انخطبت بس خالتي تبي خطيبي!!

[loulie]

السلام عليكم


بنات انا وحيدة امي و ابوي متوفى "الله يرحمه و يغمد روحه الجنه"

فعايشين ببيت يدي و ساكنه معانه خالتي اللي مومتزوجه بنات انا حيل مع خالتي لانه ما عندي خوات و احنا ببيت واحد جنها وحده من بنات عمي كل شي اقولها

خالتي عمرها 39
وبعد جم شهر داخله فالاربعين و مو متزوجه يعني عانس و اهي الله ما عطاها جمال "يعني مو حلوة ولا حتي مملوحه"
و معاها شهادة رابعه متوسط ما كملت دراسه
مادري شنو تشتغل بالضبط بس تشتغل وظيفه بسيطه حييل يمكن ان ماخاب ضني سكرتيره
و اسلوبها شوي همجي يعني امم علي دفاشه تضحك بصوت عالي حيل و اذا انفعلت بالكلام تصارخ حتي مع الضيوف!!
و ستايلها كله داراريع عيايز حتي اذا يونه ناس تلبس دراعه ذربه شوي و ملفع اسود!!
ومكياجها المكياج القدييم اللي حمره فاتحه و محدد اغمج



المهم انا قبل شهر كنت مسافره مع عمتي و عمي و بنته فوانا مسافره دقت وحده علي امي " مره حببوبه كذه مره تزورنه " و قالتلها انها بتزورنا و علي قولة امي اسلوبها اسلوب وحده بتخطب
المره عندها ولد واحد يشتغل مهندس بترول و عمره 38 ف امي عبالها المره يايه تخطب خالتي و قالت حق خالتي و خالتي ستانست واايد ودقو علي قالولي و يشهد الله اني ستانستلها من كل قلبي
ليلحين كل شي اوكي
المصيبه لمن يت المره قالت وين فلانه ؟ "تقصدني" قالت ويه حسافه عاد انا اليوم يايه عشانها قالت امي عساه خير؟
قالت ولدي حمد شايف بنتج "الي هي انا" بامتحان قدرات و عجبته و خذه اسمها و بصدفه طلعت اعرفكم و انا يايه اخطب بنتكم لولدي وانتي قولي لعمانها و يدها خل يسئلون عن الولد و من هالمقدمات

طبعا خالتي من سمعت الكلام قامت وهي معصبه و خلت المره

و عقب 4 ايام انا رجعت و ما كنت ادري بالسالفه المهم
طيارتي كانت 1 بليل فعلى ما طلعنا من المطار و رحت بيت يدي "ابو ابوي الله يرحمه"
وييت بيتنا كانت الساعه 3 دخلت جان الاقي خالتي و قالتلي : هلا والله بالهايته اضن طيارتج الساعه 1 والحين 3 وين كنتي يال____ "بصراخ" وين كنتيي !!
من الصراخ قعدت امي جان تقول شفيكم و عادت خالتي عليها الكلام جان تقول امي هاذي بنتي انا و محد مسؤول عنها غيري لو سمحتي لا تدخلين و لفت علي جان تقول حمدالله عالسلامه يمه ها عسا ستانستي و دخلتني غرفتها جان تقولي كل اللي صار ويه المره و انه خطبوني و يشهد الله اني تضايقت لخالتي

مرت الايام و عمامي سألو عن اللي متقدملي و قالو عنه كل خير
و كلمتني امي كذا مره عنه و استخرت حسيت براحه غريبه


الولد مثل ما ذكرت بين بنتين و عمره 38 و يشتغل مهندس بترول و ما شاء الله ما يهد صلاته و مستواهم نفسنه فوق العادي

و انا ادرس بكليه الطب اخر سنه عمري 22
مابي امدح نفسي بس اللي متقدمينلي وايد و انا جميله حيل ف ليش اظلم نفسي مع واحد كبير و فوق جذي سالفت خالتي

بس انا حييل مرتاحه و اذا اسخرت حسيت براحه غريبه و عماني و خوالي حيل يمدحونه و امي طيبه حييل

انتوا شرايكم؟
بليز ساعدوني ؟






​

 

[Tom ♥ Jerry]

.


توكلي على الله و وافقي ؛*

 

[loulie]

.


توكلي على الله و وافقي ؛*

بس خالتي ؟​

 

[om-3azo-83z]

وافقي ولا تفكرين بالعمر هذا مو عيب و اذا على خالتج باجر تنسى لا توقفين نصيبج عشان سالفه تافهه

 

[Queen of Sadnes]

دام انه اهلج سالوا عنه وامدحوه وانتي ارتحتي الحمد لله بعد الاستخاره اقولج وافقي ومالج شغل بخالتج الموضوع صار فيه سوء تفاهم انتي مالج ذنب فيه وهي الله يرزقها بالزوج الصالح ان شاء الله

 

[فلنتينو]

استخيري

 

[غيدآء]

السلام عليكم

هذي حياتج اختي وانتي حره فيها !

واذا سوء التفاهم مضايقج ان شاء الله نصيب خالتج تلقاه بشخص ثاني وربي يعوضها!

وحتى لو تفكرين ومابي اظلم خالتج هذا الصج والحق ينقال يعني لو بتاخذ الولد اهي اكبر منه ومستواه العلمي ارفع من مستواها اهو يبي وحده من مستواه فا لا توقفين نصيبج علشان احد ثاني !

وعسى ربي يوفقج انتي وخالتج وترجع المياه لمجاريها روحي لها وكلميها !

 

[loulie]

وافقي ولا تفكرين بالعمر هذا مو عيب و اذا على خالتج باجر تنسى لا توقفين نصيبج عشان سالفه تافهه

دام انه اهلج سالوا عنه وامدحوه وانتي ارتحتي الحمد لله بعد الاستخاره اقولج وافقي ومالج شغل بخالتج الموضوع صار فيه سوء تفاهم انتي مالج ذنب فيه وهي الله يرزقها بالزوج الصالح ان شاء الله

مشكورين حبايبي عالرد
بس اهيا حيل متضاقيه و صايره علي اتفه الاسباب
تصارخ علي حتي بالزواره تقط علي نغزات
و قبل يومين خذت امي علي صوب و قالت اذا وافقت بنتج خليها تنسي ان لها خاله
والله اني بين نارين ​

 

[loulie]

استخيري

استخرت حبيبتي اكثر من مره و كل مره احس براحه بس اللي مخليني متردده خالتي و كلامها​

مشكوره حبيبتي عالرد:eh_s(7):​

 

[أميره قلبه]

توكلي عل الله ووافقي
صدقيني ماتحصلين هالنوعيه الي ملتزم بصلاته وغير هذا امه ينحط علي الجرح يبرا
صدقيني اللي متقدم لج علي طبق من ذهب ومو كل مره يصدف نفسه
وانتي استخرتي يعني وكلتي امرج لله وارتحتي لا تسألين البشر مدام وكلتي امرج لله

واذا علي خالتج لو انج ماوفقتي عليه بيخطبها؟؟ اكيد لا لانه جايج بالاسم لج انتي

 

[loulie]

السلام عليكم

هذي حياتج اختي وانتي حره فيها !

واذا سوء التفاهم مضايقج ان شاء الله نصيب خالتج تلقاه بشخص ثاني وربي يعوضها!

وحتى لو تفكرين ومابي اظلم خالتج هذا الصج والحق ينقال يعني لو بتاخذ الولد اهي اكبر منه ومستواه العلمي ارفع من مستواها اهو يبي وحده من مستواه فا لا توقفين نصيبج علشان احد ثاني !

وعسى ربي يوفقج انتي وخالتج وترجع المياه لمجاريها روحي لها وكلميها !

مشكوره حبيبتي بس علي قولة امي خالتي ما فيها صفه حلوه فمستحيل تتزوج و هالكلام خالتي قايلته بلسانها
عشان جذي انا افكر اني ارفض هذا و اكيد غيره بيتقدملي ​

بس ليلحيني متردده​

 

[loulie]

توكلي عل الله ووافقي
صدقيني ماتحصلين هالنوعيه الي ملتزم بصلاته وغير هذا امه ينحط علي الجرح يبرا
صدقيني اللي متقدم لج علي طبق من ذهب ومو كل مره يصدف نفسه
وانتي استخرتي يعني وكلتي امرج لله وارتحتي لا تسألين البشر مدام وكلتي امرج لله

واذا علي خالتج لو انج ماوفقتي عليه بيخطبها؟؟ اكيد لا لانه جايج بالاسم لج انتي

ونعم بالله مشكوره حياتي علي ردج
توها امه صاكته من امي تقول طولتوا بالرد امي رقعتلي لان السالفه صايره من شهر تقريبا بس خلاص علي هاليومين بردلهم خبر
مشكوره مره ثانيه ;*​

 

[فلنتينو]

استخرت حبيبتي اكثر من مره و كل مره احس براحه بس اللي مخليني متردده خالتي و كلامها​

مشكوره حبيبتي عالرد:eh_s(7):​

خلاص توكلي علئ الله
وخالتج الله يرزقها

 

[frozntouch]

وااي بصراحه احس خالتج تخرع و بتسبب لج سالفه
وبعدين النصيب من الله ايي و المفروض تتمنى لج الخير انتي بنت اختها
واذا علا سالفه الخطيب انتي اذ حاسه انج مرتاحه له وتبينه توكلي على الله و ماعليج من خالتج واهي الله يرزقها بواحد غيره

 

[ترانيم القصيم]

أنتِ استخيري و إذا ارتحتِ وافقي يا الحبيبة الطيبة ,, أنتِ ما لك ذنب بالموضوع و الولد من الأساس حطّك أنتِ في باله

فهو يبغاك أنتِ ما يبغى غيرك ,, و أمه كانت واضحة في موضوع الخطبة و قالوا يبغونك أنتِ ,,

و عسى ربي يرزق خالتك الزوج الصالح و يعوضها خير يا رب ^_^

بس استخيري يا قلبي ,, إلا الإستخارة لا تخلينها ,, ^^

 

[ترانيم القصيم]

و الوالدة الله يحفظها ترى غلطت لمّا عشّمت أختها و قالت الناس جايين يخطبونك ,,

ليتها تريّثت شوي و ما استعجلت ..

هي ما تقصد أعرف ,, بس لازم نتعلم درس من آللي صار ,, و ما نستعجل

بارك الله فيكم ^^

 

[جيرازksa]

الله يسخرلك طريق الخير يارب

 

[frozntouch]

وبعدين كسبو اجر في خالتج لبسوها ومكيجوها وخلوها تغير من ستايلها
عشان حتى اهي ايي لها النصيب انشالله

 

[سنافيه91]

نصيحهه لووجه الله

وافقي و خالتج بينت على حقيقتها لوو انها صج تحبج و تغليج كان ماعاملتج جذي مفروض تفرح لج و تجيبلج كيكه
بهالمناسبه الحلووه موو من جيتي من السفر قاااعده لج قعده لي فجر من حبها لج لااا من حرتهاا و غيرتها
اعوووذو بالله الله يهديها و لاتقولين انا صغيره و حلوه و،شهادتي قويه و كل يتمنالي تراااا حتى اللي تقدمج كل يتمنوونه
ماعليح من خالتج وااافقي وااافقي وخالتج اذا لها نصيب ابيجيهااا لاتخافين

 

[Om_Ksha]

الله يوفقج ياااارب انتي وافقي وشوفي الولد وكلميه .. وصج ليش اهو تأخر بالزواج ؟!!

وخالتج الله يهداها ليش كل هالحقد !! الرازق رب العالمين ,, ياما ناس تزوجو بالاربعين فماتدري متى نصيبها ..

انا احس حتى لو رفضتي عشانها هم بتم معاملتها جذي وحتى لو خطبج بعدين احد غيره بترد تحقد وتطفرج فانا اقول توكلي عالله ومالج شغل باحد محد بياخذ نصيب احد .. اهم شي الاستخاره والله يوفقج ,,