انجبرت فيك وما توقعت أحبك وأموت فيك ((رومانسية جريئة من قلب))

[admant_7abk]

يسلموو ع المتاابعه

وسوري ع التأخير

دقايق وينزل البارت

 

[admant_7abk]

.. البارت الخامس ..






سعود صار يناظر بصدمه في التلفون إلي مو واضح عدل من الظلمة .. ضغط على يده بالتلفون وكان يحس شوي وينكسر التلفون .. ظل تقريباً على نفس وضعه وهو يفكر ويستوعب كل شي حوالي نص ساعة .. بعدها كتب مسج حق أبوه وطرشه وعلى طول قام ودخل الحمام (إنتوا والكرامه) .. ياخذ شاور

كلها ربع ساعة طلع وهو لااف الفوطة على خصره وينشف شعره .. وطلع له ملاابس .. بدي أبيض ضيق مبين فيه جسمه الرياضي وعضلااته .. ولبس بنطلون جينز لونه أزرق غامج .. وسوه شعره سبايكي بطريقه حلوة وشبابية تعطر بعطر Silver Black .. ولبس ساعته إلي من Boss‎ وطالعه عليه روعة ..

بعدها طلع من الغرفة وتوجه لـ غرفة رنيم .. دخل من غير حتى يطق الباب .. جافها منسدحه على السرير .. قرب منها جافها نايمة وكان واضح آثار الدموع على خدها الناعم ..

سعود وهو يبتسم وفي نفسه "ما بعد جفتي شي يا رنيم ما بعد جفتي شي" ..

سعود وهو يدزها علشان تقعد: قوووومي

.. فتحت عيونها بشويش جافته واقف يمها .. رجعت غمضت عيونها بتعب .. رنيم بصوت مليان نعاس: همممم

سعود بحده: قووومي بسرررعه جهزي نفسج .. ترى ما عندي وقت

رنيم وهي مو واعية .. بصوت مليان نعاس: أطلع وسكر .. الباب ........

ورجعت نامت .. سعود فتح عيونه على وسعهم .. وكان بيصرخ عليها .. بس ما يدري ليش ابتسم لأنه عرف انها نايمة و مو حاسه بلي قالته له ..

سعود بهدوء : رنيـــم .. رنيمووو و وجع قومي

رنيم قامت وهي تبعد شعرها عن عيونها وتعدل قعدتها : خير

رفع سعود حاجبه الأيمن: أنا من جفتج ما جفت الخيرر .. قوومي يلااا جهزي نفسج

رنيم وهي مستغربه: ليش؟؟

سعود وهو يتوجه للباب بيطلع: من غير ليش قومي .. و لبسي لبس سنع مو تفشليني

رنيم أول ما جافت سعود يطلع ويسكر الباب على طول نقزت من السرير ..

رنيم بقهر وحقد : أوف صج انه حقيـــــــر .. أكيد بوديني عند اهله هو قال حق ماما .. أممم لااازم أكشخ علشان ما يقول خذيت وحده بنت فقر .. أووف من كثر ما يقول لي بنت فقر فقرت .. الله يعين انا مو مخوفني في السالفه غير أمه

صارت تتذكر الموقف .. بلعت ريجها بخوف .. رنيم: الله يستر

.. بعدها دخلت الحمام (انتوا والكرامة) خذت لها شور .. بعدها بنص ساعه طلعت ولبست لها فستان قصير لين الركبه .. وفيه أكمام قصيرة .. لونه فوشي .. طبعا ضيج من عند الصدر لين الخصر وبعدها واسع .. كان مطلعها بقمة الأنوثة والنعومه .. أستشورت شعرها بطريقه حلوة وخلته مهدود .. بس حطت اكسسوار ناعم لونه فوشي على جنب .. و حطت لها ميك آب خفيف لأنه ملاامحها تطلع أكثر براءة .. حددت عيونها بكحل وحطت شدو وردي خفيف .. ومسكرآ و كلوز فوشي .. لبست لها اكسسوارات أسود مع فوشي .. و حذاء (كرمكم الله) لونه أسود فيه كعب .. بختصااااار كانت بقمة الرقة

.. طالعت نفسها في المنظرة وابتسمت برضى على شكلها .. خذت عطرها المفضل CH ورشت منه كم رشه .. وبعدها ابتسمت حق روحها بـ هبالة وباسة المنظرة ..

رنيم بطفولية: فديتني قمر

يالها صوته وهو يصارخ .. سعود: يلاااااااا

على طول لبست عبايتها وشيلتها وطبعاً كانت ما راح تتنقب .. بس تذكرت كلاامه لما قال لها
(أنا ما عندي بنات يطلعون كاشفيـن) على طول نزلتها على ويها (تنقبت) .. ونزلت له .. ركبوا السيارة متوجهين لـ فيلااا أبو سعود


~ قبل ساعة ونص تقريباً ~




.. في قصر أبو سعود ..

قاعد في مكتبه وحاط يده على راسه ومغمض عيونه .. أبو سعود بتفكير : شنو راح أقول حق أم سعود الحين .. شلون راح أواجه أخوها .. والله لاا يخليني على الحديده .. آآه منك يا سعود

.. قطع عليه سرحانه صوت التلفون .. بنغمة مسج .. عدل أبو سعود قعدته و خذ تلفونه وفتح المسج .. وكان من سعود

أبو سعود وهو يقرأ المسج أكثر من مرة وعصب .."يبا أنا راح أسوي إلي تبيه بس لاازم تعرف إنه مستحيل راح أخليها على ذمتي طول العمر .. كلها سنة وتكون في بيت أهلها .. وهذي آخر مرة أنفذ لك طلب يتعلق فيني .. يعني إذا سويت حركة من حركاتك المراهقة ما راح أساعدك وراح أوقف ضدك بعد .. على العموم كلها ساعتين تقريباً ونكون عندكم"

.. حس بالإرتياح إنه راح يمشي كل شي مثل ما يبي .. بس إنقهر من كلمة سعود "حركات مراهقة"

أبو سعود بقهر: قال مراهقه قال على باله هو الراشد

........................


.. وصلت السيارة لعند باب الفيلاا .. نزلوا من السيارة و رنيم فهت .. سعود حس إنها انبهرت ..

سعود بسخرية وهو يمشي لداخل: إنتي كله تنبهرين .. اي صح نسيت بنت قفر

رنيم ما عطته الســــين :...............

طبعاً البيت كان بالنسبة لـ رنيم قصر مو فيلااا





.. دخلت ورى سعود وهي تتأمل المكان .. دخلوا صالة كبيــرة وكانت مليانه ناس .. من رجال ونساء .. عرفت رنيم إنهم أهله

سعود وهو يبتسم:السلاام عليـــــــكم

الكل: وعليكم السلاام

أم سعود وهي تقوم بفرح: حيى الله ولدي حي الله المعررس .. هلاا يمااا هلااا

سعود وهو يبتسم ويبوسها على راسها: هلاا فيج يا الغاالية

.. لفت أم سعود لـ رنيم وابتسمت تطمنها: هلاا بـ العروس قربي فديتج ..

قربت رنيم وهي مستغربة .. بس حست بالإرتياح مبدئياً من ردت فعل أم سعود .. قربت منها تسلم عليها ..

أم سعود بعد ما سلمت عليها قالت لها بصوت محد يسمعه إلاا هي: يا ليت تسامحيني على الحركة إلي سويتها لج في العرس والكلاام إلي قلته بس والله ما كنت أدري بالحقيقة

استغربت رنيم أكثر وهي مو فاهمة عن أي حقيقة تتكلم عنها .. بس ابتسمت لها برتياح : لاا عادي مسموحه

ابتسمت أم سعود أكثر .. قربت أخت سعود تسلم على رنيم ..

دلال : هلاا بالعروس .. ألف مبروك

رنيم ببتسامه: الله يبارك فيج

نجوى وهي تسحب دلال وتسلم على رنيم وبمرح: كلوولووش .. مبرووك منه المال والعيال ههههه

ابتسمت رنيم بإحراج من كلمة نجوى .. وبصوت واطي: الله يبارك فيج

سعود كان لااهي مع عمامه وخالينه وعيالهم .. و رنيم كل خالات سعود وعماته وبناتهم ملتمين عليها بالتبريكات .. هي استغربت الوضع ما توقعته جذي .. وانهم متقبلين وفرحانين .. توقعت إنه اليوم ما بعدي على خير بس كل شي طلع عكس إلي في بالها

.. حست بالخنقة وكانت تبي ترفع الشيله عن ويها .. بس خافت من سعود يعصب عليها و يهزءها جدام الكل ..

أم سعود وكأنها حست : خلونا ندخل الصالة الثانية علشان رنيم تاخذ راحتها

رنيم ما صدقت على الله بس ما حبت تبين: لاا عاادي

دلال وهي تسحب رنيم: لاا قومي

.. قامت رنيم وباقي النسوان على الصالة الثانية ..

نجوى: فصخي عباتج وخذي راحتج حبيبتي

.. فسخت رنيم عبايتها وابهرت الكل بجمالها .. والكل قام يصلي على النبي

خالة سعود .. أم خليفة: ما شاء الله تبارك الرحمــن قمر

أم سعود بفخر: أكيـــد مو زوجة سعود لاازم تكون قمر

نجوى بهبالتها المعتادة: لااا أي قمر صلوا على النبي .. يبا القمر مخرم .. إلاا قولو شمس ما شاء الله .. قولو ملاااك .. قولو ..

قاطعتها عمة سعود بمزح: بس بس حشى لاا يكون إنقلبتي سعود

الكل: ههههههههههههه

.. ابتسمت رنيم بخجل على الوضع .. خوله: إي نسينا نعرفج .. معاج خوله بنت عمة سعود وهذي (وهي تأشر على دلاال) إخته الملسونه و.....

دلال وهي تضرب خوله على راسها : ما في ملسونه غيرج الله يعين خطيبج عليج .. وبعدين كل وحده وعندها إلسان تقدر تعرف على نفسها

نجوى : ههههه .. طيب أنا بعرف عن نفسي .. أنا أحلى نجوى اصير أخت سعود بس من الرضاعة

دلاال بخبث: وخطيبة خالي

طالعتها نجوى بنظرة سكتتها .. لفت على رنيم تبتسم: وهذول (وهي تأشر على خالات سعود) : خالاات سعود .. وإلي يمهم بناتهم .. حنة .. وأعشاب .. وطحالب

الكل: ههههههههههههه

أم سعود وهي تضحك: يا بنت ههههههه .. ما عليج منها يا رنيم هذي خبلة ..

حنان وهي تسوي روحها معصبة: اراويج يا نجووه بشتكي لـ خالي يراويج شغلج

نجوى ما عطتها بال أبد .. حنان وهي تبتسم لـ رنيم: أنا حنان مو حنة ههههه

عايشة وهي تبتسم: وأنا عايشة مو أعشاب ههههه

صفاء بغرور: وأنا صفاء الورد فديتني مو طحالب الله يقرفج يا نجوووه شالاسامي إلي عليج

ابتسم رنيم لهم .. وتم كل واحد يعرف عن نفسه .. وكانت القعده ما تنمل ..


............................



سعود : هههههههههههههه لااا وين الله يهداك تبيها تذبحني

بدر (خال سعود) : ههههههه ليش عاد مو أنت تزوجت خلاااص وهذا كان شرطها خلااص الحين مالها عذر

سعود وهو يبتسم: أنت ما أدري شلي حادك تصبر وتذل نفسك عليها وأنت تعرف إنها بتطلع أعذار يعني أفهمها بصريح العبارة ما تبيــــك

بدر وهو يرفع حاجب: وليش بالله ما تبيني جايفتي شيفة ولاا عاجز ولاا فيني عيب

سعود: لاا محشوم .. بس لاا تقص على نفسك وتسوي روحك ما تدري .. وأنت أكثر واحد يدري إنها ما تدانيك بعيشة الله .. و دوم إذا كنتوا في نفس المكان تتهاوشون .. وهذي كل مرة تحط عذر علشان ما تزعل امي لأنها تدري شكثر أمي تحبك ..

بدر بعناد وخبث: ما يهمني .. إذا انت ما فاتحتها بالموضوع بقول حق أختي إلي هي أمك تفاتحها .. وبترضى هالمرة يعني بترضى

سعود بملل من هالسالفه: والله تدري شلون تسطفل أنت وهي مللتوني

.. قام سعود إلا بصوت أبوه .. أبو سعود: على وين

سعود وهو يمشي : بروح الحمام (عزك الله)

طلع سعود من الصالة و هو ماشي سمع صوت رنيم .. مشى لناحية الصوت ..

رنيم وهي تعدل روحها وتبتسم بهباله وتتذكر كلامهم عنها .. وهي تكلم نفسها: أنا قمر !! أنـ..

.. في ذي اللحظة دخل سعود و جاف رنيم معطته ظهرها وسمع آخر كلمة قالتها .. ابتسم بسخرية

سعود: من قص عليج إنج قمر

.. لفت رنيم له على طول بفجعه .. أما سعود ما يدري شنو صار له .. بس كل إلي يعرفه إنه أنسحر بإلي واقفه جدامه .. كان يطالعها من فوقها لي تحتها .. بلع ريجه بصعوبة .. ما يدري بس حس إنه مو قادر يشيل عيونه منها ..

سعود في نفسه "و ربي مو قمرر إلااا ملااااك .. بس لااا يا سعود لااا تنخدع بشكلها .. هذا بس قناع تتنكر فيه .. ولاا هي بالحقيقه شيطان على شكل ملاك"

.. صحى من تفكيرة وتقدم لها .. خافة إلاا ماتت من الخوف .. كانت تجوفه يمشي لجهتها بملاامح غريبة .. من يوم تزوجو ما جافت ملاامح ويها مثل الحين .. بلعت ريجها أكثر من مرة .. وخصوصاً لما صار مقابلها ومافي بينهم مسافة .. حست بأنفاسه الحارة تلفح على ويها .. رفع يده وهي على طول غمضت عيونها بخوف .. كانت ترتجف .. حست بيده على خدها .. فتحت عيونها بشويش والخوف واضح فيهم .. كان يربت على خدها

وبسخرية .. سعود: لااا تتوقعين إنج بتخدعيني بـ شكلج مثل ما خدعتي الكل .. لأني أعرف إلي أمثالج شنو .. ناس طماعة وأرخيصة تبيع روحها علشان بيزات

.. رنيم انصدمت ولاا إرادياً .. أرتفعت يدها وعطته كــــــــــف ..




هع هع يلاااااااااااا توقعاتكـــــــــــــــــــــــم ..


*شنو راح تكون ردت فعل سعود بعد الكف؟؟

*وهل نجوى راح تكون لها دور في الروايـــة ؟؟

*أم سعود هل راح تظل على موقفها ؟؟ ولاا راح تتغير مع الوقت؟؟

*الأهم من هذا كلــــــــه .. رنيـــــــــــــم هل بتواجه صعوبات غير سعود؟؟؟

*وشنو توقعاتكم من البــــــــــــــارت القادم؟؟؟

 

[@أحلاهم وأتحداهم@]

اول شي ممكن اتكبرين الخط صرت حوله

متى البارت

 

[@أحلاهم وأتحداهم@]

هههههههههههههههههههههههههههههههههههههههههه
تسلم ايدج يارنيم على الكف :ggdw:
سعود شايف نفسه على شنو مادري ويبط الجبد لمن يقولها بنت فقر مالت عليه وعلى فلوسه
فلوس وماكو اخلاق ماتنفع

 

[admant_7abk]

اول شي ممكن اتكبرين الخط صرت حوله

متى البارت

ان شاءالله حبيبتي من عيووني :eh_s(6):

هههههههههههههههههههههههههههههههههههههههههه
تسلم ايدج يارنيم على الكف :ggdw:
سعود شايف نفسه على شنو مادري ويبط الجبد لمن يقولها بنت فقر مالت عليه وعلى فلوسه
فلوس وماكو اخلاق ماتنفع

يسلموو ع المروور

منوررره

 

[وحيده وغريبه]

الله يلعن ابو لفلوس الي رفعت ناس ماتسوى وخلت لهم مكانه بالمجتمع واهمه والا شي لادين والا اخلاق سوري حبيبتي بس احتريت بصراحه حرام كل شوي يقول لها بنت الفقر لا واصعب شي يوم ياب لها خبز وجبن كسرت خاطري كملي حبيبتي ولا طولين بليز

 

[pearlq8]

ابييييييييييييييه القصه روعه

قاهرني سعوووووود مالت عليه شايف نفسه :x

نطرييين البارت حبيبتي يعطيج العافيه

 

[بسمه الم]

روووعه ,, ناااطرينج حبوبه ,,

 

[admant_7abk]

.. البارت السادس ..






.. رنيم انصدمت ولاا إرادياً .. أرتفعت يدها وعطته كــــــــــف ..

تصنم بمكانه .. منصدم صار يناظر بعيونها العسلية إلي تجمعت فيها الدموع .. وهو ما زال على نفس وضعه .. كانت تتنفس بصعوبه .. بعد لحظات قصيره جداً .. بس كانت بالنسبة لهم طويــــله وااايد ..

رنيم للحظه أستوعبت إلي صار .. ما تدري ليش بس كل الشجاعه والقوة إلي كانت في قلبها قبل لحظة تبخرت .. صارت ترتجف من الخوف والربكة .. منتظرة منه الكف أو الكفوف إلي راح تيــها .. كانت تطالع بعيونه وهي خايفة ..

توها بتتكلم .. قطع عليهم صوت دلال: أنتي هني وأنا قاعده أدورج ....

وقفت دلال تطالع فيهم وهم يناظرون بعض بصمت .. ابتسمت بعبط .. :أقول تعالي يا جوليت ترى والله لااحقين على بعض .. إذا رحتوا البيت قعدو تأملوا بعض على راحتكم هههههههههه

.. مسكت دلال رنيم من يدها وسحبتها معاها: يلااا روميو باخذ منك جوليت ههههههه

رنيم مشت مع دلال وهي ما صدقت على الله إنها نقذتها من مواجهتها (المؤقته) مع سعود .. مشت وهي قلبها يدق بقوة .. وللحين مو مستوعبة إلي هي سوته .. رفعت يدها وصارت تناظر فيها ..

رنيم في نفسها "معقوله مديت يدي عليه .. أحس إني أحلم .. لاا لاا يا رنيم إنتي ما تحلمين .. بس الله يستر من سعود أحس بدل هالكف برد لي كفوف"

.. أما سعود فـ مازال واقف مكانه متصنم .. مو مستوعب .. رفع يده لخده وصار يتحسسه .. سعود في نفسه "عطتني كـــــف .. أنا سعود ولد الـ... تعطيني وحده بنت فقر كــــف .. والله وجنيتي على نفسج يا رنيمووو"





~ بعد ساعتيـــــن ~



رنيم مازال الخوف ممتلكها .. تحس بأي لحظة راح يدخل عليهم الصالة ويتوطى في بطنها .. كانت كل شوي ترفع راسها تناظر من يدخل ومن يطلع ..

خوله وهي تبتسم: شفيــج كل هذا مشتاقه حق سعود

لفت رنيم لـ خوله بستغراب: هاا

الكل: هههههههههههههههههه

نجوى وهي تحرك حواجبها: هاا هاا عليــناا كل هالسرحـــان وتطالعين المدخل وما تدرين بالدنيا .. أكيــد مشتاقه حق حبيبج ههههههه

رنيم للحظة استوعب الموقف .. ابتسمت بصعوبة علشان تبين الوضع عادي: مالكم شغل فيني

دلال وهي توقف وتسحب نجوى: براويكم شلون جكيتهم واقفين في الممر إلي عند الحمام ههههههههه

الكل: هههههههههههههه

دلاال وهي تساسر نجوى: ههههههههههههههه

دلاال ونجوى بدو يمثلون بكل رومانسيـــــة واتقان .. دلال وهي تناظر بعيون نجوى بكل شوق و لهفة .. ونجوى تبادلها النظرات ..

والكل: ههههههههههههههههه

ما عدا رنيم إلي تجهم ويها من أي تعابيــر بسبب دخول سعود وأبو سعود الصالة

سعود وأبو سعود: السلاام عليكم

الكل لف لهم : وعليكم السلاام

.. ملااحظة: كل البنات مو متحجبين ما عدا دلال ونجوى .. أما الخالات والعمات فكانوا لاابسين عباياتهم وشيلااتهم ..


أم سعود ببتسامة: تعال يما أقعد يم عروستك

ناظر سعود برنيم وعلى طول قعد يمها من غير ما يعبرها .. أما أبو سعود فقعد يم أم سعود و عيونه على رنيم ..

أبو سعود في نفسه "يا قلبي هذي كانت بتصير حلاالي .. بس آآخ صارت من نصيب سعود .. إلي مو مقدر النعمة إلي عنده .. بس هو كلها سنة وبيطلقها .. وأكيــد ما دخل عليها .. إن شاء الله يا ربي ما يدخل عليها علشان أول ما يطلقها بتزوجها ولاا من جاف ولاا من درى ههههه"

.. كانت منزله راسها تلعب بأناملها الناعمة وهي تحس بتوتر وسعود قاعد يمها .. حس بـ توترها وحب يوترها أكثر .. قرب شفاته من عند أذونها وهمس .. سعود: والله يا بنت الفقر راح اوريج انجووم السما وكرهج عيشتج وخليج تكرهين الحظه الي رفعتي يدج علي لانه مو انا سعوود ولد ابووي الي يمدوون يدهم علي فااهمه

.. وقف سعود وهو يسحب رنيم من يدها : يلااا لاازم نروح الحين

أم سعود: وين تو الناس يما قعدوا تعشوا

سعود وهو يمثل الرومانسية .. قرب رنيم من حظنه وحط يدها على صدره: لااا يماا أحنى بنروح نتعشى بـمطعم .. تونا معاريس خلونا نستانس

الكل: هههههههههه

.. حست بغصة و ربكة من حركته وكلاامه .. الخوف بدى يعتلي على ملاامح ويها لدرجه الكل لااحظ تغير ويها .. بس ما أعتبروه خوف .. أعتبروه خجل

نجوى ودلال: ما نقدر على الي يستحون ههههههههه ويها تلون بس أرحمها يا سعود

سعود ناظر برنيم وجاف الخوف في ويها .. ابتسم بسخرية : ما عليكم منا .. يلاا رنيم لبسي

.. لبست رنيم عبايتها وهي ترتجف من الخوف مو عارفة شنو ينتظرها .. بعد ما لبست مشت مع سعود بعد ما الكل ودعهم وخبرتهم أم سعود إنه بعد اسبوع بروحون المزرعة و بسون حفله لهم

.. ركبت السيارة وقلبها يدق بقوة .. مشى سعود طالع من فلة أبو سعود متوجه لفلته .. وطول الطريج كان الصمت هو سيد الموقف

.. أول ما وصلت السيارة عند الباب .. نزلت من السيارة بسرعه متوجه لداخل وعلى طول لـ غرفتها .. توها بتسكر الباب .. حست بيد تمسك يدها .. بلعت ريجها وكل خلية بجسمها صارت ترتجف .. دف سعود الباب وهو ماسك يدها سحبها لي حظنه ولوى يدها وهي صرخت من الألم .. لكن سعود ولاا كأنه يسمع شي .. مسكها من شعرها ورفع راسها وعطها كـــــف من قوته طلع دم من شفايفها .. بس ما وقف صار يعطيها كف ورى كف .. وهي تصيح .. سعود وهو ينفضها من يده ويرمها على الأرض كأنها ورقة ..

وبصراخ هز صداه أرجاء البيت : هذي علشان مرة ثانيـــــة تعرفيــــن شلووووون تتطاوليــــــــــن على أسيـــادج وترفعيـــــــــن يدج عليــهم .. مو أنا سعود إلي تيي بنت مثلج تمد يدها علي .. وأسكــــــــت عنهاااا يا زباله ..


ويرفسها على بطنها ويطلع من الغرفة ويقفل عليها الباب



يلاااا عااد أبي توقعـــــــــــــــــاتكم


شنو راح يصير بين سعود و رنيم بعد هالمعركــــــــــة ؟؟؟


سعود هل راح يوقف على هالشي .. ولااا بعد ما زال ناوي عليها بـ شي أعظم؟؟؟


أبو سعود و مراهقته .. هل راح تأذي سعود ورنيم ؟؟


أبو رنيــــم وينه .. وهل راح يكون له دور في عذاب رنيم أكثر ولاا راح يريحها من إلي هي فيه؟؟؟


أم سعود .. هل راح تعرف نوايا أبو سعود؟؟؟


والأهم من هذا كله .. شنو تتوقعون التكملـــــــــــــــة راح يصير فيها من أحداث؟؟؟

 

[admant_7abk]

((تكملة البارت السادس))







وبصراخ هز صداه أرجاء البيت : هذي علشان مرة ثانيـــــة تعرفيــــن شلووووون تتطاوليــــــــــن على أسيـــادج وترفعيـــــــــن يدج عليــهم .. مو أنا سعود إلي تيي بنت مثلج تمد يدها علي .. وأسكــــــــت عنهاااا يا زباله ..

ويرفسها على بطنها ويطلع من الغرفة ويقفل عليها الباب ..

سند نفسه على الباب وهو يتنفس بسرررعه غمض عيونه وتنهد وهو يسمع صوت بكاها .. رفع يده و مسح على ويهه بتوتر ..

سعود في نفسه "إلي سويته صــــح يا سعود .. لااا تتحسف عليه .. أنا رديت كرامتـــــي وهي تستاهل أكثر من جذي"

مشى بسرررعه وعلى طول طلع من الفلة ..





..............


.. في فلة أبو سعود ..

بعد ما طلع الكل وما بقى في الصالة غير دلاال ونجوى وأم سعود

دلال وهي تبتسم بمرح: بصراحه ما توقعت إنه مرت سعود تكون بهل الجمـــــال ما شاء الله عليها ..

نجوى بستهبال: إي والله وشكلها يوحي لي إنها مرررررحة واااايد مثلي يا رب تكون مثلي هههههه

أم سعود : لااا هههههههه إن شاء الله ما تطلع هبله مثلج .. أصلاا من شكلها يبين عليها إنها راكده مو مثلج مقروصه

نجوى بهبالها المعتاد .. وهي تقوم وتتخصر : شقصدج يعني أنا مو راكده

أم سعود وهي تبلع ضحكتها: لاااا بس بدر بيركدج

دلاال ما قدرت تمسك روحها أول ما سمعت أسمه : هههههههههههههههه

نجوى جمدت مكانها وهي تستوعب .. بعدها: لاااااااااااا

أم سعود طلعت من الصالة وهي تضحك على شكل نجوى المنصدم: ههههههههه

نجوى بقهر تقعد وهي ماده بوزها شبرين: الله ياخذك يا بدرووه يا الكرررريه

دلال: ههههههه حرام عليج تدعيــــن على ريلج

نجوى وهي تضربها بالمخده: مالت علــــــــــيج .. يخسي إلاا هو أنا آخذ واحد مثله

دلال وهي ترفع حاجب: ويه عشتوا .. ليش هو إنتي تحصليــن أحسن منه وأحلى منه ..

نجوى بغرور: أكيـــــــد

دلال: أشـــــــك

نجوى بملل: أوووف والله لاااعت جبدي غيري الموضوع لو سمحتي .. من طارية تحوم كبدي

دلال وهي تقوم : والله إنتي إلي المفروض الواحد يحوم كبده لما يسولف لج

نجوى بقهر وحقد: إي إي صـح ما تحوم جبدكم إلاا إذا قلت شي عن بدروووه الحمار

دلال مشت مطنشتها .. نجوى انقهرت اكثررر ويوم عن يوم تحس بالكره يكبر في قلبها حق بدر


..............




.. في مطعم الــ Primavera



عزم كل ربعه .. وصار ياكل ويضحك ويسولف معاهم .. ولاا كأنه في شي صاير ..

راشد وهو يضحك: ههههههههه عادي إلاا على حساب سعووودووو

سعود وهو ياكل: سعودو بعينك .. اصغر عيالك وانا ما ادري

عبدالكريم: ههههههه رشووود ثمن كلااامك أحسن لك بعدين من يعشينا على حسابه

سعود: بل بل مصالح .. بس علشان الحساب هاا .. طيب بتجوفون من بيعزمكم على حسابه مرة ثانية

راشد بستهبال: لااا ما نقدر احنى على زعلك .. أفااا عليك سعودي

سعود وهو يطقه على راسه: سعودي في عينك يزعم تبي تكحلها

الكل:ههههههههههههه


..............


.. في بيت أبو رنيم ..


بعد ما رقدت عيالها .. نزلت وهي على الدري جافت أبو رنيم توه داخل ..

أم رنيم بقهر: ها توك مشرف .. خلصت الفلوس إلي عندك ورجعت ولاا ياي تاخذ ملاابسك وترجع من مكان ماييت

أبو رنيم وهو يرفع حاجب: أجوف طال السانج .. شكله الفترة إلي ما كنت موجود في هالبيت خلتج تنسين نفسج وتنسين من هو خليل

أم رنيم وهي تلف عنه تصعد فوق : لااا تطمن أنسى كل شي إلا أنت يا خليل

أبو رنيم و هو ما زال واقف في مكانه: شنو أعتبر قصدج شماته ولاا مدح

أم رنيم: أفهمها مثل ما تبي تفهمها .. ما عادت تفرق

أبو رنيم عصب من أسلوب أم رنيم .. ركض لها وسحبها من يدها ..

بعصبية .. أبو رنيم: إنتي أحســـــــن شي تسوينه .. إنج تبليعــن إلسانج في إلهاتج .. وتحترميني .. أنا مو ياهل عندج .. مو كفاية مستحملج 25 سنة

امتلت الدموع في عيونها .. ام رنيم: أنت مستحملني .. عيـــــل أنا شنوووو

أبو رنيم وهو يبعدها عن دربه: رووحي منااك أنا تعبان وأبي أنام .. لاا تصدعيـــن رااسي

تركها وصعد لـ فوق تاركها بهمها

................




~ بعد يوميـــن ~




في فلة ابو سعود ..


كانت أم سعود قاعده في الصالة بروحها .. تطالع التلفزيون .. دخل بدر وهو يدندن ..

بدر: السلاام عليكم

أم سعود: وعليكم
السلاام ورحمة .. هلاا والله .. توه ما نور البيت

بدر: منور بوجودج يا الغالية

.. بعدها قعدوا سوالف وضحك .. بدر قرر يدخل بالموضوع

بدر بجدية: انا اليوم ياي لج بموضوع

أم سعود إلي فهمت .. ببتسامه : آمر يا اخوي .. قول لي كل شي بخاطرك

في هذ اللحظة نزلت نجوى وهي على الدري سمعت صوت مو غريب عليهاا .. صوت تكرهه .. قعدت على عتبة الدري .. تتسمع عليهم شنو يقولون

.. بدر :مثل منتي عارفة انا ابي نجوى .. وأنا كذا مرة كلمتكم في الموضوع وكل مرة تأجلونه .. ومثل منتي عارفه بعد اني عايش بروحي و ابي استقر في حياتي

أم سعود ببتسامه و باين عليها الفرحه إلي مو واسعتها : وهذي الساعة المباركة .. وإذا على نجوى موافقة .. لاا تاكل همها .. الله يسعدك يا أخوي مع نجوى

.. حست نجوى كأنه أحد كب عليها مااااي بااارد مو مستوعبة إلي سمعته ..

نزلت بسرررعه بدون سابق انذار وتدرعمت ((يعني دخلت مرة فجأة))

نجوى وهي تتخصر .. وبصوت عالي شوي: خيـرررر خيــررر .. شنو شنو .. أنا آخذ هذا ((وهي تأشر بسبابتها على بدر))

أم سعود عصبت من تصرف نجوى: نعم و خير إن شاء الله اشفيه بدر .. ريال شـ زينه كامل والكمال الله .. ما يعيبه شي .. وكل بنت تتمناه

نجوى وهو ترفع حاجب: اي هذاج قلتيها كل البنات خلااص خل يروح ياخذ له وحده منهم بس أنا مو من ضمن هالبنات ترى

بدر وهو يوقف .. ويحس نفسه مخنوق: عن أذنكم

.. وعلى طول طلع من البيت تارك أم سعود وجوى .. ...

ركب سيارته وهو متنرفز ومعصب من نجوى إلي جايفه نفسها عليه .. وهو يضرب الدركسون بقوة من عصبيته ..

بدر: آخ بس آخ .. أبي اعرف ليش جايفة نفسج يا نجوى على شنو .. أنا شنو فيني شنو عيبي .. علشان ما توافقين علي وترفضيــني
.. لكن هيــن والله يا نجوى والله راح تندميــن .. و راح آخذج قصبـ(ن) عنج .. أنا راح أراويـج من يكون بدر






..............


في شقة راشد (صديق سعود)

راشد وهو يقعد سعود: قووم بسك نووم

سعود وهو يلف الجهة الثانية: خلني

راشد وهو يسحب اللحاف: قوووم .. وراك شغل نسيت

سعود وهو يقوم وبعينه النوم: الساعه كم الحين

راشد: 10 ونص الصبح

سعود وهو يقوم وياخذ ملاابسه ويدخل الحمام (انتوا والكرامة) ياخذ له شاور ..

راشد في نفسه "خذاله يومين قاعد عندي شكله متهاوش مع مرته .. وهذا توه متزوج وجي"

.. بعدها طلع سعود وهو ينشف شعره.. بصوت عالي: رشـــــــــــوود

راشد وهو يدخل الغرفة: خيررر شفيك تصارررخ

سعود وهو يبتسم: شرايك نروح حوار ..

راشد وهو يبتسم: حلو .. بس شلي طرا على بالك

سعود وهو يرفع كتوفه: ما ادري بس يات على بالي .. اتصل على الربع كلهم و على الساعة 3 ونص العصر نمشي

راشد: ليش انت ما بتروح الشركة

سعود: لاا مالي نفس .. بروح البيت باخذ أغراضي وبرجع .. وبعدها نطلع نتفطر انا وأنت

راشد: أوكي .. أممم سعود

سعود: هممم

راشد وهو يناظر بـ سعود: أنا ما ابي اتدخل بشؤون حياتك .. بس مستغرب يعني توك متزوج و ....

قاطعه سعود: عارف عارف .. يبا هذي سالفه طويـــله ويبيلها قعده .. بعد ما نطلع نتفطر بخبرك .. يلااا سلااام

راشد: مع السلاامة

طلع سعود متوجهه لـ فلته ..

................



.. في فلة أبو سعود ..


.. قاعده في الغرفة تسمع أغاني .. طبعا كانت مطوله على الصوت .. واقفه عند المنظرة إلي تبين فيها كل جسمها .. ولاافه المصر وتهز .. وتتمايل مع الدبكة .. قطع عليها وناستها دخول دلاال بإزعاجها

نجوى وهي معصبة من دلال: خيررررر .. في شي أسمه استأذان

دلال وهي تبتسم وتسحب نجوى وتقعدها على السرير: سمعي يايبه لج خبررر بـ مليووون

نجوى بلقافة .. وتحمس: شنوووو بسرررعه

دلاال: ههههههه طيب سمعي .. أقول لج أنا كنت في الحديقة .. ولما دخلت سمعت أمي تكلم في التلفون....


أم سعود: هلاا والله ..

:...........

أم سعود: والله هذي الساعة المباركة

:...........

أم سعود: ما بنحصل أحسن من ولدكم

:.........

أم سعود: إن شاء الله .. بس استني علي كم يوم

:.........

أم سعود: اي لاازم بشاور أبو سعود ونجوى

:..........

أم سعود: إن شاء الله تكون من نصيبة

:..........

أم سعود: في حفظ الله

...............

دلال وهي تبتسم: ما يندرى شنو قصتج .. كل يوم وتقدم لج واحد

نجوى وبالها راح بعيد "هذي فرصتي علشان أفتك من بدر .. إي هذي فرصة ويات لي عندي"

دلال وهو تدز نجوى: وين سرحتي

نجوى ببتسامة : قومي نرقص

.. قامت نجوى ترقص بوناســــة و دلال صارت ترقص معاها ..

................



فله سعود ..

دخل وعلى طول توجهه لغرفته .. خذ له شوي من ملاابسه وحطهم في شنطه .. وأغراضه الضرورية .. غير ملاابسة .. وطلع وهو بينزل سمع صوت ياي من غرفة رنيم ..

سعود وهو عاقد حواجبه: اووه أنا شلون نسيت من يومين وأنا حابسها في غرفتها ..

تقرب من الغرفة بيفتح الباب .. بس تذكر إنه المفتاح في سيارته ..

سعود: أوووف .. مشى ونزل متوجهه لـ سيارته .. ركب وحط شنطته إلاا بتلفونه يصيح

.. رفع تلفونه وجاف الشاشة "رشود" يتصل بك ..

سعود: هلاا رشود

راشد: وينك أنت ؟؟

سعود: أنا توني طالع من البيت

راشد: أهاا طيب بسررعه تعال النادي في مباراة

سعود بحماس: منووو

راشد وهو يضحك: ههههه فريق جسوم وحمود

سعود وهو يبتسم: خلاااص ثواني وأكون عندكم

شغل سعود السيارة و حركها وهو متوجهه لـ النادي ونسى رنيم >_<


................






~ بعد ثلااث ساعات ~




.. طلعوا سعود وراشد وباقي الربع متوجهيــن لـ حوار .. وهم مستانسيـن وخصوصاً فريق رفيجهم هو إلي فاز ..

أما أبو رنيم .. قاعد على السرير وهو يحسب في الفلوس إلي عطاه إياه أبو سعود .. وإلي بقى منها لأنه نصه صرفاه ..

أبو رنيم بحيــرة : بس هذولي ما يكفون .. أووف وليـــه شنو الحل .. أممم اي مالي إلاا أطلب من رنيمووو .. ههههههه والله ما تخيلت انه هذي التعبانة راح تعيشني بـ عز .. أممم بس شلون راح أوصل لهاا

.. قطع عليه ضرب الباب لأنه قافله .. أم رنيم من ورى الباب: خليل أفتح

لم أبو رنيم الفلوس وحطهم في جيسه سودة وربطها وحطها في الكبت تحت ثيابة .. وراح فتح الباب

.. أم رنيم استغربت من تصرفه .. بس ما عطته بال .. ودخلت وحطت راسها على المخده ونامت

...............



في فله أبو سعود ..


دخلت خوله وأمها الصالة .. جافت دلال ونجوى يطالعون فلم

خوله وأمها: السلااام عليكم

دلال ونجوى: وعليكم السلااام

خوله: ما شاء الله عليكم اندمااج

دلال: هههههههه اي أكيد مدام فيه نجوى لاازم في اندماج

أم خوله: إلاا وين أمج

دلال وهي تقوم : فوق بروح أناديها

نجوى بكسل: ليش اتصلي عليها

دلال وهي تمشي: لااا بسوي رياضة .. مو مثلج كسوله

.. وكلها دقايق .. إلاا ام سعود ودلال داخلين الصالة

.. سلمت أم سعود عليهم وقعدوا يتشاورون على موضوع الحفله إلي بيسونها في المزرعة

أم سعود: اي أنا أمس كلمت مصممة الحفلاات راح تتكفل بكل شي

خوله وهي تطالع بـ نجوى ودلال: شريتوا فساتيــن

دلال: أن عن نفسي بسوي تصميم .. وبكرة راح تيي المصممه

نجوى وهي تاكل فوشار: أنا بعد لأنه مالي نفس أطلع

خوله: عاد أنتي يا نجوى كله مالج نفس .. لاا حق طلعات ولاا حق شي .. كله بس تبين تحطين ريل على ريل

أم سعود وهي تطالع نجوى وبحده: اي خليها .. بكرة تتزوج ويصير لها مزاج

نجوى عدلت قعدتها وبملل: ومن قال ابي اعرس

أم سعود بمكر: والله فيه واحد متقدم اليوم لج .. بس زين قلتي لي علشان نرده .. مع إنه خوش ريال

نجوى لفت لها وبسررعه : لااا شنو ترفضينه .. مدام هو خوش ريال خلاااص أنا موافقة .. عن اذنكم

على طول قامت من مكانها واحت لغرفتها .. أما أم سعود ودلال: هههههههههههههههه

خوله وأم خوله: !!!

دلال بمرح تغمز حق أمها: والله نجحت الخطة

أم سعود: ههه إي والله .. جفتي شلون لما قلت لج محد يفهمها كثري

دلال: بس أخاف تزعل

أم سعود: لااا هي صج بتزعل بس يومين وبعدين راح تتقبل الوضع .. وبعدين إحنى ما نبي غير مصلحتها.. ولاا تنسين إنها يتيمه وأمانه برقبتنا وحنى نبي سعادتها

أم خوله: شسالفه تراني أنا وبنتي طايحين في الطوشة

خوله : اي والله

أم سعود .. وهي ماتبي أحد يدري إنه نجوى مجبورة على بدر: ولاا شي .. بس في خلااف صار مع بدر ونجوى اليوم .. والحين تصالحوا

أم خوله ما اقتنعت .. بس ما عطت الموضوع أكبر من حجمه: أهاا

أما خوله فطنشت وصارت تسولف مع دلال .. شنو راح يسوون في الحفله إلي ما بقى لها غير 5 أيام

............





.. بعد ثلاثة أيام ..




رجع سعود مع ربعه من حوار .. وطبعاً كانوا جواعه .. فراحوا لـ مطعم يتغدون فيه .. وهم قاعدين يتغدون والسوالف ماخذتهم ..

صاح تلفون سعود .. ناظر فيه كان المتصل "جنتــي" ..

سعود وهو مبتسم: هلاا وغلااا بالغاالية .. أم الغالي إلي هو أنا ههههه

أم سعود: هههههه .. هلاا فيك .. ما تجوز عن سوالفك انت

سعود: ههههه

أم سعود: شخبارك يماا وشخبار رنيم

سعود: الحمد الله

أم سعود بعتب: إي خلاااص الحين تزوجت ما عاد لي ألزووم .. يعني معقووله 5 أيام ما تسأل عني ..

سعود : السموحه منج يا الغالية .. بس والله مشاغل .. زين كان أنتي أتصلتي

أم سعود: والله يا قلبي كل ٍ لاااهي بمشاغله .. كفايه أنا محيوسة مع الحفله .. إي ما قلت لي

سعود: آمري يما

أم سعود: ما يآمر عليك عدوو ولاا ظالم .. قول حق رنيم تتصل حق أمها وتعزمها .. ولاا أقول لك عطني رقم أمها خل أتصل بنفسي وأعزمها

سعود تورط لأنه ما عنده رقم أم رنيم: والله يا الغالية ما عندي رقمها .. بس أنا بسأل رنيم وبخبرج

أم سعود: طيب اسألها الحين

سعود: لاا وين أنا مع ربعي مو في البيت .. إذا رجعت خبرتها

أم سعود: طيب .. يلااا مع السلااامة

سعود: مع السلااامه

.. سكر سعود من أمه .. وهو يفكر بـ رنيم .. توه متذكرها .. ضرب على جبهته .. ويقوم بسرعه من مكانه ..

سعود: عن اذنكم

الكل مستغرب: ليش عسى ما شر !!

سعود وهو يمشي: لااا بس عندي شغل بااي

الكل: باي

...........



وصلت سيارته عن باب الفله .. صار يدور على المفتاح مثل المجنون .. أول ما جافه .. خذاه وعلى طول طلع ودخل البيت بأسررع ما عنده وهو في نفسه ..

سعود "أنا شلون أنساها 5 أيام .. شلووون .. يا رب سترك ما تكون ميته"

.. وصل لغرفتها ودخل المفتاح في الباب ويده ترتجف .. فتح الباب بشويش .. بلع ريجه إلي حساه نشف .. دخل الغرفة وانصدم .. وجمدت أطرافه من إلي جافـــــــــة



.. كانت في حاله لاا يرثى لها .. طايحه على الأرض مكان ما كانت يوم يرفسها .. ويها أصفررررر .. شفايفها باهته .. يدها محاوطه على بطنها مكان رفست سعود .. شعرها متناثر حولها .. كان شكلها جثـــة ميــــتة ..

قرب سعود لها بتردد .. قعد يمها وهو يرمش أكثر من مرة يبي يستوعب هو شنو سوى ..

بلل شفاته وبلع ريجه بصعوبه .. صار يمد يده لناحيته ويها بتردد .. لين ما أنامله لامست خدها إلي كان حـــــــــــــار .. عرف إنها حية .. بس خاف أكثرر لأنه كان واضح عليها إنه عندها صعوبه في التفس ..

على طول حملها بين ذراعيـــه وبسرررعه طلع ونزل وركب سيارته منطلق للمستشفى ..



...............



في المستشفى ..



.. دخل وهو يركض وهي بين ذاعيــه مثل الجثــة .. صرررخ سعود وهو يستنجد فيهم .. يابو سرير متحرك وحطها سعود فيه .. ودخلوها على طول للطوارئ لأنه من شكلها يوحي إنه حالتها صعـبة وخطيرررة

.. صار رايح و ياي وهو متوتر ويدعي في قلبه .. سعود في نفسه "أنا السبب .. إذا صار لها شي .. أنا الملاام الوحيــد .. أنا غبي .. شلون طاوعني قلبي أخليها محبوسه في الغررفة 5 أيام .. ولاا فوق هذا مكسر لها عظامتها .. حتى ما تقدر تقوم .. يا رب لطفك يا رب"

.. وكلها ربع ساعة وطلع الدكتور من الغرفة.. وسعود على طول راح له ..

سعود بخوف وقلق: هاا بشرر يا دكتور

الدكتور: انت زوجها ؟؟

سعود: اي اي

الدكتور: هي عندها حمــه شديده بس عطيناها خافض للحرارة .. وعندها هبوط حاد والحين حاطين لها مغذي وعندها ضيق في التنفس بس حطينه لها اكسجين .. أنا ما أنكر إنه حالتها كانت صعبــة ولو متأخر بشوي كان ممكن لاا سمح الله تروح .. بس الحين الحمد الله المدام صارت حالتها مستقره .. وهي الحين تحت المراقبة لمده 24 ساعه

سعود بإرتياح: الحمد الله .. طيب ممكن أجوفها

الدكتور كان بيرفض .. بس جاف شلون سعود متوتر وخايف .. وعلشان يطمنه أكثر: خلاااص تقدر تدخل وتجوفها بس لك 5 دقايق

سعود ببتسامه: إن شاء الله .. مشكور دكتوور ما قصرت

الدكتور: لاا العفو هذا واجبي .. عن اذنك



.. مشى الدكتور .. وسعود على طول دخل .. جافها وهي مستلقية على السرير والمغذي في يدها والأكسجين على ويها .. وشعرها الأسود متناثر ويدها اليمين على بطنها واليسار ممدوده وفيها المغذي .. قرب منها وصار يتأملها ..

سعود وهو حاس بتأنيــب الضميـر: أتمنى إنج تسامحيــني يا رنيــم .. والله ما كنت أقصد

.. حس بهدب عيونها تيحرك .. ناظر فيها وكلها ثواني وهي تفتح عيونها ببطئ وتعب .. أبتسم وهو يبعد خصله نزلت على ويها ..

سعود: الحمد الله على السلاامه

رنيم وهي تحس بالتعب مو قادرة تتكلم .. بس أكتفت إنها تفتح عيونها وتغمضها :...........

سعود وهو ياخذ كرسي .. ويقعد يمها ويمسك يدها اليمنى : لاا تخافيــن راح تصيرين بخير

.. رنيم غمضت عيونها .. وناامت من التعب وهي مو حاسه بـ شي

... طلع سعود من الغرفة ومن المستشفى بكبره .. و رد البيت يريح وقرر يروح لها في الليل ..




وهذا نهااااية البــــــــــارت .. هاا لااا تقولوون قصيـــــــر بذبحكم هع


يلااا توقعاااتكم !!


شنووو راح يكون موقف نجوى من خطة دلال و أم سعود؟؟؟ وهل راح ترضخ وتستسلم؟؟؟

أبو رنيـــم ليش يبي فلوس أكثررر؟؟؟

أم رنيم هل ممكن تكون هي حبل نجاة بنتها رنيم من أبوها ؟؟؟

بدر شنو راح يسوي بـ نجوى ؟؟؟

سعود هل راح يغير معاملته مع رنيــم؟؟؟

والأهم من كل هذا شنووو راح يصيـــــــر في البارت القااااادم؟؟؟؟؟

 

[وصفة الحب]

طرررررر القصه << يعني رووعه بالاماراتي هع

بلييز لا تاخرين

 

[teacher_farah]

امبي القصه تينن و ناطره التكملة
عفيا لا طولين عليناا

 

[مااااااحد قدي]

متشوقه أعرف وشلون يحبون بعض
خاصتا بعد ما جرحها كل هالجروووووح
بس حراااااااام كسرت خاطري
كملي نااااااااااااااااااااااطرين
بس تهبللللللللللللللللل

 

[ورده الجهراء]

مرحبا حبيبتي الفصه باين عليها حلوه
ننتظرج مع البارت الياي

 

[شباصة حمرا]

يعطيج العافيه على الموضوع




ناطره البارت القادم على احر من جمر

 

[عاشقة البيبسي]

رووووعــــــــه لاتطولين علينا

 

[رفيف الورد]

تسلمين تسلمين تسلمين
حبيبتي حبيبتي حبيبتي حبيبتي حبيبتي

عالبارت ياالغاليه

حرام عليك يا سعود ترا بنات الناس مو لعبه بإيدك جرحتها كل هالجروح ومتحمله ظلمك بعد عمري رنيم ويا سعود لا تغتر ترا الغرور مو من طبع الشهامه عند الرجال

 

[@أحلاهم وأتحداهم@]

امبيه 5 ايام مايدري عنها صج حقير وشايف نفسه مالت عليه وعلى فلوسه انشالله يخسرهم كلهم وصير ولد فقر والله عيال الفقر اشرف من هل اشكال
ونجوى راح تمشي عليها العبه ابو رنيم لو ماكان ميت على الفلوس جان ماقط بنته هل قطه
ابهات آخر زمن

يسلمو على البارت ولا طويلن علينا
بليييييييييييييييييييز كبري الخط خليه 5 او 6

 

[5oO5oO]

حدهاا رووعه القصهـ


بس سعوود باط جبدي حقيير حده وااي ماعنده قلب .. لووول

ناطرينج ^^

 

[miss-_-smart]

يسلمووو قصتج واايد حلوة ولا تطوليييين عليينه......واتوق سعود راح يغير معاملته مع رنيم<<<<انشالله