امج وام زوجج

[PuPa^^SWeeT]

الوان قصدها


انه هالعيييد سوووه حق اللقطاء اهناك الاجانب


مو قصدها انه احنا لقطاء

 

[Patcholli]

انا كل شهر اهدي امي ومو معقوله بهاليوم اللي خاصينه حق الام اكسر فيها وما اعبرها...
حبيبتي عطيتها هديه اول الشهر وهم بعطيها هديه بيوم الام .. ماني قايله عيد لان في ناس ياخذونها بالمعنى اللفظي وبالحرف ويسوونا جنا محتفلين وطالعين نرقص بالشوارع فبقول يوم ..

بس استغرب اشمنعى يوم الام الي مو عاجبهم وباجي الشغلات من الكفار حلوه عيل ليش ناخذ منهم التكنلوجيا الي اهما اخترعوها هاذا مو تقليد

اخترعو السياره وقلدناهم وسقنا سيارات من تصنيعهم
اخترعو تلفزيونات وقلدناهم
اخترعو لاب توبات وقلدناهم
مطاعم اكل لبس فرش هم قلدناهم ..
ليش تنامين على فراش نامي عالارض لان الكفار اهم الي اخترعو الفراش بدعه لاتقلدينهم مايجوز
ولاتقعدين على طاولة طعام بعد لان اهما احترعوها


كلشي ماخذينه منهم بس اللي مو مشتهينه تقولون بدعه والي عاجبكم تسكتون عنه وتطبقونه ومثل العسل على قلبكم


انا بيي حق امي خاتم ذهب وعطر وبعزمها بطعم التسيمو الي فبرج النصار وبخليهم يجهزونلها الطاوله ورد وشموع وكيكه مكتوب عليها happy mother day وبعزم خواتي وابوي بعد ..باذن الله ..

والله ياجرنا على برنا بامهاتنا ويارب يقدرنا ان نردلهم جزء بسيط من جميلهم علينا

 

[Q8_QT]

ممكن اكسسوار ماركة
ست عطور
او مساج وسبا
آنا واختي اتفقنا نعزم امي على سبا وبعدين نروح نعشيها بمكان وهم بالزوارة بنحتفل بكل الامهات وبنوزع حق كل ام كب كيك عليه اساميهم وبنحط اغنية ست الحبايب وكل وحدة بتسوي طبق وتييبه

 

[آلوانْ]

اولا شكرا لانج رديتي على موضوعي وعطيتيني اهميه

ثانيا انا ماراح انزل لمستوى الحوار الي انتي فيه لان تربيتي اعلى من جذي واذا كان في

عيال حرام وزنا على قولتج فأم الي يفتون بشي ومايفهمون فيه لا فوق جذي يقذفون الناس

بكلمة (عيال حرام)

واذا تقصدين ان احنا عيال حرام لان نحتفل فيه فهذا من طيب اصلج وخوفج من ربج وان دل

فيدل على اصلج ومعدنج وهذا الكلام ماينقال الا من ناقصين (العقل والدين)

وعلى فكره حتى لو انا غلط واحتاج نصايح فانتي تحتاجين اعادة تربيه وشكرا.:eh_s(15):

اولـا ،،، قال تعالى (ان بعض الظن اثم)

ثانيا أنا ما كان قصدي ، افهمي قصدي و بعدين تعالي فهميني شكلج بزر عمرج أقل من 16 سنة

ثالثا أنا ما قذفت أحد بشيء و العياذ بالله ، قلت "الأجانب مسويين هذا العيد لأولاد الزنا عندهم، اللي ما يشوفون أمهاتهم الا يوم بالسنة" شكلج ما قريتي الا هالكلمة من الرد و ماسكتها على راسي

ثالث شي الحمد لله حافظة للقران و ماشية على نهج الله و رسوله ، و ابتعد عن كل ما يغضب الله

لأني بس قلتلكم حرام و بدعة و بعد جبت الحكم صرت ناقصة عقل و دين!! والله شوفي حبيبتي من ناقص العقل و الدين

صدق من قال أن الاسلام بدأ غريبا ,, و سوف يعود غريبا كما كان

و أنا ما كان قصدي أزعجج بأي كلمة حبيبتي و لا أضايقج ، و ما كان كلامي موجه لج بس لكل عضوات القسم،، و اللي جايبته كله من مواقع اسلامية لاني اعرف "من أفتى بغير علم فليتبوأ مقعده من النار"

و لو كنتي مثل ما تقولين مع الأسف ما كنتي قلتي هالجملة : فانتي تحتاجين اعادة تربيه وشكرا لأن في ناس تستحي تطلع الكلمة منها لناس ما تعرفهم

و أنا ما ضرني شي لاني ماعرفج و لاهمني فلولولولولولولولوليش مبروك على السيئات و الله يزدلج و يبارررك قولي امين حبيبتي
و شكرا لج على الجملة الأخيرة و رح اترفع عن الرد و بترجع لج يوم الحشر باذن رب العباد

 

[dady's girl]

للحين ماادري بتابع الموضوع وبغش =)

 

[orange blossom]

مشكورين على الردود الحلوه

مع احترامي للكل بسالي قالو عندنا عيدين ترى هذا العيد موبس للغرب والدليل ان كل الدول حتى اهلنا يحتفلون لهاليوم وماعتقد

ان اهلي بيعلموني عادات سيئه وهذا عادتنا كل سنه وماعتقد ان بنحط دي جي او بنروح الصالون عشان تسوولي فيها حرام وحلال

كلها كيكه ويمعه حلوه وهديه للغاليه شنو الحرام فيه؟؟

وشكرا على الردود

صاجه حبيبتي بكل كلمة قلتيها
مادري الناس شحارهم؟؟ مادري شنوا احنا مسوين؟؟
غلطنا و كفرنا ليش محددين يوم نهدي امنا شي

على العموم خل اقول عن هداياي لأمي و خالتي:
العام شريت لأمي ساعة و لخالتي طقم صينية و مبخر و مرش و بخور و دهن عود
و من قبل شريت:
نافورة الكاكاو - جنطة ماركه - تيلفون
و العام كنت بدفع حق امي ليلة بفندق
بس اختي كانت تعبانه و امي لازم تقعد معاها فما قدرت

 

[queen92]

والله انا بعد محتاره شنو اييب !! بشوف افكاركم الحلوه

 

[دانة_ دبي]

الله يعطيج العافية

انا ها المرة حجزت يوم كامل ف الصالون و السبا لامي عشان تكون فللللللل اوبشن و يكون شي مميز عن كل مرة

يعني سكراب + حمام مغربي+ حلاوة+ فيشل ....................الخ

 

[Om wldy]

ويييع اللي ما تبي تتحتفل لا تقعد تحرم علا كيفهاا ،، يوم الام و بنحتفل ما قلنا لكم سوو منكر عشان تتحسسون لي هالدرجه

 

[M!$_ $heme]

مشكورييييييييييييييييييييييييييييييين خواتي افكاركم تونس خذيت جم فكره يعني

عجبتني فكرة السبا شكلي بحجزلها بالمهلب وبعزمها مطعم اهي وابوي وريلي وولدي

ونسويه يوم الاسره هههههه

وكل الي ردة جزاها الله الف خير والحمد لله ان عقلي وتربيتي علموني من اني احترم

راي غيري والقران حافظته ولا اعصي ربي بالي فيه معصيه اما تقدير واحترام (جنتي)

واني اقدرها هذا اكبر فخر لي والي بيعتبره معصيه مايشوف شر انا ماشفت انه حرام ولا

مذكور بكتاب الرحمن انه حرام ومشكورين خواتي فديتكم :*****

 

[مييريآ]

بشتري لها خاتم وعطر

واختي بتشتري لها ايباد

وما ادري عن اخواني

 

[M!$_ $heme]

بشتري لها خاتم وعطر

واختي بتشتري لها ايباد

وما ادري عن اخواني

اي انا بعد قلت خاتم او قلبه

وابوي بنييبله جالكسي


ومانستغني عن كيكة (يوووووووم) الام

 

[حبيبي مالكني]

انا معودة امي اعطيها فلوس تشتري الي بخاطرها
بس ما يمنع اذا شفت شي تحبه امي اشتريه لها
امي تحب الدلال والصحون وادوات المطبخ

 

[M!$_ $heme]

انا معودة امي اعطيها فلوس تشتري الي بخاطرها
بس ما يمنع اذا شفت شي تحبه امي اشتريه لها
امي تحب الدلال والصحون وادوات المطبخ

الله يعطيج العافيه ويخليها لكم

ومشكوره عالمشاركه

 

[Bent AlNoor]

احلى هدية صدقة بر الوالدين ....الام بعد الكبر يمكن تستانس اب تلفون او خاتم...بس الصدقة بتخليها تفرح ان عيالها ماراح ينسونها بفعل الخير بعد عمر طويل

 

[Shinexo]

يعني ما في أيام ثانية نحتفل فيها غير ذاك اليوم؟

ليش يعني ذاك اليوم بالضبظ نقلدهم؟

و على فكرة عيد الأم لأولاد الحرام "الزنا" الأجانب

اللي ما يشوفون أمهاتهم الا مرة بذاك اليوم و بعدها يقطعوها و كذا

"من تشبه بقوم فهو منهم" أي تشبهتي بالنصارى و الكفار و اليهود فأنتي منهم و تحشرين معهم

يرضيك هالشيء؟ و انتي دائما قائمة و ساجدة و راكعة و تصلي و تبكي و تستغفري و تطلبي التوبة

بعد كذا تجيييين على شي تاااافه مثل هذا و تخسرين كل حسناتك اللي ياما سنين و سنين تجمعي فيها

اختارو يوم ثاني احتفلو فيه و لا تتشبهوا بهم "كل بدعة ضلالة، و كل ضلالة في النار"

لو كان عيد الام موجود كان الصحابة و الرسول صلى الله عليه و سلم احتفلوا فيه!! هم أولى منا

و الحلال و الحرام واضح حبيبتي

بعدين الاسلام و الحلال و الحرام يجي قبل العادات و التقاليد لكن مع الأسف في أيامنا ما نهتم

و هذا حكم الاحتفال بعيد الأم :

عن حكم الاحتفال بما يسمى عيد الأم؟
الجواب :
إن كل الأعياد التي تخالف الأعياد الشرعية كلها أعياد بدع حادثة لم تكن معروفة في عهد السلف الصالح وربما يكون منشؤها من غير المسلمين أيضًا، فيكون فيها مع البدعة مشابهة أعداء الله سبحانه وتعالى ، والأعياد الشرعية معروفة عند أهل الإسلام؛ وهي عيد الفطر، وعيد الأضحى، وعيد الأسبوع "يوم الجمعة" وليس في الإسلام أعياد سوى هذه الأعياد الثلاثة، وكل أعياد أحدثت سوى ذلك فإنها مردودة على محدثيها وباطلة في شريعة الله سبحانه وتعالى لقول النبي صلى الله عليه وسلم : ((من أحدث في أمرنا هذا ما ليس منه فهو ردٌّ)). أي مردود عليه غير مقبول عند الله وفي لفظ ((من عمل عملاً ليس عليه أمرنا فهو ردٌّ)).
وإذا تبين ذلك فإنه لا يجوز في العيد الذي ذكر في السؤال والمسمى عيد الأم، لا يجوز فيه إحداث شئ من شعائر العيد؛ كإظهار الفرح والسرور، وتقديم الهدايا وما أشبه ذلك، والواجب على المسلم أن يعتز بدينه ويفتخر به وأن يقتصر على ما حده الله تعالى ورسوله صلى الله عليه وسلم في هذا الدين القيم الذي ارتضاه الله تعالى لعباده فلا يزيد فيه ولا ينقص منه، والذي ينبغي للمسلم أيضًا ألا يكون إمَّعَةَّ يتبع كل ناعق بل ينبغي أن يُكوِّن شخصيته بمقتضى شريعة الله تعالى حتى يكون متبوعًا لا تابعًا، وحتى يكون أسوة لا متأسيًا؛ لأن شريعة الله والحمد لله كاملة من جميع الوجوه كما قال الله تعالى: {الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإسْلامَ دِيناً} [المائدة:3]. والأم أحقُّ من أن يحتفى بها يومًا واحدًا في السنة، بل الأم لها الحق على أولادها أن يرعوها، وأن يعتنوا بها، وأن يقوموا بطاعتها في غير معصية الله عز وجل في كل زمان ومكان.

و الله يهدي المسلمات و المسلمين و يحفظ أمهاتنا و يطول بأعمارهم على طاعة الله عز و جل

بذمتج آلنآس بيروحون آلنآر عشآن عطوآ هديه حق آمهم ب هآليوم ؟

بعدين شدخل يوم آلآم حق عيآل آلحرآم من وين يآيبه هآلكلآم :\

قآصين عليج و غآسلين مخج

حبيبتي يوم آلآم آخترعته آمريكيه آسمهآ آنآ جآرفز تحتفل فيه ب آمهآ عقب سنتين من وفآتهآ لآن آمهآ كآنت شي عظيم عندهآ

آمه آسست نآدي آلآم آللي تسآعد في تطوير آلظروف آلصحيه و ظروف آلنظآفه و كآنوآ يتطوعون آن يكونون ممرضآت حق آلجيش و يسآعدون بآلآكل و آلملآبس

مآتت 1905 و في 12\5\1907 بنتهآ سوت يوم آلآم !!

مآ آتوقع آنج تعرفين ه آلشي لآن مآدري من وين تيبين معلومآت

و يكون ب علمج آلدول آلآسلآميه ( بس ) هي آللي تحتفل ب 21\3

بريطآنيآ 18 و 10 و 30 \3

روسيآ و سلفآنيآ و آفغآنستآن و آرمينيآ كلهآ 8\3

آمريككآ 11\5

مآتفقنآ على يوم

آمآ سآلفة عيآل آلزنآ

صج صج من قآيلج ؟ من قص عليج ؟

ذكرتيني ب سآلفه كآنوآ يقولونهآ من 30 سنه

آلبنت آللي تلبس صدريه تروح آلنآر , كآن في بنيه توفت و آهلهآ دفنوهآ و آبوهآ نسى مفتآح سيآرته ف لمآ رد آلبيت تذكر آن آلمفتآح عند آلقبر < مآدري شلون رد آلبيت آلصرآحه ..

رآح فتح آلقبر و لقى بنته تحترق مكآن مآيتصكر آلصدريه خبرج لآن شي مخترعينه آلكفآر و آليهود وهذآ

آلله يهديج

 

[Perfume]

^^^
لوووول
اي والله صاجة حبيبتي
انا شريت لها جوتي عزكم الله

 

[متوترة]

بنات بقولها ع بلاطه انتم تحسبونه من التطور والثقافه انكم تعيدون بعيد الام واعياد واجد تقلدون الكفار

ترا العيد حق الي مايششوف امه الا مره بالسنه
ووحده اجنبيه سالوها عن عيالها قالت علمي بهم يوم كان اعمارهم 18 طلعو من البيت ولارجعو
واحسنهم واحد قالو من ؟؟ قالت فلان يجيني مره كل سنه بعيد الام يجي يقرا جريده ويطلع ...

وحنا الحمدلله الله امرنا بالبر بوالدينا والهدايه للام بكل وقت عادي بمناسبه وبدون مناسبه ..



ف حرام ثم حرام ثم حرام هالعيد .. مايبي له تفكير.

 

[متوترة]

بذمتج آلنآس بيروحون آلنآر عشآن عطوآ هديه حق آمهم ب هآليوم ؟

بعدين شدخل يوم آلآم حق عيآل آلحرآم من وين يآيبه هآلكلآم :\

قآصين عليج و غآسلين مخج

حبيبتي يوم آلآم آخترعته آمريكيه آسمهآ آنآ جآرفز تحتفل فيه ب آمهآ عقب سنتين من وفآتهآ لآن آمهآ كآنت شي عظيم عندهآ

آمه آسست نآدي آلآم آللي تسآعد في تطوير آلظروف آلصحيه و ظروف آلنظآفه و كآنوآ يتطوعون آن يكونون ممرضآت حق آلجيش و يسآعدون بآلآكل و آلملآبس

مآتت 1905 و في 12\5\1907 بنتهآ سوت يوم آلآم !!

مآ آتوقع آنج تعرفين ه آلشي لآن مآدري من وين تيبين معلومآت

و يكون ب علمج آلدول آلآسلآميه ( بس ) هي آللي تحتفل ب 21\3

بريطآنيآ 18 و 10 و 30 \3

روسيآ و سلفآنيآ و آفغآنستآن و آرمينيآ كلهآ 8\3

آمريككآ 11\5

مآتفقنآ على يوم

آمآ سآلفة عيآل آلزنآ

صج صج من قآيلج ؟ من قص عليج ؟

ذكرتيني ب سآلفه كآنوآ يقولونهآ من 30 سنه

آلبنت آللي تلبس صدريه تروح آلنآر , كآن في بنيه توفت و آهلهآ دفنوهآ و آبوهآ نسى مفتآح سيآرته ف لمآ رد آلبيت تذكر آن آلمفتآح عند آلقبر < مآدري شلون رد آلبيت آلصرآحه ..

رآح فتح آلقبر و لقى بنته تحترق مكآن مآيتصكر آلصدريه خبرج لآن شي مخترعينه آلكفآر و آليهود وهذآ

آلله يهديج

بس هذا اعتقاد .؟؟
واحنا شدخلنا بمعقتداتهم ؟ وهي ترا تفكر ان العيد هذا بيذكرها بامها؟
وحنا الحمدلله قلوبنا ع امهاتنا 24 ساعه مايحتاج ابدا اعياد واشياء تذكرنا بفضل امهاتنا
هي شافت الانحلال الي عندهم والعقوق قالت امسك العالم بسالفه العيد
وحنا الحمدلله الاعياد عيدين اضحى وفطر

وانتي الي مغسول مخك حبيبتي مو حنا؟
شاطره بكم معلومه عن عيد الام
الله يهديك بس

 

[حواري]

انا عن نفسي يبت لها ورده و حطيت في قلب الورد خاتم ذهب هي بخاطرها فيه و نفس الشي امي