الي زوجها عدد حيواناته المنوية صفر نشاركنا الموضوع

[خــلــود]

الله يرزقنا جميعا ومايجي رمضان الثاني الا واطفالنا معنا

 

[@فطفوووطه@]

حبايبي اخوي راح عند دكتور مصطفى تومسو بدار الشفا وقاله لازم نسوي خزعه عشان نسوي اطفال انابيب اذا تبي تسوي خزعه تعال من بكره ب 400 دينار د فقلتله قبل لاتسوي الخزعه اكل عسل لمدة شهرين وسوها عشان عالاقل يمكن يلقووون حيوانات منويه شرايكم بنات شنو تنصحون اقوله ياكل قبل الخزعه ومنو دكتور شاطر يسوي خزعه وبكم يسويها؟؟؟ بنات ردوووا تكفووون

 

[ماي الورد]

ريماس مو مشكلة عادي ياقلبي بالنسبة انه نرجع له مرة ثانية اهو قال لنا خلاص 3 حجامات تكفي له من شان كذا ما رجعنا له مرة ثانية حبيبتي ما قلتي لي شنو مشكله زوجج انتي ؟؟

فطفوووطة قبل العملية خلية ياكل قبل النوم حلبة في ماي دافي والصبح على الريق سبع حبات حبة السوداء مع معلقة عسل هاذي وصفة الدكتور عبدالباسط بعدين خلية يبدا بالخزعة

واذا تبين علاج وحدة تبيع خلطه لعلاج عقم الرجال في مكه ويقولون وايد استفادوا منها وانها تعالج حتى الحالات الصعبة لرجال والحريم من بعد رب العالمين انا كلمتها مرة بس زوجي ما وافق علاجها يكلف بالكويتي 150 دينار سوي عنها بحث بتلقين اسمها ام خالد

والله يكتب لنا الشفااااء ولي ازواجنا ونحمل منهم الشهر الفضيل

 

[lolaaaa]

مراحب خواتي
مبارك عليكم الشهر الكريم
و اختي (المنتج الكويتي) الصفحه هذى لتبادل الخبرات فقط واذا تبين اتروجين منتجج عندج الصفحه التجارية
وارجو من خواتي المشرفات يحذفون ردج .

ماي الورد ولهت عليج اليوم اول يوم دوام الله يكون بعونج
واختي فطفوطه العسل وايد زين لزيادة الحيوانات المنوية + دوا اسمة speman موجود بكل الصيدليات سعرة 2.400 تقريبا على ما اذكر يقوي الحيوان المنوي و يزيد عددهم

 

[ماي الورد]

اي والله يا لولااا حتى انا ولهانة عليج شوفه عينج اليوم اول يوم دوام حاسه عيوني مو قادرة افتحهم وكل اشوي اتصل على الفراشة ابيها تجيب لي شاي تقول لي مدام انتي مافي رمضان اقول لها اسفة واسكر بعدين اتذكر اني صايمة الي مخوفني خايفة اني اشرب ماي مومتقلمه مع الدوام ابدا

 

[خــلــود]

فطفوطه ممكن ياخذ دواء بروكسيد بلس مامنه اي ضرر والدكتور يقول نصرفه بالتلفون مفيد جدا للحاله انصحك تقولين له عنه
فيه الكارنتين والاستيل ال كارنتين وسلينيوم يغني عن كل الفيتامينات

 

[@فطفوووطه@]

الله يرزقكم كلكم ويرزق اخوي معاكم برمضان هذا ياكريم

 

[خــلــود]

اللهم اميييييييييييييييييييييييييييييييييييييين

 

[ريـمــاس]

حبيبتي ماي الورد انا زوجي فيه ضعف بعدد الحيوانات يعني العدد قليل جدا اقل من مليووووون وفي بطئ بالحركه والحين الحمدالله ربي هاديه
وقام ياخذ العلاج يوم بيومه وطبعا مع العسل بس بصرااااااااحه صج العسل له فوائد ماشالله من قبل شهرين كان العدد عنده 6000وانا حنيت عليه ان ياكل عسل طبيعي لمده3 اسابيع قلب لايسوي التحليل الثاني والمهم ان استمر كل يوم الصبح ياكل عسل وقبل المراجعه الثانيه سوا التحليل الدكتور انصدم يقوله انت عامل ايه؟ شلون ارتفع العدد عندك بهالفتره القصيره ماشاء الله 20000 الف قاله بس عسل المهم ان الدكتور عطاه علاج فيتامينات مع سبي مان وقاله بعد 3شهور تعيد التحليل واستمر بعد على العسل وانشالله خير ربي يشفيه ويعطيه على قد نيته .
والله بنات انصحكم بالعسل ترا له فوائد عظيمه وحاولوا تغصبون ازواجكم على العسل خصوصا الي مزود بغذاء الملكااات
وانشالله ربي يرزكم ويرزقني الذريه الصالحه ياااااااااااااااااااارب قولوا آمييييييييييييييييييييييييييييييييييييييييين

 

[ماي الورد]

ريماس حبيبتي مشكورة على نقل التجربة لكن لاتنسي الضعف غير الانعدام الضعف تقدرين تسوين له خلطات ويرتفع العدد انما الانعدام مهما سويتي له ما بيتغير النتيجة بتظل ثابته الا اذا حدث معجزة اللهية بالموضوع يعني من وجهة نظري ما احس شي الا الحقن المجهري الطريقة الوحيدة لنا الي بمثل حالاتنا

والله يفرح الجميع وخلي زوجك يستمر عليها لين ما تعطيكم نتيجة مرضية يارب

 

[كلي أمل]

مرحبا بنتا كل عام وانتم بخير و عساكم تعودون رمضان الجاي و عيالكم معاكم ولي مية سنه بخير و فرح

أنا دخلت هالمنتدى عشان اشارككم بهالموضوع عسا ربي يفرجه علينا و عليكم
قبل اسبوع زوجي راح يسوي تحليل السائل المنوي وللأسف طلع عنده صفررررررررر
بصراحه انصدمت بس هذا زوجي ولازم اوقف معاه على الحلوه والمرة
بس بغيت اعرف اذا كانت الهرمونات اوكي و مافي دوالي ليش صفر وشنو الشغلات اللي يسوسها
ومنو احسن دكتور و ابي علاج نفع مع اي حاله منكم و شنو الفرق بين التلقيح الصناعي و الحقن المجهري واطفال الانابيب

 

[om_jsoom]

حبيبتي لازم يرووح عند دكتوور ويسوي تحاليل يمكن يكون عنده هرمونات ويعالجونها وتطلع الحيوانات
الدكتور ناهض حماديه يمدحونه روحو سوو تحاليل عنده لاازم تعرفوون من شنو صار انعدام
والله يوفقج

 

[om_jsoom]

الفرق بين طفل الانبوب واالحقن المجهري حييل شااسع
طفل الانبووب لازم يكون تكون الحيوانات واايد بس مادري جم العدد وينفع حق الي عندهم ضعف وقله حيوانات
اما الحقن المجهري حتى لو لقوو حيواان منوي وااحد ياخذونه ويلقحونه داخل البويضه
اتمنى اكون فدتج بلي اعرفه

 

[كلي أمل]

مشكورة حبيبتي أم جسوووم والله ماقصرتي و فيج الخير

 

[om_jsoom]

اشدعوة حبيبتي ماسويت شي مثل احب احد يفيدني احب الناس تستفييد بلي اعرفه وان شااء الله تبشرينا بحماالج

 

[خمريه]

خواتي الغاليات جعل ربي ما يحرمنا من الضنى ويفرج علينا ويرزقنا انا حالي من حالكم بس ما اقول الا اللهم اني اسالك بان لك الحمد لا الة الا انت وحدك لا شريك لك المنان يا بديع السماوات والارض يا ذا الجلال والكرام يا حي يا قيوم ان ترزقنا الضنى الصالح حسن الخلق والخلق سليم العقل البااااااااار اللهم امين يارب العلمين

يا بنات هذا الدعاء باذن الله لا يرد

 

[babloo]

السلام عليكم جميعا


من زمااان بنات ما شاركتكم ... مبارك عليكم الشهر يارب والله يجعله شهر مبارك علينا كلنا ويكون خير علينا ونحمل آمين

بس حبيت اصحح على كلامج اختي ام جسوم
الحقن المجهري اهوا الي يحتاج عدد كبير من الحيوانات المنويه لانه يتم اخذ العينة من الرجل وضخها في رحم المرأة وتتم عملية التلقيح بطريقة طبيعية .. بدون الحاجة الى سحب بويضات من المرأة
أما طفل الأنابيب فتؤخذ بويضه من المرأة وحيوان منوي من الرجل (واحد) ويلقح داخل انبوبة ثم يعاد الجنين الى رحم الأم


والله راضيين بأي طريقة .. عسى ربي يشافيهم يارب

واختي الي كانت تسأل عن عملية العينة حق زوجها .. أنصحج لا تروحين مستشفى لندن .. ترى مهملين والله .. ما عطونا النتيجه الا بعد 3 ايام بعد ما نشفت قلوبنا .. لان الدكتور أخذ اجازة بنفس اليوم الي زوجي سوى العملية يعني ما نطر يقوم من الينج وبعدين يطلع !!

وغير جذي ما عطونا تقرير تفصيلي .. بس عطوني ورقة مكتوب فيها ما لقوا شي والحين كل ما اروح عند احد يقول لي شنو هذا .. هذي ما منها فايده لازم نعيد العينة !! ومستحيل طبعا زوجي يعيدها .

المهم اختي شوفي لج اي مكان ثاني غير مستشفى لندن .. بالنسبة للتكاليف خذوا من عندنا حروة ال 500 دينار مع التحاليل والخرابيط والابر

وبس

وربكم كريم

 

[كلي أمل]

آمين أم جسوم انشالله ابشرج بالخير

 

[om_jsoom]

معقووله انا فااهمه غلط
مااتوقع كل مكاان اقرى فيه ان الحقن النجهري ينفع حتى لو في حيواان منوي وااحد
ببحث وبشووف عشان اتاكد
ويعطيج العافيه

 

[الزيزفونه]

حبيبتي الحقن المجهري ينفع حتى لوحيوان منوي واحد ولازم يسحبون بويضات يحطونها بالحظانه بعدين يردونه نفس الانابيب بس ان الحقن المجهري يختارون افضل اجنه وبس مثل ما قالت اخت او جسوم