الولاده برويال حياة 2012

[الخيال المتلاعب]

مــــر حـــبـــــا بنات بغيت مساعده فزعه الي يعافيكم انـmeٓٓٓــا حامل بلاشهر الاولي ودي ارجع واولد فـــٓٓيـــ مكان واحد بغيت اسال الله يعافيكم عن رويال حياة بصراحه انـmeٓٓٓــا ميزانيتي تحت الالف ودي اراجع واولد فيه بغرفه عاديه وطبعا بدون استقبال فـــٓٓيـــ خاطري اسال عن الدكتوره نجلاءالزعفراني اشلونها بلولاده والراجعات واهم شي عندي الكمام ان شاءزين لاني مااحب ابرة الظهر ويعطيكم العافيه

 

[ام يوسف السعد]

ان شاء الله البنات يفيونج

 

[Q8_QT]

انا اسمعهم يمدحون الدكتورة نجلاء بس ماجربتها

 

[مناوووي]

انا دكتورتي خالده المجيبيل وحيل مرتاحتلها


وناويع اولد عندهم اذا ربي سهل



الله يتمم عليج

 

[Aloe Vera]

عندج نجلاء و بولين وايد زينين

اذا ولادة طبيعية بدون ابرة ظهر بدون شفط و بدون تجميل ب700 مع اقامة يومين بالغرفة العادية

المستشفى وايد حلو و مريح

الله يسهل عليج

 

[ام فوااز]

ماجربتها
بس جربت خالده المجيبل واتينن

 

[الخيال المتلاعب]

مشكوريين بنات علي الرد يعطيكم العافيه فـــٓٓيـــ انتظار المزيد

 

[H_R_S]

إذا ولدتي طبيعي وخذتي غرفة ليلي يطلع حسابج أقل من ألف بس إذا عمليه يطلع أكثر من ألف
وايد يمدحون كمامهم
والله يسهل عليج

 

[أم معاذ الكندري]

اب
اب
اب
اب

 

[LadyInRed]

دكتورتي حاليا نجلاء الزعفراني
للامانه ماجربت الولادة عندها لكن مراجعاتها ممتازة وبالها طويل وتعطيج حقج والاهم مواعيدها مضبوطه ما انطر بالساعات نفس باجي الدكاتره
انا سمعت عن ولاداتها ويمدحون تنظيفها للرحم بحيث ان تكونين مرتاحه بالنفاس

 

[؛؛حلاوه؛؛]

رفيجتي ولدت طبيعي وخذت غرفة ليلي حسابها1700

 

[om b bader]

معاملتهم اتينن والمستشفى راقي وحلو مافيه ازعاج وكل شوي السستر تتطمن عليج بهدوء والصراحه حسب دكتورتج وشطارتها انا دكتورتي كانت ناهده العلي بس كان منلف على ولدي الحبل السري واهيا ماتدري وتخليني اضغط وتسحبه واخر شي لما نزل علي ماي اخضر حولتني قيصريه طارئه الدكتور لازم يكون شاطر

 

[om b bader]

والحين رحت حق فوزيه القطان لان امدحولي اياها وهم بروح رويال

 

[الخيال المتلاعب]

يعطيكم العافيه بنات ماقصرتو

 

[sosowaty]

وووايد يمدحون المستشفا و الدكتوره خالده

 

[مضاد حيوي]

السلام عليكم
من ناحية المستشفى ماشاء الله حلو و تعامل الممرضات وايد زين
بس بغيت احذر من الي يراجعون عند د. خالدة ديرو بالكم ترى مو زيينه
عليها أخطاء طبية واايد و شكااوي و قضايا واايد
ترى دكتورة فاشلة و الله صج ياجماعة
قبل فترة مسوية قيصيرية حق وحدة مخيطة المثانة مع الرحم
الله ستر على البنت ماراحت من جيس اهلها
اللهم قد بلغت .. اللهم فاشهد

 

[جمالي مو صج]

اب اب اب

 

[دخون ازرق]

والله نصيحة لا تروحين لهم اختي ولدت عندهم عمليه سوو خطأ طبي وولدوها بالسادس غير تكلفة ولادتها حول الثلاثة آلاف ونص علا شنو ما ادري انصحج نصيحة لوجه الله لا تروحين لهم روحي الهادي والله وأقولها ومالي مصلحه ان الهادي أحسن منهم بمليون مرة والله نصيحة رويال خرابيط وحرام تقطين عندهم فلس

 

[الخيال المتلاعب]

الله يجزاكم خير وفيتو وكفيتو شكلي بستخير

 

[ام ريانوو]

انا برايي ان المستشفى مااله شغل بالفشل الطبي الي قاعد يصير

الدكتوووره اهي المسؤوله بس
يعني اذا دكتورتج انتي تعرفينها وواثقه بشغلها توكلي على الله
و مو شرط ان الدكتوره تكون من المستشفى
انا انشالله بولد برويال حياة بس دكتورتي من بره نجيبه القطان

بس للامانه الي مخيطين مثانتها مع الرحم تصير حق وحده تصيرلي فعلا تقول اكتشفت لما اطلعت من المستشفى لما كانت تبول عزكم الله كان بطنها ينتفخ و ينحكر داخل و بطنها انتفخ حييل
و مو اول مره اقرا شكاوي عن هالدكتوره