((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[صب القفشه]

تووا سوالي سخييف حداا

بس القصه من ويين عرفتيها و وين تدرس دلال و سجي وين يدرسون

 

[انونا]

صباحووووووووووووو توما


لا تومه الا دراستج محد راح ينفعج الا دراستج

والله يوفقج يارب

وناطرين جديدج

 

[صب القفشه]

اب اب اب اب اب

 

[ღ TőOőma ღ]

تووا سوالي سخييف حداا

بس القصه من ويين عرفتيها و وين تدرس دلال و سجي وين يدرسون

هههه لا حبيبتي مو سخيف سؤال عادي

وشفيج اقري بدايه الروايه وبعدين مايصير افضحهم علني جذي خخخ اي سؤال تبونه اقولكم يااه عالايميل:hjy5jewf:

وفدييتج حووبي نورتيي يااا عسل

 

[ღ TőOőma ღ]

صباحووووووووووووو توما


لا تومه الا دراستج محد راح ينفعج الا دراستج

والله يوفقج يارب

وناطرين جديدج

مالحقت عليج الصبح خلاص اقولج مساء الخير حوبي

وفديييتج والله انتي عسل تدرين:wqedqw:

بعد عمري ولاتحاتون انا كل يوم قاعده انزلكم بارت يعني موقاعده اعلكقم كلش والله

نورتي حيااااتي يووووو

 

[ღ TőOőma ღ]

اب اب اب اب اب

عااشت عااشت:ggdw: هههه

 

[ღ TőOőma ღ]

اعلكقم = اعلقكم

واااي بدلياات طوووفوو هههه

 

[صب القفشه]

اللهــ يسترر ع احداث البااارت اليااي

 

[ღ TőOőma ღ]

ههههههههههههه تابعيها وتعرفين

بعد شوي راح انزلها لان خلصتها بسرعه ويت فور مي فديييتج ...........

 

[صب القفشه]

اللهــ يستر قلبي يماا دلبي قاامـــ يرقع

 

[كادي::::]

ناطرينج حبيبتي بس مو اطولييييييييييييييين بليز

 

[ღ TőOőma ღ]

اليوم نزلتلكم الباارت مبجر شوي و انشالله يعجبكم






الجزء الثاني عشر


((في الشاليه..يوسف ويا ربعه))

يوسف ويا رفيجه واقفين بنص البحر بالجت سكي وقاعدين يسولفون..

يوسف:خلاص اليوم برد البيت موقادر....

علي:ليش بعد

يوسف:مااقدر اقعد زياده قلبي مايطاوعني تكون فبيتنا وانا بعيد عنها...وبعدين موكل يوم بتنام عندنا خخخ

علي:لااا صج انت ينيت رسمي...

يوسف:شسوي بعد والله توني ادري ان الحب حلو جذي و يكون احلى اذا كانت من الطرفين وهذااا اللي موقف قلبييي

علي:ههههههههه يااانت يا ابو الطرفين اشوفك صرت مثقف....

يوسف:هعهعهع شعبالك

علي:والله اني خايف عليك..ديربالك لاتنصدم بعدين..!! ترا انا وايد خايف من هالحب اللي مادري وين بيوصلك اخر شي..شكله بيقطك على صخر

يوسف:لازم تحبيط انت..!!لاانشالله ماكو شي يخوف انا متأمل خير

علي:والله كيفك هذا شي راجع لك...بس انا قلت لك وانت كيفك..

يوسف:خلاص الحين ممكن تنطم

علي:اعلمك

يوسف مشى بالجت وعلي وراه


((خلصو من البحر وراحو الشاليه عشان يريحون ويتغدون))

بالشاليه يوسف كان مسويلهم مجبوس ربيان

يوسف:هاشرايكم انفع اصير شيف خخخخ

محمد:عجييييييب بس الدقووس يصصصلللخخخخ هههههههه

علي:أي تسلم ايدك والله حده مو صج..

ضاري:انت بقا فلفل بالجمعيه مايبته؟؟؟ليش حااار جذييييي صلخني...بس العيش موطبيعي تسلم الايادي

يوسف:خخخ بالعافيه...وشفيكم اصلا الدقوس حلاته يكون نار وشرار هههههههههه شفهمكم انتو

محمد:لابس صج يعطيك العافيه كليت حق سبوع جدام

يوسف:الله يعافيك شدعوا هههههههه شكلي صكيت على طباخ الوالدة

محمد:لاتخسي بس اقولك يعني

يوسف سحب منه الصحن:اخسي ها..؟؟بشوف منو اللي بيخليك تاكل يلا طس مناك اكل توست وجبن احلى

محمد:لاااااا اتغشمر شفيك انت ماتتقبل الغشمره خخخخ عطني بس عطني..

يوسف:ايييه عبااالي بعد...!!

ضاري:اليوم خلود بيي اهو وربعه بيسوون سمره يعني ماكو نووم

يوسف:لاحبيبي اناموهني

ضري:بكيفك اهو؟؟اكل تبن وخلك

يوسف:حبيبي طير وراي شغل فالبيت موفاضي حق سوالفكم

محمد:الحين موفاضي حق سوالفنا؟؟وشنو شغلك المهم يعني؟؟

علي:يااخي خلوو الصبي كيفه شنو السالفه غصب؟؟

يوسف:شدراني عن امهم شنو تبوني اقعد عشان اغيرلكم الحفاظه ولا ازهبلكم الرضعه..

محمد:هه هه هه لا احلف

ضاري:تنكت حلايا صماخك

علي:ههههههههههههههههههههه والله يسوف انت فلم..

يوسف:خخخ ادري دمي خفيف








((بيت بوسعود))

سعود كان نايم قعده صوت تلفونه...

سعود بصوت كلا نووم:..آآلوووو..!!

فواز:سعودو..؟؟انت للحينك نايم؟؟مومتواعدين نروح البحر اليوم شفيك شكلك ناسي

سعود:اوووووه ذكرتني...نسيت والله

فواز:في احد ينام لي هالحزه..؟؟الناس يرتاحون ساعه ساعتين مو انت طااقها نومه من الظهر للحين..!!قوم بس قوم

سعود:لالا فواز خلها يوم ثاني والله داايخ..وحتى لو قعدت مالي مزاج اروح اليوم

فواز:مادري شسوي فيك انت...خلاص مولازم اليوم نروح..بس قووم وبسك نوم.. ومره وحده جاان زين تمرنا الديوانيه بليل

سعود:..همممم....اوكي يصير خير فارج الحين

فواز:هههه يالله مع السلامه

سعود:باي...

ماسكر التلفون ظل بإيده وكملها نوووم......






((عند ميس وسجى..))


ميس:سجى ممكن تسكرينه بقولج شي..!!

سجى:زين نطري شوي...اي دلول شفيج سكتي كملي..!!اسمه طلع سعود وانا اسألج تقوليلي ماادري..؟؟؟شفيج اكلمج انا....الوو؟؟

دلال حاسه ان في شي موطبيعي:ها لا مافيني شي بس روحي حق ميس شكلها تبيج بموضوع مهم...انا باجر اكلمج

سجى((شسالفتهم هذول..؟؟))..:...زين..خلاص براحتج..

دلال:باي حبيبتي انتي وسلمي عليها..

سجى:الله يسلمج يووصل..باي

دلال:باي



ميس:سجى...

سجى:شفيكم انتو كلكم موطبيعيين..؟؟و شنو الشي المهم اللي بتقوليلي ياه..؟؟

ميس((اقولها ولا لاء اقولها ولا لاء..))..:.........

سجى:ميس..!!!شفيج تحجي

ميس((زين شلون ابدي..؟؟))..:...أأ....سجى...تدرين اني احبج نفس اختي واكثر..وابي مصلحتج صح؟؟

سجى:أي صح..!!شفيج خرعتيني

ميس((ياربي..شقولها..؟؟..طريقتي جذي غلط...وجنا مووقته بعد...يالله الحين ميس تعالي رقعي..استاهل لاني ملقوفه....))..:أي...يعني قصدي...اللي بقووله.....ممممم....

سجى:اووه ميس بتتكلمين ولا شلون..؟؟

ميس:لاشلون..؟؟

سجى:انا اوريج عيل((وتغطت تبي تنام))

ميس:سجوووو شفيج صايره دلووعه خوو اتغشمر معااااج..حبيبتي انتي فديتج مموووااااح هاااج

سجى:ههههه شوي شوي عورتيني..زين امانه شكنتي تبين تقولين..؟؟

ميس:ولاشي اطفرج عشان تسكرينه غصب وتقعدين تسولفين معاي خخخخ

سجى:صج لعينه خخخ.....تصدقين توني ادري ان اللي دلول تحبه هم اسمه سعود..؟؟

ميس:...اي شفيج صدفه...!!و لانكم رفيجات شكله كل شي تحبونه نفس الشي ههههه

سجى:ههههه على قولتج...اصلا للحين مادري عنهم شي ماسولفتلي الخاينه بس وراها وراها

ميس:لاتضغطين عليها متى ماتبي اهي راح تيي وتقولج كل شي....زين الحين قوومي خل ننزل طولنا هني ههههه

سجى:أي تصدقين لو مودلول جان طقيناها شخري لي باجر...

ميس:ههههه على قولتج....

ميس:دقيقه بدق على ميشوو..

سجى:يالله على هالميشوو دقي بشوف اخرتها..

ميس دقت على مشاري...

مشاري:الوووو

ميس:هاا ميشووو

مشاري:وينج انتي ناكرج من صارلي دهر؟؟؟

ميس:كنت نايمه شفيك..!!

مشاري:لاولله قصي على هندي نايمه لي الحين ليش شعندج؟؟

ميس:مشاري شفيك..؟؟مونايمه كلش

مشاري:ليش مونايمه كلش ها؟؟منو كنتي تكلمين..!!

ميس:مشاري..؟؟امس طول الليل وانا سهرانه اكلمك بعدها نمت الصبح وقعدت مبجر..سجى ردت من الجامعه دايخه نامت وانا نمت بعد قبل شوي قعدنا..!!شفيها..؟؟

مشاري:هههه أي ادري اصلا اقص ايدي اذا مو عندج 6000 خط يالطراره.....بس تذكري ان ذيل الجلب طول عمره عوي...ولو شنو تسوين مراح اصدقج لانج زباله..يالله تت

ميس قطت التلفون معصبه:اووووووووف

سجى:شفييج بعد شقاالج هالعله

ميس:نفس كل مره مايعرف غير يجرحني بكلامه

سجى:وااي ميس خل يولي كلا منج مطاوعته مادري على شنو تكلمينه هالمينون شوفي الحين شنو راح يصيرلج منه بعد.. يعني تكفين انتي تحسين ان واحد كفو او يستاهل اللي قاعد يصيرلج من وراه..؟؟

ميس:اووه سجووي تكفين مو ناقصه..خلاص بعدين يصير خير واشوووفلي حل وياه

سجى:زين بس امشي خل ننزل

ميس:ليش؟؟

سجى:شنو ليش ماخستي طول اليوم بالغرفه؟؟

ميس:أي والله مليت..امشي ننزل



((قامو غسلو وبدلو وراحو تحت لقو يوسف توا راد البيت...وام سعود وبوسعود طالعين وسعود بغرفته..))





((عند فطوم بنت خالة ميس وفجر))

فطوم:صفيااااااااااااا...صفيووووو وويعااااااااااااااااا

صفيه((خدامتهم))..:سنو يبي؟؟ليش في سرك؟؟<<تصرخين

فطوم:يعني صج انتي غبيه..ارتب اغراضي واتعب واقوولج لاتغيريين مكااانهم ولاااتجييسينهم يالملقووفه ايي ثاني يووم من المدرسه القى كل شي معفووس فوق تحت انا بعرف انتي شنو ماكو مخ؟؟؟

صفيه:لايقولي ماكو مخ...انتي نفس ولد...كلا ماكو نزيف انا سنو يسوي

فطوم:سنو يسوي هاا؟؟اقول عطيني مقفاج طلعي برا ترا مالي خلقج واذا جستيهم مره ثانيه يويلج فاهمه؟؟

صفيه:انتي مزنون<<مينونه

فطوم:لااشوف طلعلج لسان حجيه صفيه..اسفه عمتي حقج علي.. الحين ممكن تطسين؟؟

((صفيه طلعت واهي قاعده تتحلطم....))

فطوم تعدل بأغراضها ومعصبه..رن تلفونها شافته ولا رقم عزوز حبيب فجر

فطوم:ويييييييع شيبي هذاااا..الوووو خيير

عبدالعزيز:شفيج تصرخين الناس يسلمون اول شي

فطوم:انا موقايلتلك لاتدق اهلي طاحو علي؟؟شنو ماتفهم

عبدالعزيز:زين انا داق اسأل عنها بس مو..

فطوم:انت صج قوطي...الحين شتسوى عليك لو ابوي او احد من اخواني رد عليك؟؟

عبدالعزيز:انا قلت اجرب حظي..اذا احد رد اسوي نفسي غلطان

فطوم:أي بكيفك اهو..سايبه السالفه ولا شنو يعني؟؟شسوي فيك؟؟؟شهالحظ العووووووي

عبدالعزيز:شدعوا يعني شفيج انتي؟؟خلاص يبا اسفين

فطوم:لااشوفك تدق والله العظيم ترا اخلي ابوي يرد عليك فاهم

عبدالعزيز:زين خلاص الشرهه علي داق اسأل عنها يالله باي

فطوم:بلي مايحفظك...


((ابرار اخت فطوم دشت عليها الغرفه))

ابرار:شفيج تصارخين جذي..؟؟منو كنتي تكلمين؟؟

فطوم توهقت:أأ...لاهذا واحد اذيه مادري شفيه مايفهم اقوله لاتدق يدق عناد

ابرار:اهاا..ليش ماقلتيلنا؟؟ومنو هذا من وين يايب رقمج..؟؟

فطوم:يااهل ماينشره عليه الظاهر كان يخربط بالارقام ماكو شغل....طااف....المهم قوليلي شصار عليج شفتيه؟؟

ابرار:أي قعدت وياه بس مادري ماعجبني

فطوم:ليش شفيه؟؟

ابرار:ملدري تصدقين ماارتحتله؟؟

فطوم:صج؟؟زين امي شقالت؟؟وابوي شقال

ابرار:امي تقول امه خوش وحده وخواته شكلهم زينين..وابوي ماقال شي يقول انتي كيفج بس انا مادري شفيني ماتقبلته

فطوم:اهم شي راحتج هذا زواج مو لعبه

ابرار:على قوولتج..زين نزلي تحت قعدي ويانا سليمان يايب فلم نبي نقعد نشوفه مع بعض

فطوم:الللللله اكييد اللي قلتله عنه..كاني دقايق ونازله...










((بيت بوسعود))

ميس وسجى توهم نازلين.....

يوسف:صج حظي حلو على ييتي نزلتو خخخ

ميس:ليش وايد مصدق نفسك

يوسف:ماكلمتج انا..سجى شلونج شخبارج...؟؟

سجى:تمام بخير وانت شلونك...من وين راد هههههه

يوسف((ماااااااصدق..اليوم راضيه علي وتسأل عني يااابختي..))..:ههههه دووم انشالله...انا تمام الله يسلمج...والله ماكو توني راد من الشاليه..يعني كنت بقعد لي الفير بس ماقدرت اطول هناك ورديت بسرعه

سجى((جنا ماصدق شكله بيطيح الميانه))..:اهاا ليش عاد

ميس:وانا بالله طووفه جدامك يعني ماتسلم علي ولاشي؟؟

يوسف:انتي جبي..وماكو بس مااقدر اطول برى لان هني في شي شااغلنيييييييييي وين مااروح افكر فيه

سجى:صج عااد..؟خخ ادري لقافه بس شنو هالشي؟؟

ميس((بدينا))..:يووووسف(تخزه)

يوسف((منو غيرج معذبني..))..:بعدين راح اقولج شنو..وانتي خير شتبين

سجى((شفيه هذا..؟؟))..:..اهاا..اوكي براحتك

ميس:صج ان لسانك يبيله قص

يوسف:شايفه هالجوتي؟؟

ميس:ايه شفيه؟؟

يوسف: ودج تجربينه على راسج يعني؟؟

ميس:وييييييع ملييييييييييييق

يوسف:اسملله عليج خخخخ


((سعود كان توا نازل من فوق..وشكله مستانس حده..))

سعود:السلااام علييكم

يسوف:وعليكم السلاام..

ميس:هلا سعوووودي حبيبي

سجى((فديييت قلبك والله...))..:وعليكم السلام

سعود:هههههه شفيج اليوم راضيه علي..؟؟

ميس:لاء بس مشتااقتلك..((وتخز يوسف))..

يوسف:كلش موونغزه

سعود:هههههههههههه...من زمان مو مسولف معاج عاد...سجى شلوونج انشالله مو مأذيتج هالحنانه

ميس:اهم شي حنانه يحصلها..وتعال اول مره تقعد من النوم نفسيتك حلوا

سجى:لا منو قال فدييتها والله عسل على قلبي خخخخ

سعود:هههههه...شسوي مزاجي جذي (يتغشمر)يمكن لان سيجى فبيتنا ههههههه

سجى منصدمه((امــبـــي..!!اللي سمعته صج..؟؟لااكيد احلم...اخيرا حنيت علي شوي واااااي فديته فديته)):هههه ههه تسلم

سعود:ههههههههه يسلمج...آآخ قلبي

سجى ماتت عبالها حقها:..........

ميس((وييه سعود مووقتك صج ماطلع هالكلام الخايس الا اليوم والغبيه فهمت ان حقها..))..:أأ...سعود تصدق مليت من البيت ودي اداوم بسرعه صج زهقه هني

سعود:شقايلج قبل..؟؟..بس تستاهلين احسن

يوسف:سجى انتي ويا ميس بالجامعه صح؟؟

سجى:أي نفس جامعتي

سعود تذكر((انا شلوون راااح عن باااااااااااالي..دلال ويا سجى وميس يعني اكيد يعرفونها..واهي قالتي رفيجتها اسمها سجى..يمكن تطلع اهي نفسها ليش لأ..؟؟))..:..أأ سجى..

سجى((وااي فدييييته اليوم موطبيعي))...:هلا امر

سعود:مايامر عليج عدو يبه...تعرفين وحــ...

ميس بسرعه:سعووووووووووود

سعود اخترع:وويعة انشالله شفيج ينيتي انتي..؟؟

ميس:ذكرتني بس كنت بقولك شي...

سعود:شتبين قولي؟؟

ميس:امش معاي فوق

سعود:زين نطري بعدين السالفه مابتطير..

ميس:لا الحيييين..

سعود:بشوف اخرتها وياج يالله قومي

سجى:وااي ميس صايره مو طبيعيه بنص السالفه تنط بالويه هههههههه

يوسف:هههه عادي موصاحيه

يوسف يناديها:تيس...قصدي ميس

ميس:وويعا انشالله شتبي..؟؟احترم نفسك شنو تيس

سعود:يالله ناطرج فوق

يوسف:طسي خلاص بعدين يصير خير

ميس:طقاق

يوسف:اللي يطق راسج ويبطه

ميس راحت فوق وتمت سجى ويا يوسف بروحهم...

يوسف لقاها فرصه:اقول سجى

سجى:هلا

يوسف توهق:..اي شلونج بعد

سجى:تمام الحمدلله








((بيت بو بدر))

ام بدر دشت على بدر الغرفة:انتي شسالفتك 24 ساعه نايم عالتلفون شنو ماتمل؟؟منو تكلم كل هذا؟؟

بدر:ههههههههههههه اكلم الحب

ام بدر:صج ماتستحي..

بدر:مومصدقه هاج كلميها

فرح:امبيه..بدر ينيت انت...؟؟امبييييه

بدر عطا حق امه السماعه...

ام بدر:الوو؟؟

فرح:...أأأ.....الوو...؟؟قوه خالتي شلونج

ام بدر:تمام الحمدلله..قص عليج هالخبل

فرح انحرجت:ههه

بدر يضحك

ام بدر:انا اقول منو يكلم كل هذا وناسينا..لايقص عليج ويسويلج سالفه بعدين ترى كل الشباب جذي ياخذون اللي يبونه من البنت بعدين يقولولها ماعرفج

فرح ماعرفت شترد:شسوي خالتي ههههه

ام بدر:اذا تحبون بعض صج لاتكلمينه خليه يتخرج اول شي عشان اذا يبيج اخطبج وانا مرتاحه..!!

بدر:ههههههههه شنو بكييفج لاتكلمينه

ام بدر تخزه يعني اسكت:هاج بدر..وخليه مالج شغل فيه لايقص عليج شوفي شلون يضحك موهامه

بدر:طاااع هذي....شفيج انتي ههههههههههه

فرح:الوو هههههه

بدر:هههههههههههه هاا شرايج فيها خخخ

فرح:صوتها صغيره عاد ههههه بس فشلتني يااا مليق

بدر:تكفين شقلتيلها

فرح:ماقلت شي هههه اصلا تفشلت والله

بدر:أي تستاهلين

فرح:ليش بالله

بدر:احسن ليش تكلميني؟؟

فرح:لاوالله؟؟

بدر:أي منو قالج تكلميني؟؟؟انا اقص عليج اصلا اخذ اللي ابيه بعدين اقولج ماعرفج خخخخخخخ والله امي نكته ههههههههههههههههههه

فرح:ههههههههه ماتيوووز

بدر:والله ضحكتني..وانتي لايكون بعد بتسمعين كلامها...؟؟

فرح:وانا أأدر؟؟؟ خخخ

بدر:أي حسبالي بعد عشان ادوس بكرشتج

فرح:اسملله عليك هه هه هه حلوا كرشتج

بدر:أي شفيج علامة الجوده هذي ههههه

فرح:ماعندي اصلا

بدر:اكلي تبن يالله..عندج وحده صغيره مدلقمه انا شايفها هههههههه ولو ماعندج جان كرهتج بعد شفايدتج

فرح:وييه بدر شفيك انت..العن خيير عيوونك شلوون جكييتهاااا

بدر:شفيني بعد....وعيونج يالكاوليه عيوني راحت

فرح:ودي ودي بس مره وحده تقول جمله بدون لاتضحك و بدون لاتتميلق..

بدر:الحين انا اتميلق؟؟

فرح:أي

بدر:ويعي

فرح:بــــدر!!

بدر:نعم

فرح:شفيك

بدر:مافيني شي..!!

فرح:مبلا فيك شي

بدر:لأ

فرح:اوووه

بدر:..........

فرح:بــــدر

بدر:هلا والله

فرح:امبيه

بدر:خير شقايل انا

فرح:لامومن صجك

بدر:لامن جذبي

فرح:...........زين

بدر:هههههههههههههههههههه والله مو صاحيه

فرح:هههه لا بس تخرعني شسوي ماينعرف صجك من جذبك

بدر:ترجمي

فرح:آآآف سخيييف

بدر:شالمطلوب يعني ارتب الجمله ولا شنو..؟؟

فرح:وووواااااي صج تنرررفز حدك حدك

بدر:ههههههههههه انا اللي اعرفه الناس يتكلمون من خشمهم من حلجهم من بلاعيمهم بس انتي من وين تتكلمين ماادري ههههههههههههههههههه والله بيبي احسج تتكلمين من خدودج ههههههههههه

فرح:مافهمت شي...سخيييييييييييييف

بدر:سخيييييييييف..لاتفهمين عند يدي هههه

فرح:امبييييي والله واحد من الربع انا

بدر:أي عندج مانع

فرح:اوكي

بدر:شفيج

فرح:ولاشي

بدر:بالطقاق عيل ههههه

فرح عصبت:انــــــت هـــــي..!!

بدر:شنو اصغر عيالج انا؟؟؟تكلمي عدل لااطراق اسنع ويهج

فرح:...........

بدر:الوو

فرح:............

بدر:فرح وويعه انشالله ردي اكلم طوفه؟؟؟

فرح:...........

بدر:انتي هييي...!!

فرح:...........

بدر:ههههههههههههههههههههههههههههههه والله بيبييييييي انتي بيبي

فرح:..............

بدر:دادا

فرح:..............

بدر:اقووو هههههههه

فرح:وااااااااااااااااااااااااااااااااااااااااااااااااااي

بدر:ههههههههههههههههه جم عمرج انتي؟؟؟

فرح:تنكت؟؟؟

بدر:لالا صج جم؟؟؟12؟؟هههههههههههههههههههههه

فرح:أي أي عندك مانع؟؟

بدر:والله احبج ياحيواااانه

فرح:دفش دفش انت دفش آآف

بدر:شسوي بعد اول مره اكلم بنت وعلى حظي طلعت كاوليه هههههههههههههههههههههه

فرح:هه هه هه هه لا انت تضحك بصراحه

بدر:لا حلفي بصراحه...

فرح:يااااااااااربي

بدر:هههههههههههههههههه خلاص اسف

فرح:...................

بدر:ههههه فوفو

فرح:.................

بدر:فرووحتي...خخخ

فرح:...............

بدر:فرج

فرح:وااي انت شنووووووووو

بدر:هههههههههههههههه شمعنى لمن قلت فرج رديتي؟؟ههههههههههههههههههههههههههه

فرح:سخيييييييييييييييييييييييييييييييف

بدر:يالمااايعه لاتتمييعيين لاا كف

فرح:أي زين

بدر:كتكووووووته والله احبج

فرح:انا امووووت فييييك والله بس لاتسوي جذي

بدر:ههههههههه اجا

فرح:ههههههههههههههههههههه






((دلال كانت بالمرينا ويا امها اختها شجن واخوها الصغير عبود..))

ام دلال:خلاص يمه تعت خنرتاح شوي

دلال:وييه يمه مدانا؟؟توا ماصارلنا ساعه ونص من يينا

ام دلال:لاايمه انا تعبت روحو انتو كملو وانا وعبود ننطركم فوق خل اعشيه على ماتخلصون

شجن:كيفج احسن بعد عشان نفتر على كيفنا

دلال:خلاص انتو روحو تعشو وانا وشجن نخلص ونييكم

ام دلال:اوكي عيل اذا ابي شي ادق عليكم

دلال:انشالله يمه


((راحت ام دلال فوق وشجن ودلال قعدو يفترون بالمحلات))

دلال:امشي ستار بكس شوي شتهيت قهوه ههههه

شجن:ههه انتي شنو ادمان..؟؟يالله امشي

((راحو صوب ستار بكس يطلبون))

دلال:انتي شنو تبين؟؟

شجن:ابي شوكليت فرابتشينو بدوون موكا ماحب الكوفي

دلال:اوكي مع شنو تبينه؟؟

شجن:كريمه واكسترا كراميل

دلال:وااي شجن ثقييل راح يغثج

شجن:انا احبه جذي

دلال:اوكي كيفج...

((طلبو وخلصو كان في 2 شباب قاعدين يخزونهم من اول مادشو لمن طلعو..))

دلال كانت لابسه جينز سكني ويا قميص اوفوايت فيه خيوط ذهبيه بالطول مع غوله فيها ربطه و رابطه شعرها ولابسه تاج ذهبي<<<كلش مااعرف اوصف

شجن كانت لابسه نفنوف ملون احمر واصفر وبرتقالي ناعم عليه رسومات غريبه..فاله شعرها كان ويفي ورابطته لي ورا بورده حمره كبيره

شجن:وييع دلول هذول شفيهم يطالعونه جذي

دلال:انتي مالج شغل فيهم ولاتفرين ويهج صوبهم عن الخفه

شجن:اهما يو جدامي ماطالعتهم

دلال:زين امشي وانتي ساكته

شجن:اوكي



طول الوقت يمشون وراهم ويقطون عليهم كلام

...:اول مره اشوف بنات حلوين جذي...هذا وموحاطه مكياج وايد عيل لو تحط شتصير

...:المشكله ماتعطي ويه...ام الابيض احلى<<<صج عمى الوان خخخ

...:زين شدعوا عطونه ويه

...:اكلم منو انا ليـ...

دلال لفت عليه معصبه:انتو وبعدين؟؟شفتونا ساكتين مومعطينكم ويه يعني خلاص ذلفو..صج عقد اخر زمن

..:ويع ويع شهالنفسيه عاد

....:طلعت عصبيه..حقج علينا خلاص

دلال:صج ناس مايستحون على ويوههم...

شجن:امبيه دلول من صجج؟؟؟ليش تصرخين عليهم حرام فشلتيهم

دلال:مو حرام..وانتي مو شغلج امشي وانتي ساكته..

شجن:وااي زين زين اسفه..

((افترو شوي بعدها صعدو حق امهم تعشو وردو البيت..))





((بيت بو سعود..))


فجر:يوووووووووووووووسف

يوسف كان يسولف ويا سجى

يوسف((وقتها هذي..))..:هاااااا شتبين

فجر:صج خاين متى ييت اول شي

يوسف:ماصارلي وايد ليش شبغيتي

فجر:سجوي وين ميس غريبه بروحج

سجى:راحت ويا سعود فوق كانت تبيه بسالفه

فجر:اهاااا...

يوسف:خلصيني شنو بغيتي

فجر:لاولاشي بس كنت ابيك توديني الجمعيه

يوسف:ليش شتبين من الجمعيه

فجر:ابي اغراض

يوسف:زين مووقتج

سجى:ليش ودها

يوسف يخز فجر:ضروري يعني

فجر:مو وايد بس يعني ابي منو يوديني غيرك

يوسف:والله ابتلشت فيج قومي بدلي..

فجر:هياااااااااااااااا فديييتك احبك موااااح

يوسف:ايا المنافقه...

سجى:ههههههههههههه يحليلكم تونسووون

يوسف:ههه أي شايفتنا لابسين بامبرز ونمشي

سجى:هههههههههههههههههههههههههههههه

يوسف((اوييليييي..))..:ههههههه..قومي ويانا

سجى:وين اقوم؟

يوسف:تعالي نروح الجمعيه شوي ونرد...

سجى:لالا مابي روحو بروحكم

يوسف:خلاص عيل ماني رايح

فجر:يووووووووووووسف

يوسف:ويعه انشالله خلاص انا غيرت اسمي

فجر:ويع ياملقك

يوسف:شتبين بعد

فجر:خلاص هونت امي تقولي باجر بتروح توديني وياها

يوسف:يكون احسن بعد وفرتي بانزين

فجر:أي فقر لانك

يوسف:اقول وايد لسانج طايل يالفلبينيه..!!

فجر:آآف وانت مقصر عاد

((قعدت فجر مع سجى يسولفون ويوسف سرحان فيها))....

اندمج وقعد يغني.....


اسمعك كمل كلامك بعد احبك ويش قلت ..
تحسب اني يوم اطالع غيرك اني ما اسمعك..
لا وربي مااتنهد مااتصدد ماثقلت...
اسمعك واشوف غيرك واحمد الله اني معك..

انت اللي طول عمري ماعرفت ولا جهلت..
ضيف نفسي لين ربي في فؤادي ربعك..
جيتني مثل الجنون .. يوم فارقتك عقلت..
وهاك شفني بعت عقلي ..جيت بجنون اتبعك..

وين افارق حبك اللي لا تركته له وصلت..
وين اجمع نفسي اللي لا نثرتك تجمعك..
كيف ابطلع من غرامك وانت في قلبي نزلت..
وكيف ابنزل دون قلب(ن) حالف(ن) له يطلعك..

اسئلة واجد لو انك واحدن منها سألت ..
كان ماتعبت نفسك وانت تفرك بااصبعك..
ايه احبك بس كمل بعد احبك ويش قلت..
المهم ان طال صمتي.. ادري اني اسمعك..

http://www.4shared.com/file/77507614/49799502/__-_.html?s=1


سجى استخفت:امبييييييي..ماشالله عليك صوتك مووصج

يوسف تشقق:هههههه من زوووأييك

فجر:اييي اخواني مواهب فنيه في البيت هذا صوته حلو وسعود يعزف جيتار وعود ينفعون يسوون شركه انتاج خخخ

سجى:ههههههههه أي اشوف سعود دايما يعرف بس يوسف ولا مره سمعته يغني...حتى سعود صوته اينن سامعته يغني

يوسف:ههههههههههههههههه لازم نسوي فرقه عيل

فجر:مالت عليكم ذها كفوك

يوسف:تبين التج كف؟؟

فجر:لامشكو مابي

يوسف:زين وينهم هذول شهالسالفه المهمه اللي تبيه فيها



((بغرفة سعود...ميس وسعود))

سعود:انتي وبعدين وياج..بتتكلمين ولاشلون صايره مو طبيعيه شسالفت امج؟؟

ميس:سعود اماانه تسمعني وتفهم قبل لاتتكلم

سعود:تكلمي صارلج سنه تلفين وتدورين خلاص قولي خلصيني

ميس:سعود شبغيت تقول حق سجى تحت؟؟

سعود:اووهووووو هذي اللي بتينني..خلصيني انتي شكو شكنت بقولها

ميس:سعود امانه تجاوب هالشي اللي كنت بقولك ياه

سعود صبره بدا ينفذ:مـــيـــــس..!!

ميس:جااااوب

سعود:كنت بسألها عن البنت اللي قلتلج عنها لان طلعت معاكم بالجامعه وتوني استوعب..وقالتلي ان رفيجتها اسمها سجى قلت يمكن تكون اهي..!!

ميس:سعود لاتييب طاري هالشي حق سجى تكفا

سعود استغرب:ليش؟؟

ميس:اقولك بس لاتفهم غلط ولاتعصب وحاول تتفهم اوكي

سعود يصرخ:خــلــصــيــنــي..!!!!قولي شنو..يننتيني ترا..مــ...

ميس بسرعه:سجى تحبك..!!

سعود:................






نهايه البارت الثاني عشر:eh_s(6):عطووني راايكم​

 

[عاشقة البحر 93]

والله حيل عجيب واتمنى انه تقول حق سعود كل شي وسجى تدري عشان مسكينة ما تتعذب بعدين واتحب يوسف مسكين شكله يحبها صج

ويعطيج العافية حبوبة وياريت لو تكلمين بعد نبي بارت طويل احس بسرعة خلصته

ونمتى المزيد من التشويق فديتج

 

[عاشقة البحر 93]

الله وناااسة انا اول وحدة ارد عليج من عقب ما نزلتي البارت وناااسة >>>> اشدعوة جني ياهال حمد الله والشكر


لووووووووووووووووول

 

[ღ TőOőma ღ]

فدييتج انتي احبج:eh_s(13):

ههههههههههههههه

وانشالله احاول اخليه اطول وانشاالله احاول اليوم بس مااوعدكم

 

[ღ TőOőma ღ]

خخخخخخخخخخخ يلا وناسه

فديييج:d

 

[n00ni]

هالبارت مو صج والله

طلعت ام بدر نفسه نكته لوووووووووووول

اعتقد ان ميس راح تقول حق سعود كل شي

وان سجى راح تحب يوسف >>>>>>>>اشرايج بتوقعاتي


ومشاري الحقير هذا ودي اعطيه كف يعدل ويهه الجيكر
والله باط جبدي

يسلموووووو حبيبتي على البارت

 

[ღ TőOőma ღ]

هالبارت مو صج والله

طلعت ام بدر نفسه نكته لوووووووووووول

اعتقد ان ميس راح تقول حق سعود كل شي

وان سجى راح تحب يوسف >>>>>>>>اشرايج بتوقعاتي


ومشاري الحقير هذا ودي اعطيه كف يعدل ويهه الجيكر
والله باط جبدي

يسلموووووو حبيبتي على البارت

هههههههههههههههه عجبتني الجيكر خخخخخ:dddds:

وتابعي البارت الياي انشالله تحب يوسف:eh_s(3):

حبيبتي فدييتج ردج يونس

 

[كويتية 97]

البارت مو صج كملي لايوقف لايوقف لايوقف لايوقف!!!!!!!!!!!!

 

[ღ TőOőma ღ]

هههههههه انشالله لايوقف لايوقف