((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[عاشقة البحر 93]

تومة ناطرينج حبوبة فديتج

وان شاء الله سعود ما فيه شي واترد له دلال حرام كاسر خاطري

 

[8yoona]

انا هقييت القصة خاالصة من زمان اشوفها موجودة ماحب انطر بس اشوة انج ماتطوليين على ماتنزليين
ويلا نااااطرتج

 

[ღ TőOőma ღ]

بنااات حبايبي شوي وانزله خل اخلصه مابقالي شي

 

[ღ TőOőma ღ]

انا هقييت القصة خاالصة من زمان اشوفها موجودة ماحب انطر بس اشوة انج ماتطوليين على ماتنزليين
ويلا نااااطرتج

هههههههه اي اشوا عيل

فديتج نورتي ياالبي:ggdw:

 

[ღ TőOőma ღ]

تومة ناطرينج حبوبة فديتج

وان شاء الله سعود ما فيه شي واترد له دلال حرام كاسر خاطري

انتي فدييتج حياااتي والله:eh_s(6):

وانشالله البارت اللي ياي بتعرفين خخ

 

[ღ TőOőma ღ]

يعطيج العافية

يعافيج حوووبي:ggdw:

 

[ღ TőOőma ღ]

هااي

متى البارت

هايوو حووبي انشالله اول مااخلصه احطه

 

[ღ TőOőma ღ]

توتو لايوقف متى البارت الياي انا بالسيارة عندي ايقو وشابكه بس علشانج حياتوو ويتنغ

انشالله حووبي فديييتج اولله:eh_s(6):

 

[8yoona]

:eh_s(3): تومووو مابي اضغط علييج بس عفية خلصييها قبل رمضاان قصتج ماشاء الله تينن

 

[ღ TőOőma ღ]

تووووووووووما متـــــــــــــى البارت ؟؟؟؟؟؟؟؟؟؟

عندي زواره بالليل ودييي اقراها الحين

حياااتي دلووله انشالله اول مااخلصه انزله فديييت قلبج:eh_s(6):

 

[ღ TőOőma ღ]

:eh_s(3): تومووو مابي اضغط علييج بس عفية خلصييها قبل رمضاان قصتج ماشاء الله تينن

ههههههههه حيااتي يوووو فدييتج:eh_s(6):

انشالله بحاول اخلصها قبل رمضان ولايهمكم:ggdw:

 

[نونيتا]

ناطرين توما

 

[mano0no]

ناااطرييينج توووما لا اطوليييين

 

[عاشقة البحر 93]

لا يوقف
لايوقف

 

[n00ni]

وينج توما ؟؟
صارت 4ونص وللحين ماحطيتي البارت

 

[ღ TőOőma ღ]

سووري بنات طولت عليكم وهذا الباارت انشالله يعجبكم




الجزء الثامن عشر



الكل خاف وتيمعو حولها ميس وفجر وسجى شالوها من الارض وقامو يهدونها ميتين من الخوف مايدرون شالسالفه و منو اهو اللي بالمستشفى..

...بوسعود على طول شال السماعه:الووو

...:الو

بوسعود تمنى انه مايكون صاير الي فباله:...الو منو معاي؟؟

...:اخوي انا داق ابلغكم ان ولدكم مسوي حادث ومنقلبه فيه السياره..والحين انشالله بييون الاسعاف ياخذونه

بوسعود مومستوعب وحس قلبه بيوقف:لاحول ولا قوه الا بالله...انشالله مو شي جايد و أي مستشفى..؟؟

....:الله كريم...مستشفى مبارك انشالله

بوسعود ماتطمن كلش:يعطيك العافيه

صكر السماعه وبطل زراير دشداشته حاس ان مخنوق..

بوسعود:يوسف ييب سويج سيارتي بسرعه

يوسف ميت خرعه:يبه شصاير منو بالمستشفى..؟؟

بوسعود:سعود منقلبه فيه السياره

سجى شهقت بصوت عالي...

فجر وميس قعدو يبجون..

بدرمومصدق اللي يسمعه:امشو بسرعه انا اوديكم

يوسف راح ياب سويج سيارته..:يالله بسرعه قومو

ميس:بابا تكفه ودنا معاك

بوسعود:بدلو بسرعه ننطركم برى...

بدر:انتو روحو احنا انييكم بسارتين

ام بدر تبجي موقادره توقف على ريولها...

بوسعود حاول يقومها شكلها تعبت حيل...

يوسف وبوسعود وفجر وام سعود راحو بسياره

وميس وسجى وبدر بسياره ثانيه....




((في بيت دلال))

دلال كانت حلمانه حلم موزين على طول قعدت من النوم مفزوعه...

دلال((بسمالله الرحمن الرحيم....اشوا ان حلم..الله يستر يارب يكون شي عادي..))

قرت قرآن حاولت تنام طارت منها النومه دقت على غرفة اختها شجن تناديها...

شجن:ها دلوول شنو للحين مونايمه؟؟

دلال:كنت نايمه بس قعدت من حلم موزين ستغفرالله....ماقدرت انام الحين

شجن:اووكي دقايق واكون عندج...

دلال:اووكي

بعد دقيقتين بطلت الباب وقعدت معاها...

شجن:ماقلتيلي بشنو حلمانه..؟؟

دلال:حلم موزين وخلاص..الله يكافينا الشر ماني قايلته اخاف يصيرلنا شي موزين

شجن:ويييه انتي تعترفين بهالخرافات يعني

دلال:موخرافات هذي..شعرفج انتي

شجن:زيين المهم..قوليلي...

دلال:شقولج

شجن:فكرتي بكلامي؟؟

دلال: سكتت:......

شجن:دلااال

دلال:............هلا

شجن:يعني انتي اهو يحبج وانتي تحبينه هالشي واضح بعيوونج ليش تعذبين نفسج وتدوسين على قلبج...؟؟

دلال:شجن...خلاص اللي فيني مكفيني...انشالله اللي الله كاتبه راح يصير

شجن:بس والله للحينه كاسر خاطري..طريقتج كانت غلط حيييل..حتى لو ماكنتي تبينه ماتهدينه بهالطريقه حطي نفسج مكانه ترى اذا صار فيه شي راح يكون برقبتج...!!

دلال خافت من كلامها:لا انشالله مافيه شي..وادري والله بس ماكان عندي غير هالحل..

شجن:اوكي مايمنع انج تعتذرين عن طريقتج الخايسه هذي..مهما يكون ترى انسان وعنده قلب يعني لو مسوي فيج جذي شبتكون رده فعلج؟؟

دلال حسن انها حقيره ودموعها نزلت:شجن تكفين مو مناديتج عشان تحسسيني بالذنب ترى اللي فيني مكفيني...

شجن:انا بسكت وانشالله تييلج صحوه الضمير مبجر شوي لاني احس ان نعمه الاحساس انعدمج عندج ماكنتي جذي شفيج تغيرتي..!!؟؟

دلال:شــجــن...!!خلاص عاد

شجن:زيين بسكت

قعدو دلال وشجن يسولفون مع بعض وماحسو بالوقت....





((مستشفى مبارك))


يوسف وبوسعود وفجر وام سعود وصلو قبل بدر وسجى وميس...


ام سعود طول ماهي تمشي تبجي وتدعي ربها ان مايصير فيه شي...


ميس نزلت واهي تبجي وتركض صوب ابوها...

ميس تبجي:متى اييبونه؟؟

بوسعود:خلاص بابا لاتبجين انشالله مايكون فيه شي

سجى دموعها وماوقفت حست بالذنب ماتدري ليش ودها تصرخ تطلع اللي بقلبها بس موقادره..

فجر لامه امها واهي تبجي وبدر ويوسف ماسكين عمرهم بس يحاولون مايبجون جدام البنات وام سعود عشان لايخوفونهم...

بعد جم دقيقه وصلت سيارة الاسعاف ونزلو سعود...

يوسف:كاهو يابووه

كلهم شافوه ركضو عليه..شكله كان يخرع وويهه مايبين من كثر الدم اللي عليه....

ام سعود راحت عنده واهي تبجي وتمسكه:يمه سعوود قووم..يمه قووم لاتسوي فينا جذي..ادري قاعد تسمعني..يمه رد علي لاتسكت..

راح بوسعود يشيلها من عنده...

ميس قاعده تبجي موقادره تطالعه:سعوود لاتمووت تكفا لاتخليني برووحي..الله يخليك

فجر ماقدرت تشوفه اهي وسجى قاعدين بعيد ويبجون مايبون يروحون صوبه...

دخلو سعود غرفة العمليات وقعدو ينطرونه برا....


ام سعود ضغطها كان نازل وتعبت حييل موقادره تشيل عمرها....

يوسف:يمه قومي معاي خل يعطونج ابره عشان ترتاحين

ام سعود موقاعده ترد مو حاسه باللي حولها...

بوسعود مسكها:قومي معاي

ام سعود بس قاعده تبجي وتقول كلام موفاهمينه:ابي ولدي..ييبولي ولدي..

بوسعود:الله يهداج انشالله مافيه الا العافيه انتي قومي معاي الحين

خذاها عند الدكتور شاف انها تعبانه ومحتاجه للراحه...

الدكتور:اهي عندها سكر مو جذي؟؟

بوسعود:أي والله دكتور

الدكتور:خلاص احنا بنخليها ترتاح عندنا وانشالله تصير احسن

بوسعود:أي والله دكتور جان زين..لان وجودها هني كلش ماله داعي بس قاعده تبجي وتأذي عمرها

الدكتور:ماقلتلي من شنو تعبت جذي؟؟

بوسعود:ولدنا منقلبه فيه السياره والحين بالعمليات

الدكتور:لاحول ولاقوة الا بالله..انشالله مافيه الا الخير

بوسعود:انشالله الله يسمع منك...



((في المستشفى عند غرفة العمليات))

ميس:يوسف ليش طولو؟؟متى يطلعون سعود

يوسف خايف اكثر منهم بس موحاب يبينلهم هالشي:لازم يطولون هذي عملية مو لعب..وانشالله مابقى شي ويطلعونه..

فجر تبجي:اهو شفيه ليش ماقالولنا..؟؟

بدر ماسك نفسه بالغصب:انشالله لمن يطلعون بيقولون شفيه..توه داش لاتقعدون تحاتون انشالله مافيه شي

يوسف قاعد يتمشى يم باب الغرفة مايدري شيسوي..بوسعود كان توى ياي عندهم يطمنهم على ام سعود..

بعد ساعه ونص طلع الدكتور من غرفة العمليات....


كلهم فزو وقفو جدامه بدون مايتكلمون... كل واحد يطالع ويه الدكتور يحاول يفهم تعابير ويهه وينطرونه يتكلم..بوسعود تشجع وسأله

بوسعود:بشر دكتور..!!ولدي شفيه بالضبط..؟؟

الدكتور ويهه مايطمن:للاسف عنده نزيف حاد والحوض عنده مكسور....ريله فيها كسر قوي عشان جذي ضطرينا نحطله براغي..وراسه متعور بس الحمدلله لحقنا عليه..

سجى ماقدرت تتحمل اللي تسمعه...ماتتخيل سعود يصير فيه كل هذا..قلبها قام يتقطع وقعدت تبجي وتشاهق..

ميس لمت سجى حاولت تهديها وتهدي نفسها معاها بس موقادره تمسك نفسها اكثر هذا اخوها اللي كانت كل ماتحتاجه تلجأله قبل أي احد..اهو الوحيد اللي فاهمها وكانو يحسونه ابوهم الثاني بكبر عقله وشخصيته..شايل مسؤوليتهم من بعد امه وابوه...

فجر تبجي:يوسف ليش الدكتور يقول جذي..؟؟حالته خطره صح؟؟

بدر:لاتخافين مافيه شي انشالله

يوسف يسأل الدكتور:والحين شلونه؟؟

الدكتور:الله كريم..الحين نبي دم منو فيكم نفس فصيلته..؟؟

بوسعود:انا نفس فصيلته..

ميس:وانا بعد

الدكتور:خلاص ناخذ منكم اثنينكم..

بوسعود:ميس بابا خلج انا اروح

ميس تبجي:لا مابي خل ياخذون مني بعد

الدكتور:اهو الصراحه كل مازادو عدد الاشخاص يكون احسن..عشان تكون متوفره عندنا كميه اكبر..

بوسعود:اوكي عيل دام جذي مومشكله...


((راحو يسحبون منهم دم والباجي تمو ينطرون احد يطمنهم..مرت تقريبا ساعتين بعدها طلعو سعود ينقلونه للعناية المركزه))...


ميس شافته قامت وحطت ايدها على ويهه:سعود تكفا لاتخليني بروحي..الله يخليك والله محتاجتك..سعووود رد علي

سجى كانت ورا ميس ماتكلمت من اول ماوصلو بس قاعده تبجي ودموعها ماوقفت...

يوسف سحب ميس بالغصب عشان يخليهم يمرون...

يوسف:ميس خلاص..انتي موياهل..موزين تسوين جذي شلون بيسمعج الحين ماتشوفينه توه طالع من العمليات

بوسعود:ميس سجى فجر يبه انتو ردو البيت مع بدر ويوسف..وانشالله باجر الصبح تييون تشوفونه مره ثانيه

ميس:لاا انا ماني رايحه بقعد هني مع سعود

يوسف:عدل كلام ابوي امشو نوصلكم البيت مالها داعي قعدتكم هني...الحين بيرتاح يعني ماتقدرون تشوفونه..

بدر:انشالله باجر الصبح مبجر نييبكم تشوفونه وانشالله حالته تكون احسن من جذي

فجر اقتنعت:اوكي

ميس:لااا مابي ارووح بقعد معاااه

بوسعود:ميس..!!سمعي الكلام خلاص..وانشالله احنا بنرد بعد.. بس خل امج تتحسن شوي...مثل ماقال يوسف مالها داعي قعدتكم منتو شايفينه ولا اهو بيقعد عشان يشوفكم

ميس استسلمت:خلاص اوكي...

راحو بدر ويوسف وفجر وسجى بسياره بدر....بالطريج محد راضي يتكلم كلهم ساكتين..

سجى مره وحده قامت تبجي بشكل بشكل هستيري...

بدر خاف:سجى..!!شفييج

يوسف مات من الخرعه خاف عليها:سجى..شفيج تبجين جذي

ميس وقفت بجي وحاولت تهديها:سجى..اسملله عليج..هدي شوي

بدر وقف سيارته عند بقاله شرالها ماي وميس قعدت تشربها وتغسل ويهها..

فجر:سجى حبيبتي هدي موزين تسوين جذي بنفسج

ميس:لانها طول الوقت ساكته خل تطلع اللي بقلبها شوي

بدر ويوسف توقعو انها خافت من اللي صار اليوم لانها اول مره تشوف جذي جدامها...

بدر:سجى حبيبتي خلاص..

يوسف:ميس اليوم خلوها تنام عندكم في البيت

ميس:أي اكيد لازم تنام عندنا

فجر:احنا بيتهم احنا محتاجينها الحين

بعد ربع ساعه وصلو البيت.....

بدر نام عندهم وفرشله بغرفة يوسف لان حس ان محتاجه بهالوقت...

البنات صعدو غرفة ميس راحو يغسلون ويههم ويبدلون....







((بيت فرح))

فرح كانت تكلم رفيجتها..

ساره:شوي شوي هدي شفيج جذي مطيوره...

فرح:زين..ليش جهازه مغلق..؟؟اكيد فيه شي اكيد صايرله شي...

ساره:ماتدرين يمكن ظرووف..نطري عليه شوي اكيد راح يدق عليج

فرح:انشالله مافي شي..

ساره:تعالي شصار اليوم لمن شفتيه

فرح:ههههه فديته شحلاته

ساره:تصدقين شوقتيني اشوفه..!!زين شصار سولفي

فرح:ماكو قعدنا بشيليز اول شي بعدها قمنا نتمشى

ساره:صج..زين شـ..

فرح قاطعتها:بدوور قاعد يدق باي باي

فرح ردت عليه:الووو انت ويييينك

بدر صوته متضايق حده:منو كنتي تكلمين اول..

فرح:..سارو رفيجتي..بدر شفيك

بدر:سعود منقلبه فيه السياره..

فرح اخترعت:امبيييييه..شصار فيه وينه الحين؟؟

بدر:رايح عيدميلاد رفيجه..يعني وين بيكون اقولج منقلبه فيه السياره..بالعنايه الحين

فرح:انشالله مايشوف شر انشالله امبي ستغفرالله..سلامته...واللي بقى براسكم

بدر عصب:انتي هييي..ليش تفاولين على الصبي..؟؟مات اهو عشان تقولين اللي بقى براسكم..شنو ماتعرفين تتكلمين

فرح:خو شدرااااااني..انا جذي لمن اخترع مادري شقول الكلام بروحه يطلع

بدر صج متضايق بس ضحك على خبالها:هههههههههههه الحمدلله والشكر

فرح استانست:دوم انشالله ترتاح وتستانس معاي وكل شي بس معاي انا

بدر:زين بسج قرقه..شعندج مونايمه للحين؟؟

فرح:شسوي قاعده احاتيك والله خوفتني عليك

بدر:والله بس تلفوني كان بالسياره وخالص شحنه..اول ماشحنته دقيت على امي اقولها وبعدها دقيت عليج..

فرح:زين ليش ضايق خلقك مراح يتغير شي اذا تضايقت...

بدر:شسوي والله سعود اكثر من اخوي واللي صارله موشوي

فرح:اهو شفيه بالضبط

بدر:يقول نزيف قوي وكسر بالحوض وريله بعد مكسوره

فرح:شبقى مسكين..شكله مجبس من فوق لي تحت..يمه قاعده اتخيل شكله بس عيونه تبين..

بدر:تطنزين ولا شنو..بدال ماتقولين الله يقومه بالسلامه..شهالاستعباط

فرح:واااي شقلت اناا..؟؟بعد هذا الصج... وولاتزعل الله يقومه بالسلامه انشالله ويوفقه ويخليه لاهله ومايشوف شر وانشاالله بعدوينه واللي يكرهونه يااارب انشالله عسى الله يبط عيوون اللي كان السبب وحسبي يالله ونعم الوكييل عليه او عليها وانشالله يدشون بأقرب شبه اذا كانت عنده حوبه والله يعطيه طولة العمر وسلامتكم..

بدر:ههههههههه..تستعبطين انتي ولا شسالفة امج..

فرح:شدراني عنك عشان ماتاكلني بلسانك

بدر:انا اكلج بلساني ولا انتي يالكاوليه بقا شي ماقلتيه ههههههه

فرح:شوف بسكت عنك اليوم عشان حالتك النفسيه ماتسمح اني اغلط عليك بس اعلمك خل يطلع بالسلامه

بدر:لا والله..!!انا ابيج تغلطين علي بشوف شلون

فرح:واااي زين طوف... مووصج شفيك انت بس تعصب

بدر:عبالي عشان اشق حلجج

فرح:تمون اليوم بس

بدر:هههههه

فرح:ماتبي تنام؟؟

بدر:ايي تبي الفكه

فرح:حرام عليك ابيك ترتاح حلايا ويهك

بدر:بعرف انتي حبيبتي ولا رفيجي

فرح:الاثنين

بدر:هههه والله بنام احسنلي

فرح:اليوم بسكت انا بس يصير خير

بدر:اللي يسمعج يقول كل يوم طايحتله تسفل فيني

فرح:انا اقدر؟؟

بدر:والله موصاحيه ههههه

فرح:موصاحيه بس تحبني خخخ

بدر:جبي...انا بنام اوكي حدي قفلت

فرح:اعلمك..اوكي نوم العوافي اول ماتقعد دق علي

بدر:اووكي يلا باي قلبي

فرح:بااي حيااتي




((بيت دلال))

شجن:دلول مادختي؟؟

دلال:مادري شفيني قلبي ناغزني

شجن:ليش؟؟

دلال:ماادري مادري..بدق على سجى

شجن:شايفه الساعه جم ليش تقعدين البنت من النوم..؟؟

دلال:بتطمن عليها

شجن:باجر الصبح دقي الحين مووقته كلش

دلال:آف..خلاص بحاول انام عيل

شجن:دلال..بطلي تلفونج..

دلال:ليش؟؟

شجن:حرام عليج..اوكي هديتيه ميخالف..بس تصكرين تلفونج ليش؟؟

دلال:مابي يدق علي وارد

شجن:شهالحركات هذي؟؟صج انتي تنرفزين ترى

دلال:شسوي ماكنت ادري شسوي حزتها

شجن:بطليه شوفي يمكن دازلج شي او يبي يقولج شي يعني شلون بيوصلج دامج مصكره جهازج؟؟حرام عليج حطي نفسج مكانه دلول انتي ماتحسين؟؟

دلال:والله كل هذا عشانه..شفيج موراضيه تفهميني

شجن عصبت:قاعده تقصين على نفسج انتي؟؟عشانه انج تهدينه واهو يحبج؟؟

دلال موعارفه شتقول:....مادري

شجن:قولي عشان سجى...خلج جذي مأذيه نفسج واهي موحاسه بس عذبي نفسج وياه مادري شنو ذنبكم انتو

دلال:خلاص شجن

شجن:الصراحه الحجي معاج ضايع..بس تحملي أي شي يصير فيه ترى برقبتج...

طلعت من الغرفة ودلال هزتها هالكلمه...خافت زياده وبدون شعور بطلت تلفونها...

شافت مس كولز من سعود..واخر مس كول قبل 7 ساعات او 8....قامت تحاتي ولا تدق عليه...


تلفون سعود كان عند يوسف خذاه معاه البيت مع بوكه واغراضه اللي كانو بالسياره..

يوسف نايم شاف تلفون سعود يرن بطل عيونه شوي ولا يشوف الاسم بيقراه عدل موقادر بعدين استوعب...

دلال يتصل بك....

يوسف:دلال؟؟؟من متى سعود يكلم؟؟

بدر كان للحينه قاعد..سمع اسمها على طول فز من مكانه..:لاترد

يوسف استغرب:ليش..؟؟

بدر:هذي حبيبة سعود..

يوسف:حبيبته..؟؟؟؟من متى وشلون وليش ماقالي

بدر:الله يهداك يويسف وقتك الحين..؟؟

يوسف:انزين ليش ماارد عليها..؟؟

بدر:ترد عليها شتقولها؟؟سعود بالمستشفى؟؟تبيها تين؟؟

يوسف:اول وتالي راح تعرف...

بدر:بس الحين موقته انشالله لمن يتحسن بروحه يكلمها واذا كلش كلش احنا نقولها بعدين

يوسف: اوكي...

حط التلفون عالسايلنت وتمت دلال تدق تقريبا 8 مرات

دلال كانت ميته من الخوف وقعدت تفكر((ليش مايرد؟؟زعلان؟؟مومعقوله مايرد علي موعوايده...سعود مايسويها..اكيد فيه شي...ياربي شصايرله..انشالله مايكون في شي يارب يارب..))

تمت قاعده وتطالع التلفون تنطر سعود يدق عليها واخر شي داخت ونامت.....





((ثاني يوم في بيت ام سعود))

فرغة ميس....

سجى طول الي ماقدرت تنام كل ماتنام تفز من نومها وتبجي....

فجر:بنات قومو بسرعه بدلو عشان نلحق نروح حق سعود المستشفى

سجى:........

ميس:اوكي..روحي بدلي وتعالي

فجر:اوكي....سجى شفيج..؟؟

سجى تبجي....

ميس راحت عندها:سجى..من امس موراضيه تتكلمين..ليش تسوين بعمرج جذي

سجى:ميس كلا مني

ميس:شنو اللي كلا منج..؟؟

سجى:اللي صار بسعود مني((وقعدت تبجي))

ميس:سجى..لاتقولين جذي..هذا اللي الله كاتبه انتي مالج ذنب...

سجى:ماادري...ميس تكفين قوليلي ان راح يصير زين ويرجع نفس قبل

ميس عيونها دمعت حست فيها شكثر تحبه:انشالله حبيبتي بس لاتبجين..امشي نروحله الحين وانشالله يكون صاير احسن..

سجى:انشالله يكون احسن...ميس والله قوليله مراح ازعل اذا تزوج دلال او تم يكلمها..والله مراح ازعل بس لايصير فيه شي

ميس:خلاص سجى اهدي الحين وهذا موموضوعنا...امشي نبدل عشان نروحله وانشالله يكون صاير احسن

سجى:انشالله





((في المستشفى))

ام سعود صحصحت شوي وكلهم طمنوها ان مافيه شي عشان لاتقعد تحاتي...بوسعود كان قاعد في المستشفى ومارجع البيت الا عشان يتسبح ويبدل ورجع المستشفى مره ثانيه...

وصلو كلهم وعلى طول راحو عند بوسعود يسألونه عن سعود...

ميس:بابا شلونه سعود الحين

يوسف:ها ماطمنوكم عليه

بدر:وينه اهو للحينه بالعنايه؟؟

بوسعود:حالته للحينها مستقره بس انشالله يقوم بالسلامه بأسرع وقت

ميس:نقدر نشوفه..؟؟

بوسعود:تقدرون بس واحد واحد وماتطولون عنده...دقيقه وتيوون لان موزين اتمون عنده بالغرفه وايد

ميس:الله يخليك انا بروح اول وحده

يوسف:خلاص خل البنات يروحون اول بعدين احنا

فجر:اوكي عيل انا بعدج

سجى:ميس تكفين اخذيني وياج

ميس:اوكي

بوسعود:روحو عند الدكتور يعطيكم شي تلبسونه عشان تدشون عنده مايصير جذي

ميس:انشالله

راحو لبسو ووقفو اول شي عن الباب يطالعونه..

الدكتور:ماينفع اثنينكم خل تدش وحده والثانيه تنطرها..

ميس:اوكي سجى نطريني اول مااطلع دشي..

سجى:اوكي

دشت ميس داخل واهي ترجف..شافت شكله قعدت تبجي...كانت حوالينه اجهزه ولافين راسه وريله وشكله كان يكسر الخاطر اول مره تشوف سعود بهالحاله مو متعوده تشوفه جدامها بدون مايضحك وياها ويكلمها...

راحت عنده حطت ايدها على راسه تكلمه وتشاهق:سعود..ادري انك قاعد تسمعني..تكفا سعود قوم بسرعه لاتخليني بروحي انا محتاجتلك..طيب بسرعه ورد البيت صج البيت بدونك مايسوى...لاتهدني بروحي الله يخليك قوم ادري انك تسمعني رد علي بطل عينك سو شي تكفا رد علي....محد يحس فيني ويفهمني غيرك..الدنيا ماتسوى بدونك((قعدت تبجي زياده))..انت تدري انك غالي علي معزتك بقلبي غير عنهم.. تكفا قوووم..سعووود انت مافيك شي خلاص لاتطول هني لاتخليني بروووحي اذا صج تحبني قووم..انت وعدتني انك مراح تخليني بروحي. صح؟؟عيل ليش ماترد علي....تحرك سو شي عشاني بطل عيونك...سعوود لييش ماترد علي...


فقدتك يا اعز الناس .. فقدت الحب والطيبه
وانا من لي في هالدنيا .. سواك ان طالت الغيبه
رحلت ومن بقى وياي .. يحس بضحكتي وبكاي
وحتى الجرح في بعدك .. يغزيني واهلي به
وانا من لي في هالدنيا .. سواك ان طالت الغيبه

***

تصدق قد ما حنيت .. اشوفك في زوايا البيت
واسولف معك عن حزني .. واحس ان انت تدري به
انا من لي في هالدنيا .. سواك ان طالت الغيبه


***


شسوي بالالم والآه .. ولكن البقا لله
يصبرني على بعدك .. وذا حظي وراضي به
انا من لي في هالدنيا .. سواك ان طالت الغيبه



http://www.4shared.com/file/80127320/9e24fd67/__-_.html?s=1




ميس ماوقفت بجي... ماقدرت تشوفه بهالحاله يتلها السستر تطلعها من الغرفه...

سجى كانت تطالعها من ورى الجامه وتبجي..اول ماطلعت ميس لمو بعض اهي وسجى وقامو يبجون...

ميس:يلا دشي

سجى قلبها قام يطق خايفه....

ميس:دشي شفيج انطرج هني

سجى:اوكي..

دشت عنده وميس تطالعها من الجامه...اول مادشت انهارت اول مره تحس ان ممكن تخسره ماتحملت تشوف شكله جذي...راحت عنده و بالغصب كانت قاعده تمشي...

كانت تبي تمسك ايده عشان يحس فيها ترددت اول شي بعدين مسكتها وقعدت تبجي:سعوود..ادري ان اللي صار كلا مني..الله يخليك لاتروح وتهدنا..اذا كانت وناستك ويا دلال خلكم ويا بعض...والله سعود مراح ازعل ولاراح اشيل عليكم..الله يخليك ردلنا بسرعه..ادري ان كلا مني والله لايسامحني اذا كنت انا السبب..والله كل دقيقه قاعده امووت وانا اشوفك جذي ماادري شنو اقدر اسوي..((قامت تشاهق))سعووود اذا صج تحب دلال تزوجها وانا اول وحده راح ايي عرسكم..بس لاتهدنا وتروح..سعووود والله اسفه والله موقصدي الله يخليك سامحني والله موووقصديي

ميس خافت من شكلها وعلى طول دشت ويا السستر يطلعونها

سجى موراضيه تروح معاهم بس قاعده تبجي وتبي تمسكه عشان مايطلعونها...

سجى:خلووووني..سعووود تكفا قوم سعوووود انت قاعد تسمعني صح رد علي لاتخليني والله راضيه بأي شي تسويه...صج صعبه علي اشوفك مع غيري..بس والله راضيه..حبك راح يتم بقلبي وماراح انساك الله يخليك سعووود قووم بسرعه بشووفك نفس قبل واحسن لاتخلينا وتروح...


لا تخليني وتروح ..
لا تزيد الروح ! آلام وجروح ..
أنا من دونك سراب ,
دنيتني بعدك عذاب !
لا تخليني أعاني .. لا تطول بالغياب ,

رحت وخليت الفرح , ينسى مكاني !
رحت وخليت الألم ..
...... يملى زماني !

أعترف لك إني فـ حقك خطيت !
وأعرف إنك يامه سامحت ونسيت ..
... هالكثر هاين عليك ؟حتى ما ودك تجيني ولا أجيك !
لو تعرف وشكثرأحبك ,
وشكثر قلبي يبيك !
جان حتى من خطى بكره , سامحني ..
لو تعمدت وأغلطبـ حقك ..
.....
صالحني !



ميس تبجي اول مره تشوف سجى منهاره:سجى حبيبتي عشاني تعالي وياي موزين تسوين بروحج جذي

سجى موقادره ترد:......

السستر خذتها معاها عشان تعطيها مهدأ...

ميس راحت وياها وقاعده تحاول تهديها....

بوسعود ويوسف وبدر دشو بعدهم ب 10 دقايق لانهم كانو بياخذون ام سعود وياهم دشو بالدور واخر واحد كان يوسف...


ام سعود تحاول تكون هاديه وتمسح تمسح دموعها:شلونه الحين ماقالو؟؟

يوسعود:الحمدلله احسن...تعالي وياي اوديج البيت..خلاص مامنها فايده قعدتج عنده..انشالله العصر اييبج هني روحي صلي وارتاحي بعدين تعالي

يوسف:أي عدل روحي وانشالله انا بييبج العصر

بدر:خالتي شكلج تعبانه روحي ارتاحي وردي

ام سعود كانت موقادره تشيل عمرها وحست انها تبي ترتاح:خلاص بس تييبوني هني مبجر مااقدر اقعد في البيت وسعود موموجود فيه...((وقعدت تبجي))


بوسعود:اخذي وياج البنات وبسكم بجي...

يوسف:يالله يبه تبي شي اوديهم وارجع

بوسعود:لاسلامتك بدر قاعد عندي مايقصر

بدر:شدعوا عمي هذا واجبنا وسعود اكثر من اخوي

بوسعود:ادري فيك ماتقصر رايتك بيضه..



راحو البنات ويا ام سعود ويوسف البيت...

((بيت ام سعود))


ميس وصلت امها غرفتها تسبحت وساعدتها عشان تبدل وتنام..قبل لاتطلع نادتها امها....

ام سعود:ميس

ميس:هلا يمه

ام سعود:تعالي ابيج

ميس:انشالله..خير يمه شفيج

ام سعود:شفتي شصار بسعود صح؟؟

ميس:أي

ام سعود:شفتي شلون الواحد ممكن يروح بغمضه عين؟؟اسملله على اخوج بس شفتيه امس كان شزينه ويانا يسولف وفجأة صار تحت رحمة ربج

ميس تبجي:.....

ام سعود:انا بس ابيج تعرفين ان كلنا ماندري متى راح نموت..ليش نسوي الغلط ونموت عليه..؟؟

ميس تبجي:...يمه انا اسفه...

ام سعود:خلاص الحين مسحي دموعج...انتي بنتي الكبيره والحين انتي المفروض توقفين معاي وتساعديني.. ابي الناس كلها لمن يشوفونج يمدحونج مابي احد يقول عنج شي موزين

ميس:انشالله....يمه سعود راح يصير زين صح؟؟راح يردلنا نفس قبل صح؟؟

ام سعود:انشالله انتي ادعيله الله يقومه بالسلامه ويردلنا نفس قبل واحسن...

ميس:انشالله يمه..تبين شي قبل لااروح؟؟

ام سعود:لا اخذي تلفونج واغراضج بالكبت وروحي

ميس:انشالله يمه

باست راسها وغطتها عشان تنام وطلعت...


((غرفة ميس))


سجى:شفيج طولتي

ميس:ولا شي بس امي كلمتني شوي..

فجر:عطتج تلفوونج؟؟

ميس:أي

سجى:اشوا هذا الشي معناته عطتج الثقه مره ثانيه..والله امج مسكينه وايد طيبه

ميس عيونها تدمع:ادري..وانشالله مافشلها ولا اضايقها مره ثانيه...

قعدو يسولفون ويا بعض يحاولون ينسون اللي صار في سعود..

رن تلفون سجى...

سجى اخترعت:امبيه هذي دلال...

ردت على طول قبل لاميس تتكلم..

سجى:الوو دلال..وينج انتي((وقامت تبجي))

دلال خافت:سجى شفيج؟؟

ميس تأشرلها لاتقولين بس سجى ماشافتها...ماكانت حاسه بنفسها

سجى:دلال سعود محتاجج

دلال مافهمت:سجى سعود في شي؟؟

سجى تبجي :سعود مسوي حادث والحين بالعنايه

دلال:.........​

 

[ღ TőOőma ღ]

بنات سووري والله لازم تعذروني اذا طولت شوي انا كثر مااقدر قاعده احاول انزله مبجر

من امس بليل باديه فيها عشانكم

فدييتكم حووووبي مموااح

 

[المدينه]

بليز كملي مايصير جذي قاااااعده على اعصابي

 

[ღ TőOőma ღ]

حبيبتي البارت فوقج

 

[n00ni]

واااااااااااااااي

دموعي اربع اربع
كسر خاطري سعود
مسكين مايستاهل
الله يقومه بالسلامه

سجى مسكينه حاسه بالذنب حيل

ماتخيل شكل دلال الحين

ثانكس توما على البارت الحزين