~{..انسى لجلك هالجروح..}~

[BRoNZ GiRL]

up up ... waiting 7yatii

انشالله شوي وانزل البارت :eh_s(7):

ايييييييي حرام يمكن اريج تتعلق بأسامه بس اهيا اوعدته انها ماتتعلق فيه ولاتحب اكثر
ويااعيني على روووان انشالله توب بس اذا تابت حمني راح ينتقم منهااااااا وياخذ حقه منها واااي روان شريرة

هلا والله
امم ماتدرين شراح يصير .. تابعينا وانشالله بتعرفين ..
مشكوره عالمتابعه حبيبتي .. نورتي :eh_s(7):​

 

[BRoNZ GiRL]

الــبـــارت الـــســـادس عشــــر ..
​

بــعــد اســـبــوعيـــن

الـــســاعـــه 12 بليل


كانت قاعده بغرفتها و تصرخ من عوار جسمها .. بــردانه تــرجــف مهيه قادره تقوم ولا تسوي شي .. لامه روحها حيل و تحك جسمها .. سواد تحت عيونها .. تبجي .. تحاول تخفف العوار بانها تحك جسمها حيل حيل حيل .. لين ما حست انها بدت تجرح روحها باظافر ايدها .. مستغربه من نفسها .. و من الحاله الي يتلها فجأه .. مو عارفه شفيها .. ضلت تون تون .. لين ما قطت روحها على الفراش و من كثر البجي و صريخ تعبت و غفت من دون ما تحس بعمرها ..

--

كـــانت قــــــاعــــده بـــحـــديـــقــه بـــيـــن الوررد و الزرع
كـــــل شــــي حــولـــيــنــها لـــونه اخضر .. والوروود ملونه ..

كانت جـــمـــيــله لابسه نفنوف كله الوان مفرحه ( احمر .. وردي .. اصفر .. اخضر .. برتقالي ..)

كانت مبتسمه و الابتسامه ما فارقت ويها .. والجو حلووو كان المنظر حلووو

فــــجــــــاه

انقلبت الدنيا رفعت راسها شافت السما انملت من الغيوم .. و بدا المطر ينزل .. و الهوا صار قوي ..

شـــافــت شـــي يايها من بـــعــــيد .. خـــافــــــــــت

يــــت بتقوم بس حست مثل شي ماسكها مو مخليها تقوم ..

هالشي كل ماله و يقرب .. يقرب يقرب .. لين ما بدت ملامحه توضح

شافت قطوتين سوود شكلهم غريب كانوا قطاوه بس بس راسهم يشبه راس الانسان

كانوا بالضبط بشر بس على هيئه قطاوه !!

قربوا صوبها و اثنينهم نطووو على راســـــــــــــــــهــــــــا!!

و بدوا يشمخونها .. يعضونها .. عذبوووها !!

--

صــــــــــــــــــــــــرخــــــــــــــــــــــــــــــــــت

---: يمااااااااااااااااااااااااااااااااااااااااااااااااااااااااا ..

دخــــلـــــت عـــلـــيها امها بما انه غرفتها يم غرفة امها بالضبط فتسمع صوت صرخيها ..

الام : يما اماني شفيج .. و قربت صوبها لمتها

اماني لمت امها حيييييييل : يــيــما حلمت حلم غريب ..

الام : تعوذي من ابليس يما هذا كابوس ..

اماني : اعوذ بالله من الشيطان الرجيم .. اعوذ بالله من الشيطان الرجيم .. ( و بدت ترجف )

الام : شفيج يما ترجفين .. كلها حلم لا تخافين

اماني اطالع امها و الخوف باين بعينها ..

الام : خل ايبلج ماي

اماني : لا يما لا تروحين و تخليني ..

الام : ويه لا تحاسيسيني انج ياهل

اماني : اووه يما بيي معاج ..

و قامت راحت مع امها بس بالها مع الحلم للحين تذكره .. طول عمرها تحلم احلام تخرع بس ماتدري ليشه الحلم وايد أثر فيها و خافت ..

--
≤قلبي حيران مهو بعارف اذا حبك ولا هوو تعود عليك ..؟؟ ≥


بـــنـــفــس الـــبـــيـــت

بـــس غـــرفــــه ثـــانــــيـــه ..

كــــانــــــــت مــــــــــنـــسدحه على الفراش و عيونها على السقف تفـــكـــر ..

--" انا اللي قاعده اسويه اكبر صح انتي ماغلطتي ابتسمي وحمدي ربج انج قدرتي تتعدلين هذي البدايه وانا متأكده بكون احسن من الكل وبصير انسانه ثانيه ...."

قـــــطــــــع عــــــليها تلفونها رن و كان المــــتــــصـــل >>

--: هلااااا روان

روان : يالخرا يا اريجو وينج انتي ها ها .. متى بتيين هاا ؟

اريج : ماني يايه راسي مصدع و حاسه اني مسخنه باخذلي شور سريع و بنام ..

روان : ويييه بعد قلبي شفيييج صخلتي من شنو مسخنه

اريج : أيا حيوانه انا صخلتج ..

روان : كاك زين شفيج صج

اريج : يمكن ماخذه برد عادي يبا باجر يخف ..

روان : عاد الجو اليوم اهني عجيييب و يوو هوامييير لو يايه بس جان طيحتيلج جم واحد

اريج " بلعنه تلعنهم " : حلفي

روان : والله

اريج : مالت عليهم و عليج

روان : افا انا شكو ..

اريج : اووووش سندرتي راسي .. ذلفي روحي حق الجلاب الي اهناك

روان : لا بس شكلي برد

اريج : ليش تو الناس ما اعتقد هذا وقتج الي تردين فيه البيت

روان : اذا الحب انتي مو معاي شماله اقعد .. ترى والله يا بنت الكـــ** فاقدتج

اريج : ههههههههههههههه ادري ما تستغنين عني بس شسوي يالله باجر اروح معاج و يلا تعالي انا ناطرتج ابيتكم مشتااقلتج ياروحي

روان : لا تفلمين على راسي

اريج : ايه ايه ايه

روان : ويعي .. زين يالله مابي اطول عليج دشي غسلي جسمج و تلحفي عدل .. و انا شوي واييي

اريج : با بعد جبدي ووالله .. زين اوكييك يالله سلام

روان : سي يووووو ..

سدته منها و ردت تفكر ..

اريج " والله بديتي تجذبين يا اريج على رووون .. اوووووووه بس انام وايد احسن .. "

تلحفت بالكفر و غمضت عينها و حاولت توخر عنها الافكار الي تييها
--


بــــمــكــان ثـــاني بـــعــيد

كانوا ثنتين قاعدين مع بعض .. و كان محور حديثهم عن ..

---: تهقين بأثر فيها ..؟؟

---: افا عليج ما ايب شي انا الا و عارفه عنه كل شي .. و قبل لا اعطيها ياه سألت عنه

--: بس انتي تقولين يايبه اخف نوع اخاف ما يأثر

---: لا يبا صج انه اخف نوع .. بس قالوا يأثر .. بعدين ما اقدر ايبلها نوع قوي .. هالنوع ما ياخذ وقت وايد .. يعني بتيها الحاله بس بتروح بعد فتره .. لو بيلها القوي بطول وراح تتعب اكثر و يمكن اذا اهلها شافوها بهالحاله يودونها الطبيب .. بس الخفيف اهون شوي .. و ثاني شي لازم نخليها تتعود على شي خفيف .. بعدين نزيد الجرعه شويه ..

--: فديت مخ رفيجتي .. دارستها عدل

--: اعجبج ..

---: زين و بعد هالمرحله شبتسوين

---: ممو الحين اقولج خليها عليَ خل اوعدها على هالشي بعدين يصير خير ..

---: زين عندج ولاععه

--: اي هاج ..

بدت ادخن و تفكر بنفس الوقت .. تفكر بخباثه .. تفكر بهدم ناس مالهم ذنب بشي .. بس يا ترى شسالفتهم منو هذول !! .. ( كل شي ببين بعدين ) ..

--


بنوخر شوي عن هالمكان و بندش مكان متروس صبيان .. الي يصرخ والي يسب هذا .. و الي يسولف بسياسه .. دخلنااكم ..

--: هلااااااااااااااااااااااا أسامه زين ييتنا الدوانيه من زمان ما تنشااف

اسامه : بعد تعرفون اكثر وقتي شغل بس اليوم ماكو شي اسويه قلت امركم هالحزه اكيد قاعدين

--: اكيد السهره عندنا تبدا من 12 و فوقه حياك حياك اقعد

اسامه : الله يحييك .. ولف ويها شاف شخص قاعد راحله و سلم عليه ..

---: غريبه اليوم ياي

اسامه : شسوي بو فهد والله مال من قعدة البيت اذا قعدت فيه افكر واايد

حمني : بسك يبا لايكون تفكر بهذي الي تصيرلكم

اسامه : والله ماني قادر اشيلها من راسي .. صدعت راسي ..

حمني : انا بعرف انت مو تكرها حق شنو تفكر فيها ..

اسامه : تصدق انا مادري هالسؤال سألته نفسي اكثر من مره ولاني لاقيله جواااب ..

حمني : مممم غريبه والله .. يبيله والله افلع راسك بطابوقه يمكن تفقد الذاكره و تنساها

اسامه : كااااااااااااااااااااااك ماقولك لا .. تعبت من التفكير

حمني : ههههههههههه

و ظلوا يسولفون .. و ضحك .. بس حمني باله مو وياهم .. يفكر .. و كل دقيقه ...

اسامه : شفيك انت كل دقيقه تشوف تلفونك ناطر مكالمه من احد

حمني : بلللللل مراقبني عدل ..

اسامه : ههههههههههههههه لا والله اليوم وايد اشوفك اطالع تلفوننك فيك شي

حمني : ماكو الوالده تتعبانه فكل ما ايني مسج ولا اسمع صوت التلفون يرن احسب الوالده عرفت ..

اسامه : ايييه ماتشوف شر الوالده

حمني : الشر ما ييك حبيبي ..

حمني " والله لو تدري انه الي مخليني جذي شخص يصيرلك جان شسويت .. معقوله ما فكرت حتى ادق عليَ و تسأل عن غيابي .. لهدرجه هالبنيه صعبه وماني قادر عليها .. لا لا بقدر عليها يا انا يا انتي و بنشوف .. عزة نفسها بكسرها لها اسبوعين مادقت ماعندي مانع اطولها شهر اصبر شوراي مردها هالنطره وراها شي حلوووو و يريح بالييييي " ​

 

[BRoNZ GiRL]

طولنا البارت هالمره

انشـــاللــه يعجــبكـمـ ..
قــراءه ممــتعــه ..

ناطريـن توقعاتكم حق الاحدااث اليايه..
لا تحــرمـونا من ردودكــمـ .. :d​

 

[om sa3ad]

يعطيج العافية هذوال رفجاتي اماني اتوقع راح يأخلونها تدمن المخدرات وبعد هذا يستغلونها عشان يأخذون فلوس منها اريج ماادري شسالفته اسامة اهو بيده الحل روان خبلة حمني ضايع بين نارين نار الانتقام ونار الحب ويعطيج العافية

 

[6amni bs]

عااشت اريج انشالله توخر عن هالسوالف
روان انتي بس ؟ لي متى يعني
اتوقع في نآس مخططين ينتقمون منها غير حمني !
يعطيكم العااافيه
يسلمو عالبارت
ناطرين

 

[Gousha_19]

tislemeeeen 7yaaaaaatiii enshalla b3d il part ili wara a6wal ;p​

 

[bent.gaga]

Merce awy awy :b
W na6reenkom

 

[البارونه*_^رونه]

البنتين هذول رفيجات اماني نسيت اساميهم وناااويين نيييه قشره لها

وأسامه شكله بدا يحب اريج ومايبي يعترف لنفسسه لوول

والله يثبت اريج وان شاءالله تقدر تتغير

والفال لرووان يارب

ومشكورين

 

[بقايا قلب مجروح]

waiting waiting waiting

 

[بنكوووو]

Na6riin

 

[BRoNZ GiRL]

يعطيج العافية هذوال رفجاتي اماني اتوقع راح يأخلونها تدمن المخدرات وبعد هذا يستغلونها عشان يأخذون فلوس منها اريج ماادري شسالفته اسامة اهو بيده الحل روان خبلة حمني ضايع بين نارين نار الانتقام ونار الحب ويعطيج العافية

هلا والله .. الله يعافيج حبيبتي .. امم تابعينا وبتعرفين كل شي انشالله
تسلمين عالمتابعه عمري .. نورتي :eh_s(22):​

 

[BRoNZ GiRL]

الــبـــارت الـــســـابــــع عشــــر ...





​

≤قلبي حيران مهو بعارف اذا حبك ولا هوو تعود عليك ..؟؟ ≥


كــــانــــــــت مــــــــــنـــسدحه على الفراش و عيونها على السقف تفـــكـــر ..

--" شفيني انا ينيييت .. ليش قاعده احاتيه لا يدق عساه ما دق ولا سأل .. بس اخاف فيه شي .. لحظه انا قلت اخاف .. انا شكو اخاف عليه من هوا اصلاَ .. بس فيني لقافه بعرف ليش ما دق صارله اسبوعين .. آخر مره شقلتله صح انا دقرته و جنه سده بويهي .. بس ما قلت شي كيفه اهوا الظاهر زعوول و حساس زياده عن اللزوم مالت عليك .. بس اهوا من قبل كنت ادقره ماكان يسوي جـــ...."


اريج طلعت من الحمام واهي مبتسمه : صباح الخير
روان : صباح الورد صخلتي
اريج : اقووول جب جب لاا كف يعدل صماخج يابقره
روان : ههههههههههههههههههههههه حياتي موااااه
اريج بعبط غطت ويهاا : لاا استحي عيب
روان : كااااااااااااااك لا كلش موو لايق غييرهه
ارييج : هههه شفتي شلووون صرت استحي
روان : ايي صح صدقت
اريج : زين تعالي ماراح تداومين ؟
روان : لاا اليوم ماني مداومه توني رحت بلغت ابوي قلتله تعبانه
اريج : اممم ليش ؟ العاده تقومين متحمسه حق الدوام شصاير ؟
روان : لا ماكو بس مالي مزاااج ..زين انتي بتداومين ؟
اريج : امم لاا بسكب وياج .. شرايج نطلع نتريق من زمان ماتريقنا مع بعض
روان : توها 7 يابنت النااس عالـ 10 يصير خير اذا لي خلق
اريج : حيوانه .. زين انا بنزل اييبلي عصير اييبلج ؟
روان ضحكت
اريج : شاللي يضحك بابا؟؟
روان : لا ولا شي كااااك
اريج تنرفزت : بتقولين ولاا شلون ؟
روان : قولي بشووف اسامه قبل لا يروح الدوام ليش الطواله
اريج : هههههه لاا يبه بييبلي عصير ومره وحده بس مو معناته اني بنزل عشانه
روان : اقول اريج
اريج :هلاا
روان بصوت عاالي : طيييييييييييييييييري
اريج حذفت عليها المخده وطلعت ركض


وقفت واهي تشوفه يضحك عليها
اسامه : ديربالج لا تطيحين
اريج تفشلت : آآآ
اسامه : لا تقولين شي ادري انها متحرشه فيج
اريج : زين انك عارف اختك .. صباح الخير
اسامه : تو الناس
اريج : هههه شنسوي بعد
اسامه : ولا يهمج.. اريج
اريج : هلاا اسامه
اسامه : كملي اللي قاعده تسوينه وقلتلج انا معاج والحين فضيت كل اليوم بكون عالـ 11 بالبيت نقدر نقعد مع بعض وتنسين هالروحه
اريج " بكون معاه كل يوم : امم انشالله مشكوور
اسامه : ولو ما سويت شي ..
اريج : تسلم .. عن اذنك ونزلت بسرعه
اسامه ابتسم ونزل وراها ..



-------



توهم طالعين من محاظرتهم ..
و شي طبيعي طالعين يسولفون بصوت عالي و ضحكهم شايل المكان ..وكان محور حديثهم عــــــــن ..

غلوي : اقول يبا شرايكم نزرق شوي و نروح الضاحيه نييبلنا عصير و منها نقززززززززز

شيما : يالله ..

اماني : مو حلوو عصير الضاحيه شتحبون فيه

شيما : امشي معانا و بتحبينا

اماني : بيي معاكم بس ماراح اشرب ..

غلوي بقلبها " المهم تيين " : اي عادي يالله امشو لا نتأخر عندنا ساعتين بس ..

شيما: زين زين شفيج مستعيله مواعده الطيبه اهناك

اماني : هههههههههه الظاهر جذي

غلوي : لا وين عزوز مادري عنه امس كلمته و بس يعني مو مواعده يالله بس امشوو خلصوونننيييي

شيما : ههههههههههههههه يالله امشي بسيارتي ها

غلوي : شنو نوعج انتي شيوم شي طبيعي بسيارتج عيل بسيارتي الي بالبيت مثلاً

شيما : هههههههههههههههه ايه نسييت يالله امشوو

راحوا سيارة شيما و علووو عل اغاني و توجهووو ليه عصير الضاحيه .. اوصلوا اهناك و شيما و غلوي استانسوا وايد عل وضع لانه نص شباب الجامعه فيه و قعدو طبعاً يترززون جدامهم عشان يلفتون نظر آي واحد فيهم .. اماني قبل ما كانت تتقبل هالوضع بس الحين صار الوضع عندها عادي و صارت مثلهم تترزز ..

خلصوا طلبوا وركبوا السياره .." شيما و ااماني جدام و غلوي بروحها ورا "

شيما : اقول غلوي عطيني عصيري

غلوي : هاج .. جيكتو على الاسمراني

اماني لفت ويها : ايييييييييييييه حلوووو موو

غلوي: اووووووووووووووه اشوفج قمتي تقولين حلوو تبينه

اماني : لا مابيه الي يبيني ايني مو انا اييله

شيما : هههههههههههههههههههههههههههههه حلوه تعجبيني باسلوبج

اماني : افا عليج اضبطج

كملوا سوالف و ضحك ..

بس غلوي كانت ورا تفتح العصير و تحط شي .. فيه ..

غلوي : اقول شيووم عطيني اذوق عصيرج

شيما : هاج اخذيه ماقدر اعطيج و انا قاعده اسوق

غلوي خذته وقالت : امووون ما تبين تجربين والله ما تخسرين شي صدقيني ان شربتيه بيعجبج

اماني : لا يبا اعرف عمري ما احب هالسوالف حدي بيبسي سفن آب مرندا هالسوالف

شيما : وييع حدج قديمه

غلوي : شنو نوعج انتي من العصر الحجري شهالسوالف .. " خذت العصير ومدت ايدها لها " هاج هاج جربيه عشاني

اماني " خل اجربه شوي فشله " : زين والله بس عشانج ولا انا وين وهالسوالف وين

غلوي : ايه هاج جربيه و عيطينا رايج

اماني جربته اول شي عفست ويها بس بعدين عجبها : ممممممممم عجييب تصدقين

غلوي : شفتي قلتلج .. بالعافيه اخذيه آنا آكمل عصير شيوم

شيما : على كيفيج انتي تكملينه

اماني : لا يبا هاج اخذيه عادي اشربه مره ثانيه

غلوي تغمز حق شيوم و تحرك حواجبها معصبه : لا لا اخذيه

شيما : ايه امون يبا كنت اتغشمر شربيه انا ما اشرب عصيري اصلاً بس اشرب شويه تعرفين بعد اخاف امتن

اماني : كااااااااااااااااااااااااااااك تمتنين من عصير

شيما : يالله بس جب جب بلا طنازه ..

غلوي : صاجه امون تمتنين من عصير .. المهم ها شلونه للحين عاجبج

اماني : اووف فوق ما تتصورين والله حده حلوووووووووو

غلوي : نوعي هذا و نوعي اكيد حلووووووو ​

 

[BRoNZ GiRL]

سوري عالـتـاخيـر..
انشــالله يعــجبــكمـ ..
قــراءه ممــتـعهــ ..

ناطرين ارائكم و توقعــاتكـمـ ..
البارت الياي باجر بإذن اللهـ ..
​

 

[mss.86oo6a]

يسلمووووووووووووووووووووو على البارت الحلوووو
واااي الله يستر منهم
وروان يلا مصختها متى ادق على حمني

 

[bent.gaga]

Wee ghubra

 

[om sa3ad]

اعوذبالله من غلوي وشيوم والله يستر منهم وناطرينج

 

[toutiiii <3]

wee333 shymaa w ghaluy 7a8arah

bs sh76ww feeh bent 3ami ?

w thanks

 

[بيـــشو17]

امبي اماني بدعت ورااااحت فيهااا:eh_s(14):

ماقدر اعلق اكثر داااايخه اليوم كان عندي امتحان صدع راسي بنااام:ch12:
ونااطرينكم حبايبي بالبارت الياي[/SIZE]:eh_s(17):

 

[ZOZOWA.H]

انااا توني يديده الروااايه عجيبه و روان لا تعليق و اريج زين بتتعدل و اماني مسكينه نوعاً ما و حمني اخيييه اهوه و وليد
و تسلمين على البااارت ناااطرييينج

 

[غــلآهاا غير]

الباارت حلوووو يعطيييج العافييه ياقلبووو والله يستر على اموون من شيما وغلوي وثاانكس عالبارت