النفاس عند الزوج

[iLLuMinaTion]

هلا بنات شلونكم

بغيت رايكم ولاهل المعرفه ولنتشارك الاراء والافكار

صديقتي الحمدلله ولدت ويابت بونته شحلوها .الحمدلله على سلامتها ويخلي لها البنوته

تقول : ان هي تنفست عند ريلها...وهم ساكنين بشقه..وقعدت بغرفه مع البيبي..

ويوميا امها تجيها شقتها وتساعدها ...وتقول ما بي اخلي ريلي بروحه

السؤال

- هل في مانع ان والوحده تسوي مثلها....؟؟؟؟

- منو فيكم تفضل الطريقه هذي ؟؟؟؟

- هل من اضرار واو فوائد للحالتين النفاس عند الام او الزوج


ناطره تفاعلكم

 

[فلافل وبطاط]

امممممم انا مافكر اسويها حالياً
بس بعدين اذا عندي عيالي وحوستهم افضل نفاسي
فبيتي بس بغرفه بروحي ...

مافيها اي ضرر انا امي نفاسها بالبيت ويدتي تييها
اذكر لما كنا صغار ،، بس غرفتها هي والبيبي بروح
وبعد الاربعين والسبوح تروح غرفتها...

دامها مرتاحه كااافي...

والله يخلي بنيتها ويبلغها فيها يااارب

 

[ام حمد 85]

عادي ما فيها شي والافضل تكون في البيت

 

[××بنت الشيوخ××]

خالتي انا هلون قعدت في غرفه مع البيبي ويدتي معاهم .. ولما خلصت النفاس رجعت الغرفه مع زوجها

ان شاء الله اذا الله رزقني الحمل الثاني باقعد في بيبتي وباخلي امي تبات عندي احسن لي ولها ..

 

[غلا-زوجي]

عادي لكن يستحسن عند الام ..
يعني البنت امها تنفسها بسسسسس
واذا تمت عند زوجها اكيد راح يطفر من ريحه الحلبه واللهوم والحسو وماتاخذ راحتها كل شوي بتدش الحمام تغير منو يمسك الياهل ؟؟ راح يطفش الريال
اتم عند امها عالاقل لما بتدش الحمام او شي امها تمسكه اختها .. وعشان يشتاق لا تلصق فيه مرة وحده

 

[الريشة]

اذا في بيت أهلها عندهم غرفة فاضية خل تتنفس عندهم.
أما إذا ما عندهم مكان خل تتنفس في شقتها بس تكون بغرفة بروحها.

 

[iLLuMinaTion]

عادي ما فيها شي والافضل تكون في البيت

مشكوره على الرد

جزاكم الله خير

 

[iLLuMinaTion]

يسلمج

 

[مناوووي]

انا بجريه وما افكر انفس عند زوجي ومستحيل ههههه

انا اعرف الام هي الي تنفس عدل حتي لو تجينا لبيتها مهما كان مثل ماقالو البنات منو يمسك البيبي ويساعدها


كلش كلش تقعد عند اهلها اسبوعين لين تصير زينه

بعدين تروح تكمل في بيت زوجها

 

[عيون ملكيه]

مادري بس انا ما افكر اتنفس عند زوجي اول شي لأني بجريه و ما ادري شنو سالفة النفاس و احتاج امي تساعدني

ثاني شي لأن امي اساسا ماراح تخليني اتنفس بروحي انا بنتها الوحيده و ماصدقت ارجع البيت خخخخخخخ

ثالث شي مالي خلق اجابل ريلي و شكلي و حالتي و ريحتي كلها ما تساعد

خليه اذا بيمر اعدل شكلي اما بالايام العاديه اكون مبهذله و على راحتي و ما احاتي احد يدخل علي


و ابي امي تعلمني اشلون اتاعمل مع البيبي انا اذا تحرك في بطني قمت ابجي اشلون اذا شفته جدامي


الله يعين صراحه حدي خايفه من الولاده و ما افكر بشي حاليا الا اني اولد بالسلامه

 

[جـــواهر]

كلن وظروفه

 

[نور دنياه]

انا اشوف كل وحده حسب ظروفها. مثلا انا بجريه بس بتنفس في بيتي وامي بتنام عندي، والسبب لانه بيت اهلي في صيانه وتكسير ومافي غرفة تكفي لي.

 

[دلال و غلا]

انا تنفست ف شقتي و الحمدلله سهالات
و بصراحه الواحد ما يرتاح الا ف بيته

جهزت لي غرفه و ضبطتها لي و لبنتي و تكرمون حمامها معاها و زوجي كان مرتاح اني و بنتي معاه
و كان بالاول راافض اتنفس برا البيت و نفس الطريقه اخواني الكبار ما يرضون حريمهم ينفسون برا البيت

 

[Aloe Vera]

احلى نفاس و اسهل نفاس ثاني بيبي لمن كنت بشقتي مع زوجي

ما غيرت غرفتي كنت انام بنفس الفراش مع زوجي و البيبي بفراش يمي

و الحياة طبيعية و حلوة

بالعكس زاد الترابط بيني و بين زوجي

و حلو نكون مع بعض


و انا ما ارتاح انام في اي مكان


فا وايد كنت مرتاحة بغرفتي و فراشي و حمامي


و اذا عن الادوية و السوالف هذي



انا ما اخذ ادوية ريحتها خايسة و هالسوالف ما اعترف فيها


و الحمدلله ما اعاني من مشاكل


و كنت اتسبح عادي كل يومين و ريحتي حلوة و لبسي حلو و مريح

و عادي مرت الايام طبيعية مثل اي ايام

طبعاً اهلي و اهل زوجي ساعدوني و ماقصرو




مثل الاجانب الزوج يساعد زوجته ومايفترقون

يمكن لان امي اجنبية حبيت هالطريقة... و زوجي حبها بعد

 

[ام دندوونه]

أنا لما كنت بجر كنت ارتاح ببيت اهلي بس هالسنه اضطريت انفس بشقتي لان وقت مدارس وحوسه وبصراحه كان احسن نفاس لاني قعدت ببيتي

 

[احلى ديما]

انا بتنفس بيت اهلي وريلي بيكون معاي لوووووول

 

[شكريه81]

البكر لازم بيت أهله بس الي عنده عيال وخصوصا ا\ا كانو بمدارس ما ينفع لا زم تقغدين في بيتك

 

[أم معاذ الكندري]

كل وحده وظروفها
انا بجر وراح اتنفس في بيت اهلي
لكن اذا عندي عيال ولا ظروفي تغيرت افضل في بيتي

 

[أم عزيـز]

انا بس اول ياهل عند امي والباجي في شقتي
عيالي وزوجي محتاجيني وانا ما اعرف انام وارتاح الا بمكاني

بالنسبة لي شي عادي ومافي غلط لما تكون في شقتها وبمكانها وعندها خبره بالنفاس
واغراض النفاس خاصه اذا الزوج يساعدها في البيبي


انا اعرف ناس يروحون بيت اهلهم مو عشان يتنفسون ! بس عشان ينامون ويقطون الياهل على الام لوووووول
لان فعلا احنا فينا فقر نوم طول حمالنا وهم لما نولد كلش مافي نوم كله سهر وتعب ومجابل
بس الحمدالله كله بأجرة

 

[Zuji 7abibi]

الله يتمم على الكل ان شاء الله
أنا كنت بجرية و تنفست بشقتي بالعكس أريح و اونس و بركة لمن اهلج كل يوم عندج
و ريلي كان مقدر هل شي كان يقضي يومه برا ومن يروحون الناس ايي وكان الوضع جداً طبيعي وبالعكس يكون مستانس
يشوف ان في فرد يديد عنونو مجكنم بالبيت وانتي يمه
و أسهل للزوج لان اي شي تحتاجينه بتلاقينه وتعرفين مكانه مو كل شوي دازة ريلج يمل و يحس ان الأبوة صعبة ومسؤوليات ومصاريف
وترا نادر ما تلاقين وحدة تنفس عند أمها و الحين موضة استقبال الولادة و النفاس بالشقة او البيت