الــــــــــــــبـــــــــــارت الـــــــحـــــــادي عــــــــــــشـــــــــــــر ..
بـــكـــفـــتــيريا الــجـــامعه
كان صوتهم شايل المكان شيل .. و الكل يلتفت عليهم من كثر ما صوتهم عالي .. و آي آحد يمر لازم يخزهم لانه كانت اشكالهم تلفت النظر .. بس ماكانوا يعطون آي احد آي اهتمام همهم انه اهما STYLE و حلوين و مماشين الموضه .. و بنظرهم انه الناس اذا شافوهم فهذا فخر بالنسبه لهم لانه قدروا انهم يلتفون نظر هالناس ..
كانوا يسولفون بصوت عالي .. لـــيـــن صـــرخــــت ..
--: امبيييييييييييييييييييييييه نسيت تلفوني بالسياره ..
--: ههههههههههههههههه شنو نوعج شيوم زين قولي نسيت فوني بسياره نقوم نيبه كلنا ماله داعي تصرخين
شيما قالت بصوت واطي : شفيج امون لازم حبيبتي تتكلمين يهالطريقه ولا الناس ماراح تعرفج
اماني: ههههههههههههههه زين يالله يالله قمي خنروح نييب فونج
--: لحظه نطروني ما خلصت قهويتي
شيما : اوووه غلوي يبا امشي شربيها بالطريج .. صج CHEAP !!
غاليه : CHEAP بعينج .. يالله خلصوني امشوا ..
لــحــظــه !!
اعرفكم على شيما و غاليه ..
شيما و غاليه ربع اماني تعرفت عليهم اول كورس بالجامعه صادف انه اهما معاها بكذا كلاس و سوو قروب مع بعض بكذا presentations فصاروا حيل مع بعض .. و اماني من اول ما تعرفت عليهم حيل عجبوها مو عشان اخلاق .. لا والله عشان شكلهم بــس !! اي اماني يهمها تعرف على ناس حلوين ستايل و يكونون فاصلين .. شيما و غاليه نفس المواصفات بالشكل يختلفون بس بالاخلاق والاطباع و التصروفات يتشابهون .. اخلاقهم صفر !!! و اهم شي عندهم الفت النظر بـــس !! و وو .. ممم والباجي بتعرفون اذا تابعتوا القصه ..
وصلوا المواقف وين شيما صافطه سيارتها ..
فتحت الباب و خذت التلفون ..
غاليه : اقول شيوم لا تنزلين من السياره امشوا نقزز
اماني : و المحاظرات بسنا كله نكشت
شيما : يبا امون امشي امشي معانا والله كل شي بهالجامعه يمشي بالواسطه لا تخافين انا اضبطج
اماني : دام جذي يبا فوقه امشوا
شيما على طول طولت حده على الـ CD وبطلت دريشتها
اماني : اووه قصري شوي بطيتي اذني ترى
غاليه : جب جذي النااس تشوفنا اكثر
شيما شافتها وضحكت وطلعت من الكليه بكبرها ..
بعد فرااره دامت اكثر من ساعتين
اماني واهي ميته ضحك : عفيه رديني امي شخلتني كل شوي داقه
غاليه :وااي شدعوه اغوو دادا انتي؟
اماني :شدراني عنها المهم ردينا
شيما :اوكي ولا يهمج..
بعد ما قطت اماني عند سيارتها حركت على طول ..
شيما : اقولج هذي اماني شكلها غبيه
غاليه:بس حلوه
شيما : ايي هذا المطلوب وبنت فلوس يعني حدهاا سهله وماراح نلقى احسن منها خلينا نمشي معاها شوي شوي لا نستعيل عشان لا تخترب خطتنا وكل شي بيتم مثل مانبي
غاليه: ياكبير يا انته
شيماء :ههههههه افا عليج بس
----
بالقــهوه ..
قعد واهو يشيش ويطالع النااس ولايدري عن شي خلاص قدرت تشغل باله وماتطلع .. على رغم كرهه لها .. على كثر ما يستحقرها الا انه مايفكر الا فــيهـا..
حمني : اسامه شفيك اليوم كلش مو على بعضك
اسامه : آآخ بوفهد شقولك بس !
حمني: افا تتضايق وانا معاك نسيت انك اخو دنيا وما راح تلقى اللي يسمعك كثري
اسامه : تسلم
حمني : قول شفيك
اسامه : حمنوو وحده على كثر ما اكرها واستحقرها الا اني ما افكر الا فيها احس ودي اقطعها كل ما اشوفها اتنرفز منها ومن حركاتها المشكله اني عارف كل وصاختها ومزبلتها بس مادري ليش ما افكر الا فيها ... تخيل اليوم دخلت الغرفه عليها بعد ما سمعت صراخها الا المينونه جارحه روحها بزجاج بسبتي انا عفيه هذي صاحيه ؟؟ يننتني مو قادر استوعب هالبنيه من شنو مخلوقه !! ياعمي تناقض الدنيا كله فيها ولا اي ينون حب يخليها تسوي جذي
حمني " ماكو الا اريج هذي اللي تبقى ابيتهم : وانت شحقه حار عمرك ؟ دامها جذي تولي بحريجه ولا تهمك
اسامه : مو قادر اطلعها من هالراس .. الواحد مرات وده يسوي شي بس خلاص عقله يقوله لأ !!
حمني" مثلي انا واختك عقلي يقولي لاتخون صاحبك وتطعنه بظهره وقلبي يقولي ثار اخوك: والله مادري شقولك بس دامها جذي اتركها عنك وعدل مزاجك بالشيشه وخرى بالبنات كلهم ولا يهمونك تتضايق عشان زباله لا راحت ولا ردت ؟ياعمي انت اكبر من جذي
اسامه هز رااسه واهو متأكد انه الحجي اللي قاله مامنه
فايده بس ارتاح نسبيا انه قال حق حمني وطلع شوي من اللي فيه ..
اسامه :انا اشهد انك اخو دنيا ومحد سامعني غيرك
حمني ابتسم " انت مجرد حثاله مثلهم اخو دنياك يشكيلك وانت ودك تشكيله من نفسك انه بتخونه عشان اخوك و عشان تاخذ بثارك .. سامحني بس هذا دم اخوي مايروح هدر
!
