((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[ღ TőOőma ღ]

خخخخ شكو البجي بالموضوع يلا توتة لاتصيرين بطيئة خخخخخخخ مطيحة الميانة لايوقف لايوقف لايوقف لايوقف

هههههههههههههههه انشالله :dddds:

فدييتج حوووبي وانشالله مراح اوقف:ggdw:

 

[XOXO :*]

عدل كلامج عااشت عااشت:ggdw:

وعلى فكره اسمه مشاري مو مشعل

فدييتج حووبي عالرد الحلوو

لوووووول تخربطت لأني قاعده اقرا 3 روايات مع بعض
عشان لا انطر كل بارت على ما ينزل بس
للاسف ماكو فكه :krkrkr:

 

[ღ TőOőma ღ]

لووووووووووووووووووووول فديتج لا مومشكله طاف اخذي راحتج سميه على كيفج خخخ

 

[Ms.dndona]

Naaaaaaaaaaaaaaaaaaa6reeeeeeeeeeeeeeeeeeeennnch TooooooooooooooMaaaaaaaaaaaa

 

[فديتني وبس]

القصه حدهاااااااا عجيييييييييبه
يلاا توومه لايوقف شوقتييينا

 

[com-teacher]

صباح الخييييييييير انا توني قاعده من النووووم ها شنو اخر الاخبااااار فتيات
قوة تووووومه انشالله نمتي عدل حياتووووو :*

 

[ღ TőOőma ღ]

naaaaaaaaaaaaaaaaaaa6reeeeeeeeeeeeeeeeeeeennnch toooooooooooooomaaaaaaaaaaaa

انشااااااااااااااااااااالله حوووووووووووووووووبي لووول

 

[XOXO :*]

واااي صراحه ضاق خلقي كنت متأمله ان البارت اليديد يكون نازل حساااافه
قاعده بالمحاضره بشق هدومي من الملل و كل القصص الي قاعده اقراهم مو منزلين بارت يديد

توووووووما لا يوقف بلييييييز

 

[ღ TőOőma ღ]

القصه حدهاااااااا عجيييييييييبه
يلاا توومه لايوقف شوقتييينا

انتي العجيييبه فدييييييتج

وانشالله انزلها اليوم :ggdw:

 

[ღ TőOőma ღ]

صباح الخييييييييير انا توني قاعده من النووووم ها شنو اخر الاخبااااار فتيات
قوة تووووومه انشالله نمتي عدل حياتووووو :*

صح النووووووووووووم حووبي صباح الظهر اي صباح الخير هههه:dddds:

ولاوالله صيفي وين انام عدل

بس نوبروبلم خخخ فدييتج حووبي

 

[ღ TőOőma ღ]

واااي صراحه ضاق خلقي كنت متأمله ان البارت اليديد يكون نازل حساااافه
قاعده بالمحاضره بشق هدومي من الملل و كل القصص الي قاعده اقراهم مو منزلين بارت يديد

توووووووما لا يوقف بلييييييز

واااااي حيااتي يوو حاسه فيج خخخ

انتبهي بالمحاظره طلعتي صيفي يعني سيم سيم:dddds:

قاعده اكتبها حووبي واحاول ان يكون طويل يعني يمكن بليل انزلها لكم او العصر عالساعه 5 اووكي؟؟

ومراح اوقف لايوقف لايوقف خخخ:ggdw:

 

[بنت ناس وقلبها ألماس]

أنا متابعة يديدة وترا قصتج مو صج حدها حلوووووووة وحتى قصتج الأولية الزين عشقي وايد حلوة عساج عالقوة حبيبتي ويا ريت اتطولين لنا البارت الياي إذا ما عليج أمر يعطيج العافية ....

 

[ღ TőOőma ღ]

أنا متابعة يديدة وترا قصتج مو صج حدها حلوووووووة وحتى قصتج الأولية الزين عشقي وايد حلوة عساج عالقوة حبيبتي ويا ريت اتطولين لنا البارت الياي إذا ما عليج أمر يعطيج العافية ....

لوووووووول حبيبتي فدييتج حياج الله نورتي:ggdw:

بس على فكره مو انا اللي كاتبه الزين عشقي شكلج مضيعه :dddds:

همسات حالمه اهي اللي كاتبتها انا تــوما

نورتي حوووووبي

 

[انونا]

انا نااااااااااااااطره

والله مشتاقتلها حيل

 

[ღ TőOőma ღ]

مشتاقه حق شنو؟@@

ويمكن الحين انزلكم بارت

 

[com-teacher]

توماااا حبوووووو
يلا الساعه 5 ونص ما اشم ريحة شي
وير ار يوووووووو
ام ويتنغ .............

 

[a7la kraikra]

يلاا حبوووووووووووووبة ننطرج على نار

 

[XOXO :*]

مشتاقه حق شنو؟@@

ويمكن الحين انزلكم بارت

ناطريييييييييييييينج :**

 

[ღ TőOőma ღ]

الجزء الثامن

بدر كان ناطر فرح ترد عليه((شكلها مراح ترد..انا صج غبي يعني شبنطر منها تقولي خلاص انا بعد ابيك؟! لا شكو..لازم انا ادق لو بقعد جذي لي السنه اليايه مراح تدق...))

بدر دق عليها.......وبعد 5رنات

فرح:الووو

بدر:انام يعني؟؟جان رديتي علي باجر ههههه

فرح:هههه لازم نملق يعني؟؟

بدر:المهم...والله احس اني مشفوح ههههه بس شسوي

فرح مافهمت:شنو يعني؟؟هههههه حلوا مشفوح هههههه

بدر:يعني دامنا ارتحنا حق بعض جذي...ليش ماتسولفيلي عن نفسج؟وانا اسولفلج عن نفسي؟؟

فرح:أي ليش لاء..يلا قولي وانا اقولك

بدر:لاوالله سهالات أي يلا فري البطل نشوف منو يبدي اول تبين((يقولها بمياعه))تروث اور ديير؟؟!!

فرح:هههههههههههههههههههههههههههههههههههههههههههههههههههه

بدر:ههه اضحك مو؟؟شدراني عنج يعني بالتلفون مادري شبقولج؟؟الصراحه انا واحد اخاف على رصيدي خخ

فرح:يمه منك انت عياار ههههههههه عيل شلون اقولك بالله

بدر:بشوفج..

فرح:هاا؟؟

بدر:بشوفج!!

فرح:بأي صفه اشوفك؟!

بدر:بأي صفه؟..يالاسلوب انتي

فرح:ولييييه

بدر:خلصيني بشوفج بس قوليلي وين لاتطولينها واهي قصيره

فرح:وااااااي شنو غصب

بدر:اي غصب

فرح:خلاص افكر وادق يلا بـ..

بدر:هيييي!! لحظه

فرح:نعم

بدر:ترا قزرتيها...مصخرتي ام اللي يابتني...من اول مره كلمج وانتي ترقعينه بويهي مصخرتيني جني ياهل اشوفج تعودتي وناسه يمكن؟! خل اجرب انا بعد!!

فرح انحرجت:..مـ..موقصدي..سوري

بدر:سووري ههههههه مولايق ترا

فرح عصبت:آآآآف عااااد

بدر:زين مره ثانيه قولي باي ونطريني لما انا اقول باي صكريه لانج قزرتيها اوكي بابا

فرح:اوكي بابا

بدر:ههههه يلا عيل باي

فرح:باي هههه






بيت ام سعود...


ام سعود:ميس قومي ابيج...

ميس:..هـ..ـااا؟؟!

ام سعود ترد بنفسيه:انطرج بداري

ميس خافت متعوده على هالشي بس تحس انها ماتقدر تتحمل زياده...مشت وراها...

غرفه ام سعود.....

ام سعود:قعدي

ميس:.......

ام سعود:ممكن تقوليلي الحين لي متى؟؟!!

ميس:..أأ...تكفين سمعيني

ام سعود:تكلمي اسمعج..بشوف لي متى..؟؟

ميس:والله يقولي ان يحبني ويبي يتزوجني انـ..

ام سعود معصبه:عقب كل اللي سواه فيج؟؟؟للحين تبينه؟؟شنو انتي ماعندج كرامه؟؟نسيتي الي سواه ولا اذكرج ليش انتي وين مخج؟؟ترضين تتزوجين واحد مايثق فيج؟ويدفنج بالحيا معاه وزباله وماعنده شهاده!!... ماتقوليلي لي متى اتحمل؟؟عبالج كل هذا عناد؟؟ماتدرين اني ابي مصلحتج ولا جان شنو يهمني والله اخليج تتزوجينه وافتك من هالسالفه بس انا ابيلج الاحسن!! انتي بنتي مو لاقيتج بالشارع انا..

ميس تبجي:والله انــ...انـ..ـــااا...(ماقدرت تتكلم وقعدت تبجي زياده حست انها صج زباله وتستاهل اكثر من جذي)

بدر:ابيج تقوليلي..لو ام غيري جان شسوت؟؟ ابسط شي تقول لابوج او خوانج يتصرفون معاج ولا اهي شلها بعوار الراس 4 مرات ياعديمة الاحساس!!ليش انا اسكت واخش بقلبي واقول لا راح تتعدل..حست بغلطها ومراح تعيدها بس لي متى ميس تعبتيني!!المشكله على واحد مايسوى..انتي تدرين شقالي وشسوا ولاتبيني اذكرج؟؟ يقعد يطول لسانه على امج ويغلط عليج جدامي وعلى ابوج وماحترمني..كل هذا وهم تحبينه وتبينه...خلصو الرياييل؟؟ترضين احد يغلط على امج؟؟ترضين يسبج جدامي

ميس بالغصب تتكلم:يـ...ــقـ...ــول لحــ..ظه غــ..ضب و...مـشـ...كــلــتــ...ــه..ان...اهــ..وا عــ..صــ..بي بسـ..

ام سعود:مو هذي اهي المشكله العوووده اكثر من جذي شنوو؟؟هالشي كافي ان يخليج تكرهينه..شتبين بواحد عصبي يوكلج تبن اذا تزوجيته..انا جم مره اعيدلج هالكلام؟؟؟انتي شنو اللي تبينه؟؟تبين تتزوجين؟؟قوليلي من باجر ازوجج

ميس:والله.. موجذي بـسـ..

ام سعود:عطيتج فرصه مره ومرتين وثلاث وهم ماكو فايده...ترضين تتزوجين واحد مايثق فيج ويقعد يعايرج 24 ساعه؟؟واحد جذي وصخ مايحترم احد ولا يحترم اللي اكبر منه واسلوب ماكو بالله بيشرفج انه يكون ريلج؟؟انتي قوليلي؟؟شنو ناقصج انتي عشان تقطين نفسج هالقطه معاه؟؟انا قايلتلج ياميس وحطيها فبالج عدل لو كان اخر واحد بالكويت والله والله لو على جثتي ماتتزوجينه وحتى لو مت وتزوجيته والله مراح احللج وانا حلفت

ميس تبجي:اسملله عليج لاتقولين جذي..انا ادري والله بس اهوا يقنعني بكلامه يـ.

ام سعود:العوي طول عمره عوي....وانتي كبيره وتدرين..فكري انج باجر بتييبين عيال مراح تعيشين معاه بروحكم ماتبين عيالج يكونون احسن الناس..اذا هذا ابوهم شتبينهم يطلعون..كاهو ابوج ماكو احسن منه بس هم بينا مشاكل..عيل لو هذا تزوجتيه على ابسط شي بتتهاوشون وبيردج لي بعد شهرين..طووول عمرج فكري حق جدااام..الناس يفكرون حق المستقبل...لاتشوفين تحت شوفي فووق..ميس انتي بنتي الكبيره لازم انتي مااقولج واعلكج هالشغلات انتي من كيفج المفروض تعرفينها..!!

ميس:ماما اسفه((وقعدت تبجي))

ام سعود:مابي منج اسفه ابي منج فعل ومواول مره اسمعها منج!!....انا امج وابي مصلحتج محد يعرف مصلحتج غيري.!!شوفي ترا كنت بوديج بيت خالتج وبقول حق ابوج واخوانج بس سكت..وترا الصبر له حدود انا صبرت مره ومرتين وثلاث بس اكثر من جذي شنو؟؟لي متى يعني انتي قوليلي؟؟لو انتي مكاني شبتسوين؟؟

ميس حست ان امها معاها حق وان كلامها عدل 100%:عدل كلامج وانا استاهل الي يصير فيني!!

ام سعود:ميس والله انا حلفت اذا مره ثانيه شفت شي بتصير سالفه مو بس بتوصل لابوج وخوانج الكل راح يدري لان حزتها مايكون عندي حل ثاني وياج ولاتفكرين اني نسيت او سامحتج؟؟لمن اشووفج صج تغيرتي بعدين تشوفيني تغيرت معاملتي معاج للاحسن..وحتا تلفونج ولابتوبج ومكياجج كل هذول بيتمون عندي لمن انا اشووف بعيني شلون تغيرتي..اوكي

ميس:انشالله

ام سعود:لاتحطين فبالج اني اكرهج ترا مافي ام بالدنيا تكره عيالها بس لو ماتهمني مصلحتج جان اقولج خربطي لي باجر ماهميتيني..بس انتي بنتي وانا ابيج تكونين احسن وحده...وراج ريل وعيال ترضين عيالج تكون امهم جذي؟؟ترضين يقعد ريلج يعايرج 24 ساعه؟!ماتبين تعيشين مرتاحه؟

ميس تأثرت وايد من كلام امها وقامت تبجي اكثر:..مــ..بلا....

ام سعود:ميس..ابيج توعديني..انج ماتكلمينه ولاتقربين صوبه..واذا بيوم دزلج مسج او دق تقوليلي على طول

ميس:انشالله ماما ((وراحت باست راسها))

ام سعود:خلاص الحين روحي نامي بعدين يصير خير ولاتفكرين اني نسيت او سامحتج...





((ثاني يوم))

يوسف توا راد البييت...

شاف ميس توها طالعه من المطبخ...

يوسف:ميس!!

ميس:يالله صباح خير..نعم

يوسف:شلونج اول شي جم يوم مااشوفج مادري شعندج معتكفه بدارج...شدعوا شمسويا انتي؟؟؟

ميس:ها..لا ولاشي بس سالفه صارتلي ضايقتني..شكنت تبي؟؟

يوسف:اهااا..لا بس بغيت اكلمج شوي..

ميس خافت:تكلمني؟؟عن شنو

يوسف:انتي تعالي معاي وبتعرفين كل شي..

ميس:اوكي..!!

بالصاله....


يوسف:ميس بسألج سؤال تكفين ردي علي بدون ليش ومادري ويمكن ابيج تكونين صريحه اوكي

ميس ماتت من الخرعه:..اوكي

يوسف:ميس سجى في احد بحياتها؟؟

ميس ارتاااحت:ههههه..وليش تسال انت شكو فيها

يوسف:شقلنا؟؟

ميس بتصرف الموضوع:لاء ماكو احد بحياتها بس ليش تسأل؟؟

يوسف:ميس انا احب سجى..

ميس انصدمت((لاء ياربي ليش..؟؟وسعود..سجى تحب سعود اخوك..ليش يوسف شمعنى سجى))..:هااا....!!؟؟؟

يوسف:وويعا..اقولج احبها...

ميس:يوسف..سجى خوش بنت وكل شي بس....بس انصحك لاتحبها..تعلق نفسك عالفاضي..

يوسف:ليش اعلق نفسي؟؟وليش ماحبها؟؟شفيها فيها شي؟؟

ميس:لاااا لا مافيها شي بس يمكن تعتبرك نفس اخوها..؟؟

يوسف:ليش اهي قالتلج؟؟؟

ميس((ياربي شقوله هذا..))..:لاء ماقالتلي بسـ..

يوسف:خلاص عيل يسلم راسج هذا كل اللي بغيت اعرفه منج..دام مافي احد بحياتها في امل انها تحبني..يالله مشكوره باي

ميس:يوسـ..


مارد عليها وراح صعد غرفته..

ميس((ياربي شهالبلشه؟؟...سجى تحب سعود..ويوسف يحب سجى...لااء موجذي ليش؟؟))

ميس تفكر واهي صاعده فوق...ولا يناديها سعود...

سعود:ميس!!زين شفتج..جم يوم بكلمج مومحصلج مادري شعندج..تعالي ابيج بموضوع...

ميس((يااااربي مانخلص)):هلا سعود

سعود:ميس تدرين اني ارتاحلج وكل شي يصير وياي اقولج ياه صح؟؟وانا في سالفه صارتلي من زمان بس مالقيتت الوقت المناسب اني اقولج ياها...ابي رايج..

ميس:خير شعود في شي شصاير وياك.؟؟

سعود قالها كل السالفه من اول ماشافه دلال بفرايديز لي يوم الجمعيه....

سعود:هذا كل الي صار بس تصدقين مادري ليش احسها غير..في شي شدني لها انا موفاهم نفسي ليش قاعد اسوي جذي وليش وشمعنى اهي؟؟توقعت من بعد شروق كرهت البنات..بس هذي غيرت نظرتي لهم..

ميس ودها تبجي((لااء ياربي شهاليووم اللي مبين من اوله..وكلهم قالولي بنفس الوقت شمعنى!!..حرااام اللي قاعد يصير وموومصدقه اللي قاعده اسمعه بعد..شهالحظ سجى ليش يصير فيج جذي والله ماتستاهلين...مادري اقولج ولا لاء..لاء شقاعده اخربط اكيد مراح اقولها ))..:سعود..يعني تحبها؟ترا موفاهمه عليك..!!

سعود:يعني ميس الله يهداج كل هذا ومااحبها؟؟الصراحه مادري بس تصرفاتي واللي قاعد يصير يدل على هالشي

ميس ودها تموت ماتتخيل حال سجى شو لمن تدري:..زين يمكن ماتبيك يمكن مخطوبه يمـ..

سعود:لحظه شوي شوي ؟لا لو مخطوبه جان قالتلي انا احس انها بدت تستجيب لي...

ميس:اهي دقت عليك؟؟

سعود:للحين لأ بس انشالله تدق...

ميس بقلبها((لاانشالله ماتدق انشالله ماتدق))

سعود:ابي رايج شسوي...

ميس:والله حيرتني مادري شقولك..؟؟بس الي قاعد تسويه غلط سعود..ماتوقعتك جذي

سعود:انا بعد مادري ليش قاعد اسوي جذي...القلب ومايهوا هههههه..ماعلينا من كل هذا بس قوليلي شسوي

ميس وقفت بين نارين..نار سجى اختها ورفيجة عمرها وبين اخوها اللي محتاجها الحين وبين اخوها الثاني اللي موداري عن شي((ياربي شسوي يااربي شسوي...بروحي موناقصه الحين زادو همي همين..))

ماوعت الا صوت سجى يناديها...مــــيـــس؟؟وينج؟؟

ميس((الله يابج سجى))..:بعدين نتكلم بهالموضوع بس اتمنى انك تفكر عدل..

سجى:وينج انتي قعدت مالقيتج..؟؟

ميس:كنت عند سعود

سجى قلبها طق:سعوود؟؟

ميس((لاسجى تكفين لاتعورين قلبي والله انج ماتستاهلين اللي قاعد يصيرلج))..:أي...أأ..سجوي امشي غرفتي...الا تعالي ليش مارحتي الجامعه اليوم؟؟

سجى:..سكتي عيزااانه حدي مادري ليش...

ميس:ممم..زين تعالي اقولج شصار امس..

سجى:شصار؟؟

ميس:امس بليل لمن كنتي نايمه...امي يتلي الغرفه...

سجى:جذااااابه...شصار شسوت؟؟

ميس:ولاشي قالت امشي معاي رحنا غرفتها والله سجوو قالت كلام يعور القلب حسيت نفسي حقيره...

سجى:صج؟؟ليش شقالتلج؟؟

ميس((قالتلها كل شي))

سجى:والله ميس امج مسكينه ماتستاهل الي قاعد يصيرلها...!!

ميس:سكتي قلبي عورني...بس مادري ليش مااقدر اهده تكفيين حدي محتاره مادري شسوي..

سجى:امشي خل ندش نسولف على راحتنا هني ماكو فايده اخاف احد يسمعنا...





فرح:خلاص فكرت..

بدر:زين شقررتي...؟؟

فرح:ستار بكس الشاميه اوكي؟؟

بدر:خلصو الاماكن؟؟خلاص على راحتج اصلا كنت ناطر ردج مو أي او لأ..بس قصدي عالمكان خخخ

فرح:هه هه ضحكتني...من اولها معطتك ويه..خلاص عيل متى باجر؟؟

بدر:ليش مو اليوم؟؟

فرح:اليوووم؟؟

بدر:أي اليوم ليش لأ شوراج؟؟

فرح: ولا شي بس..

بدر:خلاص اليوم تعالي الساعه 8 انطرج هناك تمام جذي ولا متى تبين

فرح:لاا اوكي خلاص اذا وصل تادق عليك..

بدر:اوكي عيل اشوفج اليوم بس جلدي سيارتج يمكن ادعمها بعد مره خخخ

فرح:ههههههههههههههه اووكي يلا بااي

بدر:بايات


بيت دلال...


دلال قاعده تتغدى ويا امها واخوانها...

ام دلال تسولف ودلال كلش مومعاها......

ام دلال:ليش تيين من زمان موماخذتج وياي؟؟الكل قام يسأل عنج

دلال:........

ام دلال:دلوول؟؟؟دلاااال يمه اكلمج انا شفيج صارلج مو يوم مو على بعضج عسى ماشر فيج شي؟؟

دلال:..ها؟؟لا يمه مافيني شي لاتحاتين..شكنتي تقولين؟؟

ام دلال:لاااا..كلش مومعاااي..مادري شسالفتج جم يوم متغيره..

شجن:ايي انا بعد ملاحظه..امس اكلمها جني اكلم الطوفه معطتني سيفوون..!!

دلال:بسج انتي بعد ماصدقتي!!...يمه انا شكلي بقعد فالبيت اليوم اخذي شجن وياج وخلي عبود عندي هني

ام دلال:لاا عبود مااقدر اخليه بروحه لازم اخذه وياي..وعلى راحتج يمه بس اذا فيج شي حلفتج تقوليلي ترا انا امج وماتعودت انج تخشين علي شي!!

دلال:انشالله يمه ومافيني الا العافيه لاتحاتين.!!

خلصو غدا..دلال صعدت غرفتها عشان ترتاح..وقعدت تفكر..((انا ليش موقادره اشيله من بالي؟؟...حاله حال أي واحد مااعرفه ولايعرفني بس مجرد جم مره صادفته..ليش موقادره انساه؟؟لحين اتذكر عيونه!!نظراته فيها كلام وايد احسه غريب ودي اعرف عنه اكثر..!!ياربي والله انا ماكنت جذي شفيني..آآف بنام لمن اقعد يصير خير))..



بيت ام سعود..


بوسعود:مريم..وينهي ميس صارلي جم يوم مو قاعد اشوفها خير شفيها!!

ام سعود ماعرفت شتقوله:لا مافيها الا العافيه لاتخاف عليها..بس متضايقه شوي من البيت ناطره الكورس الياي تبي تداوم!!

بوسعود:جذي يعني..!!زين وتلفونها شيايبه عندنا الغرفه؟؟ولابتوبها ليش ماخذته منها...شمسويه؟؟

ام سعود((ولييي شقوله الحين)):.هاا لا انا معاقبتها تدري فيها وايد تعادني وماتسمع كلامي..!!

بوسعود:ليش بشنو معانده؟؟

ام سعود((تذكرت كلام فجر لمن سألها يوسف))..:لا بس في بنيه اما مومرتاحتلها كلش مع ميس بالنادي ومن زمان موصيتها تخليها تولي بس اهي عاندتني وقامت تماشيها فقلت ماتتأدب الا جذي..

بوسعود:اهاا..!!زين ناديها شوي..

ام سعود:ليش؟؟...خلها مع البنيه فشله تخليها بروحها..!!

بوسعود:ماني مطول..انا رايح غرفتي ناديها خل تييلي..

ام سعود(الله يستر):انشالله...


غرفه ميس...

سجى:ميس اسفه اني ذكرتج والله موقصدي بس مادري شلون قلتلج جذي..

ميس:لا عادي اصلا انا موناسيه السالفه كلش..يعني للحين فبالي..سجى اذا الواحد انجرح مستحيل ينسى اوكي انا معاج ان يتناسى بس ينسى مستحيل خصوصا اذا من شخص حبيتيه من قلبج وكان اول حب بحياتج!!

سجى:خلاص ميس..انتي الف من يتمناج انسي..الحين اهو تزوج كل واحد شاف نصيبه لي متى تعذبين نفسج!!

ميس بتبجي:بس ماتوقعته بهالحقاره لدرجة ان يـ....

ام سعود طقت عليهم الباب.....

ام سعود:ميس قومي ابوج يبيج

ميس اخترعت:أأ..انشالله..

سجى:الله يستر قومي شوفي شيبي...

ميس:عاد موناقصه..خلاص نطريني شوي واردلج..







بدر بالشاميه من الساعه 6 ونص ينطر فرح...

بدر((مادري شفيني ههههه اول مره اتوتر جذي جني رايح مقابله شغل..او يمكن لاني اول مره اواعد...احس اني اول مره بشوفها..ادق عليها ولا ماادق؟؟لا بعدين تقول عني موشايف خير خل انطر شوراي؟؟..الحين الساعه 8 وللحينها مايت الله يستر لاتهون))...

فرح بالمواقف...

فرح:الوو ساروو كاني وصلت شسوي؟؟انزل؟

ساره:الحمدلله والشكر يعني اكيد بتنزلين...شنو بكل شي تاخذين رايي لاتصيرين ياهل يلا روحي طولتي عليه تلاقينه بيمشي الحين...

فرح:اووه مامنج فايده صج...يلا كاني نازله

ساره:اوكي وقوليلي شيصير وياج ههههه

فرح:انشالله هههه يلا طسي باي...


((دشت ستار بكس وقلبها يطق...))

فرح((مممم..ياربي مادري ليش خايفه..وينه هذا...؟؟؟..))

شافت واحد قاعد بالزاويه ويهز بريوله متوتر من شكله عرفت ان اهو بس كانت تشوفه من الجنب..لف ويهه صوب الباب ولا تيي عينها بعينه..

فرح((هذا بــــدر؟؟؟....امبييي شحلاااته لمن شفته اول مره ماركزت فيه عدل...شكله احلى بوايد ماتوقعته لهدرجه جميل..واااي حظي حلووو فدييت شامته))

بدر((والله حلوه..كل هالنعومه واسلوبها جنها كاوليه؟؟صج لي قالو الصوت خداع ههههه..اخ قلبي))

بدر اشرلها تيي...راحت عنده وقعدت

بدر:هلا والله وغلا...

فرح مستحيه قالتله بصوت واطي:هلا فيك

بدر:يرحم امج مولايق عليج الدلع هههههههههههههههههههههه

فرح عصبت:انت وبعدين وياك؟؟حتى بالصج تنرفز؟؟ترا مصختها شنو شايفني واحد من الربع؟؟

بدر:هههههههه أي جذي اصدق انها انتي ولا قبل شوي لا كلش مولايق اصلا شكيت ههههههههههههه

فرح:خلاص بقوم

بدر:ههههه لاقعدي اتغشمر...شنو تبين تشربين

فرح:مممم زين...مابي شي

بدر:اووهو بدينا دلع..خلصيني صارلي سنه ناطرج قولي شنو تبين

فرح:خلاص ابي نفسك

بدر:اوكي دقيقه واييج...

((خلص ورد قعد ))

بدر:ها طولت؟؟

فرح:لا عادي...مممم


بيت ام سعود...

ميس صارلها ساعه تحوس عند باب غرفة امها وابوها ماتدري تدش ولا لاء...

بوسعود قام ينادي بصوت عالي:مـــيــــس!!

ميس نقزت:هلا بابا كاني ييت....

بوسعود:شفيج امج ماقالتج تعالي؟؟

ميس:هاا..مبلا بس رحت الحمام

بوسعود:كل هذا حمام

ميس شوي وتبجي:أي

بوسعود:بابا حبيبتي شفيج؟؟منو مضايقج فيج شي؟؟

ميس:لا بابا مافيني شي..انت مناديني خرعتني عبالي عندك شي

بوسعود:ليش خرعتج مو اول مره اناديج..وبعدين مشتاقلج حرام اسولف وياج؟؟

ميس ارتاحت:هههه لاء موحرام اصلا انا بعد شتقتلك....

بوسعود:امج قالتلي..

ميس حست انها بتموت:....شــ...شــ..ــقـ..االت...؟؟؟

بوسعود:ليش تعاندين امج وايد..جم مره قايلج سمعي كلامها هذي امج وتبي مصلحتج لو تقولج شي تسوينه

ميس حست انها موقايلتله((اكيد موقصده مشاري لان لو يدري جان ذبحني))..:ليش شسويت؟؟!!

بوسعود:ليش تماشين البنيه الي امج قالتلج وخري عنها؟

ميس مستغربه((أي بنيه؟؟))..:ها؟؟

بوسعود:زين جذي الحين زعلتيها منج؟؟سمعي كلام امج ولاتعاندينها ترا محد يعرف مصلحتج غيرها لانها تشوف شغلات انتي ماتشوفينها..

ميس:انشالله وانا اسفه انشالله مااعيدها

بوسعود:هذي بنتي اللي اعرفها...زين قولي شفيج شكلج تعبانه وجنج باجيه منو مضايقج؟؟

ميس:لا مافيني شي بس كنت متضايقه من هالسالفه

بوسعود:خلاص الحين انسي ومره ثانيه لاتعاندين امج...

ميس:انشالله

بوسعود:يلا روحي عند سجى لاتطولين عليها

ميس راحت عنده باسته:اووكي بابا واسفه مره ثانيه


بيت ام بدر

بوبدر:منو هذي بعد؟!

ام بدر:بنت رفيجتي ماشالله عليها جمال وادب واخلاق واهم شي فلوس ابوها..!!

بوبدر:زين؟؟وبعدين خلاصة هالحجي كله؟!

ام بدر:عاد لاتينني..ابيها حق بدر..مااقدر اخليه للحين بدون زواج

بوبدر:ياامره رحمي الولد ترا الزواج مو غصب!!خليه على راحته موياهل اهو

ام بدر:راح يرضى وانا راح اكلمه اذا رجع البيت!!

بوبدر:انا بعرف شغله وحده!!ليش مستعيله تبين تزوجينه؟شكالج الحال ولا شنو؟!

ام بدر:لا ولدي وابي افرح فيه

بوبدر:وسجى موبنتج؟اشوفج ماتييبين طاري الزواج لها كلش

ام بدر:سجو توها صغيره وبدر اسملله عليه ريال..فوق هذا بيدش ال24 بعد لي متى بيقعد بدون زواج؟؟اللي بعمره عندهم عياال

بوبدر تنهد:خلاص لي رجع تفاهمي وياه انا بروح الدوينيه..

ام بدر:هذا اللي بيصير..الله وياك

بوبدر:مع السلامه...



دلال....

مسكت التلفون شافت رقمه...((ادق؟؟لالا....مممم ودي اعرف شنو سالفته ومنو هذا..احس اني اعرفه من زمان))

رن تلفونها....

دلال اخترعت:الوو

سجى:ههههه شفيج تتكلمين جذي اسملله عليج

دلال:هههههه لا ولاشي بس سرحت وفجأه رن التلفون

سجى:اها ههههه المهم شلونج

دلال:تمام وانتي؟؟

سجى:الحمدلله...

دلال:سجى..ادق عليه ولاامادق

سجى:ادقين على منو؟؟!!

دلال:ليش انا ماقتلج؟؟

سجى:لاماقلتيلي يالخاينه شصار قولي..

دلال:مبلا جني قلتلج؟؟..

سجى:اوووه دلوول لاتيننيني قوليلي شصار

دلال:ذاك اليوم لمن رحت الجمعيه كان لاحقني ماتوقعته اهو اول شي بس تخيلي دل بيتنا؟؟نزلت ولا يلحقني ويقول ابيج ومادري شنو وعـ...

سجى:شوي شوي دلوول شفيج طايره جذي خل افهم ويت...منو هذا اللي لاحقج؟؟

دلال:اللي ذاك اليوم منو غيره

سجى:اييييييي..شصار بعد؟؟

دلال:عطاني رقمه..

سجى:لايكون دقيتي؟؟

دلال:الصراحه مادقيت بسـ..

سجى:مينونه؟؟

دلال:ليش؟؟

سجى:مبين عليه يبيج لو مايبيج جان ماسوا كل هذا لدرجه ان طلع عنوان بيتكم..والله الريال شاريج لاتضيعينه من ايدج

دلال:انا مومتعوده..اكـ..

سجى:دلوووول لا تيننييني لي متى يعني انا ماقتلج لعبي؟؟دام يالج اللي شاريج ويبيج ليش تضيعينه من ايدج ترا مو كل يوم نلاقي اللي يحبنا..

دلال شكلها اقتنعت..:مممم تهقين؟؟

سجى:اكيد مايبيله كلام انتي عرفي منه كل شي بعدين قرري

دلال:مممم اووكي..وينج انتي

سجى:انا عند ميس..

دلال:صج؟؟

سجى:اييي وابشرج نايمه عندهم واااي فدييته انا عند الحب

دلال:هههههههه موصاحيه...زين ليش شعندج نايمه عندهم؟؟!!

سجى:اووه سالفه طويله باجر اقولج ياها...انا بسكره اووكي ديري بالج على نفسج وفكري..!!

دلال:انشالله انتي بعد...والله وياج قلبي

سجى:باي

دلال:باي



((بدر وفرح))



بدر:أي كلميني عن نفسج..!!

فرح:مممم شقول؟؟

بدر:قوليلي كل شي عنج

فرح:انت قولي اول...

بدر:شوفي انا قايلج ان اول مره اكلم وحده..واول مره وحده تجذبني لها جذي بالعاده مااهتم كلش وعقدتي شي اسمه بنات

فرح:ليش؟؟

بدر:من اللي اشوفه واللي قاعد يصير بربعي واللي اعرفهم...خلاني اكره شي اسمه بنات

فرح:شدعوه ترا اصابعك مو سوا..!!

بدر:اللي اهو هذا اللي صار...وبس اقولج يعني مو مال هالسوالف..ولامره واعدت يمكن اتحرش اوكي بس ارقم واواعد وومن هالسوالف كلش لأ..

فرح ستانست((ياحظيييي))..:اهاا حلوو...هذا اللي ابيه هههه

بدر:ههههه شفتي شلون اعجبج فل اوبشن هههههه...زين وانتي؟؟

فرح:مممم مادري شقولك..!!بكون صريحه وياك..انا كنت احب ولد عمي..بس ماصار نصيب وتزوج عقبها

بدر:بس؟؟؟

فرح توهقت...:أي بس شتبيني اقولك بعد؟؟

بدر:سولفي اخذي راحتج لاتخافين ههه

فرح:ههههههه اوكي

((وقعدو يسولفون مع بعض لي الساعه 10ونص بعدين قامو كل واحد رجع بيته..))


بيت بوسعود

ميس وسجى بالصاله....


ميس تطالع سجى((والله ماتستاهلين..ليش حظنا جذي؟؟حرام الي قاعد يصير والله....شسوي ياربي اقولها؟؟لالاحرام شكو اقولها...))

سحى:ميس..؟؟شفيج تطالعيني جذي هههههه

ميس:هاا..لاسلامج..

سجى بهمس:شيليه من بالج خلاص خلج طبيعيه لايحسون فيج

ميس((اخخ والله مادري افكر بمنو ولا منو..مشاري ولا انتي ولامحمد..قلبي ماقام يتحمل))..:انشالله..


((يوسف على طول دش الصاله))

ميس((ولييي كملت))

يوسف:شلونج سجى؟؟

سجى:هههههههههه

يوسف ستانس(زين شفنا ضروسج يمعوده..)..:ههه شفيج

سجى:زين قلت اسمي بالعاده لازم نك نيم..

يوسف:ههههههههههههه أي بعد مايصير امصخها

سجى:........

يوسف((والله ماشفت مثلها..جمال واخلاق وجسم وخفه دم شنو ابي اكثر..؟؟كل شي فيها حلو سياره موادميه هههه))

ميس((والله لوتدري عن اللي فقلبها يايوسف!!ليش ياربي..اخوي...ورفيجه عمري اللي احسبها اكثر من اختي...انا بموووووت والله مااتحمل ستغفرالله...يارب انشالله مايصير شي يكسر قلب سجى مثل ما انكسر قلبي..مابيها تمر بلي مريت فيه..))

سجى:ميس اكلمج ليش ماتردين؟؟

ميس:لا وياج بس سرحت شوي

يوسف:انتي صارلج جم يوم موعاججبتني!!

سجى:أأ..اي لانها متضايقه من سالفه مو من حقك تعرفها شي خاص فينا

يوسف((فديتج انتي للي يشوفج يقدر يتضايق؟؟))..:اهااا

ميس قامت تقلب بالقنوات ولا توقف القناة على اغنية عبدالمجيد عبدالله..ولاتتذكر محمد

http://www.youtube.com/watch?v=eswZZv-afHA

دموعها نزلت وماقدرت تتحمل..اول ماسمعتها على طول قامت غرفتها قعدت تبجي من قلب

سجى لحقتها على طول:مـــيــــس شفيج؟؟!!

يوسف:شسالفة امها هذي؟؟لاافيها شي موطبيعيه..!!


غرفه ميس...

ميس ميته من البجي وقعدت تتذكر...


((محمد:شلون تسافرين كل هذا وتخليني بروحي؟؟وبيوم عيدميلادي بعد؟؟

ميس:والله راح تكون 24 فبالي وصج راح اشتاقلك حيل(وقعدت تبجي)..

محمد صوته شوي ويبجي:لاتبجين عشاني

ميس كسر خاطرهاا:شسوي؟؟والله انا بعد قلبي يعورني شلون عيدميلادك وانا مويمك وهم بسافر شهر واخليك (تبجي)

محمد:خلاص حياتي لاتبجين...المهم بحطلج اغنيه سمعيها هذي اهداء وكل مكان تروحينه هناك سمعيها وتذكريني اوكي؟؟

ميس:اووكي

((شغل الاغنيه وقعدو يسمعونها واثنينهم يبجون))

قررت اموت بحبك...وامشي معاك بدربك...

انت ياساكن قلبي اسمح لعيش بقلبك...

قربك ترى يحيني... وصوتك انايهديني

...وبعدك ترى يبكيني...لاتغيب عني وربك

...بنسى معاك همومي واسهرواخلي نومي

...واعيش وقتي ويومي...كله وانا بجبك

...قربك ترى يحيني ...وصوتك انا يهديني

...وبعدك ترى يكبيني لاتغيب عني وربك

...مثلك انا مالاقي يصعب عليك فراقي

...صادق انا باشوقي ...لوتكذب اعشق كذبك


ميس قامت تصرخ وتبجي وتحذف بالاغراض اللي جدامها((جذااااااااب...انت جذاااااب ليش تقص علي لييييش..اكرررهك اكرررهك...مااااحبك.انت جذااااااااااب...))

سجى دشت عليها مخترعه:مـــــيـــــس!!!حبيبتي شفيييج هدييي قوليلي شفيج!!

ميس تبجي من قلب:ليش سجــى..ليش يصير فيني جذي؟!!ليش يسوي فيني جذييييييييييي!!ليش لما احب يطلع حظي جذي لييييش

سجى:خلاص ميس انتي موياهل..!!لاتسوينن بعمرج جذي..انسي خلاص كل واحد راح بطريجه والريال تزوج لي متى بتعبين عمرج وتعيشين نفسج باعذاب انتي بغنى عنه؟؟

ميس تبجي:مــ...مو..منــ...ــي!!!..بس ليش جذي؟؟والله مااتحمل والله تعبت اتعذب كل يوم حطي نفسج مكاني..

سجى:حاسه فيـ....


((فجأة...يدش عليهم يوسف..))​

 

[n00ni]

بارت الاعترافات الخطير هذا

انشاء الله عاد يوسف ماسمعهم

يسلمووو حبيبتي على البارت