انا صلعه وحطيت باروكة ب850دينار ولا فاد كرهت زووجي وابي اتطلق تكفه ساعدوني

[نور النيا]

سوري على البدليات قاعده اكتب بالايفون مااشوف عدل
الله يرزقج بشعر جميل يارب

 

[مـزآج ــــية]

الله يشافيج و يجملج بعيون زوجج

 

[تحرير @]

الله معج

 

[نعم نعم شنو]

كندريه حبيبتي على طول اذكرج ودايما ادعيلج لانه قصتج مو راضيه تنشال من بالي

يمكن عشان ربي يحبج لاني كل ما نويت ادعي تيين على بالي

دعيت لكم بليلة القدر انتي و وحده اسمها مزاجيه اعتقد اماراتيه ييتوا على بالي ودعيت لكم احلى دعوه

الله يجملج بعيونه ياااااااااااااارب ويكثف شعرج وكل الي تتنمنا تنولينا آمين

 

[فديت اخوي والله]

السلام عليكم حبيبتي
والله تأثرت من قريت قصتج
وياليت اتروحين حق دكتور عادل قطينه يمدحونه بنات بالدوام ماشاءالله كانو شبه صلعه
ونبت شعرهم من علاجه

 

[ابتسامتي عسل]

يالغلاااااااا قرى على شعرك وحطي ماااي زمزم ربي يشفيييك ويطلع لك شعر كثير يارب

 

[المـــــها]

شوفي حبيبتي زوجج متقبلة وضعج فلا تخربين على نفسج خليج طبيعية لأن هالشي من الله و هو مقتنع فيه
بوضعج الباروكه محلله لأن سمعت الشيوخ يقولون للمرض عادي تلبسها نفس اللي فيها كانسر بسم الله عليج
عادي تلبسها
و بحالتج مو حرام لأنج ماخدعتي زوجج هو يدري انه مو شعرج


ليش ماجربتي زيت مقري عليه تدهنين فيه مكان الصلع؟؟
شوفي شيخ يقراعليج


و انتي اذا شعرج فيه صلع بس من جدام
نبتي شعرج اللي ورا و سوي توصيل او نفس طريقة الباروكه من جدام

 

[اخت خالتهم]

الله يشفيج حبيبتي حااااااااااااااااااااسه فيج

حبيبتي اخاف هرمونات مو صلع
انا نفسج ترا شعري من جدام فجأه قام يطيح وقلت خلاص صلع
وابجي رحت للدكتور ويعالج بعدين استوعب قال يمكن هرمونات
وحللت صح خربطة هرمونات
ولما تعدلت قام ينبت خفيف من جدام
واذا حملت بإذن الله بيرد احسن
لاني عالجت هرموناتي
رفعي هرموناتج الانثوية خليها اكثر من الذكورية
انا كاهو خفيف بس اوديه على جنب
عاااااادي
انتي من البواريك طيحتيه اكثر

 

[هذا مزاجي]

الله يهون عليج ويشفيج

 

[صمت الورد >3]

ااااااااااااااااااااااه ياربي
نفس حالتي شعررري رااااااااااح وتركت خطيبي خفت يجرحني وجلست بالبيت ولا ابي اشووف الناس
شعري صلع يفششششششششل
حتى كتبت موضووع هنا نصحوني البنات
ونصيحه قبل تسووين اي شي او تاخذين علاج من دكاتره صلي استخاررررررره
حبيبتي رووحي لشيخ يقرى عليك واقري انتي بعد القراان احسن دوواء وبأذن الله ربي يرد شعوورنا
انا كل يوم اقرا واروح الحرم اشرب ماي زمزم
وان شاءالله بدعيلك ويااي
الله يوووفقك يارب

 

[3w!Shni]

حبيبتي في شي اسمه اعتقد الميزو ثيرابي

تلقينها في عياده طلال العلي

ابر للشعر و ليزر جلسات ..

سئلي اكثر و عن احسن عياده و جربي

ربي يشافيج و يطمن قلبج

 

[ryoonah]

الله يعينج حبيبتي

 

[توتا الكتكوته]

اقرع مقيرع طاح بالطاسه صيح على امه يبي قرقاشه وينج صاحبة الموضوع بشري تطلقتي ولا بعد ؟؟

 

[a7la-elbanat]

الله يعينج ياقلبي حاولي تستشيرين دكاتره افضل لاتلعبين بنفسج زراعه مازراعه واذا صلع ذكوري جايز تكون مشكلتج وراثيه

الله يكثر حظج يارب

 

[EleGanZa]

استغفرالله ربي واتوب اليه
الهي لك الحمد

حبيبتي لاتلعبين بشعرج وايد

ترا سوالف البواريك تقمت عالبصيلة وتخنقها
يعني حاولي تحافظين على الجم شعره اللي عندج لحين ما ربي يفرجها

بس انتبهيييييييييييييييانتبهي اقولها لج بالخط العريييض

لا تتشكين من شعرج جدام ريلج
ولا تتأزمين وتتضايقين جدااامه ديري باااااااااااالج
زعلانه متضايقه حالة شعرج تبجي؟ زعلي وابجي من غير ما ابو عيالج يحس فيج

ترا والله والله والله كرهج لحالة شعرج راح تنتقل لزوجج وراح تلاحظينه يبدي يتأفف

خلج واااثقة من نفسج
انا مرات اتعيز بعد السباحة استشور شعري وهم ما ابي أأذيه كل شوي شسوار..ومشكلة شعري متقصف ومتكسر من تحت

والله اقعد بحضنه واتدلع وكلي ثقة... تدرين مرة شقال؟ قال انتااجنا باليهال معرووف..راح يطلعون بيض وشعر ناااعم!
وانا اساسا طبيعة شعري مو ذيك النعومة..ناعم من الجذوور فقططط اما تحت ويفي ومع التقصف صاير خشن
بس ما لاااااااااااااااااااااااااااحظ
ياحلات الثقة بس
وبعدين حطي ببالج شي
ريلج يوم حبج
شافج بحجابج من غير شعر
يعني ما حبج عشان شعرج
و حسني اكلج واكلي خضار وايد بس ابتعدي عن الجرجير ترا خرطي

:eh_s(15): انا معاها


والله يعينج ويجملج بعين ريلج يارب :yaaaaaarb:

 

[روائع الجوري]

ياربي انا اكثر وحده حاسه فيج عندي تقريبا مشكله قريبه من مشكلتج صلع بس بسببي يعني لما ازعل انتف شعري لما تصير المنطقه الاماميه صلعه رحت دكتور نفسي بس جذاب اول شي سواه عبالي ورقه مليانه حبوب ب 70 دينار بدون مايسمع تفاصيل مشكلتي انسان ماعنده ذمه بعدين رحت دكتورة جلديه عشان تعطيني ابر ميزوثيرابي حلوه مستمره عليها توقف التساقط وتنبت وصرة علي طول احط سدر علي شعري عشان ما انتف ووقفت تنتيف وشعري سار يهبل فأنصحج بلابر وانا ادعيلج من كل قلبي ان الله يفرج همج وييسر امورج ويجعلج قرة عين لزوجج حبيبتي ما اوصيج بزوجج ترا موقفه معاج موقف رجال وترا عن تجربه انا زوجي يموت فيني ما كان يهتم بموضوع شعري كل همه انه يحبني وبس والله الرجال اذا حب زوجته ما يهتم في هذي الامور والله يكون معاج اكثري من الاستغفار ترا الاستغفار يفتح الابواب المغلقه​

 

[روائع الجوري]

والله قطعتي قلبي بدعيلج بس عشان خاطر عيالج والناس الي تحبينهم لا تتكدرين ترا الدنيا والله ماتستاهل​

 

[@شمس الضحى@]

اقرع مقيرع طاح بالطاسه صيح على امه يبي قرقاشه وينج صاحبة الموضوع بشري تطلقتي ولا بعد ؟؟

لاحول ولا قوة الابالله العلي العظيم
الله يهديناا ويهديج ماالقيتي غير هالرد؟؟؟

 

[أحبج يمه]

ماعندي فكرة والله يعينج ويجملج بعيون الكل

 

[أحلى البشر]

الله يفرج همج يارب