اليووم عيد زواجي ... وآنه متكسرة :(

[قمر^خالد]

قوة بنات ..

اليوم 16-7-2010 عيد زواجي صارلنا سنتين .. من تزوجنا ... وآنه سويت حادث يوم 5-7-2010 دشيت بشبه .. مع رفيجتي . وأهي كانت تسوق .. أهي ماصار فيها شي .. آنه كسر بالفخذ والركبه ... وماقدر أمشي كلشش دشيت مستشفى الرازي ..وسويت عمليه هناك لركبتي ... وتغربلت .. لانوم لااكل وصرت ضعييييييييييفه طلعني زوجي .. تاريخ 14-7-2010 وآنه ألحين بشقتي .. بس ضااايق خلقي واايد ... لاني مو مثل قبل.. ماأقدر أسوي ولا شي .. وكلا بالفراااش زهقت وملييت ... حتى الحمام . تكرموون . ماقدر أرووح الا بمساعده ... استحييت منه واااايد ... لانه كل شي صاار فوق راااسه .. وأهوو مسكييين .. متحملني .. وسااكت ... أدري أنها مسألت وقت ... وأقوووم .. بس مادري شسوي ودي اقووم وأعدل شقتي مثل أول ... وأعدل فرااشي ... وأرتبه ... الله كريييم ....
الحيين آنه شسوي بهاليوم ...؟؟؟ ىنه ضااايق خلقي .. ومو مثل قبل ... ماأضحك .. ولا شي ...وأبي استانس بعيد زواجي .... وبونسه .... تعبت من القعده بالفراااش ... حتى طلعتي صعبه .. يعني بالسيارة لاازم احط سناده اسند ريلي فيها ... لأنه فخذي مكسووور ... ابي حل

 

[^مرايم^]

هلا حبوبة ..

أول شي خطاج السو .. و الحمدلله على سلامتج ..

تقدرين تسوين شي بسيط ..خلي الخدامه او وحده من خواتج او رفيجاتج تساعدج .. سنعي طاولة الاكل حطي شموع و غيره و طلبي عشا للبيت فيه مطاعم حلوة توصل للبيت و طلبيلج كيكه معاها شموع .. ولا يضيق خلقج هذا قدر رب العالمين قدر الله و ما شاء فعل.. و الحمدلله مافيج شي جايد..

و اذ قمتي بالسلامة عوضيه

ما تشوفين شر حبوبه ..

 

[عهود الحب]

رد : اليووم عيد زواجي ... وآنه متكسرة

فكري بالعافية اول
و عيد الزواج خرابيط
اهم شي انج تسلمين

و تحمدي ربج عالنعمة
غيرج يدش بالشبة يموت وانتي الله كتب لج عمر جديد

 

[قمر^خالد]

مشكووورين .. والله أدري ... بس ماني قاددره ضيقت خلق ... وماأقدر أطلع ... ادعولي .. أتشااافى

 

[noo7a]

الحمدلله على سلامتج
انتي قلتيها كلها مساله وقت و ترجعين انشالله مثل ما كنتي و احسن
و انشالله جدامكم العمر كله تحتفلون فيه

 

[قمر^خالد]

اللله يسلمج مشكوورة ماتقصرين

 

[omsalman87]

حياتي خطاج السو والحمدلله انها جت على جذي .. الله يشافيج انشالله ويقومج بالسلامه وتعوضين زوجج.. ومثل ماقالوا البنات اتفقي مع وحده من خواتج او رفيجتج أو امج او وحده من خوات زوجج تساعدج بهالشي وخليها تكون مفاجأه حقه.. ومو شرط اذا ماقدرتي تسوينه حياتي.. كافي مسج تذكرينه بهاليوم وتقولينله ان ودج تحتفلين معاه بهاليوم وتسوينله... بس ما بيدج شي.. وصدقيني باجر راح تدخلين بهالمنتدى وتكتبين ان زوجج سوالج مفاجأه واهوا زهب كل الشي واحتفل معاي... والله يفرح قلبج اليوم.. وتستانسين آآآآآآآخر وناسه وتقولين الحمدلله اني متكسره لاني فرحت كل هالفرحه...:eh_s(17)::eh_s(17)::eh_s(17)::eh_s(17)::eh_s(17)::eh_s(17):

 

[انا مو هني]

دقي على اختج خل تروح تييب سوشي من مركزالسلطان وعدل الطاولا حطي شموع وعدلي الوظع وحطي ورد
وتكشخي
وظبطي شعرج
ولبسي شي كيوت
وتعطري ويبيله هدياا وكتبي رسالا ان مشكور على كل شي سويتا عشاني يا اغلاا زوج
الله لايحرمني منك ياشيخ الريااييل فديتك والله يدوم علينا المحبه ان شالله وكل عام واحنا بخير

وفي اخت قالت خل رفيجتج اتساعدج
ديري بالج اتدخلين اي رفيجاا بحياتج الزوجيه
اكبر غلط تسوينا حتا لو جيكرا ومحد يطالعهاا

 

[حصووونه]

من صجج الله يهداج شتفكرين فيه بس
انتي فكري بروحج وعافيتج خلي هالامور انتي معذوره محد يشره عليج بشي ولا تعبين روحج ولا نفسيتج بشي كافي اللي فيج الله يشافيج عورتي قلبي ربي يقومج بالسلامه ولاحقه هالامور هذي كلها اهم شي صحتج بس

 

[قمر^خالد]

أن شاء الله ... مشكووورييين .

 

[قمر^خالد]

حبايبي .. خففتوا عني ... احبكم

 

[~*~الملكة~*~]

الحمدلله على سلامتج وخطاج السو

ومثل ماقالو البنات خلي وحده من خواتج اتساعدج

 

[حصووونه]

لاتعطرين ولا شي نقعي لج بطل مره يم راسج وشربي منه انتي مكسوره وموزين عليج عطورات ولاتاكلين بيض ولا دجاج عشان تجبرين بسرعه خلي عنج الخرابيط بس اهم شي صحتج لاتضغطين على روحج الله يشافيج يارب

 

[قمر^خالد]

دقي على اختج خل تروح تييب سوشي من مركزالسلطان وعدل الطاولا حطي شموع وعدلي الوظع وحطي ورد
وتكشخي
وظبطي شعرج
ولبسي شي كيوت
وتعطري ويبيله هدياا وكتبي رسالا ان مشكور على كل شي سويتا عشاني يا اغلاا زوج
الله لايحرمني منك ياشيخ الريااييل فديتك والله يدوم علينا المحبه ان شالله وكل عام واحنا بخير

وفي اخت قالت خل رفيجتج اتساعدج
ديري بالج اتدخلين اي رفيجاا بحياتج الزوجيه
اكبر غلط تسوينا حتا لو جيكرا ومحد يطالعهاا

مشكوورة . توني دزيتله المسج

 

[قمر^خالد]

لاتعطرين ولا شي نقعي لج بطل مره يم راسج وشربي منه انتي مكسوره وموزين عليج عطورات ولاتاكلين بيض ولا دجاج عشان تجبرين بسرعه خلي عنج الخرابيط بس اهم شي صحتج لاتضغطين على روحج الله يشافيج يارب

ان شاء الله ... مشكوورة واايد

 

[عز النفس يغنيني]

ما تشووووووووفيـن شر يا الغاليه وخطاج السو ..

حبيبتي أطلبي لج كيك وحلا وخرابيط والخدامه تسوي قهوه وجاي وعصاير .. ودقي على أختج تجيب لج شموع وسوالف .. ووصيها على هديه له ..

وأكشخي سوي شعرج ومكياج خفيف وخلي الخدامه تشب بخور وتعطر الغرفه .. أنتي أشرفي عليها .. وقوليلها سوي كيت وكيت

وقوليله هذا إللي قدرت عليه وإن شاء الله لا تعافيت بسوي عيد زواج ثاني ..


وكل عام وأنتوا بخييييييير ..

 

[ريتااجي]

رد : اليووم عيد زواجي ... وآنه متكسرة

حمد لله ع السلامة

أنا صار لي مثلج بس العكس

ريلي هوه اللي تكسر وجلس شهر في المستشفى

ووقت عيد زواجنا كان في المستشفى

بس أنا ماكان تفكيري في عيد زواجنا كان تفكيري إن عمليته تنجح لإن بيحطون له أسياخ وخرابيط

والحمد لله طلع من المستشفى وإحتفلنا بعيد ميلاد ولدي وعيد زواجنا مع بعض

وإذا ضروري تبي تحتفلين بعيد زواجكم خلي وحدة من خواتج تجي تساعدج وترتب عنج وإنتي عطيها الأفكار

وآخر السوء يااااارب

 

[قمر^خالد]

مشكوورين ... بس ماراح اسوي .. فالبيت ... قوولوا أن شاء الله ... اشد على نفسي .. واطلع شوي .. أغير جو تعبت الحمدالله على كل حااال ..

 

[قمر^خالد]

آنه مابي أطوول .. ابي امشي على ريوولي .. ما أحب أقعد فمكان وااحد ... طبعي أتحرك واايد .... الله يصبرني

 

[قمر^خالد]

الله يساامحح اللي كاان السبب ........