انا محتاجتم ضروري حيل(المنشر مول)وخصوصا اهل الفحيحل

[شانيل نمبر 5]

شلونكم يالحلوات؟؟؟

ابي اسألكم عن سوق المنشر اللي بالفحيحيل؟؟؟؟
اشرايكم فيها ؟؟؟اكو العاب حق اطفال؟؟؟
شنو فيه بالضبط؟؟؟

علشان انا بروح لها بكره ان شاءالله يسوها اروح له او لا؟؟
وخصوصا اني ابي اخذا بناتي معي

 

[الحديق السريه]

روحي تر زين بس مو مثل مرينا او شرق او افنيوز
لوول

 

[شانيل نمبر 5]

روحي تر زين بس مو مثل مرينا او شرق او افنيوز
لوول

شنو قصدج مومثل المرينا اوشرق؟؟؟

 

[شانيل نمبر 5]

يصلح حق البنات او لا؟؟
قصد الاعمار مابين 8 سنوات لحد 12 سنه

 

[أسرار الطبيعة]

سارا أخت محمد
تعالي وحياك الله ، العين مكانك وفوق الراس مطرحك
في عندك فوق ألعاب وفي ماكدونالدز ومطاعم فوق وتحت وهو هاديء نوعا ما وبالمرة تتعرفين على فندق روتانا المنشر ، في عندك هناك عطورات الفودري ورصاصي والمرشود طبعاً ، وكم محل للبلاي ستيشن
محلات ساعات ماركات
فرصة تغيرين جو وتتفرجين في الكويت على شيء جديد
وإذا ما عجبك عندك الكوت حذفت عصا

 

[شانيل نمبر 5]

سارا أخت محمد
تعالي وحياك الله ، العين مكانك وفوق الراس مطرحك
في عندك فوق ألعاب وفي ماكدونالدز ومطاعم فوق وتحت وهو هاديء نوعا ما وبالمرة تتعرفين على فندق روتانا المنشر ، في عندك هناك عطورات الفودري ورصاصي والمرشود طبعاً ، وكم محل للبلاي ستيشن
محلات ساعات ماركات
فرصة تغيرين جو وتتفرجين في الكويت على شيء جديد
وإذا ما عجبك عندك الكوت حذفت عصا

مشكوره يالغاليه علي الرد
وتسلمين علي هالكلام الحلو:tek:
المشكله ان المنشر وايد بعيد
واخاف اروح له واضيع وقتي عالفاضي

 

[أحبك خفاا]

هلا حبيبتي وحياج الله من الحة مجمعات اللي بالكويت والجديدة المنشر فية فندق بعد ومجمع حيل راقي وعائلي وفية ماركة كريولاين وفية بودي شوب وكليرز وفية فيلا مودا وفية كل ماركات ساعات المعروفة و صيدلية بوتس يعني كل شي موجود ومن المطاعم ماكدونالدز وشرمبي ومطعم هندي ناسية اسمة وفي مطعم شيليز وكافيهات واجد وراقية ,وتعقيب للاخت اللي قالت غير عن المارينا والافنيوز كلامك له معنى ثاني الله يسامحك وربي انة احلى مجمعات بالكويت بالاحمدي وبالفحيحيل خصوصا ناس محترمة مو مثل المارينا الحمدلله والشكر الله لايعاقبنا يفشلون هناك ناس ضايعة واحترامي لج وحياج الله :klhfl:

 

[شانيل نمبر 5]

هلا حبيبتي وحياج الله من الحة مجمعات اللي بالكويت والجديدة المنشر فية فندق بعد ومجمع حيل راقي وعائلي وفية ماركة كريولاين وفية بودي شوب وكليرز وفية فيلا مودا وفية كل ماركات ساعات المعروفة و صيدلية بوتس يعني كل شي موجود ومن المطاعم ماكدونالدز وشرمبي ومطعم هندي ناسية اسمة وفي مطعم شيليز وكافيهات واجد وراقية ,وتعقيب للاخت اللي قالت غير عن المارينا والافنيوز كلامك له معنى ثاني الله يسامحك وربي انة احلى مجمعات بالكويت بالاحمدي وبالفحيحيل خصوصا ناس محترمة مو مثل المارينا الحمدلله والشكر الله لايعاقبنا يفشلون هناك ناس ضايعة واحترامي لج وحياج الله :klhfl:

هلا وغلا:68_asmilies-com:
مشكوره علي الرد
المكان يصلح حق الاطفال يعني اكو العاب؟؟؟
معقوله ان المنشر مول في الاشياء اللي قالتيها بس مالها اي دعايه قويه؟؟؟؟؟؟؟؟؟؟
من كلامج انا مجمع ناجحه


بس امانه ردي علي يصلح حق الاطفال؟؟؟يعني اكو اللعاب؟؟

 

[النبع الصافي]

المجمع كتسوق عااااادي المجمعات الثانيه احسن منه يفرق عنها إنه هاادي نوعا ما

وبالنسبه للألعاب ماقد رحت بعيالي لها وكان ودي افيدج والله بس ان الله عطانا عمر وديت عيالي بأقرب وقت

 

[autointoxication]

المنشر لاصق بمجمع الكوت وايد ناس يروحون له بس ماله دعاية لأنه بعيد شوي و هادي

اذا تبين العاب لليهال بعد ما تتسوقون و تتغدون بالمنشر و الكوت روحو الالعاب في كويت ماجيك بنفس الشارع

 

[شانيل نمبر 5]

المجمع كتسوق عااااادي المجمعات الثانيه احسن منه يفرق عنها إنه هاادي نوعا ما

وبالنسبه للألعاب ماقد رحت بعيالي لها وكان ودي افيدج والله بس ان الله عطانا عمر وديت عيالي بأقرب وقت

مشكوره ياالحلو علي الرد
وان شاءالله الله يكتب لج طول العمر وتودينا عيالج وعيال عيالج بعد:klhfl:
ااااااااااااااااااااااااااااااااااامين يارب العالمين

 

[زلابيا]

بالمنشر في العاب فوق يم المطاعم توه يديد اسمه FUN AHOY انشاءالله كلكم تستانسون

 

[شانيل نمبر 5]

المنشر لاصق بمجمع الكوت وايد ناس يروحون له بس ماله دعاية لأنه بعيد شوي و هادي

اذا تبين العاب لليهال بعد ما تتسوقون و تتغدون بالمنشر و الكوت روحو الالعاب في كويت ماجيك بنفس الشارع

مشكوره علي المعلومات يالحلوه

 

[bedour18]

احب المنشر لأنه هااااااااااااااادي و حلو أحب مطعم شيليز فيه لأنه مافيه هالأشكال اللي تلوع الجبد اللهم ياكافي

فوق فيه العاب حلوة لليهال نفس طقة طفل المستقبل

انشالله تستانسين هناك

 

[شانيل نمبر 5]

بالمنشر في العاب فوق يم المطاعم توه يديد اسمه FUN AHOY انشاءالله كلكم تستانسون

ان شاءالله اخدمج بالافراح يارب:klhfl:

 

[شانيل نمبر 5]

احب المنشر لأنه هااااااااااااااادي و حلو أحب مطعم شيليز فيه لأنه مافيه هالأشكال اللي تلوع الجبد اللهم ياكافي

فوق فيه العاب حلوة لليهال نفس طقة طفل المستقبل

انشالله تستانسين هناك

عسى ايامكج سعيده ان شاءالله
والله يوفقج ان شاءالله

وهذي لج:tek:

 

[شانيل نمبر 5]

مشكورين وايد
وماقصرتوا

 

[كـلا كـلا]

في العاب فوق بالمنشر يم المطاعم اسمهم fun ahoy يونسون كذا مرة اودي عيالي

 

[شانيل نمبر 5]

مشكوره يالغاليه

 

[tofy]

في العاب حق اليهال فوق صوب ماكدونالز وايد حلوين ولدي عمره سنتين اسم الله عليه استانس عليهم