انا حامل ؟؟؟

[عبث طفله]

قوه كويتيات ..

الحين انا جتني الدوره 19 /12 وغسلت 24/12 وماصار جماع الا 1/1

يصير احلل منزلي ؟؟ وتطلع النتيجه ؟؟ لاتقولون هرموني ..

انا سؤالي اذا فيه حمل يبين لو احلل الحين يعني انا اليوم صار لي 27 يوم من الدوره ؟؟ واليوم مفروض دورتي تنزل ؟؟

حيل خايفه .. ​

 

[ام فوااز]

نطري موعدها احسن حبيبتي لاتستعيلين يمكن حامل ومايبن معاج بالذات المنزلي مو دقيق قبل موعد الدورة اذا طاف يوم واحد اهني يصير دقيق ويبين معاج

 

[عبث طفله]

ماقصرتي ام فواز .. وهذا اللي بسويه .

الجماع صار بيوم 14 من الدوره ؟؟ يعتبر تبويض متأخر ؟؟

والله يصبرني ان شاء الله ..

 

[دو^ري^مي^]

انشالله حامل يارب وبس تتاخر لو يوم روحي حللي دم عادي ببين باذن الله

 

[احساس زوجه]

لا تخسرين وانا اختج انطري لو يوم او يومين عشان التأكيد

 

[bluegg]

الله يرزقج بالذرية الصالحة وكل شي مكتوب ومقدر لا تستعجلين والله يفرح قلبج وطمنينا عليج

 

[عبث طفله]

ماقصرتوا حياتي ..

انا عندي بنوته الحمد لله بس حاليا مابي الحمل لانه اخر كورس تخرج وانا حملي لازم راحه تامه ومافيه حركه فخايفه اشوي ..

واذا حصل الحمد لله على كل حال .. محد يعترض على قدرة الله

 

[جذابه بنت ذيابه]

رد : انا حامل ؟؟؟

نطري لين موعدها يا الغلا ..

واذا يومين ماجتج حللي

 

[عبث طفله]

ماقصرتي جذابه والله يسهل عليج يارب ..

 

[@سيدة نفسي@]

رد : انا حامل ؟؟؟

أعتقد يبين الحين لأن اذا كنتي حامل فالحمل صار له 14 يوم

جربي اشخسرانة؟؟!

 

[عبث طفله]

سيده .. معقوله يبين الحمل في التحليل المنزلي من 14 يوم ..

بقول شغله يمكن تفيد صاحبات الخبره .. الحين انا مرتين حملت دايما يكون حملي اول الشهر 6 تحديدا ً

هل معناته انه دايما حملي يكون اول الشهر ؟؟

 

[@سيدة نفسي@]

رد : انا حامل ؟؟؟

لا موشرط .. انا حملت مرتين بأول الشهر ومرة بال20 منه

لأن الولادة تغير موعد دورتج فطبيعي يتغير التبويض عرفتي

شلوون

 

[عبث طفله]

اهاااا ..

يسلمووو حتاتو للمعلومه الحلوه

 

[أم@الحلوين]

نطري عشر ايام واذا ما يتلج حللي وراح يبين معاج

 

[عبث طفله]

يسلمو ام الحلوين ..

ان شاء الله تجي هاليومين ..

 

["*آآآنؤؤؤقهـ*"]

رد : انا حامل ؟؟؟

الله يكتب لج اللي فييه خييير

 

[مواصله]

رد : انا حامل ؟؟؟

تقدرين تحللين بعد مايمر على الجماع 15 يوم

دكتورتي شاطره وتقول اذا فيه حمل يبين بمرور اسبوعين

ربي يكتب لك اللي فيه الخير

 

[بيضاء الثلج]

الله يكتب لج اللي فيه الخير ويرزقج

 

[(أم نونو)]

رد : انا حامل ؟؟؟

انشلله حامل لا تستعجلين اذا تاخرت يومين حللي وبشرينا

 

[ام كوشه منكووشه]

رد : انا حامل ؟؟؟

حبيبتي التحليل المنزالى ممكن يبين اذا فيه حمل او لأ 6 ايام قبل موعد الدوره

انا بحملى جربته قبل الدوره باسبوع وبين معاي