امنياتي الرجيميه هل تحققت ام تعثرت

[ZajiL]

:eh_s(7):

يارب تضعفين بصحتك وعافيتك

:eh_s(7):


امين ياقلبي تسلمين

 

[ZajiL]

رد: رد : امنياتي الرجيميه هل تحققت ام تعثرت

السلام عليكم زجوووول صراحة موضوعك قمة. أنا عن نفسي بديت رجيم من ٢٠٠٩ لان بعد ولادة وأول مرة اشوف ٩٢ بغيت انجلط لما شفت وزني وبديت من شهر ١٠ ٢٠٠٩. رجيمات وثبت علي دشتي وصلت ٧٢ والكل اخترع الكل يقول جابه من مجاعه لأني صرت ضعيفة بشكل ووزني المثالي ٦٨ وكان حلمي اشوف هالوزن. بس ما قدرت الكل قام ينتقدني من الضعف اللي وصلته وسافرت بالعطلة وكنت أحاول استمر وما قدرت وجا رمضان وخبرج اللقيمات وتشريبه وهريس وين والرجيم وين وشوي شوي رجعت لثمانينات. وأحاول استمر أني ارجع لرجيم والحين صارلي أسبوعين وانا لله الحمد مستمرة بدشتي واتمني أني اقدر ةاخليه نظام حياتي عشان ما رجع لسمنه. وما انسي فضل اختي احلي عيون بالي أنا وصلت له مو قروباتها اللي ساعدتني أني التزم فيها.

هلا وغلا يمامه شخبارج لج وحشه انتي وين :blueSmCLR:

ماشاء الله ربي يوفقج كلنه مشكلتنه حمل والولاده :s142: عسى ربي يثبتج على الدايت
وتوصلين للوزن المثالي الي تبينه يارب
ويعنيه ويعين الجميع هههه على طاري السفر كلنه نبدع بالسفر
بس عادي تكون استراحة محارب بعدين نرد لساحة المعركه
مع هالشحيمات الي مطفرتنه :botetoo:

 

[ZajiL]

مشكوره زاجل عالموضوع الحلو

هل تحققت ونسبة تحققها هل كنتي راضيه عن وضعج الرجيمي او لا
نعم لله الحمد تحققت وراضيه عن وضعي


شنو العادات الجديده الي نضافتلج العام الي فات وشنو الانجازات الي حققتيها
في الحقيقه ،، صرت ما أحط شكر بالكوب ، وأبدلته بسكر الذره خالي السعرات ،،
وكنت أحب نص الليل أسوي لي ساندوش وحليب وشاي للشعور بالاستمتاع والجلوس أمام التلفزيون أو النت بهدوء بروحي بعد يوم حافل - وهذي كانت العله ، لأن وزني كان معقول بس فجأه زاد 5 كيلوات وكان هالشي السببب ، الأكل المتأخر.

شنو الانظمه الي صج فادتج وحقق معاج نتايج كبيره
وشنو الانظمه الي ماضافاتلج شي يديد

+ نظام السعرات الحرارية القديم والمعتاد + بس اشتغلت عليه ماكو شي ثاني
أي شي أشتريه أقراه قبل ما آخذه
عشاي من أي ساندويشات قليلة السعرات
و ريوقي نص خبزه جبن وخس وكوب شاي بالحليب وسكر الذره خالي السعرات
الغدا شي خفيف جدا..
أكثر من المشروم والفراوله في وقت اليوع ( الجوع ) ولازم 1 سناك بار يوميا ..
وأحيانا إذا اشتهيت شي خلال اليوم ما أرد نفسي عادي ،، بس ما أندفع
بدل 2 كاكاو آكل نص كاكاو.. ومن هالطريقه .....

جم مقدار النزول الي حققتيه السنه وجم تتمنين تنزلين وشكثر باجي على الوزن المثالي
او الوزن الي تتمنين الوصوله

نزلت 5 كيلو بفضل الله و موقفه من كم شهر بس الحين وزني يزيد كيلو وينقص كيلو ،، يعني متأرجح
ودي أنقص بعد ثلاث كيلوات من غير شر


يعني السنه الي فاتت هل تحققت امنياتج فيها ام تعثرت

أعتقد إنها تحققت لأني كنت أبي أنقص 3 - 4 كيلوات بس ، ولقيتني ماشيه الحمدلله وكملت بالعزيمه و نقصت الـ 5 كيلو

شنو اسباب التعثر وشنو قلطتج الي تحبين تتفادينها هالسنه سنه 2011 باذن الله
قلطتي ولا غلطتي ؟ :eh_s(20):
غلطتي يا حياتي إني ضغطت على نفسي وايد في البدايه وكنت أبي أنقص بسرعه ، وآكل سعرات قلييييله جدا وأمشي واتحرك وايد ،، لين صارت معاي دوخه وتعب لني مو متعوده ريجيم (( هذي أول مره ))
فتداركت وعملت بالأمر على رواقه وهدوء وببطئ ، لله الحمد


مشكووره زاجل وخوش موضوع

ياهلا وغلا مررورج اهو الحلو ياقلبي منوره :aha:

زين تسوين انا بعد على طول شكر الرجيم معاي سويت ان لو الرودي

مااستخدم الا هو وكل شي اشتريه او اكله لازم لازم اقرا جم سعره ولازم احسب السعرات
حتى لو ماشيه على نظام ماله شغل بالسعرات

والصراحه العيله كلش مو زينه احسن شي الاعتدال وانه تمشي بالانظمه على راحتج

وبتوصلين للتبينه من غير تعب او حرمان

عسى ربي يوفقج يارب وتنزلين ال3 كيلو الزاردين وتتخلصين منهم

 

[ZajiL]

هل تحققت ونسبة تحققها هل كنتي راضيه عن وضعج الرجيمي او لا

بصراحة انا دشيت نادي شهر ونزلت كيلو واحد بس وحسيت بأحباط
يعني ما حققت شي لان بالاساس ما كنت مسويه رجيم ثابت


جم مقدار النزول الي حققتيه السنه وجم تتمنين تنزلين وشكثر باجي على الوزن المثالي
او الوزن الي تتمنين الوصوله

امم انا وزني ثابت ما يتغير من 4 سنين سويت رجيم ونزلت وثبت عليه لليوم

يبيله مرة 2 اقرر عشان انزل واثبت الوزن

وزني حاليا 64 يبيلي اوصل لل58 او حتى ال60 تماام

وان شاء الله ما تخلص السنه هذي إلا اكون وصلت للوزن اللي ابيه والاهم اني اثبت عليه بعد

هلا وغلا جمانه ماشاء الله تبارك الرحمن الله يتمم عليج الصحه والعافيه
وزنج حلو وان شاء الله توصلين للوزن الي تبينه

فعلا النادي اذا مابلشتي معاه نظام محدد جنه ماسويتي شي

ويالله كلهم جم كيلو وتفتكين عاد ثبتي وزنج وحافظي عليه موفقه ياقلبي وشاكره مرورج :friends:

 

[أم عامر]

هل تحققت ونسبة تحققها هل كنتي راضيه عن وضعج الرجيمي او لا
انا راضيه عن نفسي بنسبه 50%

شنو العادات الجديده الي نضافتلج العام الي فات وشنو الانجازات الي حققتيها

أكلي يكون صحي خالي من الدهون والمقالي أكل خفيف نزلت خلال سنه ونص بعد آخر ولاده لي من 108 إلى 82
نزولي كان بطيء لأني كنت اخفف اكل بس ومافي رياضه ولي شهرين منتبه لنفسي
وقاعد احاول انزل اكثر

شنو الانظمه الي صج فادتج وحقق معاج نتايج كبيره

مافي شي بالتحديد كنت اتبع التخفيف


وشنو الانظمه الي ماضافاتلج شي يديد

رجيم دشتي حاولت اجربه 3 ايام ووقفت لأنه ماناسبني لأن طبيعتي مااحب اللحوم وايد

جم مقدار النزول الي حققتيه السنه وجم تتمنين تنزلين وشكثر باجي على الوزن المثالي
او الوزن الي تتمنين الوصوله

ما ادري جم بالضبط كنت بأخر ولاده من سنه ونص 108 وقعدأنزل ببطىء ووصلت الحين
بين ال81 و82 اتنقل بينهم
وابي اوصل ل70 هو الافضل بالنسبه لي

يعني السنه الي فاتت هل تحققت امنياتج فيها ام تعثرت

تقريبا نعم


شنو اسباب التعثر وشنو قلطتج الي تحبين تتفادينها هالسنه سنه 2011 باذن الله

ماكنت شاده حيل على نفسي وماكنت العب رياضه وان شاء الله راح استمر على الرياضه والتخفيف

شكرا لك على الموضوع الحلو واتمنى الصحه للكل

 

[!! D m i r a a !!]

رد : امنياتي الرجيميه هل تحققت ام تعثرت

ربي يعطيج العافيــه على طرحج الحلو ..


بالنسبه لي .. سنة 2010 م .. للأسف ماحققت اي هدف رجيمي فيها


وامس صكت فيني الدنيا .. والف سؤال طرى على بالي



لي متى انا جذي ؟


وشنو النهايه ؟ وزن زايد ونفسيه بالحضيض ؟


وبعد اكثر من سؤال طرحة على نفسي اكتشفت شي فيني


أو بالاصح عرفة شنو مشكلتي


مشكلتي وبأختصار شديد ..


اذا نفسيتي تعبانه أخربط بالاكل .. كاكاو على بطاط والذي منه


طبعا ً ماكو رياضه .. والاكل خير شر مو صحي .. فطاير وسندويشات ماوراهم غير تتفخ هالبطن


والنقطه الثانيه اللي لاحظتها على نفسي .. من اقول بسوي رجيم .. اليوم اللي قبل الرجيم اخررررررررررررربط بضمير :dddds:



مايبقى اصابع الجبن ( من بورجر كنج ) مايبقى بطاط ( من بورجر كنج ) .. ذره





مايبقى كاكاو وحلويات <=== اللي يشوفني يقول خلاص طول عمري ماراح اكلهم




المهم .. عرفة اني اكل ( مو عشان انا يوعانه لا عشان النفسيه زفـــــــــت )



اللهم لا اعتراض 2010 م صارت لي ظرووووف ومواااااااقف حدها لعبة بنفسيتي



المهم .. اي رجيم كنت اسويه حدي حدي حدي ان طولت فيه اسبوع ونص ( هذا اذا كنت اراجع عند دكتور )



واللي صج صج صج لعب بنفسيتي اكثر .. حبوب الرجيم وجاي الرجيم :cxxxp:



كنت اضعف عليهم ومن اتركهم الوزن يندبل واااي قهر قهر قهر :eh_s(16):




الحين وبالسنه اليديده



ماراح اقول بسوي رجيم .. راح اقول بمشي على برنامج غذائي مدى الحياة



ماراح احرم نفسي ==> لاني جربت نتيجة الحرمان ( حرمة نفسي ووصل وزني 61 بس ماقدرت استمر )



ماراح استخدم جاي لرجيم وحبوب ===> لانه كل الانواع مرت علي وكلها ممتازه تضعف لكن العيب من



تقطعينها تنفجعين ع الاكل :eshrab::botetoo:




وفي نوع استخدمته اللي اهو حبوب ريداكتيل ضعفتني بس النتيجه شعري بدا يتساقط بشل خيالي ولي يومكم هذا


وانا اعابل :bbbiu::cxxxp:




وزني موراضي يتحرك مازال على حطته من شهوووور 67



الوزن اللي ابي اوصله 47 .. ( بما اني قصيره طولي 153 على مااعتقد )



فجدامي مشواااار من 67 لــــــــي 47 .. يعني 20 كيلووووو




طريقتي اللي راح اتبعها ..


1: بشرب ماي كثر مااقدر لاني ماعترف بالماي نهائيا ً واحيانا انسى اشربه واكتفي بالسوائل الثانيه


2: الرياضه ثم الرياضه ثم الرياضه عندي القرص الدوار وعندي اوربت تراك .. بستخدمهم 3 مرات بالاسبوع مبدئيا ً


3: بقطع البطاط ( الشبس ) قطع نهائي ..


4: بستبدل الخبز والتوست والمعكرونيه والطحين الابيض .. بالاسمر


5: بما اني مااكل لحوم .. بمر المستوصف بسأل عن المكملات الغذائيه وشنو ينفعني


6: كل 3 شهور بسوي شيك آب تحليل شامل حق نفسي ..


7: الحلويات و الكاكاو ممكن استبدلهم بالفواكهه


8: ماراح اعتمد على 3 وجبات .. بقسمهم الى 5 وجبات خفيفه باليوم


9: احتمال اروح عند الدكتور محمد الربيع .. واقوله ابي رجيم فيه 5 وجبات خفيفه


10 : ماراح اسهر .. انا من اسهر اخربط بالاكل .. فماراح اسهر منها عشان مااخربط ومنها عشان جسمي يرتاح


11: ماراح اعور قلبي ولا راح اشيل هم لاقريب ولا بعيد .. نفسي ثم نفسي ثم نفسي .. ثم غيري



ومن بين خططي او اهدافي لـ سنة الـ 2011



* بعدل نومي بنام مبجر وبحرص على قيام الليل ركعتين وقراءة سورة البقره وبعدها صلاة الفجر


* سويت لي جدول عنايه لـ شهر يناير .. ( بشرتي + شعري + جسمي ) وكل شهر بغير نظامي عشان ما امل

وكل الخلطات ماخذتهم من هالمنتدى :wqedqw:


*بتعلم اشياء يديده .. واحتمال اسجل بدورة برمجة كمبيوتر


* خصصت لي كشكول حاطته عند مخدتي بكتب فيه ملاحظاتي على نفسي قبل لا انام شنو سويت واليوم التزمة اولا


* عاداتي السلبيه بغيرهم .. كل شهر بركز على شغلتين .. هالشهر تركيزي بيكون على .. العصبيه + اني اقوم من الاكل قبل ما اشبع





وبس ان شاء الله الله يقدرني واحقق كل اللي فـ بالي



وبنات بقولكم شغله قريتها ووايد مهمه ..



اللي عندها عيال



الحين اذا الياهل زعل او يبجي او مطنقر ومتنح الا يبي شغله معيننه



اغلب الامهات يساحلون عيالهم .. مثلا يعطونهم حلويات او بطاط او يودونهم الجمعيه ويخربطون عاد بطاط بيبسي الخ



او يطلبون لهم من هالمطاعم طبعا ً الياهل راح يستانس ويسكت او يطخ ..



هالتصرف اكبر غلط الام تسويه بحق عيالها .. لانه اليهال راح يكبر على هالشي



وبعدين كل ماصارت نفسيته موزينه راح ياكل



لانه من صغره تعود على هالشي او تبرمج على هالشي اذا معصب راح يطلع حرته بالاكل



لانه يوم كان صغير لما يعصب امه تراضيه بكاكاو مثلا



فعشان جذي ديروا بالكم .. واذا عيالكم سوو شي غلط او معصبين او اي شي .. لاتراضونهم بالاكل




حاولوا تقعدون معاهم وتنزلون مستوى تفكيركم لهم .. وتفهمونهم هالطريقه تعلم الياهل التفاهم اذا كبر



وتعلمه مايتسرع ويتهور .. وبس اتمنى اني عرفة اوصل الفكره بصوره صحيحه



ومشكوره ياصاحبة الموضوع والله يعطيج العافيه​

 

[هاديهـ&مطيعهـ]

آنا ولله الحمد تحققت نص امنياتي آنا بعد ولدت شهر 4 وبديت التخفيف شهر 6 يوم آكل ويوم رجيم بس كنت ألتزم بالرياضة وأقطع العشا ولله الحمد آنا الحين نزلت 14 كيلو ب6 شهور المده طويلة بس ما ضايقت روحي بس للحين مو راضية عن نفسي

أمنيتي ب2011 أنزل 13 كيلو عشان أكون سمبتيم وأبي ألتزم بنظام رجيم صحي وأمشي عليه وما أخربط ودي والله كريم العادات اللي حبيتها واستفدت منها الرياضة


تحياتي لج زاجل خوووش موضوع

 

[جامعيه]

رد : امنياتي الرجيميه هل تحققت ام تعثرت

الحمدلله هالسنه اول مره اسوي رجيم بحياتي والفضل لله نزلت 12 كيلو بس كان ودي التزم اكثر لان عطلة الصيف راحت كلها اخربط يومين والتزم يومين فصار عندي تثبيت وزن ..بس الحمدلله تغيرت حيل والكل لاحظ

اتمنى انزل بعد 12 كيلو بهالسنه يااااارب تقدرني ادعولي بنات

وعلى فكرة موضوعج روعه ويشجع حيل عساج عالقوه يالغاليه وانشالله توصلين للوزن اللي تبينه

 

[LadY BuG 80]

رد : امنياتي الرجيميه هل تحققت ام تعثرت

سلاااااااااااااااااام زجوووووله الموضوع مفيد و يهبل مثل صاحبته

قريت كل تجارب البنات و غلطاتهم و في تشابه كبير بيني و بينهم :eh_s(2):

و بذات كلاك دميرا اثر فيني كثييييييييييييير :eh_s(2): و خلاني افكر صح و ليش احنا انسوي هشغلات :gr4uu:

فتحت عيوني على اشيا كنت غافله عنها و بذات غلطت اهلي معانا و انا اكررها مع عيالي :lkmnkl:

مشكووووووووووووووووره على انصيحه و اتمنا انهذب نفسنا اكثر و نعرف نتعامل مع الاكل بشكل صحي اكثر

و الله يقوي ارادتنا و نخسر الوزن ازائد و نثبت عليه و نعيش حياه صحيه

اسمنه صارت مشكلت العصر و الاعلام و كل شي حولينا يدعو للاكل و اسمنه

احس انها مؤامره عالميه على البشر ،، لاحد يضحك على كلامي بس شوفو العالم شلون ماشي مطاعم شركات

اطعمه

اكل ادماني جنك فوود و اناس تتهافت على هلمطاعم و كل سنه منتج كل سنه مطعم فاست فوود و اناس تصرف فلوسها و صحتها
و بعد ما نمتن شوفو شركات الفاشن تنزل الموضات الي مانقدر نلبسها و تصير حلمنا :lkmnkl:و ودنا نشتري باغالي و انفيس ايش الحل !!

و بعدين تجي شركات ادويه التخسيس كل شركه تقول الحل عندي و اناس تتهافت على هلادويه و نشتريها بلغالي و انفيس

و شركات الالات ارياضيه كل يوم اله جديده و صرنا نركض على هسير مثل فيران اتجارب الي في المعامل



و على هلمنوال راحت حيات اجيال :eh_s(2): ايش الحكمه ,,,,

من سبب هلاكروش مشينا سوقهم و حتى المستشفيات تقول هل من مزيد ،،، الي تبي تشفط و الي تقص و الي تربط

لازم نصحا ولله انها مؤامره عشان عقليه البشريه تدور في حيز موعين ما نطلع منه و نبدع ​

دايم احس انها مؤامره من هلغرب ​

الاسراف في الاكل هذا من الشيطان وهو جزء من هلمؤامره ،،،،، الكلام يطول في هلقظيه في جعبتي المزيد ،،،

خلونا في ادايت ابرك

و تستمر الفئران على اسير ،،،

يا فهيم افهم :gr4uu:

​

 

[صدى الأفراح]

وااااااااااااااااااااو دميرا كلامك رووووووووووووعه وفعلا تعلمت منك انا مشكلتي نفسك بالحاله النفسيه بااكل الاخضر واليابس
صح صح صح كل كلااااااااااااااااااااااااااااامك

كاندي كلامك عين العقل

 

[ZajiL]

هل تحققت ونسبة تحققها هل كنتي راضيه عن وضعج الرجيمي او لا
انا راضيه عن نفسي بنسبه 50%

شنو العادات الجديده الي نضافتلج العام الي فات وشنو الانجازات الي حققتيها

أكلي يكون صحي خالي من الدهون والمقالي أكل خفيف نزلت خلال سنه ونص بعد آخر ولاده لي من 108 إلى 82
نزولي كان بطيء لأني كنت اخفف اكل بس ومافي رياضه ولي شهرين منتبه لنفسي
وقاعد احاول انزل اكثر

شنو الانظمه الي صج فادتج وحقق معاج نتايج كبيره

مافي شي بالتحديد كنت اتبع التخفيف


وشنو الانظمه الي ماضافاتلج شي يديد

رجيم دشتي حاولت اجربه 3 ايام ووقفت لأنه ماناسبني لأن طبيعتي مااحب اللحوم وايد

جم مقدار النزول الي حققتيه السنه وجم تتمنين تنزلين وشكثر باجي على الوزن المثالي
او الوزن الي تتمنين الوصوله

ما ادري جم بالضبط كنت بأخر ولاده من سنه ونص 108 وقعدأنزل ببطىء ووصلت الحين
بين ال81 و82 اتنقل بينهم
وابي اوصل ل70 هو الافضل بالنسبه لي

يعني السنه الي فاتت هل تحققت امنياتج فيها ام تعثرت

تقريبا نعم


شنو اسباب التعثر وشنو قلطتج الي تحبين تتفادينها هالسنه سنه 2011 باذن الله

ماكنت شاده حيل على نفسي وماكنت العب رياضه وان شاء الله راح استمر على الرياضه والتخفيف

شكرا لك على الموضوع الحلو واتمنى الصحه للكل

ياهلا وغلا ام عموري شخبارج حبيبتي
ماشاء الله تبراك الرحمن الله يحفظج خوووش نزول
عسى ربي يثبتج وتنزلين الباجي وتوصلين للوززن المثالي
قولي يارب
صاجه انا بعد لازم ارجع للرياضه ضروري
لانه تشد وتفييييييد وتساعد على النزول اسرع عسى الله يقدرنه عليها :eh_s(6)::eh_s(6):

 

[ZajiL]

دميرا :tek:

هلا وغلا مرورج روعه ياقلبي تبارك الرحمن كل هالامنيات الروعه عندج
عيل باذنالله ابشري بالنزووول
بس اراده واصرار شويه وبحيل الله واصله للهدف :eh_s(13):
اول ماقريت عبالي انتي وايد تختوخه بس اشوه طلعتي تختوخه وسط هههههه:fun22:
الله يقدرنه وننزل بصحه وعافيه واحسن شي تسوينه الاعتدال وعدم الحرمان
وبهالطريقه بتوصليييييييين

تحياتي لج حبيبتي وطمنينه علييييج بين فتره وفتره

 

[Mort 7aSSon]

مادري شقول لووووووووووووول بس حبيت اشارك بالموضوع دام حبي زجول اهيا اللي كاتبته

حياتي ان شاء الله كلكم توصلون للوزن اللي تبونه

وبالنسبه لي وزني واقف مع رجيم ولا بدون فأيست يبيلي رياضه بس

ابي انزل على الاقل 5 كيلوات

 

[ZajiL]

آنا ولله الحمد تحققت نص امنياتي آنا بعد ولدت شهر 4 وبديت التخفيف شهر 6 يوم آكل ويوم رجيم بس كنت ألتزم بالرياضة وأقطع العشا ولله الحمد آنا الحين نزلت 14 كيلو ب6 شهور المده طويلة بس ما ضايقت روحي بس للحين مو راضية عن نفسي

أمنيتي ب2011 أنزل 13 كيلو عشان أكون سمبتيم وأبي ألتزم بنظام رجيم صحي وأمشي عليه وما أخربط ودي والله كريم العادات اللي حبيتها واستفدت منها الرياضة


تحياتي لج زاجل خوووش موضوع

:tek:

هلا وغلا حبيبتي ماشاء الله حلو حلو نزوولج استمري
ختى لو بطيئ اهم شي مو محرومه من شي
وعسى ربي يحقق امنيتج وتنزلين الي باجي
بعد قلبي مرورج الحلو :klhfl:

 

[ZajiL]

رد: رد : امنياتي الرجيميه هل تحققت ام تعثرت

الحمدلله هالسنه اول مره اسوي رجيم بحياتي والفضل لله نزلت 12 كيلو بس كان ودي التزم اكثر لان عطلة الصيف راحت كلها اخربط يومين والتزم يومين فصار عندي تثبيت وزن ..بس الحمدلله تغيرت حيل والكل لاحظ

اتمنى انزل بعد 12 كيلو بهالسنه يااااارب تقدرني ادعولي بنات

وعلى فكرة موضوعج روعه ويشجع حيل عساج عالقوه يالغاليه وانشالله توصلين للوزن اللي تبينه

هلا وغلا جامعيه شخبارج :ggdw:

ماشاء الله حلو 12 كيلو واهم شي اهم شي مازاد وزنج الحمدلله هذي نعمه
ويالله شدي حيلج وكملي وطيحي الباجي عسى ربي يوفقج ويعينج ويقويييج
:ada:

 

[ZajiL]

:bbbiu:

كوتن كاندي
تهقييييييييييييييين صج مؤامره
والله كلامج سليم وعين العقل ليش لا :rgewrg:

الله يعينه والله احنا بزمن غير الزمن والوضع الصراحه مزري بس الواحد يتفائل
بغد مشرق ان شاء الله :wqedqw:

الحين خلينه بالرجيم

اهم شي توكلي على الله وخل نلتزم وننزل ونصغر
ونصير حلوين وجميلين وصحيين

وعسى ربي يقدرنه ونخلص من هالشحوووووووووووم المتراكمه :lololoe:

 

[ZajiL]

مادري شقول لووووووووووووول بس حبيت اشارك بالموضوع دام حبي زجول اهيا اللي كاتبته

حياتي ان شاء الله كلكم توصلون للوزن اللي تبونه

وبالنسبه لي وزني واقف مع رجيم ولا بدون فأيست يبيلي رياضه بس

ابي انزل على الاقل 5 كيلوات

:dddds:

ياانتي ياالرشيييييييييييييييييييقه
بعد قلبي والله انتي كافي مرورج على الموضوع
نورتيني حبيبتي الغاليه امين ربي يسمع منج ويحققلج مرادج
وتفتكين من هال 5كيلو :cxxxp:

ام نونو احبج :tek:

 

[قمراالجبيل]

انا موجوده مع دشتي يوم لي ويوم علي ههههههههههههههههههه

مع الدايت لاهيين يانعين

انتي اخبارك مع تفاجاتك الين الحين عليها هههههه

 

[بطة رشيقة]

السلام عليكم ..

شلونج زاجل .. اسمحيلى والله انا ودى ادش المضوع من اول ما حطيتيه بس سبحان الله تونى اقدر ...

بخصوووص الاسئله الروعه اللى سالتيهم انا ودى اشارك معاكم فى هالموضوع وابيكم تشجعونى وتساااعدونى وتشدووون على ايدى لانى الصراحه خقيت وبدى كل شى يخترب عندى :bbbiu:

انا بديت رجيم سنه 2008 من نصها تقريبا والحمدلله كانت ارادتى قويه قويه وحديد مشالله :weight_lift:

سويت رجيم الصباح 1400 سعره حراريه وكنت امشى واحاول كثر ما اقدر انى احافظ على المشى والريااضه اللى اهيا نط حبل والاثقال والقرص الدواار وطبعا هالشى منى يعنى مو تقولون من طبيب او شى لا سبحان الله انا وصلت مرحله انبطيت فيها وقلت خلاص لى متى وزنى بيتم 95 وانا قصيره طولى 150 يعنى شكلى يلوع الجبد جان اقول

ستوووووب -- واتمنى انى اليوم والحين اصرخ على روحى واقولها ستوب مره ثانيه :rgewrg:

المهم بديت وشوى شوى شوى سبحان الله بديت اخق والله والكل بدى يلاحظ على وكنت اتحكم باكلى وايد وايد ومن 95 وصلت لى 73 خلال سنتين تقريبا يمكن وقت طويل بس الحمدلله تغير كل شى فينى وصرت البس اللى ابيه والكل حب شكلى اليديد وانا وايد كنت مستااانسه البس اللى ابيه وما اقولكم صرت عصله بس الجمدلله شكلى صااار مرتب واللبس على حلو ... وبعدين يعنى ثبت على 75 وتميت ثاااابته على هالوزن تقريبا سنه ونت على رجيمى مشايه اخذ فرى بس بحدود وبنظام .. وللاسف للاسف مع بدايه 2010 وايد اشياااء مو حلوه صارت يعنى من نص السنه او تحديدا من رمضان ما ادرى ليش بديت افقد السيطره شوى شوى واتملل من الرجيم ومع الايام زاد وزنى لى اليوم 10 كيلو يعنى انا الحين وزنى 85:050103nbh_prv:

وهالشى ما تدروووون شكثر مكدرنى ومضيق خلقى وحاولت انى ارد وامسك روحى بس سبحان الله ما ادرى شفينى صااايره كسوووله



انا اسفه وايد بنات ما ابى احبطكم بس جد هالسنه سبحان الله ما ادرى شفينى .. :eh_s(10):

بس انا مو شااايله الفكره ومانى رااااضيه انى ارد على وزنى القديم كلش كلش وان شالله باذن الله انا راده على الرجيم وبقوه وان شالله ابشركم بعد جم شهر انى قطيت هالعشره وفوقهم بعد ...

وابى واتمنى منكم يا بنات تساعدونى وتعطونى بش اب او نصااايح او حتى تزفووونى

لان هدومى ضاجوا وشكلى صار مو حلو والكل يقوولى متنااانه وهالشى وايد محبطنى

عفيه ساعدونى ولا تخلووووووونى


ادعووولى ان الله يثبتنى ان شالله وارد مثل قبل ,,,
ومشكوره وايد زجول على الموضوع ​

 

[!! D m i r a a !!]

رد : امنياتي الرجيميه هل تحققت ام تعثرت

Cotten Candy

و بذات كلاك دميرا اثر فيني كثييييييييييييير و خلاني افكر صح و ليش احنا انسوي هشغلات

فتحت عيوني على اشيا كنت غافله عنها و بذات غلطت اهلي معانا و انا اكررها مع عيالي

مشكووووووووووووووووره على انصيحه و اتمنا انهذب نفسنا اكثر و نعرف نتعامل مع الاكل بشكل صحي اكثر

العفووو ياقلبي .. وأهم شي عرفتي الغلط وطالما انج عرفتيه .. لازم تعدلينه مع عيالج

عشان يرتاحون نفسيا ً اذا كبروا ..




صدى الأفراح

وااااااااااااااااااااو دميرا كلامك رووووووووووووعه وفعلا تعلمت منك انا مشكلتي نفسك بالحاله النفسيه بااكل الاخضر واليابس
صح صح صح كل كلااااااااااااااااااااااااااااامك

حياتي انتي الروعه .. أخيييييييه صدوووووي اكلاتج كان لها نصيب بزيادة وزني ( الكشري + وردات الفلافل)

يلا عاد هالمره نبي اكلات حلوه بس تكون قليلة الدهون والكالوري *.^



بطه رشيقة

بديت افقد السيطره شوى شوى واتملل من الرجيم ومع الايام زاد وزنى لى اليوم 10 كيلو يعنى انا الحين وزنى 85

وهالشى ما تدروووون شكثر مكدرنى ومضيق خلقى وحاولت انى ارد وامسك روحى بس سبحان الله ما ادرى شفينى صااايره كسوووله

يلا ماعليه بطوطه ماتعتبر خسااااااااره مازلتي ربحانه لانه بدايتج كان وزنج 95 .. الحمدلله مارجعتي ع الوزن

ترى مازلتي ربحانه .. انا اذكر وزني كان 69 وبعدين ثبت على 67 وبعدين صار 61 والحين رجع 67 ومعلق

موراضي يتحرك .. قولي الحمدلله وابتدي .. شرايج تشاركين في قروب من قروبات الرجيم .. ماشاء الله كنت مسجله

بقروب يوم وصلنا لنهايه ماشاء الله تبارك الرحمن في بنات نزل وزنهم اكثر من 9 كيلو ..طبعا من بين يومياتهم

يوم يخربطون ويوم يلتزمون ويوم نفسيتهم تتعب ولكن مصرييييييييين والحمدلله ربي وفقهم .. حلوه فكرة لقروبات

وتشجع حيل سجلي بقروب يناسبج


زاجل

دميرا

هلا وغلا مرورج روعه ياقلبي تبارك الرحمن كل هالامنيات الروعه عندج
عيل باذنالله ابشري بالنزووول
بس اراده واصرار شويه وبحيل الله واصله للهدف
اول ماقريت عبالي انتي وايد تختوخه بس اشوه طلعتي تختوخه وسط هههههه
الله يقدرنه وننزل بصحه وعافيه واحسن شي تسوينه الاعتدال وعدم الحرمان
وبهالطريقه بتوصليييييييين

هههه بعد قلبي .. اي ان شاء الله بحيل الله راح اوصل وراح اذكركم نهاية السنه بقولكم كنت 67

والحين وزني 47 <== امنيتي اشوف هاليوم خخخ