((انـــا مـعـكـ بس,, قـلـبـي مـع غــيركـ)) >> قصه كويتيه حقيقيه <<

[lm3at almasa]

مــــــــــــــــــــــ ب ـــــــــــــــــــــارك عـــــــــــــــــــــ ل ــــــــــيكم الـــــــــشهر
t0o0o0ma mta alpart w mbark 3leech alshahr w kl 3am w enty b5air:sfg::

 

[mano0no]

مبارك عليكم الشهر وتقبل الله منه و منكم انشاااااء الله
ونااااطريييينج تووووما

 

[Sara.M]

مبارك عليكم الشهر .. توماا ناطرينج حبيبتي $:

 

[شموخ مطيرية(305)]

يله توما طولتي علينا حبيبتي
شكلة بيكون البارت كله حماس

 

[روح اهـلـها]

توووماا حبيبتي مو مهم البااارت بس انتي ويينج عسى ماشر

 

[ღ TőOőma ღ]

بااك بناات سوري ادري تأخرت وايد بس غصبن و سوري اذا اختصرت وايد بس والله مامداني حوبي ومباارك عليكم الشهر:hjy5jewf:





الجزء السادس والعشرون والاخـيـر...



((بيت بوسعود))

مشاري ويوسف داشين البيت مبهذلين..

ام سعود كانت تحت ويا بوسعود...

ام سعود قامت ميته من الخرعه درت انهم متهاوشين ويا مشاري:منو سوا فيكم جذي..؟؟شفيكم..؟؟شصااير

سعود:ماكو شي بس ربعنا تهاوشو وفاججناهم انا ويوسف

بوسعود عصب:وانت ماتشوف ريولك شلون متعوره..؟؟شكو تفاججهم..

يوسف كان حده معصب صعد فوق على طول بدون مايتكلم ولا كلمه...

ام سعود راحت عنده تمسح عليه:يمه مافيك شي..؟؟ريولك مافيها شي..؟؟مومتعور..؟؟يوسف مافيه شي؟؟وينه وين راح

سعود وخرها:والله مافينا شي لاتحاتين..انا بصعد داري

ام سعود:اكييد مافيك شي..بعرف ليييش عاندتووونيي ورحتو

بوسعود:يقولج الصبي مافيه شي خليه يروح مو يهال اهم

ام سعود:روح دارك نام وارتاح..باجر يصير خير..




((غرفة فجر))


فجر:لي متى بتمين قاعده جذي..؟؟

ميس:ماادري فجر..لاتسأليني..بروحي مو عارفه شسوي...

فجر:خلاااص يعني لي متى..كلها اسبوع بيخطبج محمد وبتفتكيين من ويه الفقر هذاك..

ميس:انشالله امييين الله يسمع منج...

بطل سعود عليهم باب الغرفه...

سعود:فجر طلعي برى شوي...

فجر:انشالله

سعود قعد يم ميس....


ميس شافته شهقت:منو مسوي فيك جذي

سعود:قبل شوي كنا عند مشاري انا ويوسف

ميس ويها قلب الوان:أأ...شقال...

سعود:ماعطيناه فرصه يتكلم واحنا مانبي نسمع الكلام منه اهو..واللي صار مالج شغل فيه انا ابي منج شي واحد ووالله اذا ماسويتيه او صدتج بيوم انج كنتي تقصين علي..انا اللي راح اذبحج مو يوسف

ميس خايفه:انشالله..ِ.شنو الشي..؟؟

سعود:انا قايلج امس...اذا دق عليج او دزلج شي تيين تقوليلي..فاهمه..؟؟واذا بيوم دريت انج راده عليه او مكلمته ياويلج....

ميس:انشاالله

سعود:ماعندي كلام ثاني وياج بس اتمنى انج تحطينه فبالج عدل...انتي مو ياهل شوفي فجر اصغر منج ولا مره صدنا عليها شي..

ميس:والله مراح اعيدها وعد..

سعود طلع برى ودشت فجر ركض...

فجر:انا سمعت اسم مشاري...شصار قوليلي

ميس:دامج قاعده تتسمعين من ورى الباب شكو يايه تسألين

فجر:ماسمعت غير مشاري..شسووا قوليلي

ميس:يقولون كانو عنده..وشكلهم متطاققين..

فجر:ويييه...بس تدرين..يستاااهل لو ذابحينه احسن بعد

ميس:ولي يعافيج فكينا من سيرته...

فجر:انتي مو ناويه تكلمين محمد...؟؟

ميس تذكرت:اييييييييي..فجور تكفييين روحي ييبي تلفوني من غرفتي...

فجر:أي حق شغلج تكفين وحبيبتي واحبج..بس مو مشكله بييبه

ميس:واااي عااد بسج

فجر راحت ويابتلها التلفون...

ميس:اوووله طاعي شكثر دااق...

فجر:دقي عليه شكله ميت من الخرعه عليج...

ميس دقت وعقب رنه رد عليها على طول....

محمد:ميس..؟؟؟؟

ميس:حموود

محمد يصرخ:شفيج شصااير ليش ادق من امس ماتردييين..شصاار

ميس ماتدري شتقوله:..أأ...صارت سالفه فالبيت

محمد:شصاار..؟؟

ميس:سالفه بعد ماله داعي اقول...

محمد:زين ماتعرفين تدقين..؟ولا تقولين في واحد قاعد يحاتيني وناطرني...

ميس:خلاص اسفه قلت والله موقصدي

محمد:اوكي وينج انتي

ميس:فالبيت...ليش

محمد:المهم سمعيني..انا كلمت امي وعطيتها رقم بيتكم امس...متى اخليها تدق

ميس استانست:هاا...أأ...ماادري أي وقت تبيه..الاسبوع الياي..؟؟

محمد:ام أي وقت ابيه عيل باجر

ميس:لالا شنو باجر علاقل اللي عقبه

محمد:شفرقت يعني؟؟

ميس:لاتفرق..ولا اقول كيفك

محمد:خلاص يصير خير وقتها

ميس:اوكي

((تموا يسولفون 4 ساعات ونص لمن ناموا....))




بــعـــد 3 أيـــام....


((بيت بوبدر))

كلهم كانو قاعدين بالصاله يسولفون...

بوبدر:وشنو المانع..؟؟خل يتزوجها دام يحبها ويبيها....

ام بدر:انا تعبت منه..كيفه اللي يبيه خل يسويه

بدر:أي وانا ابيها...

ام بدر معصبه:والله كيفك...مالي شغل فيك انا

بدر:زين متى تخطبونها لي..؟؟

ام بدر صرخت:ممكن تسكت الحين...يصير خير وقتها

بوبدر:ههههههه شدعوه شقايل اهو صج متى بتخطبيله

ام بدر:ماادري يصير خير...

بدر:صج سجو وينها..؟؟

ام بدر:سجى بغرفتها فوق..

بدر:وينها مانزلت اليوم كلش...؟؟؟

بوبدر:تقول قاعده تدرس..

بدر:من متى سجى تدرس من كيفها بدون لااحد يجن على راسها..؟؟

ام بدر:ليش طايحه من عينك..؟؟

بدر:لا بس مستغرب...




((غرفة سجى))


سجى مجابله كتابها وتفكر بكلام فجر وميس لمن كانت عندهم....

سجى:معقوله يوسف يحبني..؟؟ليش انا ماادري..؟..وليش ماحسيت..؟؟يمكن كنت افسر تصرفاته شي ثاني واهو كان قصده هالشي..بس والله خوش واحد..لالا..شلون اتقبل هالشي وانا كنت احب اخوه وللحيني احبه...!!


رن تلفونها....

Meissi calling you…



سجى:هلا ميس

ميس:هلاا فيج شلونج

سجى:تمام وانتي شلونج

ميس:والله ماشي الحال

سجى:ها شصار على محمد؟؟؟

ميس:ماكو دقت امه امس العصر وانشالله اليمعه اييون بيتنا...وااي سجوو حدي متحمسه

سجى:ههههه واخيييررررا

ميس:ايييي.يالله عقبالج

سجى:الله كريم

ميس:هييي انتي..بكيف منو يعني..؟؟اصلا خلاص انتي خطيبه اخوي كيفج

سجى:هههههه بكيفج اهو

ميس:موبكيفج انتي..خلاص عاد يحبج وانتي انشالله راح تحبينه..شالمانع شفيه اخوي..؟؟

سجى:مافيه شي بس....

ميس:لا تقولين بس خلاص خل نخلص من زواجي انا ومحمد بعدين يصير خير خخخخخ

سجى:ههههههه اوكيي

ميس:المهم انا بغيت اقولج..ناطرتج اليوم تعالي

سجى:اكييد بيي خلاص صار روتين يومي هذا ههههههه

ميس:ههه فدييييتج..اوكي عيل بقوم اتسبح..اتكشخلج قبل لاتيين ههههه

سجى:هههه اوك نعيها مقدماا

ميس:ينعم بحالج ههههه باي قلبي

سجى:بايات




((بيت فرح))

فرح:بدر..اذا سألتني منو شرد عليها بالله..؟؟

بدر:ماشالله ذكيه...الله يعيني على مخج بس..يعني ماتعرفين تتصرفين من نفسج كلش..

فرح:وااي بدر..عاد بهالشغله راح اتوهق...

بدر:الحين قوليلي..شلون..؟؟

فرح:ماادري تصرف..قولها اعرف اختك..انا صج اعرفها خو ماجذبت انت

بدر:هم فكره..خلاص لا سألتج يصير خير

فرح:اوكي...امبي مووومصدقه...

بدر:مو مصدقه شنو

فرح:بنتزوج

بدر:توج تستوعبين هههههههههههههههههههه

فرح:ماادري ماكنت متوقعتك جاد

بدر:ليش يعني

فرح:ماادري كل كلامك عبط مااينعرف صجك من جذبك

بدر:لا صدقي هههههههههههههه

فرح:واااي ونااااااسه

يدر:عاد امي ماكانت راضيه

فرح تضايقت:ليييش

بدر:ماادري تقول شلون تتزوج وحده كنت تكلمها ومن هالكلام...بس انا ماخليتها افا عليج خخخخ

فرح تضايقت من كلام امه:ليش موراضيه

بدر:تقول شدراك تكلمك ماتكلم غيرك..ومن هالسوالف

فرح:اهااا...بس انا مااكلم غيرك

بدر:اوووهووو بتقلبينها فلم هندي...؟؟

فرح:هههه..لا عادي خلاص

بدر:يعني هالكلام أي ام راح تقوله..لاتحطين فبالج..

فرح:أي صح...خلاص يمكن تحبني بعدين هههههههههههه

بدر:أي اكيد انتي منو يعرفج ومايحبج..

فرح استحت:هههههههههههههه فديتك

بدر:انا اللي فديتج...






((بيت ام سعود))

بالصاله...

ام سعود تكلم ميس:مادزلج شي بعد ولا دق..؟؟

ميس:للحين لاء..

ام سعود:عيل قوليلي اذا دق..موناقصينه الحين

ميس:انشالله مايدق...

بوسعود:شعندكم تتساسرون...

ميس:ولا شي سلامتك خخخ

بوسعود:الا تعالي..اي يوم حددو عشان خطلة ميس..؟؟

ام سعود:يقولون اليمعه..على خير انشالله...

سعود:انشالله اذا الله كاتب لها نصيب وياه راح تاخذه

ميس بقلبها((ياااااارب يكون محمد من نصيبي انشاللللله))

يوسف:احين تزوجي فكينا من شرج...

بوسعود زفه:احترم نفسك جم مره قايلك لاتكلم اختك بهالطريقه...اصلا البيت بدونها مايسوى

ميس راحت عند ابوها وباسته:وااااي فدييييته اناااا..محد حاس بقيمتي هني غيرك والله....

فجر:لاوالله وانا..؟؟

بوسعود:وانتي بعد

ام سعود:عن سوالف اليهال

طق جرس الباب...

ميس:اناا بقوووم اكيد سجى يت

يوسف فز قلبه:......

ام سعود:زين لاتركضين شوي شوي....

سجى دشت الصاله ويا ميس......

سجى:سلام

الكل:وعليكم السلام

يوسف كان يشرب ريد بول شرق فيس من سمع صوتها:....احم احم...

ام سعود:اييي شوي شوي مرااح ينحااش منك..اذيتنا بهالخياااس اللي 24 ساعه تشرب فيييه ارحم معدتك...

يوسف:هههههه....عاجبني شحارج

ام سعود حذفت عليه علبه الكلينكس:جم مره اقولك احترم نفسك...ماتفهم انت...؟؟

يوسف:يبه خلااااص اسف عالازعاج

سجى مستحيه ماتقدر تطالعه:هههههه

ميس غمزتلها:ايييي...الله يعييين اخووووي على اللي فيييه

يوسف:ليش شفيني

ميس((صج غبي))..:ولاشي سلامتك

سجى:فجور شلونج توني اشوفج خخخخخ

فجر:أي أي لنا الله...كلكم جذي اخر وحده تتذكروني

ميس:بسج افلام

سجى:منو قاال اخر وحده...فديتج اناا والله

ميس:زين امشي فوق...فجور تعالي بعد عشان لاتتحلطمين بعدين ههههه

فجر:للللللأ مشكوووره بقعد هني اطالع تلفزيون ابركلي

ميس:مممم..بالطقاق

فجر:اعلمج





((غرفة ميس))

سجى:واااي انتي صج بااايخه

ميس:هههه ليش شسويت

سجى:شنو هالحركه السخيفه احرجتيينيييي جداامه والله

ميس:ههههههههههههه احسن ابيج تنحرجين

سجى:واااي مليقه

ميس:أي حسي بالولد شوي....من زمان يحبج مو يوم ولا يومين....

سجى ماعرفت شتقول:.....

ميس:شفيج سكتي

سجى:ميس....اذا قصدج تبيني احبه مااقدر

ميس تحبطت:ليييييييش

سجى:انا كنت احب اخوه شلون احبه...

ميس عصبت:اخووه عاااد اللي يسمعج يقول كان يدري عنج..لاتعيشين نفسج بوهم سجى خلاص لي متى يعني

سجى:اووه ميس خلااص..

ميس:سؤاال...اذا تقدملج توافقين..؟؟

سجى:......مادري

ميس:لاء عشان لايتفشل اذا يالج

سجى:ليش اهو قالج ناوي يتقدملي..؟؟

ميس:وانا صارلي دهر شقاعده افهمج..؟؟

سجى:وااي خلاص صكري الموضوع...

ميس:واي عليج انتي...حطي نفسج مكانه...ولا ليش تحطين نفسج انتي عشتي بهالشي وجربتي اذا كنتي تحبين واحد واهو موحاس فيج...هم يوسف نفسج لمن حبيتي سعود

سجى:أي صح..بس مووقته

ميس:اووكي كيفج

سجى:خوش عيل...سولفي شسويتي شماسويتي

ميس:ماااكو..ناطره يوم اليمعه يعدي على خير....

سجى:الله كريم شوفي الله شكاتبلج....

ميس:انشالله ياارب يكون محمد من نصيبي....

سجى:انشالله لاتحنين بس خخخخ

ميس:ههههههههههههههه




((بيت بوبدر))

بدر واقف على راس امه يحن....

بدر:الحين

ام بدر:وخر عن ويهي بدر

بدر:ماالي شغل انا قلتلج الحيييييين يلا هاج التلفون

ام بدر عصبت:ماتفهم شنو يعني وخر..؟؟

بدر:هههههههه..شفيج قايلج بوقي ولا دقي..؟؟

ام بدر:ماكو فايده بتم قليل ادب...شنو مافيك صبر؟؟؟

بدر:لا مافيني....بس دقي عليهم وسأليهم متى نقدر انيي...ماقلت الحين بتزوجها....

ام بدر:عطني اشوف...بس متى الله يفكني من هالحنه

بدر:اول ماتدقين تفتكين....

ام بدر خذت التلفون ودقت.....

ام فرح ردت:الووو...

ام بدر:الوو السلام عليكم

ام فرح:وعليكم السلام...

ام بدر:عفوا اختي من معاي فرح...؟؟

ام فرح:لا انا امها...خير اختي من انتي..؟؟

ام بدر:الصراحه احنا داقين نبي نخطب فرح بنتكم...

ام فرح:هلا فيكم حبيبتي...بس من طرف منو...؟

ام بدر:اهي رفيجه بنتي...

ام فرح:هلااا والله والنعم

ام بدر:ينعم بحالج حبيبتي..بس اذا ممكن نبي نحدد يوم عشان نيي نشوف البنت

ام فرح:حياكم الله بأي وقت...تنورونا

ام بدر:الاسبوع الياي..؟؟

ام فرح:على خير انشالله..بس أي يوم

ام بدر:يوم الاثنين ماشي..؟؟

ام فرح:انشالله حياكم الله بس اعتقد عندكم العنوان من بنتكم ولا لأ..؟؟

ام بدر:الله يحييج ياقلبي ولا أي اهي تدلينا انشالله

ام فرح:على خير عيل حياكم

ام بدر:تسلمين والله..يالله مع السلامه

ام فرح:الله وياج....

بدر:هيااااااا

ام بدر:ارتحت الحيين...؟؟؟كاني جذبت عالمره

بدر:منو قال جذبتي...صج سجى تعرفها بعد

ام بدر:وين فارج الحين..

بدر راح فوق مستانس بيدق على فرح.....








((بعد اسبوع))

بيت بوسعود.....


ام سعود تبخر الصاله وتنادي ميس:مــيـــس..؟!!

ميس من فوق تصرخ:كااني فووق مامااا

ام سعود:هاا خلصتيي؟؟؟

ميس:ايييي مايقالي شي

ام سعود:يالله ترا مابقى شي ويوصلون....

فجر:يمه..حلو شكلي

ام سعود:أي حلوه

يوسف:يمااااااااااا

ام سعود:وصمه..جم مره اقولك لاتصرخ

يوسف:هههههههههه..شفيج انتي

ام سعود:حلص شتبي الناس بييون وانا ماخلصت

يوسف:ولاشي خلاص اخذي راحتج هههه انا بروح داخل

ام سعود:ماتيوووز..دش داخل عدل الديوانيه على مايوصلون

بعد ربع ساعه رن طق جرس البيت...

ام سعود راحت فتحت الباب.....كانو محمد وامه وخالته واخته

ام محمد:السلام عليكم

محمد:قوه خالتي

ام سعود:هلا والله يمه... وعليكم السلام حياكم تفضلو..

ام محمد:دام فضلج انشالله

دشوالصاله وقعدو بالصاله..محمد كان قاعد متوتر ومستانس بنفس الوقت...

قعدو يسولفون وبعد 10 دقايق دشت ميس تزوع العصير

ام محمد:ماشالله هذي ميس

ام سعود:ههه أي هذي

محمد عيونه مانزلت من ميس كانت عاجبته حيييل...

ميس كانت خايفه ومستانسه ومتوتره سلمت عليهم واهي تقول بقلبها((واااي مومصدقه محمد قاعد جدامي..يااااارب يكون من نصيبي و مشاري مايخرب علي هالمره))

قعدت وياهم سولفو بعدها خلوها تقعد مع محمد بروحهم.....

ميس قلبها يرقع:....

محمد:واخيرا...بتصيرين حقي

ميس:محمد...والله مومصدقه انك قاعد جدامي

محمد:والله غبي انا اذا فرطت فيج..انتي كل شي بحياتي والله حياتي ماتسوى بدونج

ميس:وانا امووت فيك وانشى ازعلك او اضايقك..خلاص بتصير زوجي والله مومصدقه هههههه

محمد:والله بعيشج احلى عيشه واللي تبينه راح اسويه لج انتي امريني بس....

ميس:وااي حمود احبك.....

محمد:والله وانا اكثر..قصري صوتج لاتفضحينا عند امج ههههه

ميس:ههههههه انشالله



قعدو نص ساعه زياده وكانو مستانسين على بعض بعدها ردو اهل محمد البيت....




سجى اول ماشافتهم طالعين من الدريشه على طول دقت عليها...

ميس:انتي لاتكلميني

سجى:هههه ليش

ميس:اقوولج تعالي قعدي وياااي لاتخليني بروحي تتهربين

سجى:واي عليج خو استحي وانا شكو اقعد معاكم

ميس:لانج سخيفه..وتدرين انج اكثر من اختي و غصبن عليج تيين لاتقولين شكو

سجى:خلاص راحو عقب شنو ههههه

ميس:والله تمنيتج وياي..طاافج حموود عسل والله...

سجى:ههههه يالله انشالله تتزوجون بسرعه

ميس:ااامييييين

سجى:ههههههه خبله


((سجى سولفت معاها شوي ولمن صكرته منها سرحت بسياره سعود تفكر...))

سجى:والله مااقدر انساك..بس لازم ارضى بالواقع

فجأة شافت سياره تشبه سياره مشاري....

سجى شهقت:امبيييه..شيبي هذا ماكفاه اللي سواه..؟؟الله يستر بس شنااوي علييييه ليش ماايتووب...مراح اقول حق ميس حرام..بس يصير خير انا اللي بقول حق سعود...لا مابي اقوله اخاف يسوي فيه شي بروحه ريوله تعوره فديته..او يمكن مو سيارته شفيني اتخيل انشالله ياارب مايكون اهو واذا اهو الله لاوقفه وياخذه قبل لايفكر يضرها...




((بيت دلال))

ام دلال:ترى ام حمد بتيينا بعد اسبوع...

دلال نقزت من مكانها:يمه حرام عليج...وسعود..؟؟

ام دلال:مااشوفه تحرك او سوى شي...وين اللي بيي..؟؟

دلال:ماتدرين انتي...بروحه ريوله مومترقعه شلون يخطبني واهو بهالظروف..؟؟واخته الحين بتتزوج..شلوون قوليلي

ام دلال ماكانت تبيها تتزوجه بس ماتبي تبين لها:انا عطيت موعد..وخلاص

دلال تبجي:يمه الله يخليج..شفيج تبين الفكه مني بهالسرعه لهدرجه طايحه بجبدج..؟؟

ام دلال:منو قال ابي الفكه..؟؟انا ابيلج الاحسن

دلال:وسعود اهو الاحسن...مابي غيره

ام دلال:جذي السالفه..؟؟عناد؟؟؟

دلال:يمه انا ابي سعود

ام دلال:عيل لو شنو ماازوجتج ياه..وبشوف يا انا يا انتي

دلال تبجي:يمه شفيج تغيرتي علي...؟؟كل هذا ليش كلمته..؟؟موقلتي ماكو احد مايغلط؟؟وكاهو بيصبح غلطته..

ام دلال:ماعندي كلام اقولج ياه..الاسبوع الياي بييون يخطبونج...

دلال صعدت غرفتها تبجي...






((بــعــد شــهـــر))


بيت بوبدر....

سجى:مااني موااافقه...

ام بدر:شفيه الصبي..؟؟نعرفهم من زمان ونعرف اخلاقه..ليش ماتبينه اخت سجى..؟؟

سجى:خل نخلص من عرس بدر وميس بعدين يصير خير...زواجي لاحقين عليه

ام بدر:ميس توالناس بقالها شهر زياده..وبدر كلها اسبوع...ماعندج عذر

سجى عصبت:آآف خلاص عاد مو غصب خلصتي من بدر الحين دوري..؟؟

بدر توا نازل من فوق...:شفيج معصبه حلايا كشتج

سجى دزته عن طريجها:وخر عني انت...

بدر:اوه اووه..شفيها هذي البريعصيه تبيني افقصج؟؟من متى تمدين ايدج

سجى:آآف خلااص بدر..

بدر يقلدها:خلاااس..هههههههههه ذلفي فوق يالله

سجى صعدت غرفتها توها بتدق على ميس ولا يرن تلفونها..كان رقم بيت ام سعود...

سجى:الوووو؟؟

....:سجى..؟؟

سجى:منو يوسف..؟؟

يوسف:أي انا...

سجى:هلا والله يغبت شي..؟؟

يوسف:شدعوا ماتسلمين ولاشي

سجى:يوسف بغيت شي..؟؟

يوسف:سجى..الصراحه بغيتج بموضوع بس امتنى انج تسمعيني للاخر...

سجى:تفضل شنو..؟؟

يوسف:سجى انا ابيج

سجى:..........

يوسف:سجى..؟؟

سجى مستغربه من جرأته:يوسف انت شقاعد تقول..؟؟

يوسف:اخرت هالكلام..انا بتقدملج

سجى على طول صكرت التلفون وقلبها يرقع....:هذا من صجه..؟؟شهالجرأه..؟؟ليش يكلمني انا...؟؟لا يوسف مو صج..!!




((بعد اسبوع في بيت ام سعود))

يوم عرس فرح وبدر...

ميس تكلم محمد...

محمد:انا اوديج

ميس:لا حياتي انا بروح ويا امي...

محمد:زين خل ايي اوديكم..

ميس:ماله داعي والله

محمد:شلون تروحون بروحكم اقعد احاتيج جذي

ميس:لاتحاتي ولاشي...حبيبي والله..متى يكون عرسنا هههههه

محمد:قريب انشالله ههههههههههه

ميس:حمود امي تناديني انشالله اول مااصول اعطيك خبر...

محمد:أي تكفين مو تنسين دزيلي مسج عالاقل...

ميس:انشالله باي

محمد:باي

ام سعود تنادي:مـــيـــس يالله تأخرنا

ميس توها نازله:يالله يمه كاني... يايه كنت اكلم محمد

ام سعود:يالله ناطرينا بالسياره...


راحو عرس فرح وبدر بقاعده الزمرده...

فرح وبدر كانو لايقين على بعض وشكلهم طايرين من الوناسه..بدر مومصدق انه اخيرا صارت فرح حقه...

اول ما خلص العرس راحو الفندق.....

بدر يغني:والله وتحقق منايا شوفو حبيبي معايا..

فرح مستحيه:هههههههههه

بدر:يوعانه..؟؟

فرح:لاء

بدر:ولا انا امشي دايخ بنام

فرح:وااي بدر دفش بكل شي

بدر:هههههههههه شرايج بعد

فرح:زين بتسبح وارد

بدر:ماكو سباحه شنو لي متى بنطر

فرح مستحيه:آآآف...خو انطر..

بدر:لأ ماكو

فرح:راحت الغرفه وقفلت الباب....

بدر قاعد بالصاله معصب.....

بعد نث ساعه طلعت فرح لابسه قميص نفنوف قصير حرير لونه احمر...

بدر اول ماشافها استخف ونسى الزعل....

فرح:تأخرت...

بدر:هلااااا واااالله...لا عمري كنت معصب الحين مومشكله...تعالي عندي مفاجأه...

فرح:شنوو اهي..؟

بدر:امشي وياي

فرح راحت وياه الغرفة.....



((بيت ام سعود))

فجر:ياااي وناااسه...بدر تزوج اللي يحبها

ميس:هههه الله يهنيهم....


ام سعود:عن القرقه الزايده..يلا روحو نامو تأخر الوقت

ميس: بكلم سجى اول...

راحت غرفتها ودقت على سجى...

ميس:عقبااالج ههههه

سجى:هههههههههه...واي ايننون صح..؟؟

ميس:ايي حدهم ههههههه

((قعدو يسولفون ساعه ونص لمن صكروه من بعض وكانو بينامون..))

ميس نامت كانت دايخه حدها..بعد ربع ساعه وصلها مسج...

كانت نايمه مسكت التلفون واهي مبطله نص عين ماستوعبت شنو بالمسج لانها موحاسه بعمرها..اول ماشافته مسحته على طول ماتدري من منو ولا حاسه بشي...قطت التلفون عالارض وناااامت...

كان المسج....:

((حيبالج بسكت..؟؟..انا اعلمج قايلج مااخليج وترى ماخوفتيني بأخوانج بس شوفي شبسوي...مو خطيبج اسمه محمد الـ...و رقمه******* وبيتهم بالقرين..؟؟؟هههههههه شوفي شبسوي..))



((بــعـــد اســبــوعــيــن))..


بيت ام بدر...

بدر وفرح وسجى كانو بالصاله مع ام بدر وبوبدر...

فرح:هههههههههههههه

بدر:شفيج

فرح:حرام عليك

سجى:ايي فدييتها مرت اخوووي تداافع عنيي..قوليله ماله شغل

ام بدر:خلاص عاد يتغشمر وياج

بدر:لانها موكفوو...بس انطمي

ام بدر تأشر لبدر يعني قولها:أأ....

بدر:ليش انا افول..؟؟انتي قولي

ام بدر:سجى

سجى:شفيكم؟؟؟

ام بدر:في ناس خطبوج

سجى:صج منو...؟؟

بدر:يعني ليش كل هالمقدماات...؟؟قوليلها وخلصي

ام بدر:انت شكو شفيك مستعيل..؟؟

سجى:منو..؟؟

فرح:يوسف ولد جيرانكم

سجى تنحت شوي:بعدها راحت غرففتها ركض...

بدر:ههههههه هذا يسمونه مستحى 2009..عويه بكل شي حتى لمن تستحي عكس الاوادم خخخ

فرح:يووز عنها مسكينه

ام بدر:خلاص بعدين اقومك اكلمها....








((بيت بوسعود))

سعود يكلم دلال:دلال شفيج صارلج شهر مو على بعضج

دلال ماحبت تقوله:ها..لااء بس...مادري تصدق متضايقه

سعود:لاتضايقين وانا وياج...شلي مضايقج عمري..؟؟

دلال بينها وبين نفسها((والله سعود احبك..بس مابي اكسر قلبك مره ثانيه..حرام الليي قاعد يصير ب انا شنو بإيدي؟؟)).....

سعود:الووو

دلال:هلا حياتي وياك..ماكو جذي

سعود:اكيييد

دلال:اكييييدين

سعود:ههههه احبج والله......

دلال:وانا اكثر..سعود

سعود:عيونه

دلال:والله حط فبالك لو شيصير..انا احبك انت ومااحب احد غيرك..وقلبي معاك انت مستحيل يكون حق غيرك...

سعود:ادري حبيبتي وانا نفس الشي


بالصاله....

ميس كانت قاعده تطالع تلفزيون ودق عليها محمد....

ميس:هلااا حمودي

محمد بنفس:هلاوالله

ميس:شفيك

محمد:ولاشي...

ميس خافت:لاصج شفيك

محمد:ميس...

ميس:هلا

محمد:تحبيني؟؟؟

ميس:أي اموت فيك بعد

محمد:ماتقصين علي ولاتخشين علي..؟؟

ميس:اكيد...

محمد:ميس انتي عطيتي صورج حق احد

ميس قلبها يرقع:.....لاء...ليش

محمد:قولي الصج...

ميس بتبجي:محمد شصااير

محمد:ميس..احنا وعدنا بعض ان نكون حق بعض طول عمرنا صح..؟؟

ميس:صح...

محمد:هالوقت..مومستعد اتزوجج

ميس تبجي:محمد لييييييش

محمد:شفت اشياء خلتني اتراجع..معني اعرفج عدل من زمان بس لازم اتأكد...

ميس:محمد الله يخليك لاتهدني مره ثانيه

محمد:مراح اهدج...بس مااقدر اتزوجج الحين

ميس:انت شتقوول...؟؟؟شقولهم الحين؟؟محمد من صجك؟؟؟

محمد:ميس فهميني..ماقلت بهدج...بس صج صارت ظروف وخلاص...

ميس صكرته منه واهي تبجي....


دقت على سجى قالتلها كل شي......

سجى:ويييييه..من صجه هذا...؟؟

ميس:شفتي شلوون..شسوي قوليلي

سجى:خلاص شتسوين بعد..الله كريم والله ياخذ ولايسامح اللي كان السبب

ميس:اكيد مشااري انا متأكده..ياربييي متى افتك ليش جذي لييييش...

سجى:ميس..خلاص اهدي شوي....

ميس:مابي اهدا..خليني بروحي تعبانه حدي....

سجى:ميس...

ميس:سجوي تكفين...

سجى:براحتج...اول ماتهدين دقي...

ميس:انشالله...باي

سجى:باي




((بـــعـــد شــهـــر...))

بيت بو سعود...

يوسف:يمه لي متى ترا ماصارت رد...

ام سعود:لاتحن عاد بس

ميس:تبيني ادق..المفروض قبل يومين تردلي خبر

يوسف:أي دقي تكفين...

ام سعود:شفيكم مطافيق جذي...مابتنحاش البنت خلاص انا ادق بعد شوي...

يوسف باس راسها فدييتج انا...

ميس:هههههه مصلحجي

فجر تنادي امها من فوق:يماااا تلفوون

ام سعود:منو..

فجر:ام بدر...

ام سعود ردت عليها...بعد 10 دقايق نزلت...

يوسف:هااااااا شصااار...

ام سعود:خلاااص فكناااا...وافقت

يوسف قام يناقز:هياااااااااااااااااااا

ميس مستانسه:صج....؟؟؟؟

ام سعود:بس عندها شرط

يوسف:كلي لها...

ام سعود:ماتتزوج الا لمن تخلص دراستها

يوسف:وانا موااافق....

ميس:يالله مبروك مقدما ههههههههههههههه




سعود كان توا نازل واهو يفكر بينه وبين نفسه:شفيها دلال..؟؟ليش تغير علي فجأة..؟؟؟انا شسويتلها....؟يمكن يتهيألي..

يوسف:تعال باركلي حلايا ويهك

سعود:على شنو

ام سعود:سجى وافقت علي...

سعود:صج..هههههه اخيرا...عالبركه انشالله تستاهل يويسف سجة خوش بنت


يوسف:الله يبارك فيك وعقبالك خخخ

سعود:ههههههههه انشالله....

يوسف:الا تعال وينه بدير..من تزوج ماقمنا نشوفه

سعود:خلا هالفرح ماكله عقله الله يهنيهم ههههههه

ميس:ههههههههه شكلها حامل بعد مايندرى

ام سعود:لا توالناس

فجر:لا جنا صج حامل ماادري مومتأكده

ام سعود:شدراكم...؟؟

ميس:سمعنا ام بدر تسولف ذاك اليوم...

ام سعود:الله يسهل عليها انشالله



((بــعــد ســبــوع))

في بيت ام سعود...

رن تلفون سعود شاف مسج من دلال....

((سعود..انا من زمان خاشه عنك هالشي بس والله ماقدرت اتحمل اكثر من جذي..ترا باجر ملجتي..والله غصبن علي امي موراضيه اييب سيرتك كلش ولا راضيه بفكرة ان احنا نتزوج..والله سعود ادري انا حقيره بس صج موقصدي..ولاتنسى اني احبك ومابي غيرك..الله يخليك لاتتضايق..انا استاهل انك تزعل منيو الله لايوفقني...اسفه واحبك...باي))

سعود قرا المسج صكت فيه الدنيا حس ان انتهى..بس ماعرف شنو يسوي حس ان دلال راحت منه خلاص..ولان يحبها ويتمنالها الخير بيخليها بطريجها..

دزلها مسج((معذوره..بس الله يسامحج انج ماقلتيلي من قبل جان عرفت اتصرف..يايتني الحين تقولين؟؟عقب شنو؟؟بس تدرين ان حبج بقلبي للحين..والله يوفقج ويسعدج وين ماكنتي..اتمنى انج ماتنسيني..والله يسامحج على كل شي..مع السلامه))



وبعد م الله يالدنيا تناسيت معقول عقب السنين الي مضت والذي كان
بعد ما كنك عن القلب مسئول يالي تعلق بك غلا قلب انس
نسيتني يالي بكل بال مشغول
وارتحت من بعدي وانا منك تعبان
صار الهجر حكمك وانا رحت مذهول
ما كنت متوقع يجي منك نكران

بس انت لو تظلم اناديك واقول قلبي يحبك
لو انا منك زعلان ومسامحك قلبـ(ن)
بأياديك مقتول
وراح ابتعد عنك على قدر الامكان

::.كنك عن القلب مسئول يالي تعلق بك غلا قلب انسان


http://www.4shared.com/file/46400278/6fef3138/____.html?s=1


نسيتني يالي بكل بال مشغول
وارتحت من بعدي وانا منك تعبان
صار الهجر حكمك وانا ر
قط التلفون يمه وقعد يبجي نفس اليهال..ماتوقع هالشي من دلال اخر وحده توقع انها تجرحه..حس ان حياته مالها أي معنى من بعدها..قعد يتذكر ايامهم مع بعض وشلون تعرف عليها..وبجى لمن نام وماحس بعمره...


((ثــانــي يــوم))...

دلال كانت بالعرس تضحك ودمعتها بعيونها..تمنت ان يكون سعود اهو ريلها..حست ان حياتها مالها معنى بدونه..بس رضت بالواقع وحاولت تتناسا سعود...

حمد ريل دلال كان قاعد يمها وطاير فيها..سرحان بويهها وبعيونها..ودلال كلش موصوبه بالها مع سعود وتفكر فيه..وحست انها حقيره وانها ماتستاهل واحد نفس سعود...

خلصو العرس وراحو الفندق...

حمد قاعد يم دلال:مستحيه مني؟؟

دلال ماردت عليه ودمعت عينها..

حمد:انتي خايفه مني...؟؟

دلال:لاء..

حمد لف ويهها صوبه..:دلال..مومصدق انج حقي..الله يخليج لي..والله احبج ومابي غيرحج

دلال تخيلته سعود وجموعها قامت تنزل:........

حمد:الله يقدرني اني اسعدج...وانا كلي معاج وبكل وقت..

دلال قامت تبجي..طالعته واهي تقول بقلبها..و((انــا مــعـــكـ,,,بـس قــلبــي مــع غــيــركـ))


الــــنـــــهـــــــايــــــه......

تمت بحمد الله...انشالله تعجبكم النهايه وللامانه ماغيرت شي بالاحداث وكل الي صار حطيته صج بس مجرد اني اختصرت شوي مو وايد..والصراحه هذي اول تجربه حقي واول مره افكر اني اكتب وانزل يعني كنت متردده وايد..بس انتو الي شجعتوني وحمستوني اني اكملها لكم والله لو موردودكم العسل جان للحين ماكملتها...صج كنت خايفه انها ماتعجبكم بس اشوا اني لقيت عكس عالشي..

و ثاني شي انا وعدتكم بمفاجأة واني اقولكم عن الشخصيات الحقيقه شوي...بس قبل لااابدي حبيت اشكر كل الي تابعوني سواء كانو اعضاء او زوار فديتكم كلكم واحبكم و ثاانيكوووو صج صج ماقصرتو وياي بتشجيعكم وردودكم الحلوا اللي تحلي الروايه... احبكم وااايد ورااح اشتاااقلكم واايد بعد واتمنى انكم ماتنسووني..اسفه عالقصوور و سامحوني فديتكم..


((انـا مـعـكـ,,بـس قـلـبـي مـع غـيـركـ))

روايه كويتيه حقيقيه...فيها احداث صارت عن تجربه شخصيه ومقتبسه من اشخاص قريبين وايد علي..و الحمدلله اني قدرت اوصل الشخصيات لقلوبكم..وضحكنا معاهم بجينا واستانسنا وتحمسنا كل هالاشياء انا عشتها وياكم حتى وانا اكتب الروايه


الشخصيات الحقيقيه...

((سعود,دلال,شروق,ميس,مشاري,سجى,يوسف,فرح,بدر,محمد,فجر))

والباجي كلهم شخصيات خياليه او اقتباس من شخصيه اعرفها<<لوول فهمتو!!...

بكلمكم عن كل شخصيه الحين..

سعود:عايش حياته عادي وقاعد يحاول ينسى دلال..بس الحمدلله عدت ازمته على خير بفضل الله و شروق

دلال:للحينها تحب سعود بس مستانسه مع ريلها والله يوفقها..عندها ولد سمته سعود والحين حامل..

شروق:علاقتها متواصله مع سعود للحين تسأل عنه بين فتره وفتره واهو يرتاح لمن يكلمها..

مشاري:للحين مانسى ميس..ويدق عليها ساعات يدزلها كلام حلو وساعات يسبها ويأذيها...بس اهي ماترد عليه ومعطته طاف...

يوسف وسجى:للحينهم مخطوبين بس سجى موقادره تنسى سعود...اول مايتزوجون اعطيكم خبر خخخخخ

فرح وبدر:عايشين حياتهم ومستانسين وصار عندهم توأم ولد وبنت.."ريماس و ناصر"

محمد وميس:خطبها مره ثانيه وانشالله زواجهم قريب بس ادعو ان الله يفكها من مشاري ومايسوي لها سالفه يديده

فجر:مافي شي يديد عليها عايشه حياتها دراسه ووناسه على قولتها هههه

و لكل اللي سألو عني اذا معاهم او لاء...ترا انا مو شخصيه معينه..بس دخلت بعض الشغلات اللي صارتلي بشخصيه ميس واهي هم صار معاها نفس الشي.. وانا كنت معاهم بالصج بس مادخلت نفسي لان حسيت انه ماله داعي...كل الاحداث واللي صار صج ماألفت شي من عندي...

وبالنسبه حق المفاجأه...

اول وحده بعد شوي تشوفونها لووول والثانيه اني يمكن ابيع النص على احد القنوات عشان يعرضونها مسلسل بس ابي تصوييت موافقين ولا لاء لان امي شجعتني على هالشي بس ناطرتكم...

والثالثه بعد هم تصويت اذا كنتو تبون جزء ثاني للروايه او روايه يديده بس موخيال طبعا راح تكون حقيقيه...لعيونكم حوووبي فدييتكم
بأياديك مكتول
كلمه اخيره...

لكل اللي تابعو روايتي اتمنى انهم ياخذون العظه والعبره منها من شخصيه ميس مع مشاري..لان هالنوع الحين وايد منتشر وانا قاعده اشوف البنات واللي قاعد يصير..ديرو بالكم ترى هالسوالف اخرتها خراب بيوت ومحد الخسران غير البنات للاسف..

وثاني شي..حبي الحب مو عيب..بس اختاري الشخص الصح..و اهم شي انج ماتوهمين نفسج بحب تظنين انه من طرفين وبالاخير تنصدمين مثل ماصار مع سجى وسعود....

اخر شي والاهم..لاتثقين بأي احد لو منو يكون..حتى رفيجتج واقرب الناس لج ممكن انها تغدر فيج..لاتفقدين الامل الدنيا ماشيه و مراح نعيش غير مره وحده....لاتيأسون ولا تتضايقون ضحكو للدنيا تضحك لكم..
وراح ابتعد عنك على قدر الامكان
و قبل لااودعكم بس حبيت اشكركم مره ثانيه على تشجيعكم لي وعلى ردودكم الحلوه والله اني كل مااشوف ردودكم استانس واتشجع و صج صج احبكم وايد والله شاهد على كلامي...


::.
سوري طولت عليكم..احبكم و راح اشتاقلكم..انشالله ماتقاطعون و اشوفكم على خير بروايه ثانيه..مع السلامه ومبارك عليكم الشهر اقين:tek:


صــور شــخــصــيــات انـا مـعـكـ,,بـس قـلـبـي مـع غـيـركـ....

[/url][/IMG]


للتواصل هذا ايميلي..

[email protected]
​

 

[ღ TőOőma ღ]

تسلمين توما حبيبتي لاتردين علينا الحين نبي البــارت


والله ماقدر اصبر عفيه نزليه الفير

هههههههههههههههههه نزلته حوبي:ggdw:

فديتج ممممواااح

 

[$*تميميه*$]

<<<< فيها النووووووووم بس ناطره

 

[ღ TőOőma ღ]

السلام عليكم و مبارك عليكم الشهر .... انا اليوم بديت اقرا هالقصة و وااايد حلوة و اسلوووبج حلو و سلس و ايشووووق هم (مشاالله) بس من اول قريت القصة الثانية اللي كتبتيها عن فاطمه و سارة مووو حلوة مثل هاذي ... اصلا ماكو مقارنه هاذييي عشر مرات احلى و زووود هم ... انا واصله صفحه 50 لي الحين بس حبيت اعلق و ارد اكمل باجيها ... يعطيج العافيه

حبيبتي الروايه هذيك ناقلتها موانا كتبتها :eh_s(6):

وتسلميييين يياااا عمري فدييييتج امموااح:eh_s(6):الله يعافيج ونورتيي حدج:ggdw:

 

[ღ TőOőma ღ]

مرحبا توما احب اهنيج على ابداعج بصراحة انا كنت ناطرة اقرا اخر صفحة بعدين اشارك ويصراحة نتشرف بوجود عضوة بالمنتدى مبدعة مثلج خاصة اني استشفيت صغر سنج من الرواية يعطيج العافية وكنت حابة تنتهي القصة قبل رمضان كل عام وانتي بخير 000ناطرين البارت الاخير

وانتي بخيير حبييييييييييييييبتي والله فديتج احرجتيني:eh_s(6):

ومشكووره حدج من ذوقج هذا نورتي حووبي:ggdw:

الله يعافيج وماقصرتي امموااااااااااح

 

[ღ TőOőma ღ]

هع حياتي توما بس بغيت اقولج كل عاام وانتي بخييير
ومبارك عليكم الشهر حباايب

وانتي بخييير حياااتي وعلينا وعليج انشالله:eh_s(6)::eh_s(6):

 

[ღ TőOőma ღ]

ياااااااي تومااا مااااااابيهااااا تخلللللللص ماااايصيير مااتخللللللص>>>>مينونه مااعلي شرهه ترىى خخخخخ

بس صج صج عيشتيناا جوو مووووصج وناااااسسه :eh_s(6):

وبتكتبيييين بعد وااي فدييييييتج اي عفيييييييه لان صج ابي اقراااالج بعد

ولا تخلييييييين هالموهبه بس ع النت فديييييتج

اممممممم بماا انه جم وحده قالت انج شخصيه من شخصياات الرواايه اناا بعد بقووول خخخخخخخخخ

احسسس انج دلااااال

ونبي نشووووفلج عماا قرييييب>>>>حلواا هذي

مسلسل او كتاب انشالله :eh_s(6):

حياااااااااااااتي والله فدييتج:eh_s(6):اذا تبون بعد روايه من عيوووني فدييتكم حووبي

وصج صج احرجتيني وفديتج واحبج حدي اممواااااااااااااااااااااااح ومشكوووره حدج بعد:ggdw:

و انا اقوول اممممممم لاء مو دلال خخخخ

وانشالله قلبي انا فكرت بهالشي بس ناطره تشجيعكم:ggdw:

 

[ღ TőOőma ღ]

امبييييييييييييي الله يستر على ميس خفت عليها والله

بس جد البارت عجييييييييييييييييب كفو سعود برد جبدي لانه لو اهوا مو طاقه جان انا رحت و عفسته ههههههههههههههههههههههههههه

بس عسى ماتصير له عاها بريله مو قال الدكتور لازم يريحها تكفين لاتخلين يصير فيه شي

ههههههههههههههههههههه انشالله حوبي خخخ

وانتي العجييبه فدييتج والله:eh_s(6):

 

[ღ TőOőma ღ]

هاااي ... ابي القصه عجيبه بكل معنى الكلمه ..

حبيبتي توووما .. بس عشاان تعرفين >> ترى انتي مبدعه >> جنهه يديده عاااد

لأ من صجي .. و الله قلبي تقطع على ميس احسها خووش بنيه و ما تستاهل الي قاعد يصير فيها !!

ابي لو تدرين شكثر ينيت لمن قلتي بتحطين اصورهم الحقيقيه ؟! و الله قعدت اناجز من الفرحه .. هههه بس بعدين استوعبت انج بتحطين بس شخصيات تشبهم .... بس هم وناااسه .. واااااااااااااي مووو مصدقه

و انا اقووول انج دلال .. مادري بس عندي احساس انج هي !

مو قادره انطر لي البارت الأخير .. بليييييييز قولي متى بتنزلينه ؟؟! و الصور بعد؟؟ .. نبي نشووفهم بسرعه ..و طبعا نبي نعرف منو اهما الشخصيات الحقيقيه >>>> ابي جنه زاادت طلباتي ؟؟ بس يله تحمليني

و تسلم ايديج حياتي .. اموووووووااااااااااه ..

فدييييييييييتج والله

حبييييبتي انتي العجيبه والله فدييتج نورتي حدج:ggdw:

والله يعااافييج حوووبي وثااكيووو وتسلمييين وفدييتج وانا بعد احبج امموااااااااااااااااااااااااااااااح واخذي راحتج :eh_s(6):

 

[ღ TőOőma ღ]

3fyaaa toma wainch wallah ga3da blbait ma 6l3t 3shanch abi agra ilpart yla 7ubi anti 5l9i bsr3a amwaaaaaaaa7 adri ga3den n'9'36 3lich bs shno nswe hathe akthr 89a andmjt feha 7ta gmt a7lm feha al7en mno elle ra7 e9k 3la 89tch akeee m7d yla 7ubi tra waid 6wlti

حياااااااااااااااااااااااااتي والله فديييييييييييتج:ggdw:

 

[SoOsOoTi.96]

حلوه بس ما فهمت النهايه :eh_s(1):

تمـــــــــــــــــت

 

[ღ TőOőma ღ]

اختي القصه خطيرررره

و الله انه هذا القصه ثاني احلى قصه عندي ...~~

حبيبتي والله من ذووووقج فديدييتج حدييي:ggdw:

نورتي حووبي بس شنو اول احلى قصه عندج>>لقافه خخخ

 

[MeeMeeYoo_2]

واااااااااااااااااااااااااااو

يعطيج العافيييييييه تووومه

صج صج عجيبه قصتج

ولج مستقبل

وبصراحه صج وانا اطالع الصور طلعوا نفس الي انا متخيلتهم :| لوووووووووووووووول

وانا اصوت انج تسوين جزء ثااني
وتعرضينها

راح نشتاقلج توومه

فدييتج حوووووبيييي << تعاديت منج

 

[ღ TőOőma ღ]

عااااااااااااااااااااااااااااااشت تووووووووما
عااااااااااااااااااااااااااااااااااااااااااااااااااااشت تووووووووما
عااااااااااااااااااااااااااااااااااااااااااااااااااااااااااااااااااااااااااااااشت تووووووووما
لايوقف لايوقف
ناطرينج حبوبة وراح افقدج والله فديتج ومبارك عليج الشهر وعلى كل الي يتابع القصة اقولكم مبارك عليكم الشهر

وها عاد صايمين ولا زي كل سنة؟؟ >>> لووووووووووول

ناطرينج فديتج يا احلى كاتبة وان شاء الله النهاية سعيدة يارب

ههههههههههههههههه حيااتي يسلمووو فديييتج

وعلينا وعلييج حووووبي والله انا بفقدكم اكثربس شنسوي بعد دوونيا خخخخخ

اممموااااح احبج

 

[MeeMeeYoo_2]

وعلى فكره
ترى محمد جميل
احم :$

لوووووووووووووووووول


ومبارك عليج الشهر