انتي تحددين تاريخ ولادتج

[njoom1]

السلام عليكم

بنات شلونكم ؟؟؟

صراحه بنات انا سامعه ان انتي تقدرين تحددين يوم ولادتج تروحين الطبيب وتقولينلهم ابي اوووووووووووولد
وانا صراحه مفكره اول ما ادش التاسع اسوي جذي لان صج صج صج تعبت جسديا ونفسيا ومن كل النواحي
تعبت وانا عندي يهال صغار من الحين ماني قادره اشيل بنتي ينهد حيلي وانا لما الحين ما ادخلت التاسع !!!!!!

بنات منو راحت المستفى من غير طلق وولدت ؟؟ ابي تجاربكم بنات عشان اطمن نفسي

 

[miss-winter]

مادري بس اول مره اسمع هالسالفه ؟

 

[njoom1]

رد : انتي تحددين تاريخ ولادتج

مشكوره لانج طليتي عالموضوع

 

[+ Gloom +]

رد : انتي تحددين تاريخ ولادتج

اي حبيبتي يصير اذل وضع البيبي وزنه وكل شي اوكي
بس ولله ولله ولله ولله اسألي مجرب شفت الموت يوم ولدت في بنتي وكانت طلوق صناعية وتحاميل
تمنيت الموت خليها من الله ارحم ولله نصيحه اخت لاخت والله يتمم عليج

 

[نورهـ]

رد: رد : انتي تحددين تاريخ ولادتج

حبيبتي تصبري ماعاد باقي شي والله حاسه فيج انا باقيلي 3 ايام وادش التاسع وناويه اشرب دارسين وتمر لانه يعجل بالولاده

بس الطلق الصناعي مانصحج فيه لانه احتمال مايفتح الرحم وتصير لاسمح الله ولاده متعسره

ان الله مع الصابرين تحملي والله يسهل علينا جميع

 

[سفيرة العشق]

رد : رد: رد : انتي تحددين تاريخ ولادتج

شوفي حبيبتي أنا وحدة خبرة ولاداتي كلها طلق صناعي لا وآكل شهري كله
والرحم يكون مفتوح 2-4سم بس
وطلقي باارد يعني اروح لهم المستشفى وانا مافيني عوار بس يضطرون يولدوني صناعي

بس على قولتهم
لازم يكون البيبي نازل وراسة تحت وكل شي تمام يعني مستعد للولادة بس مجلب
يطلعونه لج حبيبتي

بس ها تحملي الطلق الصناعي اذا بتولدين حكومة يخلونج تستوين عالراحة وممكن ما يستقبلونج اذا الرحم مو مفتوح
بس اذا خاص يزخزنج طلق صناعي وتحاميل
ساعتين ولا انتي والدة ...

شوفي واستخيري ...

 

[_Pure_]

رد: رد : رد: رد : انتي تحددين تاريخ ولادتج

يصير بس ترا وايد متعب و تطول الولاده حيل خصوصا اذا الرحم مو فاتح ولا راضي يستجيب للتحاميل ممكن يحولونج قيصريه عادي
الافضل تنطرين يفتح الرحم طبيعي و الطلق الطبيعي رحمه من الله

 

[دآنة آلرشآيده]

رد: رد : رد: رد : انتي تحددين تاريخ ولادتج

ماعندي فكره
بس ردود البنات تخرع
اصبري دام الطلق الصناعي يتعب
والله يهون عليج ويسهل ولادتج يآإآآرب

 

[حبـ admant ـك]

رد: رد : رد: رد : انتي تحددين تاريخ ولادتج

نصيحه استحملي هالتعب والثقل
ولا الطلق الصناعي يذبح يذبح
انا ولادتي المفروض تكون 14 نوفمبر
قلت لدكتورتي ودي اولد بتاريخ 11 نوفمبر عشان التاريخ ههههه
وجيكت شافت ان كل شي اوكي وزن البيبي اوكي و الراس بالحوض
وحطت لي التحاميل لكن تميت من تاريخ 11 الصبح لي تاريخ 14 وانا اطلق والرحم مو راضي يفتح
مت في مكاني والله من الالم
سبحان الله متى ما الله كاتب للياهل يطلع بيطلع
ماولدت الا تاريخ 14
والحمدلله على كل حال
كتبت لج تجربتي عشان ماتجوفين اللي جفته
والله مايسوه ولا اتمنى لوحده تاخذ طلق صناعي

 

[njoom1]

رد : انتي تحددين تاريخ ولادتج

واااي مشكورين حبايبي عالردود ... انا انشالله بروح خاص بس والله احس من الحين زهقت مليت
والله مادري محتاره ..... واااااي ادعولي بس ادش التاااسع على طوووووول ايني طلق و اووووووووووووولد بس تعبت

 

[BaTTy]

رد: رد : انتي تحددين تاريخ ولادتج

حبيبتي نطري ميخالف و اكلي تمر عشان تتسهل ولادتج
رفيجتي راحت ولدت من كيفها لانها زهقت و ثقل و جذي تحسفت ولادتها صارت متعسرة و طلعت رووحها
واايد تعبت
فا نطري ما بقى شي نطرتي كل هالاشهر مو عيزانه على هالجم يوم الله يسهل عليج

 

[الكادي 1]

رد : انتي تحددين تاريخ ولادتج

الحامل بالشهر التاسع نفسيا تتعب ودها تقط همها لكن الله مع الصابرين الطلق الصناعي يمكن تولدين ويمكن تعسرين يا اختي لا سمح الله ويقولولك قيصريه لانك اذا دخلتي على مسئوليتك شوفي يا بعد قلبي تصبري وحاولي تضيعين وقتج بالطلعات والروحات والجيات والاسواق ولا تنسين ذكر الله منها تستانسين ومنها يتوسع الرحم والله يفرجلج وتولدين بالسلامه يارب امين

 

[أم حمودي**MALL**]

رد: رد : انتي تحددين تاريخ ولادتج

البنات كفوا ووفوا
سمعي الكلام ولا تستعيلين

 

[الأمـــواج]

والله جنج تقرين افكاري


ودي اولد اول التاسع

والله كريم

 

[الأميرة جوري]

رد: رد : انتي تحددين تاريخ ولادتج

ليش تعذبين نفسج وتتعبين من الطلق الصناعي انتى تحملتى 9 شهور اللي اهو صج التعب والغثا ,,,,,,,,ماتحملين تنتظرين جم يوم الاخيره تولدين ولاده طبيعيه من ربي ,,,,,,,,انا جربت الصناعي مووووووووووت يخليج بين السما والارض ,,,لانى تاخرت وايد وعديت شهري ,,,,,,,بس لمن جربت الولاده الطبيعيه الحمد الله صج الام وآآهات وبجى بس احسن من الصناعي ,,,,,,,,وانتى براحتج

 

[.،:"$الـعـوبــــة$":،.]

رد : انتي تحددين تاريخ ولادتج

والله يالغالية انا في بنتي سبحان الله كان الطلق معاي طبيعي وكنت بكر ، وصدق فيه الم بس والله والله والله مو نفس اللي شفته بولدي ! كان كله طلق صناعي ! لأني من البداية حميت الطلق بالاناناس اللي كنت اكله !!
والرحم مفتوح 3 سانتي بس ! دشيت 10 وشي بالليل ! وولدت 12 الظهر اليوم الثاني ! وطول هالفترة طلق يماااااااااااه وربي مااحب اتذكر !! الحين لو اخلص سنة ! مو اخلص العاشر ! مااخذ طلق صناعي !​

 

[Om_Ksha]

رد: رد : انتي تحددين تاريخ ولادتج

واااااااااااااي شالله حادكم الصبر زييييييييييين

 

[& الذاهبه &]

انا مع البناات شيلي فكرة الطلق الصناعي من بالج

 

[آهات الليل]

رد : رد: انتي تحددين تاريخ ولادتج

انا بحمالي الاول رحت قلت ولدوني زهقت كان لي اكثر من اسبوع بال9 ورمي كان مفتوح سانتين ونص رحتلهم وخذيت طلق صناعي قلت ولدوني
وبحمالي الثاني ولدون طلق صناعي رحمي كان مفتوح بس سانتي بس مضطره اولد صناعي عشان وضع بنوتي كامنت تعبانه
والله طلق الصناعي تعب بتعبعواااااااااااااااااااااااااااااااااااااااااااااااار بمعنى الكلمه
بس من تولدين سبحن الله تنسين العوار وين كان على قولتهم الطلقه منسيه

 

[ام نايف الكويت]

اما صراحه بنتي ثانيه رحت للدكتوره عاليه الفضلي وطلبت انها تولدني لانه صج صج كنت تعبانه
واول مادخلت التاسع رحتلها وفحصتني باليوم 3 مرات الصبح والعصر وباليل لمدة 3 ايام طبعا كل مره تفحصني فيها
اروح اشرب دارسين واكل تمر وامشي ساعه والحمدلله لاطلق صناعي ولا شي دخلت المستشفى وانا 4 سانتي دخلت بليل
ولدة الصبح

ادري طولت عليج والله يقومج بالسلامه :aha: