البارت التاسع والعشرين ..
بالأمس دورك تجرح واليوم دوري.. باخذ بثاري منك والبادي أظلم
لو تبجي عمرك ما تحرك شعوري.. ما التفت صوبك لو عينك تهل دم
قــــصـــر على هالاغنيه .. وقال : ههههههه اذكرني هالاغنيه فيها الجلبه .. ما يندرى شتسوي الحين .. خل ادق اغثها شوي ..
مسك تلفونه يدق .. بس ماكو رد .. دق مره ثانيه هم نفس الشي .. دق مره ثالثه ولا يطلعله الجهاز مغلق!!
اســـتــــغـــرب ..
حمني رفع حواجبه : يــنـــت بنت ال*** والله يا روان هالحركه ما اطوفها لج .. نطري بس خل اشوفج و انا اعلمج ..
علا على الاغنيه الي كان يسمعها و كمل طريجه ..
طول ما يسوق باله مو معاه ماكان منتبه على الشارع كان باله كله بروان و شقاعده تسوي و ليش ما ترد ..و يخطط و يفكر بس شلون بآذيها ..
كـــــــــــان دايـــــــس حده .. مو حاس بعمره .. مو قاعد يشوف العداد واصل جم ..
شـــــــــــــــــوي ..
ولا يشوف انه الشارع واقف و اهوا دايس ..
يبي يخفف السرعه بس علق البريك !! مو قادر يتحكم بسياره ..
قـــــــــرب صوب السيايير جان يلف السكان ..
ويــركب فوق الرصف .. و ادش كل سيارته بالشره ..
--
طلعو من البيت وكل وحده اعصاابها تلفت من التفكير والتوتر
روان اول ماطلعت من اسوار البيت صرخت بعصبيه : شنوو الحل الحين حق هالمصيبه
اريج : مادري روون لا تعصبين خلينا نفكر على ما نوصل
روان : برووح اهددهم بجم كلمه وماردهم بيعرفون ماضينا انا وياج وبيخافون عيال ال****
اريج :بس رووون ترى السالفه مو سهله !! احنا بندخل شقه بنهدد بالله يالنا واحد يثل وشالنا وين نفتك منه .. انتي اذا حمني ماقدرتي تفتكين منه
روان لفت عليها وبنظره حاده :اريييييج لا تحنجين على السالفه .. رايحه و راده عليها خلاااص انسي
اريج : الموضوع سهل بعينج ؟
روان : اييي سهل
اريج : معصبه عشاان البقره اختج بس ماعصبتي عشاان روحج
روان : اريج انا غير واهي غير انا بالحالتين ماكنت راح اكمل حياتي مع واحد واتزوج لأنه سمعتي زباله بس اهي لاا سمعتها نظييفه وانا ما راح اخليها تتلوث !! انا ضعت ما راح اخلي اختي تضيع بعد
اريج : اختج ضااعت وخلصت
روان بعصبيييه زاايده اول مره تشووفها اريج بهالحاله : ارييج و ربي اذا ما سكتي الحين وفكرتي عدل بنزلج بالشارع و انا ما راح اتخلى عن اختي !!!! انا ضعت لأنه الكل كان ضدي ومحد معاااي !!! وكملت بضياعي هذاا .. بس اختي ما راح اخليها تكمل بهالطريج لأنه مالقت اللي يردها حق الطريج الصح .. وخلاااص انتهى الموضوع .. وبصرخه طلعت من اقصااها مابيي اسمع ولاا شي منج
اريج سكتت واهي تكمل بتفكيرها حق حل ..
اريج فجأه تكلمت : لقيتها
روان : خلصي شنوو
اريج : ندق من اي رقم بالشارع اي احد على المخفر ونبلغ على الشقه واذا انصاادو ما راح يفكرون يسوون شي و يسببون الفضايح حق روحهم اكثر
روان ابتسمت: حلووو بس شلون نضمن انه ثلاثتهم داخل
اريج : سهله ندق على اماني نقولهم تكلمهم وتتاكد انه ثلاثتهم هنااك عشاان تيي وتخلص من اللي يبونه وتاخذ اللي تبيه
روان : مادري شكنت بسوي لولا افكارج
اريج : طييييري جنج نسيتي افكاارنا ومااضينا الاسود
روان ضحكت بعز ضيقتها : ههههههههه حماره يلا دقي على اماني
اريج : كا قاعد يرن .. الو
اماني بصوت مو طبيعي : هـ..لا
اريج : اماني حبيبتي سمعيني و ركزي معاااي
اماني مو مستوعبه بس تصرخ : ييبييلي الحبه يييبيييهاا مو قادره اتحمل اكثر
اريج صرخت : امااني
اماني سكتت
اريج : دقي علييهم تأكدي انهم ثلاثتهم هنااااك قولي انج بتتأكدين قبل لا تيين سوي اللي قاعده اقولج عليه عشاان اييبلج الحبه يلاا
اماني : اوكي وسدته على طول ودقت على غاليه
بعد 5 دقايق ..
اريج بطلت مسج وصلها وابتسمت : روون نزلي هالبقاله ودقي .. ثلاثهم بالشقه وغمزتلها
روان : بس جذي ما راح ابرد جبدي خليني انزل زين يمكن عندهم فيديو الشرطه راح تقلب الشقه فوق تحت !!
اريج : رووااان خلصي رووحي دقي لايكون مصدقه انه عندهم شي ؟؟
روان : اييي اكييد عندهم
اريج : ياابقرهه الصبي انصدم بوجودها وبعدها اغتصبها شلوون جهز كاميرا وحااله واهوو اصلاا مايدري بوجودها
روان : يمكن مثل
اريج : ليش بيخاف من بنيه واصله لي الشقه عنده ؟ صرتي تفكرييين مثل اماني وجنج نسيتي المااضي كله ونسيتي هالسوالف وشلون اللعب فيييها
روان سكتت
اريج : ليش حمني ماهددج بالحجي بس ؟؟؟ لأنه يدري ما راح تصدقينه !! اللي عنده شي يقدمه موو يخشه ومايستفيد منهه !!!!! نزلي ولا تدرين شلونن انا اللي ناازله لا تتحركين ياويلج!! ونزلت البقاله اللي يم العماره ..
روان تمت بالسياره تفكر واهي تطالع العمااره وتطالع البقاله وتشووف ساعتها .. خايفه ماتدري شتسوي تمت تقلب حجي ارييج وتقنع روحها فييه
دقيقتين .. 3دقاايق .. 5 دقايق وطلعت اريج من البقاله واهي تبتسم
مشت بخطوات سريعه وركبت السياره : رووون حركي
روان تحركت بعدت عن العماره بس مو واايد عشان تقدر تشوف الوضع ...
ظلو ساكتين بدون اي كلمه بس كل وحده عينها عالعماره ... بعد مده وصلت الشرطه
روان نقزت من مكااانه : يارب سترك يااارب !!
اريج : بيصير كل شي مثل مانبي
روان : يارب يااارب !!!!
روان كانت حييل خاايفه على سمعه اختها ونست انها مثل وضعها...!!
روان : نلحقهم لي طلعو ؟!
اريج: لاا مانبي نييب شبهه حق روحنا خلينا بعااد عن الساالفه ..!
روان : زييين وشلون نتأكد اذا بيطلعون سالمين ولاا لأ ؟
اريج : من معاارفنا بابا
روان تلعب بأصاابعها : طولو فووق معقوله ماشاافو شي ؟؟!
اريج : نطري شحاارج ماردهم بينزلون مع هالزبااله
انهت جملتها مع طلعة الشرطه واهم مااسكين بنتين وصبيين ...
اريج : هذيل؟
روان : اتوقع على قولتج كل شي ببين وحركت سيارتها و ردت البيت ..
-----
دخلت عليها .. اول ما شافتها فزت
اماني : ابي الحبه
روان لفت ويها : موضوع انحل ومحد يقدر يضرج الحين
اماني حقرتها : ابي الحبه
روان اشمئزت منها واهي تشووفها تحكك جسمها بطريقه تلوع جبد الواحد
اماني : ابي الحبه
روان عورها قلبها على اختها بس قالتها بلا مبالاه : ماكوو حبه واشوفج تطلعين من الغرفه وخل اهلج يدرون عنج ومشت عنها واهي تدوس على روحها
اريج صادفتها عند الباب : شصار ؟
روان : مو مهتمه بس تبي الحبه !! لو عليي اييبلها و لا اشوفها ضعيفه بهالصووره بس ما اقدر اضرها
اريج : بس تضرين روحج عادي .. ابتسمت بحزن على وضع روان ومشت عنها
روان تضايقت اكثر خذت نفس وراحت غرفتها بدون لاا تقول اي شي ...!
----
الــــــســــــااعه 12 بليل ..
بندش غرفة شخص ..
كان قاعد بزاويه بالغرفه و يحك جسمه حيل .. لدرجة انهها كانت تجرح عمرها .. تحك صوب خشمها .. رقبتها ..مهيه قادره توقف هالحك..
--:اووووووووووووف بس تعبت الحين ماكو احد آخذ منه هالحبه ..خلاص انتهيت انا من بعد شيما و غاليه .. لو مو قايله حق روان جان قدرت آخذ الحبه و ارتحت .. آآخ شسوي ياربي .. طحت بورطه ماقدر اطلع منها .. اروح حق منو .. لو بروح حق روان بتحبسني و ماراح تخليني اسوي شي و بتزيد عليَ الحاله ... آآآآآآخ
قامت تبجي و اطق راسها بطوفها حيل .. هسترت ..
قامت من مكانها و فتحت باب غرفتها نزلت من الدري مثل السكرانه .. وصلت ليه باب الي يطلعها من البيت و اطلعت .. اطلعت من البيت حافيه !! بدون لا تلبس بريلها جوتي او نعال او آي شي.. كانت شبه مينونه .. الحاله لاا يتها اتنسيها كل شي..
وصلت ليه عند سيارتها .. ركبت السياره ..
و بدت تسوق .. كانت تسوق بطريقه جنونيه .. تسوق ماتدري وين بتروح .. بس تبي اطلع حرتها بسياره .. كانت تصرخ و تبجي من الآلام الي بجسمها .. ومع كل صرخه تضغط ريلها على البانزين حيل ..
كانت تمشي يمين يسار ماكو جهه محدده .. والناس اطقلها هرن بس محد يهمها اهيا مو بواعيها .. مو مركزه كلش عل طريج .. ولا قادره تمسك السكان .. ايدها منمله خلاص مهيه قادره تمسكه ..
هدت السكان و خلت السياره بروحها تمشي و للحينها دايسه عل بانزين ..
فــــــــــجـــــــــــأه ..
لفت سيارتها و دشت بالشبه !!
الوضع بسياره صار هدوووووء .. صرخاتها وقفت !! كل شي بسياره صار ماله صوت !!
الناس انزلت من سياييرها .. راحت صوب سيارة اماني .. لانه شكل السياره يخرع .. من جدام كلها راحت و داشه بالشبه بطريقه تخلي الواحد قلبه يفز من يشوف السياره ..
الكل وقف يطالع السياره .. ناس حاولوا يفتحون الباب يطلعونها بس ماكو الباب منخفس !!
دقوا عل اسعاف و يت طلعتها غصب !!
كانت جثه بس مشوهة الملامح !!
---
شنو ممكن يصير بعد فيه شي ما صار .. ؟!!!!
أكيد في وااايييد أشياء ماصارت تابعوا و بتعرفون شبصير أكثر!!!!
