انا وصخه وريحتي خايسه بس مو بيدي

[الملكيه 2011]

والله ان بالك طويل انتي وش حدك عليها اما ترجعينها ولا تقطينها للجمعيات الخيريه

 

[فجرر]

اللهم صل على سيدنا محمد

اب اب
​

 

[ربي رجوتك]

الله يعينك الصراحه
كل شئ ولا الريحه الاخوات ماقصروا وان شاء الله مشكلتك تنحل

 

[خشف العذارى]

قولي حق المحل اكيد عندهم حل للريحه

 

[درة أهل الطولات]

اممم غريبة ,,,
دقي على المحل خل يشوف خشبهم شنو فيه؟
اممممممممممممم صبغيها يمكن ريحة الصبغ تغطي​

 

[rawan2go]

شبي فحم بخور و خليه بالغرفه لان الفحم يسحب الريحه بس انا اقول فتشي الغرفه يمكن كان اكو شي ميت و اهوا يطلع الريحه و خلي شركات اللي تقتل الحشرات تييلج تجيك على المكيف يمكن يكون اكو شي داخل ميت

 

[attoosh]

حبيبتي خلاص قطيها اهم شي راحتج انتي وريلج معذبه روحج ونفسيتج تعبانه على غرفه يبه روحي رديها واذا ما رضى بيعيها واشتريلج من ايكيا اسعارهم زينه ولا هل العذاب الزم ما عليج نفسج وراحتج وطز بكلشي

 

[paraka]

انا صار معاي جذي مو من الخشب انا صبغت كبتات اعيالي الكبت موجود من زمان مافي شي غيرت لون الصبغ واهوة ثابت بالطوفة مادري شنو راشين يمكن ظلت الغرفة لمدة سنه ريحتها خايسة اغراض اعيالي وملابسهم كل شي اصبغت فيه الريحة كنت كل يوم ابخرها بمعمول وافتح الدرايش لما بدت اشوي اشوي اتخف .

 

[a3sh8k]

الله يعيينج

بسس نصييحهـ لآصآر الصبح بطلي الدريششهـ خلي الششمس والهوآ يدخل الغرفه

لاتغيرين الغرفه كلهآ ريحه مؤؤمعقووله ماترووح انششالله بتروح

اذآ طولت السسالفه جيبي شركه تطلع الرييحه غصب

 

[saraq8]

اخاف في شي داخل الخشب ... دوود ولا حيوان ميت ولا شي .. انا فصلت كبت من الطوفه لي الطوفه وكان النجار هندي شغله واااي مضبوط ما اثق بشغل السوريين ... وكان فيه ريحه خايسه والبوليش يحرق العين عيوني كانت تدمع .. امي قالتلي حطي فحم وبصل يسحب الريحه .. وفعلا مع الايام اختفت الريحه... روحي حق راعي المحل حتي لو طاف عليها سنه .. واشتكي عليه بحماية المستهلك

 

[درر أمهم]

نفس اللي صارلي فصلت غرفة حق ولدي من الضجيج
ولما ركبوا الغرفة ولا ريحة الصبغ قويه طبعا ماحطيت الأغراض فيها
خليت الغرفة تتهوى جم يوم بعدها نظفت الأثاث عدل وحطيت الاغراض

 

[-MaYa-]

ليش صابره عليها
غيريهااااا ..اشتري وحده ثانيه
في اعلان مادري اي محل يمكن بنتا ياخذون الغرفه القديمه ويعطونج يديده اكيد راح تدفعين اقل

 

[nada alwarad]

اختى الله يعيينك بصراحه ....لاكن جربي حطي فحم اسود يعنى مو مشتعل بالغرفه وبالكبت وكل مكان بالغرفه وزيعها وان شاء الله

تسحب الريحه انا جربتها لمن صبغت غرفتي الريحه صدعت راسي وماخليت شي بخور ولبان بس الحمد لله الفحم سحب الريحه..

 

[حروف من ذهب*]

الله يعينج حاولي تدقين علي محلات الغرف وتسالينهم وتقولين مشكلتج يمكن عندهم الحل
في اشياء احنا مانعرفها بس الي متخصص بالشي يعرفه

 

[Loloki]

استغرب من ناس الي يشترون من ضجيج بصراحه قمت القذاره

هذا سرير نوم تنامين فيه تشترينه من ضجييج ويع

 

[بخـــارى]

يمكن الخشب معفن
رجعيها للمحل
و اذا ما رضوا اتصلي على حماية المستهلك

معاها
135
هذا رقمهم

 

[بـدأإيـر]

الله يعينج ياقلبي

طلعي كل شغلج براا الكبت
وحطي قشر البصل بالكبت وخليه يووم او يومين وفجي الدرايش وخلي الهواا يدخلهاا

وعقب يا الغاليه روحي الاقرب حواي عندج قولي ابي كلونيااا اللي كرتونها ازرق كحلي او كلونياا ام عصفور

ورشيهاا بالكبت وبخريه وعقب سكري الكبت عليه عشااان تثبت الريحه

وان شاء الله ماتشمين غير الريحه الطيبه

 

[رحيق]

الله يعينج حبيبتي

انا اعتقد نوعيه الصبغ رديئه

 

[أإلع ـشق دلع ـهـأإ]

الله يعينج حآولي إبحثي شنو سبب الريحه فوق تحت !!

 

[وحدة كويتية]

نصيحتي لج غيري الغرفه بالكامل
والله لايخسر ماتسوى عليج ريحه غرفتج زباله عزج الله بشئ اهو مو بيدج
وانتي مره عندج زوج ماتخافين يهج من الريحه
والله غيريها وافتكي من ريحتها احتمال خالطين مع الخشب اشياء مو زينه
عشان جذي طالعه ريحه وصخه من الغرفه ومو راضيه تروح