قوه كويتيات
بنات انا سويت "ثورة" :eh_s(4): بس ثورتي حدها مسالمه وهاديه مالها حس (لأني بروحي لوووووووووول ) :krkrkr: و سميتها "Don't let them fool you" و الترجمة اهي " لا تسمحين لهم انهم يخدعونج"
بنات الله يخليكم ترى انا وحده حالي حالكم يعني مو تظنون اني خبيرة او بروفسورة في الكريمات وهالسوالف.. انا قلت لكم بموضوعي اللي طاف اني وحده مهووسه في البحوث احب ابحث و اقرا عن هالبلاوي اللي نحطها على بشرتنا وما احب اسمع من جهه وحده .. بالعكس احب ادرس كل الاراء من الخبراء طبعا...
بليز بنات انا ياتني اساله من بنات عن رايي بكريم معين و هل اهو زين ولا لآ.... يا اختي ليش مو انتي تبحثين عن هالكريم بنفسج .. واذا احتجتي مساعدة ولا يهمج..انا اقول جذي مو عيز عن المساعدة بس والله ابيكم انتوا تستفيدون بالاطلاع
حاولي انتي تعلمين نفسج على البحث .. لا تقولين ما اعرف!! ما تعرفين تعلمي يا اختي!!
ربنا اول ما نزل الوحي على نبينا محمد صلي الله عليه و سلم قال له (اقرأ) مع ان رسولنا امي ما يعرف القراءة و الكتابة لكنها اشارة له و لنا على طلب العلم و التعلم.
وايد ايات في القرآن ربنا يخاطبنا فيه ويحفزنا ونقوم من نومنا وغفلتنا و نطلب العلم علشان جذي ربنا كرر وايد هالكلمات بالقران (أفلا تتفكرون) (افلا تبصرون) ( أفلا تعقلون) كل هالايات ربنا يحثنا على التعلم.
على فكرة ترى انا مو داعية او يروح بالكم اني قاعده اعطيكم دروس دينية.. انا وحده عاديه بس حبيت اشجعكم :ggdw: ومابي المصنعين اهم اللي يمشونكم على كيفهم ويخدعونكم بدعاياتهم.. ابيكم انتوا تختارون بنفسكم و تقررون
انا قبل جم يوم نزلت موضوع و كنت كاتبه فيه معلومه بحثت عنها وهي ان الفازلين ضار و يسبب السرطان...ولقيت تجاوب في الموضوع بين مؤيد و معارض
وفي بنات ناقشوني على الموضوع.. وبصراحه انا تعجبني المناقشات لانها تحفزني اكثر على اني أركز و أكثف اكثر في البحث علشان القى الدليل اللي اقدر اثبت فيه اقتناعي.
المره هذي راسلت متخصصين (حاولت اني اسأل اكثر عدد ممكن علشان اشوف اكثر الآراء) و كان الرد مفاجئه
في مجموعة قالوا: ان الفازلين غير مسرطن ومافي ابحاث و دراسات عن هالموضوع وان اللي يقول هالكلام مضييع او انه يجذب وقالوا ودايما يكون الهجوم على الفازلين من الشركات اللي تبيع كريمات طبيعية علشان يمشون سوقهم ويطيحون حظ الفازلين.... الخ الخ
والمجموعة الثانية قالوا: ان الفازلين يسبب السرطان و في ابحاث و دراسات تثبت هالشي وان اللي يدافعون عن الفازلين غالبا تلقينهم يسوقون منتجات فيها فازلين... الخ الخ
عاد انا اهني صج احترت مادري منو اصدق << جان اقوووول حذره بذره هههههههه
قمت انادي جهينه ... يا جهينه وينج يا أم الخبر اليقين انقذيني انا ضعت :eh_s(2):
جان اتذكر عنوان جهينه ... اهي مؤسسة أمريكية حكومية ودام انها حكومية معناتها مافيها روح و تعال..طبيعة الموقع هذا انه عبارة عن قاعدة معلومات علماء و عباقرة العالم كله من شرقه الي غربه يعرضون ابحاثهم فيه بس ترى متخصص بالابحاث الطبية و الصحية... الموقع اسمه Pubmed دوروه بقوقل يطلع لكم
و المفاجئه كانت!!!!!!!!!!!!!!!!!!!!!!!!!!!
ان منتجات البترول اللي من ضمنهم الفازلين يسبب السرطان ؟؟ ليش يسبب السرطان؟؟
تقول الابحاث ان الفازلين فيه ماده اسمها Polycyclic Aromatic Hydrocarbon عاد ما اعرف اترجم هالمركب بالعربي << توهقت
الماده هذي اهي اللي تسبب السرطان علشان جذي لازم يكون تكرير الفازلين بصورة صحيحة و مكثفة.. لانه في مصنعين ما يكررونه عدل فتبقى هالماده في الفازلين و بالتالي تأثر على اللي يستخدمها.
عاد الاتحاد الاوربي منع الفازلين و حتى المنتجات التجملية اللي فيها فازلين ليمن يتأكدون من الشركو المصنعة و الموردة لهم من انها كررته بصورة دقيقة و ما فيه اي بقايا من ال Polycyclic Aromatic Hydrocarbon
في امريكا ما عندهم قانون مصرحين فيه بالتشدد في تكرير الفازلين لكن مدام المنتجات تدش ادارة الدواء و الغذاء FDA فغالب الظن انه يطابق قوانينهم لحماية المستهلك
و احنا و ع عليه علينا منو يدقق في الفازلين اللي يدش سوقنا :krkrkr:
على العموم انا اي شي اسمه فازلين او "البيتروليوم جيلي" و خرت عنه و حاربته " يقول المثل من خاف سلم"
الحين بتقولون لي شنو البديل احنا تعودنا عليه ..و اللي تقول امي متعوده عليه .. و اللي تقول ما اقدر استغني عنه .. الخ الخ
لقيت لكم البديل بس لسوء الحظ او غالب الظن انه ما ينباع عندنا بس ترى موجود في موقع
Amazon.com
و موقع
ebay
اسم المنتج Un-Petroleum jelly يعني جيلي مثل الفازلين بس مو منتج من البترول..
اهو منتج من زيوت نباتية و شمع نباتي سعره تقريبا حول الدينار و نص.. و موجود في بريطانيا و في امريكا
و هذي صورته
في بنات وايد يحبون يرطبون شفايفهم بالفازلين.. و علشان ما يتوهقون انا عندي طريقة اسويها ارطب فيها شفايفي .. شوفوها يمكن تعجبكم
اولا: اييب كبسولات فيتامين اي Vitamin E موجوده بالصيدليات
ثانيا: اخلط معاه نفس الكمية زيت خروع ..بس انتبهوا مو الزيت اللي من الحواي .. تلاقونه في السوبرماركتات مثل لولو هايبر ماركت تلاقونه صوب الادوية لانه يعتبر ملين للبطين في حالة الامساك نفس اللي بالصورة... ليش الزيت هذا بالذات لانه خاضع تحت مقاييس الصيدلة البريطانية.. ثانيا زيت الخروع فيه خاصية كيميائية تخلية لازق بشفايفج و ما يسيح مثل الزيوت الثقيلة الثانية
و خلطيهم بنفس الكمية (احيانا افضل كمية الفيتامين اكثر) واحطهم علبة زجاجية غامجة علشان تحمي فيتامين اي من التكسر من الضوء و احتفظي فيه بمكان مظلم (يعني حطية باليراره)
و مشكورين و مابي منكم غير الدعاء
ونطروني بمواضيعي الثانيه اذا الله قدرني اعلمكم على شغلات تفيدكم و كريمات تسوونها بيدكم
بنات انا سويت "ثورة" :eh_s(4): بس ثورتي حدها مسالمه وهاديه مالها حس (لأني بروحي لوووووووووول ) :krkrkr: و سميتها "Don't let them fool you" و الترجمة اهي " لا تسمحين لهم انهم يخدعونج"
بنات الله يخليكم ترى انا وحده حالي حالكم يعني مو تظنون اني خبيرة او بروفسورة في الكريمات وهالسوالف.. انا قلت لكم بموضوعي اللي طاف اني وحده مهووسه في البحوث احب ابحث و اقرا عن هالبلاوي اللي نحطها على بشرتنا وما احب اسمع من جهه وحده .. بالعكس احب ادرس كل الاراء من الخبراء طبعا...
بليز بنات انا ياتني اساله من بنات عن رايي بكريم معين و هل اهو زين ولا لآ.... يا اختي ليش مو انتي تبحثين عن هالكريم بنفسج .. واذا احتجتي مساعدة ولا يهمج..انا اقول جذي مو عيز عن المساعدة بس والله ابيكم انتوا تستفيدون بالاطلاع
حاولي انتي تعلمين نفسج على البحث .. لا تقولين ما اعرف!! ما تعرفين تعلمي يا اختي!!
ربنا اول ما نزل الوحي على نبينا محمد صلي الله عليه و سلم قال له (اقرأ) مع ان رسولنا امي ما يعرف القراءة و الكتابة لكنها اشارة له و لنا على طلب العلم و التعلم.
وايد ايات في القرآن ربنا يخاطبنا فيه ويحفزنا ونقوم من نومنا وغفلتنا و نطلب العلم علشان جذي ربنا كرر وايد هالكلمات بالقران (أفلا تتفكرون) (افلا تبصرون) ( أفلا تعقلون) كل هالايات ربنا يحثنا على التعلم.
على فكرة ترى انا مو داعية او يروح بالكم اني قاعده اعطيكم دروس دينية.. انا وحده عاديه بس حبيت اشجعكم :ggdw: ومابي المصنعين اهم اللي يمشونكم على كيفهم ويخدعونكم بدعاياتهم.. ابيكم انتوا تختارون بنفسكم و تقررون
انا قبل جم يوم نزلت موضوع و كنت كاتبه فيه معلومه بحثت عنها وهي ان الفازلين ضار و يسبب السرطان...ولقيت تجاوب في الموضوع بين مؤيد و معارض
وفي بنات ناقشوني على الموضوع.. وبصراحه انا تعجبني المناقشات لانها تحفزني اكثر على اني أركز و أكثف اكثر في البحث علشان القى الدليل اللي اقدر اثبت فيه اقتناعي.
المره هذي راسلت متخصصين (حاولت اني اسأل اكثر عدد ممكن علشان اشوف اكثر الآراء) و كان الرد مفاجئه
في مجموعة قالوا: ان الفازلين غير مسرطن ومافي ابحاث و دراسات عن هالموضوع وان اللي يقول هالكلام مضييع او انه يجذب وقالوا ودايما يكون الهجوم على الفازلين من الشركات اللي تبيع كريمات طبيعية علشان يمشون سوقهم ويطيحون حظ الفازلين.... الخ الخ
والمجموعة الثانية قالوا: ان الفازلين يسبب السرطان و في ابحاث و دراسات تثبت هالشي وان اللي يدافعون عن الفازلين غالبا تلقينهم يسوقون منتجات فيها فازلين... الخ الخ
عاد انا اهني صج احترت مادري منو اصدق << جان اقوووول حذره بذره هههههههه
قمت انادي جهينه ... يا جهينه وينج يا أم الخبر اليقين انقذيني انا ضعت :eh_s(2):
جان اتذكر عنوان جهينه ... اهي مؤسسة أمريكية حكومية ودام انها حكومية معناتها مافيها روح و تعال..طبيعة الموقع هذا انه عبارة عن قاعدة معلومات علماء و عباقرة العالم كله من شرقه الي غربه يعرضون ابحاثهم فيه بس ترى متخصص بالابحاث الطبية و الصحية... الموقع اسمه Pubmed دوروه بقوقل يطلع لكم
و المفاجئه كانت!!!!!!!!!!!!!!!!!!!!!!!!!!!
ان منتجات البترول اللي من ضمنهم الفازلين يسبب السرطان ؟؟ ليش يسبب السرطان؟؟
تقول الابحاث ان الفازلين فيه ماده اسمها Polycyclic Aromatic Hydrocarbon عاد ما اعرف اترجم هالمركب بالعربي << توهقت
الماده هذي اهي اللي تسبب السرطان علشان جذي لازم يكون تكرير الفازلين بصورة صحيحة و مكثفة.. لانه في مصنعين ما يكررونه عدل فتبقى هالماده في الفازلين و بالتالي تأثر على اللي يستخدمها.
عاد الاتحاد الاوربي منع الفازلين و حتى المنتجات التجملية اللي فيها فازلين ليمن يتأكدون من الشركو المصنعة و الموردة لهم من انها كررته بصورة دقيقة و ما فيه اي بقايا من ال Polycyclic Aromatic Hydrocarbon
في امريكا ما عندهم قانون مصرحين فيه بالتشدد في تكرير الفازلين لكن مدام المنتجات تدش ادارة الدواء و الغذاء FDA فغالب الظن انه يطابق قوانينهم لحماية المستهلك
و احنا و ع عليه علينا منو يدقق في الفازلين اللي يدش سوقنا :krkrkr:
على العموم انا اي شي اسمه فازلين او "البيتروليوم جيلي" و خرت عنه و حاربته " يقول المثل من خاف سلم"
الحين بتقولون لي شنو البديل احنا تعودنا عليه ..و اللي تقول امي متعوده عليه .. و اللي تقول ما اقدر استغني عنه .. الخ الخ
لقيت لكم البديل بس لسوء الحظ او غالب الظن انه ما ينباع عندنا بس ترى موجود في موقع
Amazon.com
و موقع
ebay
اسم المنتج Un-Petroleum jelly يعني جيلي مثل الفازلين بس مو منتج من البترول..
اهو منتج من زيوت نباتية و شمع نباتي سعره تقريبا حول الدينار و نص.. و موجود في بريطانيا و في امريكا
و هذي صورته
في بنات وايد يحبون يرطبون شفايفهم بالفازلين.. و علشان ما يتوهقون انا عندي طريقة اسويها ارطب فيها شفايفي .. شوفوها يمكن تعجبكم
اولا: اييب كبسولات فيتامين اي Vitamin E موجوده بالصيدليات
ثانيا: اخلط معاه نفس الكمية زيت خروع ..بس انتبهوا مو الزيت اللي من الحواي .. تلاقونه في السوبرماركتات مثل لولو هايبر ماركت تلاقونه صوب الادوية لانه يعتبر ملين للبطين في حالة الامساك نفس اللي بالصورة... ليش الزيت هذا بالذات لانه خاضع تحت مقاييس الصيدلة البريطانية.. ثانيا زيت الخروع فيه خاصية كيميائية تخلية لازق بشفايفج و ما يسيح مثل الزيوت الثقيلة الثانية
و خلطيهم بنفس الكمية (احيانا افضل كمية الفيتامين اكثر) واحطهم علبة زجاجية غامجة علشان تحمي فيتامين اي من التكسر من الضوء و احتفظي فيه بمكان مظلم (يعني حطية باليراره)
و مشكورين و مابي منكم غير الدعاء
ونطروني بمواضيعي الثانيه اذا الله قدرني اعلمكم على شغلات تفيدكم و كريمات تسوونها بيدكم
