السلام عليكم ورحمه الله وبركآته ،،
مبآرك عليكم الشهر وعيدكم مبآرك ،،
قبل لا ادش بلموضوع بقولكم جم شغله عني ،،
[ انا بنت عمري 18 والحمدلله متعافيه مافيني اي شيء، والكورس الياي كلية علوم اجتماعيه ان شاء الله وناويه اتخصص رعايه اجتمآعيه عساس اقدر اشتغل مع ذوي الإحتيآجآت الخآصه ،، ]
من يومني صغيره ماكنت احب ولا ارضى احد يضايق شخص من ذوي الاحتيآجات الخاصه [ماحب اقول معاق ]
احسن النآس ودهم يسآعدونهم بس قاعدين يجرحونهم من داخل ،،
وسين من النآس
ينظرون لهم نظرة نقص وعطف يعني وعليه على ويل جير ،، ما يمشي، مايشوف ، مايسمع..؟
ليش ما ينظرون له نظره عاديه حاله حال اي شخص ؟؟
تتوقعون الاشخاص الي فيهم [ اعاقه] مايدروون ..!
لا يدرون ويحسوون ويحسوون ،،
ويحسون الناس تتعآطف معاهم اهما مايبون هشي اهم يبوون التشجيع والاهتمام بقدراتهم ومواهبهم وينمون المواهب ،،بتقولون انتي متعافيه شلون بتحسين ؟
انا اعرف وحده ماتمشي وكنت اسولف معاها واقولها انا مارضى اي احد يضايقج لانها عزيزه علي وايد تقوولي :
يآ ليـــــــــــــت كلهم مثلج ومايحسسونا بنقص ..؟
الناس يحسسونهم انهم ناقصين ؟
وهالفئه حيل مظلومه سواء من الديره نفسها او من الوزآرات او من اهلهم من ناحية الاهتمام وتوفير كلشي
انا ماآ [اعمم] اقول البعض ،،
وفي ناس اهلهم مو مقصرين عليهم بولا شي ويهتمون ويشجعون
وبعض الناس يتضايقون اذا قآلو لهم البيبي فيه > حاله خاصه< سواء ما يشووف او مايمشي الــخ
ليش تتضايقين :0bee2e8d89:
هذي كتبت ربج ؟ مفروض تحمدين ربج انه عندج ظنى غيرج يتمنى ظفره ،
ومايندرى يمكن هالبيبي بتكسبين فيه اجر وبآجر لا كبر راح يبرج ؟
ويمكن يكون له شان عظيم ويكبر ويرف راسج ..؟
واخر شغله بتكلم عنها .~
عرفتوو هشعار هذا شعار موقف ذوي الاحتيآجات الخآصه ,,!
الكل يعرفه والبعض يعرفه ويطنشه للاسف
الموآقف ..!!
ليمتى فئة من ناس تصفط بمواقف ذوي الاحتيآجات الخاصه ..!! علبوو ماكو موآقف فكرو بغيركم يمكن يكون شخص محتاج
وتعبآن ليش هالانانيه .~؟
مو حرآم هشي كل هذآ عيز ومحد له خلق يفر بلموآقف شوف عيني وبكل وقآحه يصفط وينزل مافيه الا العافيه
الدنيآ ادور بآجر الله يبليك وتقعد تتحسب على شخص يوقف بموقفك ..!!
جيكو على هالكاريكآتير ..!!
يختصر كل كلآمي
اخر كلامي انا ابي الناس يغيرون نظرتهم لذوي الاحتيآجآت الخآصه ..
ما ينظرون لهم نظره
عطف
حزن
حسرة
وودي اسوي حمله بلمنتدى انه ندآفع عنهم ونحط توقيع وجذي ،، بس بشوف رآيكم اول ،،
ومشكورين وسوري اذا طولت عليكم ،، واتمنى من كل قلبي الناس يتغيروون للآحسن وهلفئه يحسوون بقيمتهم
واتمنى كلامي مايكون فيه ولا شي غلط او جآرح وسآمحوني لو غلطت بكلمه ،،
والله يفرج على كل شخص همه وكربته
