الي تعرف تنصحني.. والي ما تعرف بس تدعيلي

[mrs_sugar]

والله ما عندي فكرة

الله يشافيه و يعافيه

و لا يحرمج اجر صبرج

 

[سنع ومنع]

أختي أنصحج أنصحج ان تزورين الدكتورة عبير في مستشفى السلام ..
هذي الدكتورة بفضل من رب العالمين وجهودها تشافى إلى الآن على ايدها 32 طفل كان فيهم توحد .. تشافوا تماما من التوحد
تعطيج أدوية وأكل معين يمتنع عنه الطفل وخلال فترة بسيطة يتحسن الطفل بشكل ملحوظ .. ويروح مدارس عادية ويصير طفل طبيعي ..
انا ولدي فيه توحد بس أصغر من ولدج الله يحفظة ويشافيه لج .. الظاهر ولدج ما فيه توحد .. في شي اسمه سمات توحدية .. تكون نسبة التوحد شي بسيط جدا جدا ..
بالنسبة للمدارس ما عندي فكرة لأن ولدي بعده صغير قاعدين نوديه حضانة
واذا عندج أي استفسار أختي انا حاضرة ..
عسى ربي يشافي لج ولدج ويخليه لج يا رب

 

[سما الكويت]

الله يشافيه لج ويعافيه..ان شاء الله..

 

[سنع ومنع]

أختي لا تترددين في أي سؤال وانا حاضرة .. ومثل ما قالت وحدة من الخوات ان اوبرا قابلت وحدة أصرت على شفاء ولدها من هالمرض وتشافا الولد تماما وكتبت كتاب عن تجربتها في الموضوع .. قمت وشريت الكتاب .. صراحة شي عجيييييييب .. اذا حابة أفيدج في أي شي انا حاضرة واللي تبين تسألين فيه طرشيه على الخاص ..
ويمكن يفيدج هذا اللينك اللي حاطته وحدة من الخوات ..
http://q8yat.net/showthread.php?t=147876
عسى ربي يشافي لج وليدج وتبلغين فيه معرس يا رب

 

[القرآن ربيع قلبي]

بنات الله يجزاكم خير فيدونا باهم صفات التوحد والله يشافي عيالكم يارب ويجعلهم قرة عين لكم هل يعني ما يحفظ والا ما يفهم والا نطقه ثقيل لانه انا ولدي الله يحفظه 4 سنوات نطقه جنه هندي والاحرف بعد مو ذاك الزود وعصبييييي حده الله يجزاها خير الي ترد علي

 

[توته كيوته]

الله يشافيه ان شاء الله

 

[om mido]

الله يشافيه ويعافيه ان شاء الله

 

[ناني سيكرتس]

أختي أنصحج أنصحج ان تزورين الدكتورة عبير في مستشفى السلام ..
هذي الدكتورة بفضل من رب العالمين وجهودها تشافى إلى الآن على ايدها 32 طفل كان فيهم توحد .. تشافوا تماما من التوحد
تعطيج أدوية وأكل معين يمتنع عنه الطفل وخلال فترة بسيطة يتحسن الطفل بشكل ملحوظ .. ويروح مدارس عادية ويصير طفل طبيعي ..
انا ولدي فيه توحد بس أصغر من ولدج الله يحفظة ويشافيه لج .. الظاهر ولدج ما فيه توحد .. في شي اسمه سمات توحدية .. تكون نسبة التوحد شي بسيط جدا جدا ..
بالنسبة للمدارس ما عندي فكرة لأن ولدي بعده صغير قاعدين نوديه حضانة
واذا عندج أي استفسار أختي انا حاضرة ..
عسى ربي يشافي لج ولدج ويخليه لج يا رب

حبيبتي رحت لها امس والله تهبل وعسل صج انها غاليه بس تستاهل, وطمنتني عليه وقالتلي انه مافيه توحد وان هالاشياء الي عليه صح انه نفس صفات التوحد بس مو توحد, قاتلي ان عملره العقلي اصغر من عمره الفعلي, يعني ان عمره 6سنين بس عمر عقله 4سنين يعني عمر جسمه سابق عقله بس ان شاء الله بتحس, عطتني له فيتامينات وعلمتني اشلون اتعامل معاه وعطتني اسماء 3 متخصصين لغه عشانه وامس دقيت على واحد منهم وان شاء الله ببلش معاه من الشهر الياي.

 

[om deaj]

الله يشافيه ان شاء الله يااارب

 

[ناني سيكرتس]

أختي لا تترددين في أي سؤال وانا حاضرة .. ومثل ما قالت وحدة من الخوات ان اوبرا قابلت وحدة أصرت على شفاء ولدها من هالمرض وتشافا الولد تماما وكتبت كتاب عن تجربتها في الموضوع .. قمت وشريت الكتاب .. صراحة شي عجيييييييب .. اذا حابة أفيدج في أي شي انا حاضرة واللي تبين تسألين فيه طرشيه على الخاص ..
ويمكن يفيدج هذا اللينك اللي حاطته وحدة من الخوات ..
http://q8yat.net/showthread.php?t=147876
عسى ربي يشافي لج وليدج وتبلغين فيه معرس يا رب

بعد عمري حبيبتي مشكوره وما قصرتي, ان شاء الله اي سؤال عندي والله ما راح اتردد واسالج اياه. بس مو وين شريتي الكتاب واهو بالانجليزي ولا مترجم عربي..؟

 

[سنع ومنع]

هلا حبيبتي .. الحمد لله انه ما فيه هالمرض .. عسى الله يطمنج عليه يا رب ..
وحياج يالغالية بأي وقت ..
بالنسبة للكتاب اسمه louder than words .. وهوا بالانجليزي بس سهل .. يعني انا مو فلته بالانجليزي انجليزيتي زينة وتمشي الحال لما قريته فهمت كل شي .. صدقيني وايد سهل .. شريته من amazon.com ..
الصراحة عجييييييب .. مو شرط يكون عند الأم طفل فيه توحد عشان تقراه ..الكتاب بحد ذاته وطريقة كتابة الأم لقصتها مو طبيعية .. وايد وايد وايد مفيدة و مؤثرة ..
انا من اكتشفت ان بولدي هالمرض وانا قاعدة أحاول كثر ما أقدر أثقف روحي بهالمرض .. وللأسف مافي كتب عربية في هالمجال ..
والكتب الانجليزية ممتازة .. من ناحية الشرح والطريقة والاسلوب ..
عسى الله يشافيه ويعافيه ..
والله يا خواتي عمره الحين 4 سنوات .. للحين ما تكلم ..
ميته ميته ميته أسمع منه كلمة "مــــامـــــــا " :"( .. مابي شي من الدنيا بس أسمع هالكلمة .. يااااا رب

 

[سنع ومنع]

بنات الله يجزاكم خير فيدونا باهم صفات التوحد والله يشافي عيالكم يارب ويجعلهم قرة عين لكم هل يعني ما يحفظ والا ما يفهم والا نطقه ثقيل لانه انا ولدي الله يحفظه 4 سنوات نطقه جنه هندي والاحرف بعد مو ذاك الزود وعصبييييي حده الله يجزاها خير الي ترد علي

هلا أختي ..
عسى الله يطمنج على ولدج يا رب ..
شوفي اختي من أهم صفات التوحد ..
تشوفين الياهل كل يلعب بروحه ..
يتأخر بالكلام .. أو يكون تمام ويتكلم أوكي بس بعد السنة ونص تشوفين كل الكلام يختفي تقريبا ..
لما تكلمينه ما يطالع بالعين ..
ولما تنادينه مايرد عليج ..
ما يلعب بألعابه مثل اليهال .. يعني تشوفينه مثلا بدال ما يمسك السيارة ويمشيها .. يمسكها ويفر التاير يفره يفره يفره ..
يشده شي معين من الأشياء ويجلب فيه وايد ما ينام الا معاه وما يروح أي مكان ثاني الا وياه هالشي ..
تشوفينه عصبي .. اذا عصب ممكن يطق راسه بالأرض أو الطوف ..
شوفي أحيانا نومه ما يصير طبيعي .. يقوم بالليل وايد ..
يمكن هذي أهم الصفات .. واذا بتسألين أي شي ثاني .. انا حاضرة
تكفون بس ادعولي الله يشافي ولدي

 

[أم عبوودي11]

اللهم اشفيه يارب

 

[إنسانة]

الله يشافيه ويتحسن بإذن الله

ويخليج له ويخليه لج يارب

 

[SARA_912]

الله يشفيه ويخليه لك يارب
مأجوره ان شالله

 

[تختوخه22]

الله يشفي وثبتج وعينج

 

[F.A]

الله يشافيه و يعافيه ويصبركم على ما بلاكم أمين يارب العالمين

 

[ناني سيكرتس]

حبايبي كل وحده دعتلي الله يوفقها واييسر امورها دنيا واخره..

الله يشافي اعيالنا ومرضانا ومرضى المسلمين امين يارب العالمين..

 

[cat^q8]

ولد خالي فيه توحد وماشالله الحين تخرج وتوظف بنفس المدرسة مع انه توحد وايد مو شوية

بالمدرسة الفكرية اللي بحولي ، حكومية و طول عمره يمشيله معاش ، ولما تخرج وظفوه وراتبه حلو بعد

وكان متفوق دايما ماشالله

سألي عنها و الله يخليج لولدج انشالله

 

[منورة الكويتية]

حبيبتي ناني سيكرتس
انا مابي ااملج بس لاا تعتمدين على تقرير الطب التطوري لانهم وايد يحولوون يهال فيهم توحد حق مركز سالم العلي والاخصائين يكتفشون ان اليهال مو صووب التوووحد
ولاا وحده مشخصين ولددها ان فيه توحد صناعي !! انتي مستووعبه !!

في مجمووعة اعراض اذا تأكدتي ان ولدج يسويها ف في احتمال انه متوحد منها

يميل الى الانعزال ومايحب اللعب الجماعي

مايقيم تواصل بصري بمعنى مايطالع بعين الي يحاجيه

كلامه قليل جدا ويمكن يستخدم الاشارات للتعبير عن احتياجاته

له لعبه معينه مايغيررها ويسوووي حركات متكررره بشكل متواااصل

يحب الترتيب والتنظيم

وغيرررها


انصحج تعرضينه على ناس خبرره حتى لو تسفرينه بررره لاان التشخيص اساس العلاج


واذا كان فعلا في تووحد

في مدرسه خليفه وااايد زيينه ووايد يمدحونها مدرسه خاصه


وفي مدرسه تبع التعليم الخاص بحووولي خاصه بالتووحد بعد بس موحاضرني اسمها

وفي مركز التوحد بالرووضه

والله يحفظلج اياه ويشافيه ويعافيه وكل مسلمم