السلااااااااااااااااااام عليكم
يعطيكم العافيه حبيباتي وتسلمين يالفنانه عالموضووع صج انج فنانه
توني اشوف موضوعكم والله استفدت منكم لاني كنت محتاره وين اشتري لبنتي لبس العيد
بالنسبه لي لبس القرقعان خلصت منه اخذت لها من معرض.. بس ناقصني اشتري لها صندل حق القرقيعان مثل اللي حاطه صورته الفنانه عجبني ابيلها جذي عالموضه تقطعه بالعافيه
وناقص القرقيعان نفسه بسويه بنفسي الله يبارك في ابوميه كله شغلات حلوه وجياس وفناتك بس حطي في بالج الفكره وشكل القرقيعان شلون وعقب روحي اشتري اغراضه
العام سويت لها شكل سله صغيره تجي الوان اخذت ازرق واوف وايت وبنفسجي واخذت جياس تور ملونه نفس الالوان البنفسجي خليت جيسه زهري فاتح والسله الاوف وايت خليت جيسها فوشي والازرق جيسه ازرق سماوي
وشرايط عساكم من عواده وحطيت شفتو الاقلام الريش اللي ع فراشات رووووعه شكلهم نفس الالوان خليتها طالعه من السله
والسله نفسها زينتها بورد وفراشات وسويت بطاقات باسمها وبيتين شعر عالفوتوشوب تصميم ازرق وبنفسجي ووردي وعلقتها بالسله بالمشابك هم من ابو ميه اخذت 2 شكلين ع دب وفراشه وحطيتهم بسله كبيره زينتها بشرايط
وطلع روعه عبالهم شغل حريم وماكلفني وااايد سويت لها تقريبا 35 حبه والكبار اخذت لهم جاهز ماكان عندي وقت
بالنسبه للعيد ابيلها حق اول عيد ..
مع اني دورت لها اهنيه بكويتيات مول وواحد عجبني بس مالقيت قياسها
ثاني عيد شريت لها من انوتا بالافينيوز نفنوف روعه بنفسجي فيه خيوط ووردات معلقه في منه لونين معروض احمر وبنفسجي الاحمر حده فاشل ..
هم يبيلها تاج او كليبسات واكسسوارات بشوف كليرز او ميسوون
اخذت لها صندل عزكم الله من payless من الافينيوز بنفسجي بسلفر ع ورود حلو لايق عالنفنوف وهم اخذت لها صندل ثاني الوانه تشوق حلوه فسفوريه
تبديلات اخذت لها قبل من مذر كير كانو مسوين تنزيلات اخذت نفنوف مشجر الوانه سماوي باحمر وبنطلون وتوب حلو لونه احمر بتطريز ابيض وهم ناقصني الجوتي عليه
حزه الغدا وبعدهاا اللي تكون بطاريتنا خانسه مافينا طاقه هم يطامرون ع روسنا ومالج خلق حتى تبطلين حلجج تهاوشين لووول
تعرفونهابآخذ لها دراعه ع شخصيات دزني عند ابودينارونص وبشوف لها بجايم منه
تصدقون تذكرت لبس القرقيعان مالها العام كان مثل النفنوف القصير وتحته بنطلون انا مالبستها البنطلون خليته نفنوف لانها كان كبير عليها وخامته تهبل جاكار احمر بذهبي وملبستها اساور ذهبيه مع الهامه شكلي بخليه لها اول يوم رمضان البسها البنطلون تحته عند حمولتي ابيهم يستانسون فيها وبلبسها الاساور والهامه واذا رحت لهلي هم بلبسها مفااجاه لوووووووووول
واللي تبي الاساور والقلايد والهامات جنها ذهب عند الفروانيه العربيد شفتو صوب محلات بودينارنص اخر اللاين اكو محل يبيع جناط ومكياج عنده حتى تيجان وشباصات وسوالف الجوخ
ودراريع رمضان فصلتهم بالعربيد طويل وميدي وغيرت فيهم شوي مااحب اخذ المعروض اشوف الخامات اللي عنده واغير بالالوان
وعندي دراعه حلوه ماخذتها من مشغل بخليها اول رمضان
العيد لنفسي ماسويت شي للحييين الله يعين وبس
مشكووووووووووووووورين
