انا وصخه وريحتي خايسه بس مو بيدي

[ريح قهوه]

الماترس جديد من البغلي مو منه البلا ....البلا بالخشب نفسه وانا اول شي بصبغها بسمع نصيحتكم وبشوف اذا مافاد مالي الا اني ابدلها

 

[بــــدره]

يمكن الخشب معفن
رجعيها للمحل
و اذا ما رضوا اتصلي على حماية المستهلك

 

[um khaled]

انا اول ما سويت غرفه اليهال ريلي ما خلاني احك فيها شي لمده اسبوع عشان الريحه
وبعدها مسحت الغرفه بفوطه مبلله و كمفورت وكان عادي
الريحه اللي اتقولين عنها شكلها ريحه الورنيش
طلعي الاغراض وامسحيها وهوي الغرفه جم يوم

 

[**سهام**]

صحتج اغلى من الغرفة
صار لي نفس الموقف
أول يومين كنا فرحانين فيها الغرفة لعيالي ومسحناها وبخرناها وحطينا الملابس ولا بعدين اشوف الريحة لزقت بالملابس طلعت الملابس وغسلتهم ورديتهم للكبت القديم .
فتحنا الدرايش والبنكة وبطلنا الكبت وخليناها شهر محد يدخلها ولا راحت الريحة .
طلعناها بالشمس ما كو فايدة يبنا عمال معاهم مكينة ورشوها طبقة شفافة ما أدري شسمها خفت الريحة شوي لكن ما راحت .
اخر شي عطيناها واحد يتصرف فيها .لان راعي المحل كنا رجعنا له في أقل من شهر وقام يماطل فينا وكل يوم يقول بأدزلكم عمال يشيلونها ومر الشهر ما شفنا أحد . أثاري من شروط العقد انه بعد مرور شهر ما يحق لج تطالبينه بشئ, يمكن فيه ناس تخاف الله وتعترف بخطأها لكن هذا ما رضى يتعاون معانا وبالاخير حصله دعوة حلوة مني من كثر ما حرني
.

 

[ريح قهوه]

سهام والله جنه بيصير فيني جذي شكلي بغسل ايدي منها بس يطبق الشغلات وبشوف يمكن يجيبون نتيجه

 

[بسموهـ]

نفس حالتي لما فصلت غرفتي

هذه ريحه اصباغ الضجيج اللي يشتري منهم لازم يلاقي هالريحه


بس انا راحت ريحتها

انا لما وصلت غرفتي وريحتها خايسة ما تنطاق

كانت عطلة الربيع .. رحنا القسيمة بجبد .. بس قبل لا نطلع

بطلت كل الابواب الخزانات و بطلت باب الغرفه والدرايش يومين وانا موجوده

ولما طلعنا خليت باب الغرفة وأبواب الخزانات مفتوحه .. بس سكرت الدريشة

و خليتها حوالي اسبوعين جذي

طبعا كنت ما سحتها بكلونيا

و راشة داخلها .. معمول مطحون فتات

لما رديت خفت الريحة

انتبهي لا تحطين اي شي فيها

انا خليت اغراضي بالكراتين ما حطيتهم لما رديت

بس ترا بتروح الريحه بعدين

وبث

 

[مرام1]

اول شي تأكدي ان الريحه من الخشب و\لك بطريقه وحده انك تطلعين الاثاث برا الغرفه وتشوفين ريحة الغرفه تغيرت والا لا؟؟ لأن احيانا بلاكات الكهرب المحروقه تطلع نفس هالريحه .... تأكدي من وايرات الكهربا وروس الوايرات ونقاط الكهربا

 

[سوسو حبيبتى]

يمكن من الصبغ

فى انواع صبغ رخيصه بتتطلع ريحه خايسه

الله يعينك

 

[ELF Kuwait]

الله ايعينج والله الجاهز أفضل ما يندرى وين ايخزنون اغراضهم هالمحلات

 

[*ماي الورد*]

نفس مشكلة حماتي دقت عالمحل و لعنت خيرهم
و يو خذوها مرة ثانية اكتشفت انهم يستعملون صبغ منتهية صلاحيته على قولتها يعني غشش

 

[PuPa^^SWeeT]

رووحي للمحل نفسه

وخل ايي و يشوف الريحة

واذا مارضاا على انه يسولج غرفة ثانية


روحي حماية المستهلك


وخلي الفاتورة عندج

 

[ركووزه]

عندنا كبت نفس الشي وحطيناه بالشمس اسبوع وراحت الريحه لما ريت دخلته ردت الريحه

مافي فايده وقطيت الكبت

استشيري نجار وقوليله اذا حطيت ورنيش تروح الريحه

 

[ريحْ المَطرْ]

انا اقوووولج دقي على المحل وردديها
والله لو انا مكانج ادق على المحل واشرشحهم على هالريحه الخايسه
لا تسكتين واذا قالو لج تو الناس قولي مو شغلك تو الناس ولالا انا زين مني تحملت 9 شههور ومارديتها لكم
وخل يردون لج فلوسج

واذا تنين غرف صج حلوه وكد مد وماتخرب عندج غرف العثممان

 

[كويتيه فرنسيه]

والله البنات ماقصرو عطوج كل الافكاار

الله يعينج وان شاء الله تلقين حل

 

[هجووورة]

شوفي حبيبتي شوفي ديكورات الغرفة اقصد التصميم اذا فيه تعرجات فتحات فراغات يمكن يكون فار او قطو دش واختنق وتعفن مو معقوله ريحة الصبغ
انا صارلي نفس حالتج في مكان ملابسي من الكبت وكل ما فتحته ذبحتني الريحة طلع طير صغيرون ذابحة ولدي وحاطة في جنطتي وانا ما شفته تالي اكتشفناه واختفت الريحة عقبها ريحة لحم معفن معناته شي حي ميت
غيري اماكن الغرفة ولو تقدرين حريكيها وطلي تحت
الله يعينج ولا يخسر عليج

 

[»βαzεя«]

لحقي على اغراضج وطلعيهم .. ورديها لهم واخذي فلوسج ..

 

[دلوول 2006]

اضح أنه العيب بالخشب

آنا مرة فصلت كبت للكتب

ومن شفته ما شفت الخير

الريحه ريحة مجاري تقتل

رشيت وعطرت وبخرت

وبعد فترة صج راحت الريحه لكن

غزا بيتنا الصرصور الألماني

وقطيته بس الصراصير للحين موجودة

أكافح وأسمم تختفي شوي وترد

يا ليتني قطيته بنفس الوقت جان ارتحت

نصيحه بيعيها على المستعمل وافتكي منها

وانتي الربحانه

ترى الريحه الشينه تجيب الأمراض

بعيد الشر عنج واللي يقرون

 

[** رش رش **]

جربي تصبغينها صبغ جديد
الظاهر الريحه من نوعيه الخشب نفسه دام ان الريحه بكل جزء من الغرفه مو بس الكبت
و الله يعينج و يعوضج عن الخساره

 

[om MaRyooM]

انا لما فصلت كبت من الضجيج ووصلني نفس المعاناة كنت اعانيها لااااااااعت جبدي


كل ماغسل هدوم وارد احطهم ترد تطلع الريحة

جربت كل شي وبعد سنة يلا راحت الريحة



بس كنت كل ماطلع من البيت ابطل الكبتات والدرايش عشان الريحة

 

[LoLaTi]

الله يعينج شلون مستحمله الريحه كل هالمده وساكته راحتج اهم حتى لو كلفج الامر ان تشترين وحده ثانيه اشتري ولا ان تعيشين مع هالريحه اللي تصرع
بس اول شي اتصلي على المحل اللي شريتيها منه وخل يشوفون لج صرفه واذا عاندو معاج دقي على حمايه المستهلك واذا ماصار اشتري غيرها بعد شتسوين مجبوره