حبيبتي نورتي فديتج :*
وهذا اللي صار ويا ميس صج بالحرف

 

[ღ TőOőma ღ]

بناات حبايبي سوووري والله كان عندي ظرووف راح اطول عليكم شوي سووري والله موبإيدي

 

[sarah^_^cool]

yalla 7abobaaa meeeta elpaart
baGolich wejhat natharim maiss waaaid bal'3at ana ashouf ena 7ada 3adi etha elbnt tkalm ya3nii 7asab elmojtma3 eli ana 3aisha feeh ashof ena elmothers ma yswoon chethi etha elbnt kant tkalm momken tez3aaal menha bas ma tsawi methl ma swaat om maaiss l2na 3aadi bel3akss a7na belqarn 20 madri 21

ana m3ach ena ma tswe feha chthe lakn wain ga3den ena mshari edg 3la um mais o0 ysbha aked btz3l 59o9an ena um mais tbi 7ag bnt'ha ila7sn 3la ma a3t8d lo kan mshari m7trm o0 '9l eklmha o0 ma yhenha chan ma swt um mais chthe 59o9an enha ilmra il4 ile t7thrha ena tbt3d 3na l2na waid ehz2ha o0 sorry 3la lgafti bs 7bait ard 3lich

 

[sarah^_^cool]

7yati toma 3adi 7ta lw ilyoum kla ma t76en part ilmhm ech tkonen mstansa o0 anti tktben ilpart o0 yla bnat bla 7na 3la elmskena tra waid t7mltna

 

[ReeMoh]

ee 9a7 klaamiiich mshaari hatha 5aleeh 3ala 9oub mobi atkalm 3ana 3shan ma a6b feeh loool Np;*shda3wa legafa 3aadi 7abobah

 

[ღ TőOőma ღ]

7yati toma 3adi 7ta lw ilyoum kla ma t76en part ilmhm ech tkonen mstansa o0 anti tktben ilpart o0 yla bnat bla 7na 3la elmskena tra waid t7mltna

وااي فدييتها الكتكوووته :*

انتي عسسسل واحبج مممواااح

يلا شوي واخلصه بس سوري اذا كان اقصر من كل مره انشالله اعوضكم في البارت الياي:tomato2:

 

[sarah^_^cool]

7yati 3adi a5thi ra7tch etha tben tktbe ktbi o0 etha ma tben tktben la tktbn 5o ma ra7 a6er il89a fdaith gulbi ;*
reemoh lool mshari ilkl 6ab fe yat 3lich ;P

 

[FoOwFoOwa]

ترا المنتدى بطييييييييييييئ فلا تحنون اذا توما ما حطته الحين !!

 

[ღ TőOőma ღ]

الجزء الخامس عشر


قبل لاابدي بالبارت بتكلم شوي عن محمد وشروق لان وايد بنات طلبو هالشي وانا مااقدر اردهم ..



شروق((..تعرفت على سعود بسوق شرق كان اول مره يتجرأ ويكلم وحده لانها عجبته وشدته طريقه كلامها وجرأتها واهي نفس الشي...لمن تعرف عليه كان عمرها 17سنه والحين دشت في الـ19..شروق طولهازين ومملوحه شفايفها كبار وعيونها كبار وحلوين((هالشي اللي خلاه ينجذب حق دلال لمن شافها لانها ذكرته بشروق))..خشمها عادي..روحها حلوا و تعرف شلون تتكلم.. بنفس الوقت لسانها طويل واذا عصبت ماتحترم اللي جدامها ومايهمها شي..كانت خفيفه قبل لاتعرف سعود يعني تطيح الميانه مع أي واحد تشوفه وماتستحي من احد...وايد كانت عندها علاقات قبل لاتعرف سعود..بس لمن هدو بعض حست بحبها له و بقيمته وقررت انها ما تمشي بهالطريج لانها للحين مالقت اللي يسواه..))


محمد((الحين عمره سنه21..لمن عرف ميس كان عمره17 تقريبا وميس 16..تعرف عليها بالمسن عن طريق رفيجه اللي تعرفت عليه من منتدى كانت مشاركه فيه قبل..ولمن ضافته بعد جم سبوع عطه ايميلها حق محمد..اول شي كانت علاقتهم عاديه وميس ماكانت تميل له كلش ولا تحبه تكرهه من الله واهو نفس الشي لانها وايد كانت تدقره..لمن كلم بعض بالايميل مع الايام انعجب بشخصيتها بس اهي كلش ماحست بشي صوبه ولاكانت تفكر فيه.. بعدين كلمو بعض بالفون و شافته بنفس اليوم..من يومها حبو بعض ووعدها بالزواج وكلم اهلها واتفقو يخطبها لمن يخلص دراسته.. بس ميس ماكانت تعامله عدل وشايفه نفسها عليه يعني أي شي يسويه ماعجبها او سوه شي ينرفزها تقعد تغلط عليه وتصرخ واهو يسكت لان يحبها ويحترمها لمن بيوم قص عليها الشيطان و كلمت رفيجه ودرا عنهم محمد وهدها..فكر ان يردلها بس اهي قامت تشوف نفسها عليه زياده وتوقعته انه يردلها مثل كل مره..بعدين شافت ان ماقام يدق عليها ويترجاها نفس قبل ففكرت انها تدق عليه بنفسها ولمن دقت صدمها وقالها انه تزوج ومايبيها..))

((غرفة ميس))


ميس كانت تكلم جاسم رفيج محمد بالتلفون...


جاسم:مادري شقولج...

ميس:خرعتني قول شفيك شصاير..!!

جاسم:ميس..انتي تدرين ان كل واحد فيكم شاف نصيبه وراح بطريج صح؟؟

ميس ناطرته يتكلم:صح..؟؟وبعدين؟؟

جاسم:الصراحه محمد حاس بالذنب..ومايبيج تزعلين منه ومن كلامه اللي قاله لج قبل لايتزوج...صج كان قاسي بكلامه شوي بس الحين حاس بتأنيب الضمير ويتمنى انج تسامحينه وماتزعلين منه...

ميس من القهر ضحكت:ههههههههههههههه..شنو حاشه تأنيب ضمير متأخر؟؟..توالناس يعني عقب شنوو؟؟عقب ماكسر قلبي وقال كلام اول مره يقوله ونسى انا شنو كنت بحياته..؟؟اسامحه على شنوو انت قوولي..؟؟

جاسم:ميس والله اهو متضايق من نفسه و يبي..

ميس قاطعته بصوت يبين انها تبي تبجي:لو سمحت يعني بس..واذا كان يحاتي ويفكر اني راح اسامحه خل يستريح لاني هالشي مستحل..وانا مونوعي ادعي على احد بس خل يحط فباله ويتأكد ان راح اييله يووم و الله راح يحرق قلبه مثل ماحرق قلبي...الي سواه موشويه والكلام الي قالي ياه هم موشويه...يبي يتزوج؟؟؟خل يتزوج محد ماسكه..بس مويقولي ياها بهالحقااره هذي..ليش؟؟انا شسويتله..عباله بوقف بطريجه يعني؟؟ليش وقتها ماحس فيني ولاراعى مشاعري وانت ياي تقولي يبيج تسامحينه؟؟نسيت شكثر ذليت نفسي واهو ولا حس فيني..

جاسم كسرت خاطره حييل وحس فيها:ميس..انا اسف اذا ضايقتج..بس انتي تدرين كل شي نصيب وانا ادري ان اهو غلطان.بس امانه لاتزعلين من كلامي وانا اسف اني ضايقتج....والله مادري شقولج انا اسف

ميس:لاعادي وماله داعي تتأسف

جاسم ماوده يصكره منها واهي متضايقه بس حس انه ثقيل عليها:خلاص عيل..لاتضايقين نفسج

ميس:لا عادي مو متضايقه

جاسم:....وانا اسف مره ثانيه...بس اهو موصيني اني اكلمج واطيح الحطب..مهما كان لاتنسون شنو اللي كان بينكم ترا..

ميس:وشكووو تطيح الحطب شقاعد تخربط انت؟؟ شيبي مني الحين مو تزوج؟؟خلاص شكو فينييييي شنو اللي ذكره فيني عقب كل هذا

جاسم:خلاص عيل بـ..

ميس سكرته منه قبل لاتسمع رده...

فجر:ميس شفيج؟؟شيبي منج؟؟تسامحينه بشنو

ميس:ليش خليتيني اكلمه؟؟

فجر:ليش شقالج؟؟

ميس ماتحملت وقامت تبجي:يقولي يبيج تسامحينه وحس بالذنب..اسامحه ليش وعقب شنو؟؟شهالكلام فجر شنو شايفني

فجر:خلاص لاتضايقين نفسج..خليه يولي هالتافه..والله لايسامحه انشاااالله ويسوي فيه مثل ماسوه فيج ااااميييييييييين

ميس:لافجور لاتدعين عليه حرام الولد تزوج والله يوفقه...و الله راح ياخذ حقي منه بدون ماادعي عليه

فجر:روحي غسلي ويهج وانسي ان دق ويابلج سيرته خلاص انتي موناقصته اهو الثاني بعد

ميس:انشالله...


((رن تلفون ميس))


ميس:اووووهوو

فجر:وع شيبي داق..؟؟اذا رديتي يويلج فاهمه

ميس:ومنو قالج برد عليه...موناقصته انا

فجر:عطيني اكلمه

ميس:لاااا شنو تكلمينه خلا يولي لاتنزلين نفسج حقه

فجر:عيل سكري تلفونج خليه يولي وامشي تحت اليوم بنطلع مع يويو

ميس:هههههه من متى صار يويو...ومو جنا كان يتغشمر؟؟

فجر:انا حق المصالح عند ويهج خخخخخ..لاحبيبتي مايتغشمر من صجه

ميس:لاوالله وشلون وافق جذي معقوله

فجر:انا ساحلته ووافق بس طبعا بسبب هههههههههههههههههههههه

ميس:شنو السبب؟؟

فجر:قالي اذا سجى بتيي اوديكم

ميس:ههههههههههههههههههههه حلفي؟؟؟والله فرصه صج يوسفو طلع شيطان

فجر:أي تربيتي افا عليج

ميس:عيل خل ادق على سجووي تيي ويانا فرصه اقربهم من بعض هههه

فجر:أي دقي واذا ماخليتها تتولعد فيه مااطلع فجر هههههه

ميس:وايد مصدقه عمرج انتي

فجر تحرك حواجبها:افا علييج

((فجر راحت غرفتها تبدل وميس دقت على سجى))..




((بيت بوبدر))

سجى سرحانه تفكر بسعود وتسمع اغاني...

رن تلفونها فزت وردت على طول بدون ماتشوف منو داق..

سجى:الووو

ميس:بسملله مداه يرن؟؟

سجى:هههههه اسفه اندمجت بالاغنيه وانتي نقزتيني

ميس:هههه سوري..المهم سمعيني انا مو بطلب منج شي لا اهو راح تسوينه غصبن عليج بس تروحين تستأذنين من امج اول..

سجى:استأذن منها شقولها؟؟

ميس:راح تيين ويانا انا وفجر ويوسف...

سجى ماتدري شالسالفه بس كانت ناطره اسم سعود:ايي وين؟؟

ميس:نطلع بعد وين...

سجى:مادري والله يمكن مـ..

ميس:ماكو يمكن وماادري تيين وغصبن عليج روحي بدلي انا اتفاهم ويا امج

سجى:هههههههههه خلاص انا بنزل اقولها بس ربع ساعه واكون عندكم

ميس:هياا..يالله ناطرتج...بااايوو

سجى:باايوو خخخ






((بدر وسعود في النادي))

سعود واهو يرفع اثقال و بالغصب يسولف..:أي وبعدين وصلتها لي سيارتها ورديت البيت

بدر منسدح على ظهره ويسوي تمرين:سعود انت ينيت رسمي خلاص شرايك تروح تتزوج وتفتك من هالسوالف كلها..؟؟

سعود وقف تمرين وقعد يشرب ماي:أي سهالات بالنسبه لك..قايلك مااقدر اتزوج وانا قلبي وعقلي مع وحده ثانيه عشان مااظلم بنت الناس معاي..مولعب اهي

بدر:والله انت امرك غريب..الحين دلال ولا شروق اللي طلعتلك فجأة جنها ينيه

سعود((واختك سجى اللي مالها ذنب))..:بدر بسألك سؤال..

بدر:اسأل افا عليك

سعود:لو مثلا مثلا يعني كنت مكاني تحب وحده وتبيها واكتشفت بعدين ان رفيجتها طلعت وحده كانت تحبك من زمان وولا وحده تدري عني شنو تسوي؟؟

بدر:رتب الجملة الآتية..

سعود:بدير وبعدين مع سخافتك وقتها يعني؟؟

بدر:هههههه شدراني عنك حزايه اهي..؟؟تحب وحده رفيجتك تحبها وام رفيجتها تبيك ورفيجة رفيجتها مادري شسالفة امها..هههههههههههه

سعود:صج انك مو كفو احد يسولف وياك

بدر:أي قووولي شوي شوي خل افهم

سعود:أي نسيت كل واحد استيعابه على قده خخخ

بدر:اتقبل النقد انا عادي...المهم كمل هههه

سعود:يعني اللي تحبها تكتشف ان رفيجتها كانت تحبك من زمان وانت مادريت الا عقب ماحبيتها..وتعال شنو غبي انت قصدي نفس حالتي الحين

بدر:اهااا جذي السالفه...اي قووول من قبل

سعود:أي...؟

بدر:خلاص فهمت

سعود:زين فهمت عيل رد

بدر:شقول؟؟

سعود:هه..!!من صجك انت

بدر:هههههههه يعني تكفا شبسوي؟؟شكو بأم رفيجتها انا يعني البنت احبها وتحبني شكو بمشاعر رفيجتها جهنم حبتني ولاعند يدي محد قالها حبيني غصب..

سعود:ههههه انت كل شي سهالات عندك

بدر:أي والله من صجي بعد منو هذا رقيق المشاعر اللي بيهد حبيبته عشان حضره رفيجتها لاتزعل..يااخي ماسمعت المثل اللي يقول زعل بويعل؟؟

سعود:والله جان زين عندي مخك هههههههههههه..

بدر:ههههههه أي عشان تعرفون قيمة مخي

سعود:تعال انت هي..!!لاتقط نغزات توني استوعب شنو رقيق المشاعر عبالك عديم الاحساس نفسك

بدر:ياااخي على قولتك كل واحد حسب استيعابه وانا توني استوعب انك تمر بهالمرحله خخخ

سعود:انت لمن تودع لازم مخك يحنطونه ويحطونه بمعرض يصورون معاه لان فاضي ماكو شي

بدر:وه وه وه بموت من الضحك

سعود:لاوالله..!!

بدر:شفيك انت ماتحب الغشمره والضحك

سعود تذكر:تعال صج شلون فرح؟؟شنو اخر الاخبار

بدر:لاايحوووووشك..يبت سيرتها الحين تدق

سعود:ههه شفيك اخترعت جذي

بدر:لاااخسي انا هذي فروحتي حبيبتي فديتها..

سعود:يرحم امك مولايق

بدر:محتر مالومك

سعود:زين قول شصار معاكم الحين

بدر:اسكت من وقت ما امي درت عنها واهي قالت كلام خلاني بس اقعد واشك فيها

سعود:ليش شقالت؟؟شنو شايف عليها شي؟؟

بدر:لاحشى والله ماشفت شي..بس مادري يعني قالت كلام خلاني اشك الله يهداها بس

سعود:لاتحط فبالك ولاتظلم البنت دامك موشايف عليها شي..

بدر:على قولتك...

سعود:زين انطرني بروح شوي وارجع

بدر:وين؟؟

سعود:اييب تلفوني من السياره وايي اخاف دلال تدق وماارد عليها تقعد تحاتي

بدر:اوكي انطرك...








((بيت دلال))

شجن:دلول شفيج تميلقتي مره وحده جذي مو قلتي انج مراح خشين عني شي..؟؟

دلال:اوووه شجن..شتبيني اقولج ترا يننتيني من امس..تحسفت ليش قلتلج

شجن:لاوالله؟؟ليش كل مااسألج عن شي تجعميني..مواختج انا اذا ماقلتيلي تقولين حق منو؟؟

دلال:آآف مراح اخلص منج..قوليلي انسه شجن شتبين تعرفين..؟؟

شجن:آحم..بس بعرف من ولده؟؟وين ساكن؟؟جذي من هالسوالف يعني..

دلال:تصدقين مادري من ولده ماقالي...ووين ساكن قلتلج بجنوب السره

شجن:600 اسم بجنوب السره وين بالضبط

دلال:وانتي شكوووو

شجن:تدرين فيني ملقوفه..

دلال:تصدقين هم مادري..

شجن:مااالت انتي شتعرفين..؟؟اروح اشوف تلفزيون احسنلي

دلال تفكر((انا شلون ماسألته عن كل هذول..؟؟صج اشياء مومهمه وايد بس دام احبه لازم اعرف عنه كل شي..مومشكله اذا كلمته اقوله))


ام دلال:دلول انتي هني وانا عبالي بغرفتج..؟؟عيزت وانا ادورج فوق

دلال:خير يمه شفيج..صارلي ساعتين قاعده بالصاله

ام دلال:خير بويهج حبيبتي..بس ابيج تعطيني خبر ملو الاوادم واهم يدقون مايصير جذي يمه

دلال:اذا قصدج عن ام حمد..انا قايلتلج اني ماني موافقه

ام دلال:يمه فكري..الصبي مافيه شي لاتضيعينه من ايدج جم واحد يتقدملج وانتي تردينه مادري شسالفتج..!!

دلال:قايلتلج ماني متزوجه الا لمن اخلص دراستي يمه مليت وانا اعيد هالحجي الله يهداج بس

ام دلال:براحتج يمه كيفج..

دلال:يمه اسفه بس والله لاني مليت من هالسالفه لاتزعلين مني

ام دلال:لا يمه ولا يهمج اصلا كل شي نصيب وكل واحد بياخذ نصيبه واللي الله كاتبه انشالله بيصير انا ماني غاصبتج بشي

دلال:عدل كلامج..الله يكتب اللي فيه الخير


دلال سرحانه((انا لازم اشوف سعود واعرف عنه كل شي واهو بعد لازم يعرف عني...دامنا اثنينه نحب بعض شنو اللي يمنع اني اشوفه؟؟بقوم اتسبح واول يرد من النادي اقوله يمرني الجمعيه))




((ميس ويوسف وفجر بالسياره))

سجى توها راكبه السياره..

سجى:هاااي

يوسف يتطنز عليها:هاااي

ميس:هههه هايات اخيرا خلصتي

فجر:أي عرووس مادري تتكشخ حق منو ((وتغمزلها))

سجى:فجور وويعه..قوه يوسف

يوسف((زين قمتي تعطيني اهتمام شوي))..:يقوييج شلونج؟؟

سجى:تمام الله يسلمك

يوسف:ها وين تبوني اوديكم

فجر:سلااايدر

يوسف:لاوالله..؟شرايج هارد روك مو احسن؟؟

فجر:احلى واحلى بعد

يوسف:أي موطالع مع ربعي انا بنات اوديكم هناك شرايج تسكتين انتي يالفلبينيه

فجر:اوكي صج موكفو احد يعطيك اماكن حلوه

ميس:فجور صج سكتي لاتفقرينا..

يوسف:اليوم دور سجى لانها اول مره تطلع معانا..

سجى:لااااا لاتسألني كيف فجر

يوسف:طلعتي تخافين منها؟؟

سجى:هههههههههه لا شكو بس لانها اصغر وحده حرام

فجر:وااي بعد عمري انتي..مممم خلاص ابي شيليز

ميس:أي احسن بعد

سجى:اووكي

يوسف:كيفكم..

((شغلهم مرينا اف ام كل مايحطون اغنيه يطول عليها ويطالع سجى من المنظره وسجى مستحيه منه))

سجى تفكر((شفيه ها يطالعني جذي...مابي افهمه غلط بس شنو قصده من هالحركات..؟؟وااي جان زين سعود يسويلي جذيييييييييييييي ليش ماايه ويانا))

يوسف((انشالله تحسين فيني شوي بس..فديتج والله احبج انتي حقي بروحي ومحد راح يقدر ياخذج مني واذا ماتزوجتج مااطلع ريال..))

ميس((ياارب يااارب تحنن قلب سجى وتنسى سعود وتحب يوسف انشااالله ياارب))

فجر((ههههه والله اخوي طلع مو هين.. بشوف شلون يقدر يخليها تحبه))



((طول الطريج واهما يفكرون..لمن وصلو شيليز عالبحر..سجى استانست على يوسف وعلى خفة دمه وسوالفه..وميس ارتاحت انها قاعده تشوفها بدت تستجيب لاخوها وان هالطلعه شكلها يابت فايده))





((سعود وبدربالسياره))

سعود كان قاعد يسوق وبدر يمه قاعد يكلم فرح...

بدر:مادري متى بتروحين؟

فرح:يمكن باجر..والله ضيقه خلق من زمان موطالعه

بدر:لااه..؟؟من زمان صج؟؟ليش متى اخر مره طالعه..؟

فرح:قبل 4 ايام بعد قولي شويه؟؟

بدر:هههههههههه لا واااايد شلون تحملتي 4 ايام تقعدين في البيت؟؟منو هذا اللي قدر يسويها غيرج صج كسرتي خاطري اذا تبين الحين طلعي ولايهمج حبيبتي

فرح:خخخخ ودي اصدق..!!ترا اسويها

بدر:سويها عشان اشق حلجج

فرح صرخت بدون ماتحس:انت شهالاسلوب؟؟مصختهاااااا ترا

بدر:ترا بطيتي اذوني شوي شوي والله اسمعج

فرح:وبعدين يعني كل مااقولك كلمه تعلق علي وتقول كلام ينرفزني..؟؟الواحد مايسولف على راحته

بدر:هههههههههههههههههه حتى لمن تتكلمين لازم بصيغة مذكر خخخخ لامحشوم يبه حقك علي

فرح:وااااااااااااي صج صج قاعده اتنرفز انا..

بدر:الواحد مايقدر يسولف على راحته...شنو انتي جنس؟؟

فرح:بـــــدر..!!ممكن تمسك لسانك شوي ترا موطبيعي صاير جنك قاعد تكلمني عشان تقزرها صح؟..لاااا قوووول أي بعد قوول اييييي

بدر صرخ:شوي شوي...شفيج تصرخين بطيتي اذووني شنو ماتفهمين انتي..؟؟

فرح تصرخ:ليش تصرخ علي..؟؟

بدريصرخ:لانج ماتفهمين..اصغر عيالج انا ترا وايد سكت لج..

فرح تصرخ:لا هذا اللي ناقص تطقني وتكملها او تهزأني وتفتك مره وحده

بدر صرخ زياده:فــــــــرح..!!بتحترمين نفسج ولا شلون..؟؟

فرح:لاشلون..

بدر:ماشي يصير خير وتذكريها...((سكر التلفون بويهها))...

سعود:شفيك انت ليش تصرخ عليها جذي..حرام عليك

بدر:مصختها خل تتعلم تحترمني شوي مو شايفتني معطيها ويه كل مالها وتمصخها..

سعود:والله اول مره اشوفك معصب جذي مولايق ههههههههههههههههه

بدر:شسوي طلعتني من طوري

سعود:ارتحت الحين فشلتها؟؟..وانا اشوف ان طبعها جذي وانت تعودت على هالشي منها شفيك تنرفزت مره وحده؟؟حضرتك معودها على هالاسلوب تيي اخر شي تطلعها غلطانه و مو محترمتك..؟

بدر:سعود تدري اني اول مره اكلم بنت..لازم تعذرني

سعود:وانا اشوف انها وايد متحمله اسلوبك معاها

بدر:ادري بس...

سعود:مشكلتكم ماتفكرون قبل لاتتكلموون وانا هالنظام مااحبه..فكر بالكلام اللي تبي تقوله وثمنه قبل لاتقطه على الناس بس جذي

بدر:خلاص سعود صكر هالسالفه حدي مالي خلق

سعود:اوكي بس لازم تعرف ان اللي سويته غلط....

بدر:ادري بس انا ناطرها اهي تحس بعد

سعود:انت الريال ولااهي؟؟دامها تحبك راح تسوي اللي تبيه وبالتفاهم كمل شي ينحل

بدر:ههههههههههههههههه بس والله نكته

سعود:اقولك موصاحي ههههه..

بدر:قاعده تدق

سعود:أي رد عليها شناطر

بدر بنفيسه:نعم اختي

فرح:بدور شفيك زعلت مني؟

بدر:خير شبغيتي

فرح:لاتكلمني جذي

بدر:لابكلمج جذي

فرح:اسفه

بدر:وين اصرفها

فرح:احبك سوري خلاص

بدر:شالمطلوب

فرح:2 فلافل وواحد يبسي..يعني شالمطلووب؟؟مووقت عبطك

بدر:اقوولك ماكو فايده كااوليه ومليقه بعد ههههههههههه

فرح:اوكي مشكور اخوي

بدر:العفو اختي يالله تبين شي

فرح:لاسلامتك

بدر:ههههههههههه خلاص اتغشمر معاج شفيج انتي؟؟وانا هم اسف عصبت عليج

فرح:زيين بس لاتتعود

بدر:اوكي يلا ذلفي الحين اول مااصول ادق عليج

فرح:اوكي باي

بدر:بايات



((بيت ام سعود))

سعود توا داش البيت...

سعود:قوه...وينهم مااشوف احد

بوسعود:يقويك..

ام سعود:هلا يمه..ماكو يوسف مطلع البنات وسجى راحت وياهم

سعود:وين راحو؟؟

ام سعود:يتعشون برا توهم طالعين ماصارلهم وايد

بوسعود:دق على اخوك اذا قريب يردلك

سعود:عاد يوعان صج بس ماالي خلق توني راد من النادي بس اذا ابي اروح بسيارتي عادي

ام سعود:والله كيفك انا مسويه عشى روح خل الخدامه تسخنلك ياه

سعود انا بروح اتسبح ويصير خير بعدين..يلا مع السلامه

ام سعود:براحتك يمه


صعد غرفته ولايدق على دلال...

دلال:الوو

سعود:هلا حياااتي

دلال:وينك انت صج اشتقتلك

سعود:وانا اكثر والله

دلال:سعود اطلب منك طلب وماتردني؟؟

سعود:انا اردج؟؟امري انتي بس

دلال:سعود بشوفك

سعود:بس جذي؟؟

دلال انحرجت:أي..عادي؟؟

سعود:عادي ونص انتي بس قولي متى تبين

دلال:تقدر الحين؟؟

سعود:الحين الحين؟؟

دلال:أي

سعود:شايفه الساعه جم؟

دلال:ممممم

سعود:خلاص شرايج باجر؟؟لاني انا بعد ودي اقولج كلام كنت خاشه بقلبي

دلال:صج؟؟شنو تبي تقول؟؟

سعود:خلاص باجر اقولج

دلال:عاد شينطرني..بس اووكي

((وقامو يسولفون تقريبا 3 ساعات ونص مع بعض بدون مايحسون بالوقت))



يوسف وميس وفجر توهم واصلين البيت وسجى دشت معاهم عشان تقعد مع ميس شوي قبل لاترد بيتهم..

يوسف:السلام عليكم...

ام سعود:غريبه والله اول مره تسلم نفس الاوادم..وعليكم السلام..!!

بوسعود:وعليكم السلام شالطاري عليك اليوم صاير مؤدب

يوسف:آحم..يعني لازم تكسرون بالواحد ماتعرفون تمشون الفلم شوي..((قرص خشم امه))فدييتج والله مشتاقلج

ام سعود:آآي وخر وويعه عورتني..

سجى:ههههههههههههههههه

يوسف تشقق((فديت الضحكه))

ميس:هههه أي اول شي تضحكين بعدين تلوع جبدج من حركاته

فجر:جبي لاتغلطين على اخووي فدييييييييييته والله

يوسف:أي اشتغلنا من الحين حق المصالح..

فجر:لا شدعوا يعني حراام احب اخووي؟؟

يوسف:مااصدقج انتي يالفلبينيه

سجى:حرااام عليك عاد كلش ولافجور

يوسف:لاوالله من متى

فجر تحره:أي موت من الحره ترا الحين مستقبلك بإيدي((وتحرك حواجبها))

يوسف تنرفز:يصير خير بعدين

ميس:بابا وين سعود؟؟

بوسعود:من اول مارد للحينه بغرفته روحيله فوق

ميس:اوكي..سجووي نطروني انتي وفجر بالغرفه انا شوي ويايتلكم

سجى:وين بتروحين؟؟

ميس:بروح عند سعود دقيقه واييلكم

سجى:خلاص ننطرج بس موتطولين

ميس:ههههه اوكي


((غرفة سعود))

ميس:ممكن ادش

سعود:تعالي

ميس:شلونك اليوم؟؟وشسويت مع دلال..؟؟

سعود:الحمدلله..وماكو باجر بشوفها وبقولها كل شي..

ميس:صج؟؟؟زين تسوي..تعال صج وشلون على سجى؟؟..انا اقول لو انت تكلمها وتقولها احسن..

سعود:انتي شقاعده تقولين؟؟شكو انا اكلمها

ميس:والله اذا سمعت منك احسن من ماتسمع مني

سعود:لا شنو ينيتي انتي


((تمو يتكلمون نص ساعه وميس تقنع سعود ان يكلم سجى بالموضوع قبل لايقول حق دلال))





((غرفة ميس))

سجى:اوووه شفيها اختج طولت

فجر:قعدي شفيج دوده؟؟نطريها الحين تيي

سجى:صارلهم نص ساعه وين انطر بروح اشوفها يمكن نزلت تحت تأخرت بروح بيتنا

فجر:سجو عن الملاقه قعدي

طلعت سجى من الغرفة وراحت تدور ميس...

راحت المطبخ مالقتها مشت صوب غرفة سعود ولا تسمعهم يتكلمون...

سجى:شعندهم هذول للحينهم يسولفوون...

توها بتمشي ولاتسمع شي يوقفها....

سعود:فهمي احبهااا شتبيني اسوي يعني مااقدر اخسرها عشان هالشي بس

ميس:سعود لاتفكر في دلال بس..مهما يكون سجى تحبك افهم وحرام رفيجتها اهي نفسها اللي توصلها الكلام شتبيها تقول يعني انا خذيت حبيبتج منج؟؟اصلا مااعتقد راح توافق..

سجى واقفه عند الباب مومصدقه اللي قاعده تسمعه...





بناات سوري اذا كان البارت قصير بس والله اليوم صار عندي ظروف وهذا اللي قدرت عليهولاني ماقدرت اطول عليكم زياده انشالله اعوضكم فبارت اطول من هذا باجر

وانشالله يعجبكم فدييتكم كلكم احبكم :klhfl:

​

 

[نونيتا]

ناطرينج

 

[نونيتا]

لوول انا كله اكتب ناطرين وينزل البارت مع مشاركتي خخخخ


اقراا وارد ان شاءالله

 

[FoOwFoOwa]

البارت حده عجيييييييييييييييييييييييييييييييييييييييب ,,

فديتج تومز اخذي راحتج و كتبي متى ما قدرتي ,,

الله يعين سجى كسرت خاطري والله ,,

و بدر و فرح ياحلاتهم بريئين هههه ,,

فديتج والله تونزييي ,,

يلا " حووبي " نشوفج متى ما نشوفج ,,

و مثل كل مره اقولكم لاتحنون هه صايره محاميه انا هه ,,

 

[نونيتا]

واااااااااااااااي سجى عورت قلبي

مسكيييييييييييينه انصدمت


يسلموو توما يعطيج العافيه

 

[كويتية 97]

امبيه لااااااااااااا كملي

 

[ReeMoh]

7ada niiice elpart thnx;*r*

 

[غزل الظفير]

ناطرينج بس لا تطولييين بليز وياريت يكون البارت طويل شوي ومشكووورة

 

[ღ TőOőma ღ]

لوول انا كله اكتب ناطرين وينزل البارت مع مشاركتي خخخخ


اقراا وارد ان شاءالله

ههههههههههههههههههههههه حظج بعد

 

[ღ TőOőma ღ]

البارت حده عجيييييييييييييييييييييييييييييييييييييييب ,,

فديتج تومز اخذي راحتج و كتبي متى ما قدرتي ,,

الله يعين سجى كسرت خاطري والله ,,

و بدر و فرح ياحلاتهم بريئين هههه ,,

فديتج والله تونزييي ,,

يلا " حووبي " نشوفج متى ما نشوفج ,,

و مثل كل مره اقولكم لاتحنون هه صايره محاميه انا هه ,,

احبج حديييييييييييييييييييييييييييييييييي:eh_s(6):

فدييييييييييييييييييييييييييييييتج:eh_s(6):

محد فاهمني غيرها لووول اهيا تدري شنو قصدي