*** الي عندهم هالسنه رابعه ابتدائي حياها الله نناقش امور عيالنا ***

[um meshoooo]

التوفيق للجميع يااارب

 

[منيرة خالد]

قاهرني منهج الرياضيات

مو مركزين على شي واسئله معقده والله لو مو المرشد جان ما عرفت احلها


طريقتهم بالاختبارات ما اعجبتني >>> لو يردون مثل اول كل اربع اسابيع احسن يكون التركيز على جم درس يفهمه الولد ويستوعبه اما طريقتهم هاذي متعبه


احسها سلق بيض احفظ والمدرسه تغشش وانجح


عطيت ولدي 750 فلس بيشتري من مدرسة العلوم مذكرة مختصره للدراسه ان شاء الله اذا استلمتها برصها لكم علشان الكل يستفيد منها


التوفيق للكل

 

[أم عبووووود]

الله يوفق عيالنا ان شالله ولا يخسر التعب

تدرون اشرح حق بنتي العلووووم وهي تهز راسها يعني فاهمه بعدين ارجع اسالها تتنح بويهي

اقول لها اسالة علل : تقول لي يمه انا بكتب هذا

والله صج صج الله يعين عيالنا والله تعبوا وتعبونا وياهم

ربي يوفق عيالي وعيالكم يارب

 

[::كيك وعسل::]

اجلوا امتحان بنتي ليوم الاحد تعبت نفسيتي زياده

 

[um meshoooo]

انا بنتي عندها درس نموذجي يوم الاحد انشالله بروح وبسال الابله هل الامتحان فيه كتابه تعاريف اولا واذا عندكم اسئله قولو عشان اسال الابله مره وحده

 

[<<لمار>>]

والله ماينلامون اعيالنا بنات العلوم صج كلماتة تفر الراس عيزت وانا اختصرلة ويااللا بالغصب يستوعب صج لاعت جبدى من المدارس ضغط على الام المفروض يحطونا بحسبتهم لما يسون المناهج محنا مدرسات ولاعندنا القدرة على توصيل المعلومة والمدرسات اللى حاطيسنهم الله بالخير انا اقول لوتحط الرسمة وعليها الكلمات بالصف والياهل يطالعها ويركب مكان الكلمات على الصورة مثل لعبة بدش المعلومات بمخهم

 

[CrystalQ8]

مرحبا امهات .....بنتي الخميس امتحنت علوم تكتب المصطلح العلمي مالجزء الذي يصنع الغذاء مالجزء الذي يحمل الأوراق والأزهار والثمار عندي بذورتين وحده فوقها ضوء وحده ظلام اكتبي ماذا يحدث؟ تقول سهل

بس الرياضيات زفت درجتها حضرت الأبله مالها خلق تشرح عطتهم الورقه وماوضحت شي تقول بنتي في دوائر أ - ب

ماتدري انهم صح وخطا وحرتني انها تعرف الأجابه

 

[سنعة وحبوبة]

CrystalQ8

روحي وكلمي الأبله قولي لها اللي صار وان البنت ماعرفت معنى تظليل أ و ب

الغلط غلط الأبله ليش مانبهت البنات

هذي نفس سالفة الأبلات كثيرات الغياب اللي يغيبون

وكله على حساب الطالبات تركض بالمنهج ولاعليها منهم فهموا والا لا المهم انها تساير خطة المنهج

أقول للأبلات

إتقوا الله في أنفسكم وياويلها من الله اللي تاكل راتب حرام واللي موقد تدريس تحول إداريه والا تقعد في بيتها أبرك لنا ولها

بأذني سمعت ولية أمر بالاجتماع تدعي على أبلة تغيب وتأخر البنات بالمنهج تقول الأم بنتي اتداوم للاحتياط موللدراسه

أستغفر الله وأتوب إليه

 

[أم عبووووود]

السلام عليكم

بنتي امتحنت العلوم الاسبوع اللي فات والغريب ان الخطه الاسبوعية لما يابتها هم عندهم امتحان علوم يوم الاربعا الياي بنفس الكمية وهوفصل النباتات
طبعا سالت الابلة قبل شوي بالاجتماع تقول ابي اشوف الدرجة الاحسن راح اخذها لان البنات ما قدموا عدل بالامتحان

صج في فرصه ثانية بس ضاق خلقي عليهم حراااام عليهم

الله يوفق عيالي وعيالكم

 

[كويتية منسية]

الله يعين الجميع ويوفق عيالنا يا رب

 

[om al ghaleen]

شلونكم امهات الله يعنيكم ويعينا
ولدي ملوع جبدي ع الاخر كله انا شاطر مااحتاج ادرس
وكل شي عنده سهل واليوم يايب املاء العربي كله درجاته 6 و7
والله يستر من التعبير

 

[<<لمار>>]

الله يوفق اعيالنا يارب انا بديت اتعب معنا تونا بالبداية بس احس بضغط يملل ويكرة الواحد بالتدريس

 

[جنون العاصفه]

حبيباتي ابي اعرف متى الامتحانات

 

[أم عبووووود]

شلونكم خواتي
ينتي اليوم عنده بريزينتيشن انجليزي اتوقع هالاسبوع كله كل يوم تختار جم وحدة تقول بريزينتيشنها
وعندها تعبير العربي والله يسهل عليهم يارب ويوفقهم

 

[um meshoooo]

بنااااااااااا وامهات متى امتحانات عيالنا امتحانات الشهر مو القصيره سمعت انه بعد العيد على طول بس مو متاكده الي تعرف تقول وهل راح تكون موحده يعني الاحد مثلا عربي حق كل روابع الكويت او لا فيدوني اول مره احاتي هذي بنتي البجر ودي ادرسها قبل بوقت كاااااااافي:s141:

 

[<<لمار>>]

ام ميشو الامتحانت بعد العيد مباشرة يعنى الاجازة بتطلع من جبودنا الله يهديهم بس ومااضنتى انة الامتحان موحد لانة من المدرسة موالوزارة الفاينل يكون موحد على حسب المنطقة التعليمية

 

[أم عبووووود]

اليوم بنتي امتحانها العلوم الثاني والله المستعان

 

[كويتية منسية]

أمس بنتي سوت البرزنتيشن مال الانجليزي وموضوعها عن الفروت

قصدي الفواكة

وكان بسيط وسهل ورحت اشتريت لها فواكة تفاح وبرتقال وموز وعنب واشترت هدايا حق البنات اللي يجاوبون صح

ومن طريف الامور ان الابلة عجبها وايد الموضوع وخصوصا الهدايا ههههه وشاركت وخذت هدية تقول بنتي

 

[حبوبه]

رد : *** الي عندهم هالسنه رابعه ابتدائي حياها الله نناقش امور عيالنا ***

هلا امهات ..
امس كان امتحان ولدي العلوم الفصل الاول ويقول سهل .. الاسبوع الياي ان شاء الله الفصل الثاني جزاها خير الابله اللي قسمت الفصول لان الفصل الثاني وايد فيه معلومات وحفظ .. وعنده بعد رياضيات والابله قايله الامتحان صعب وماراح اتساهل ( داشين حرب ) .. احاتي تعبير العربي ولدي مايعرف يألف ويعطيني كلمه بالكويتي وكلمه بالعربي ..
الله يعينا ويوفق عيالنا يارب ..

 

[um meshoooo]

ام ميشو الامتحانت بعد العيد مباشرة يعنى الاجازة بتطلع من جبودنا الله يهديهم بس ومااضنتى انة الامتحان موحد لانة من المدرسة موالوزارة الفاينل يكون موحد على حسب المنطقة التعليمية

مشكوره عالاافاده وصاجه الله بعينا انشالله ويوفق كل عيالنا يارب