(المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

[EleGanZa]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

لا والله ما مر علي ان محل غشني! يعني ماعمري شريت شي ب10 دنانير من زارا و لقيته ينباع بمانجو بدينار مثلا!!!

و عن ضبط الاسعار و نار و شرارو عالاقل الدوله كل مكان يرتفع فيها الاسعار و يكون هذا الشي عالمي, بس مو تاجره تبيعه باضعاف السعر و اخرتها مقطوط بابو اميه؟
انا مشط البف ماخذته ب8 و بعدها بشهر القاه بربع دينار هذي شنو اسمه بالله؟ مو غش؟
و تقولين المحلات ارخص لانهم يطلبون بكميات كبيره معناها كلامي صح ان التاجرات اسعارهم غاليه !!!

و نقطه التفتيش هم هذي شغله مهمه, اذا شريتي اكل من مطعم في شهادات صحيه ان العاملين ماخذين تطعيم و خالين من الامراض, بس اذا تاجره تسوي اكل ببيتها شدراج عن خدامتها؟ و شدراج عن صلاحيه المواد؟ و بعدين الجرايد على طول يحطون انهم يسوون حملات عالمحلات و يصيدون مخالفين معناها في غش بس قاعدين يضبطونه, بس التاجرات مافي شي يضمن ان اكلهم نظيف؟
و اتمنى ما تدافعين عنهم لانج منهم و تشوفين الامور بحياديه تامه

حبيبتي للمعلوماتيه احنا كان عندنا مطعم

وماقدر اقول البلديه شلون تعاملهم والحملات اللي تشوفينها على ناس وناس . .وبلاوي سوده ماقول غير الله يحفظ اهل الكويت والمقيمين فيها

وجان ما صار في تجار لحوم فاسده وكل شوي مسكرين مطعم ..!


واذا على الاسعار ترى في اشياء وملابس تنباع غاليه وتلقين نفسه بسوق شعبي ولا ابيزه هم من محلات مو من تاجرات :bbbiu:


ومشط البف في صيني وفي امريكي شنو اللي شريتيه شنو صناعته واللي بالمحل شنو صناعته :eh_s(15):

واذا صيني انا معاج ان غالي لان حتى الشحن ما يوصل يكون سعره 8 دنانير ..

وانا ما ادافع عن التاجرات لاني وحده منهم لان انا انغشيت وااااااااااااااااايد وشريت بالهبل واخرتها قبل جم يوم بس مابي اقطع رزق احد ^______^

والاختلاف بالراي لا يفسد للود قضيه :eh_s(17)::eh_s(22):

 

[mi corazon]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

اختي البينك بيري انا كنت اقول نفس حجيج ... بس الحين شوفيني مدمنه بينك بيري


ذوقج غير عن ذوق غيرج مو معناته انه ويع

 

[غلأأأأ مغليهأأأ]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

اب اب

 

[mrs.abk]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

لولاتي ...

حبيبتي قطع الاعناق ولا قطع الارزاق ...

مابي اتكلم عنها الله يهديها ويستر علينا وعليها ...

بس لا تسوين كيراتين وخري عنها نصيييييييييحه ..!!!

لا يقصون عليج شعر يهبل وحرير ..

تستانسين شهر وباجر تبجين ..

خواتي مسوين عند احسن الصالونات ونفس الشي ..

وحتى رفيجاتي ..

وانا توني صبغت شعري فقلت حق الكوافيره بسوي كيراتين لان الاشقر يخشن الشعر

قالت تبين شعرج كله يطيح وتصلعين ويخترب روحي سوي بس انا نصحتج وهذا كله دعايه وخرابيط وكيماويات ..

الله يعافي الاستشوار صج يملل ويعل القلب هههههه بس اهون من الكيراتين خلج عالاشياء الطبيعيه الزيوت وحمامات الزيت ابرك

ماقولج مافي بنات ضبط معاهم بس مو مع الكل واغلب البنات يشتكون منه بعد فتره ..

جني عطيتج محاظره لوووول p:

أنا بقول الصدق .. أنا سويت ريباندنج مال الفلبينيات وعقب سنة سويت كيراتين

الاثنين شعري طاح منهم بالهبل .. بس ربيناندينج الفلبينيات واااايد أحسن .. ووايد أريح على الاقل العناية فيه موب غالية مثل الكيراتين .. وأحط زيوت على راحتي ولما عالجت شعري من التساقط صار يهبل على الريباندنج

غير ان الريباندنج ظل في شهري حوالي 9 شهور ما تضايجت منه .. بس الشعر اللي طوول كان شكله غير عن اللي مسويه لي ريباند

لكن الكيراتين بعد شهرين بس كرهته .. لأن شعري كله أحس تكشكش وراح منه الكيراتين

الله كريم

 

[وحدة كويتية]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

صج والله يابنات في تاجرات الله يهداهم يرفعون السعر دبل سعره الاصلي اضعاف اضعاف والله حرام يابنات وانا بعد تاجره وعندي بضاعتي وزبايني بس والله مو ان عشان اتربح على الاوادم ارفع السعر بشي خيالي المصيبه انا تعرضت لنصب التاجرات حسبي الله ونعم الوكيل وباعولي بضاعه دبل سعرها ب ٨ مرات والله العظيم ترى والله مو زين جذي والله حتى الله ما يبارك بشغلكم
واللي يزيد ربحها عن اكثر من القيمه الاصليه بشي خيالي سبحان الله يتحول ربا اعوذ بالله
وطبعاً بعض التاجرات اللي ما يخافون الله مو كلهم
ان خليت خربت
الله يرزقنا ان شاء الله ويبعدنا عن فلوس الحرام
وترى ياتاجرات والله رزق حلال وحتى لو كان قليل ولا يكون حرام لان مو زين اكل السحت اللي اهي فلوس الحرام

 

[مراوي22]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

وااااي واكثر شي يصدمني وقاهرني وحارني وفااقع مرارتي بنك بيررري الايس كريم

وااي الله يديم النعمة روووب محممممممض بارد لا طعم برد ولا شي والفواكه اللي عليه او الكاكاو الله يديم النعمه صج انقهر من اللي يشترووونه بس سبحان الله الناس اذوااق

:krkrkr:

مت ضحك على آخر شي

تصدقين كنت نفسج أجوف طابوووور إشطوله ريايل بغترهم مرتزين في الطابور أصلا شكلهم يفشل ريال طول بعرض واقف طابور إشطوله عشان آيسكريم

المهم قلت إلا أجربه جان أروح يوم من الصبح مافي زحمه كلش وخذيت لي الحجم المتوسط إنزين إنتي ضوقيه بالاول لا سيده المتوسط والتوبينق حطيت فواكه ومن تعاستي إخترت الفواكه الحامضه يعني تخيلي حموضة الايسكريم ويا حموضة الفواكه :cxxxp: صار ويهي جذي

قلت معقوله الناس تحبه وعلى شنو حاولت أغصب روحي ماقدرت

ثاني مره رحت قلت إلا أطلب وأغير التوبينق مو معقوله كل هالناس عاجبهم وآنه لا :krkrkr:غصب

خذيت التوبينق جوز هند ويا جرانولا إلي هو نفس البسكوت المكسر يااااااااااااااااااااااااااي صار لذيذ ومن يومها وآنه إدمان بس لازم تكسرين حموضة الايسكريم بالتوبينق تاخذينه حالي

بوووووووووو جني كتبت قصة حياتي :eh_s(10):

لي رجعه بحط الاشياء إلي إنصدمت فيها خل أيمع الصور بس :eh_s(15):

 

[PuPa^^SWeeT]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

قبل كان اي كريم تفتيح ولا تبيض ولا تقشير ولا مزيل


يعجبني


الحييين

كل شهرين اروح الصيدلية واشتري غسولي و كريمي و البادي ووش و السن بلوك

 

[Pupiipop]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

واااااااي بس... ياكثر ما ننخدع..

1. من عمري 14 سنه و انا استخدم عدسات فريش لوك بس هالمرة و لاول مرة كان محلول بيلا مال غادة عبدالرازق الله يسلمكم كل شوي عيوني نتنفخ حييييييييل التهابات و جيس دهني و سوااااااللف!!

2. تصوير عرسي كان مكتب تصوير بالسالمية (بالبرج الابيض اللي صوب مارينا من ورا) اسمه دنيا للتصوير بإدارة ام اسلام هذي حقييييييييرة و نفسية خايسه المشكلة تصويرهم و شغلهم واااااااايد حلو و راقي .. بس اللي يسوي فوتوشوب حق الصور رياااااال و شايفته بعيني .. و حراااااااااميه . شايفه عندها فواتير على 800 و 1000 ديناااااااارررررر كويتي!!!!!!!!! شدعوووووه!!

3. بينك بيري طبعا لا تعليق !!!!!!! لووووووووعه ! و الناس أذواق

4. غرفة نوم من ايكيا صلاحيتها 6 سنوات تمت مع رفيج زوجي و مرته سنه و انكسرت!!!!!! و اهما مو متان و لا هيلق و استعمالهم وايد خفيف بس غررفهم معروووووفه!!! مو أول مرة اسمع هالحجي! خرطططططططيي

5. مركز سلطااااان! حدث ولاحرج ! صاحبه عليه وايد قضايه و مخالفات! رفيجتي ابوها بالبلدية ! مايوووزوون مركز سلطان يحطون اشياء تالفه و منتهية الصلاحيه بس مع الواسطه يمشوووووونها!!!!! الاجبان و الزبدة يكون عليها عفن يقصونه و يبيعووون!! و من جم يووم رفيجتي تشتغل مناك بالادارة واحد باكستاني حاول يغتصبها و سوتله قضية لان الادارة خايسة مايبون يسوون شي خايفين على سمعتهم


6. بروووي ! شايفه بضاعه عنده موجود نفسها بالجوهرة بالسالمية على دينارين ! لا تعليق من أمه!!!!!! أسعاره وايد اوووووووفر.


الله كريم بس! احنا الحريم وايد ننطططططس​

 

[قطوووة]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

اااااااب

 

[حجيه هيونه]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

حبيبتي انا هذي اشتريتها من ارض المعارض اعتقد ب 6

شكلها شوي مختلف بس نفس الفكرة وماشاء الله تينن لما استعملها كل من يسألني وين مسويه اظافري

شوفي اول شي صبغي ظفرج لون اساسي خلينا نقول ابيض

ونطريه لين ينشف عدل


بعدين هاتي القرص الحديد الي عليه الرسمات لونيه بصبغ الاظافر مثلا احمر

وبسرعه هاتي الي تكشط وشيلي الزايد منه وبعدين هم بسرعة هاتي الطباعه وطبعي الرسمة عليه وبعدين طبعيها على ظفرج

ونطري عليه ينشف شوي

انا جربته حتى بصبغ ابو امية فلس يضبط بس اهم شي اتبعي اخلطوات الي قلت لج واشتغلي بسرعه

وبعد ماتخلصين مره وحده صيغي اظافرج صبغ شفاف عشان يحافظ عليه اطول فترة

 

[لميس نفسي]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

قمصان نوم طلبتها من الواتس اب وانصدمت يوم وصلتني لي البيت حسافه 30 دينار قطيتها عليهم لا لبستهم ولا احب اتذكرهم

 

[Bnt 36a]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

خوووووووووووووووش موضوع


تحسفت على ماركه اليزابيث اردن الكريم الاساس مالها وايد كريمي ودهني ييع
اذى بشرتي وطلع فيها حبوب !

تحسفت على ماركه كلينيك الغشول والكريمات اللي يقولج تصفي الويه
لا مانفع ويااااااي كلش ملشششش

تحسفت على اليوكو !! طيييييييييييح شعري بشكل مو طبيعي مو طبيعي
شعري الحين نص شعري قبل

تحسفت على روحه فرايديز اخر مره لان وايد احب هالمطعم
واخر مره كان الجكن فنقرز نيي و مثلج من داخل فكرهته كرهت حيل

تحسفت على الليزر ازاله الشعر لمن سويته حق ويهي !!!!

تحسفت على منظف شريته من ماركه بربري ب 20 دينار على اساس ينظف الجنطه
اللي شريتها ب 390 .. ولبستها مرتين مع العبايه وصااارت سوده
والمنظف طل بعينهم ماسواااا شي :"( مو قاعده البسها بسبب اللون اللي عليها


جني وايد تحسفت p:

لووووول بس خلاص كافي حسافه




..

 

[زعفرانة_73]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

. مركز سلطااااان! حدث ولاحرج ! صاحبه عليه وايد قضايه و مخالفات! رفيجتي ابوها بالبلدية ! مايوووزوون مركز سلطان يحطون اشياء تالفه و منتهية الصلاحيه بس مع الواسطه يمشوووووونها!!!!! الاجبان و الزبدة يكون عليها عفن يقصونه و يبيعووون!! و من جم يووم رفيجتي تشتغل مناك بالادارة واحد باكستاني حاول يغتصبها و سوتله قضية لان الادارة خايسة مايبون يسوون شي خايفين على سمعتهم

صاجه بكل كلمه قلتيه ان قبل اسبوع كنت بمركز سلطان تقريبا 4 ارفف حاطين البلديه عليه لازق منتهي تاريخ الصلاحيه بعد هذا مركز كبير عيل الباجي اشلون.:eh_s(14):
على فكره مركز سلطان اللى بالضجيج.​

 

[*kim*]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

انا انخدع كل يوم ولا اتعلم هههههه

من سوالف كريمات ومنتجات تجميل واجهزه كهربائيه وكل مره اقول لا يمكن صج

 

[ابي لقب]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

روووووعه الموضوع
عاد انا كنت مشهيه المكنسه العجيبه

الله يجزاج خير ع النصيحه

 

[Ghaima]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

بصراحة انخدعت بأشياء واجد ويقصون علي خبلة ماعرف اشتري شريت بدلة ماركة يا بنات من وحده ويانا بالمنتدى هي اسلوبها حلو وتجنن بس الظاهر حظي ماش يوم رحت للبيت ما قستها ولا شي شاريتها للعيد وكان وقتها حده حده باقي يوم ع العيد وابي اي شي اتقزر فيه طلع فيها عيب وهي قطعه وحده وبيتها حيل بعيد عني يوم العيد طلعت جم زرار خربان وجم كرستالة طايحه والمشكلة كرستالاتها كبيرة يعني جنب فيه كرستال وجنب ثاني ماكو غطيته بملفعي حسافه عليها غشتني ماخذتها 110 !!!

وهمن رحت لمعرض افكاري عند وحده سورية اسمها ام عمر قبل زواجي قلت باخذ خلطات للخطوط ولرفع المؤخرة وشدها وسواد الابط وخذيت منها مورد الشفايف ورد جوري ناااااشف يا بنات والله العظيم ويابس صاير ولا استفدت منه ولا شي تقول بعد زين للتشققات اللي بشايف بس طلعت تبين هالتشققات لو ما احطه ابرك لي بدال ما يفضحني ويتجمع بمكان ومكان يروح منه ويختفي وهمن خذيت منها كريم اساس طبيعي وقالت لي عن الاصلي وعن التقليد بصراحه حلو بس ما استمريت عليه وقالت لي جربيه هذا عليه طلب كبير وياخذون مني على 2 و4 عاد استعملته زين للبيت يعني بس مو مبهر مثل ما طيرته وخذيت منها مقشر الجلد الميت خربوطة ينرفز وماله داعي بصراحة قصت علي والله دفعت فيها فلوس اخرتها ولا نتيجه ولا بطيخ ولا هم يحزنون وتحلف لي وتقول انا نفسي مجربته وهي مزيونه عمى بعينها خخخ

وشنو مممم ايه سوق الشايع عند الهنود تحت بالمباركية يبيعون تاتو حواجب طلع مو تاتو طلع الوان للرسامين وفيه كل الالوان اصفر واحمر وازرق وبنفسجي ويبيعونه عندنا باللون الاسود والبني ويقول للحواجب عاد انا خبيلة شريت لي 6 لأني احب اصبغ حواجبي دايما مالت والله ما استخدمت الا واحد والباقي ارسم فيهم والون فيهم يعني اقلام ماركر

وشنو مممم ايه معرض بجابر العلي للدراعات الشتوية امس رايحتله يجيب المرض وموديلاته تلوع الجبد وقديمه واسعارهم نااااااااااااااار على 70 و110 واصعدي وكله خلاجين وخرابيط

ايه ومحل بالفروانية عند العربيد يلوع الجبد شغلهم خياس واللي تسوي الموديلات تنسخ يعني مو افكارها بس فيه كم دراعه زينه وللحين ما نزلوا الشتوي مادري متى ناوين ينزلونه يوم عرسي سويت عندهم كذا دراعه بس الحين ويع ويع ويع وتقليد اعمى ويا ليت حلو ودراريعهم على 45 و52 شحقه

 

[Ghaima]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

مرة شفت جنطة تقليد حلوة ديور وسأل زوجي البياع في موقع مزاد الكويت من داخل شمواه ؟ وبرا جلد ولا شلون وقال له البياع لا ترا شمواه ومادري شنو طبق الاصل بنات شريتها 15 دينار تدرون شلون صايرة الجنطة احتريت والله وما لبستها تففففشل بلاستيك يدة الجنطة وواضح وصوتها تك تك يفشل ومن داخل نايلووووون عاد قلت لزوجي معاينة واذا ما عجبتني ردها المهم يوم طلع له زوجي البياع نفسه مطوع وزوجي مطوع واستحى منه قال اخذيها عادي بصراحه الريال انحرج ارجع له قهرني والحين زوجي يسال وين الجنطة اقول له بعدين البسه يا بنات تفشششل الحين خاشتها عند اختي ونساها زوجي

وهمن فيه وحده تسوي فناتق مخدات وتخيط عليها اسم اللي تبينه وقلت اشتري مخدة وتصير هدية لمرت اخوي والدة وابيها لولدها النونو وقلت للتاجره ابيج تصممين لي باسم كذا وتكون ناعمه لأنها لمولود وحجمه جذي وجذي قالت تخلص بعد 3 ايام لانها على قولتها شغل يدوي قلت اوكي يوم وصلتني بنات انصصصصصصصصدمت وجنه احد صاكني كف المخدة يااااابسة وطولها بحجم كفة اليد واكبر بجم سانتي وتلوع الللجبد سعرها ع ما اتذكر كان 12 او 13 خرررربوطه

 

[Ghaima]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

سووويت كيراتين للشعر يلوووع الجبد عند وحده مغربية طاح شعري وصار فيه ريحة كيماوياااات الله يقطعها خذت مني 70 مادري اكثر بنات ماكو فايده منه هذا شعري مخترب لا تسوونه عالجوا شعركم عند اختصاصي

 

[Ghaima]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

جربت يا بنات منظم الأحذية السحاب يغثثثث وخربوووطة وفاااااشل لا تشترونه اذا تبون شيء حلو روحوا حق سيتي ستارز عندهم رف جواتي لونه اسود وتحطين مادري جم جوتي فيه احسن واذب وبعد معاه عجلات فيه كبير وفيه صغير مكانه بالري قبال سوق الجمعه ان شا الله ما اخربطكم عمتي وامي شارين منه وكان اخر اثنين بس اتوقع تلقون الحين يمكن جابوه مرة ثانية لآن عجيب واذا لقيتوه علموني الارفف مالته حلوة تحطين جوتي قدام وجوتي ورا يعني تستخدمينه دبل كل رف تحطين فيه جوتيين واذا خذيتي الكبير تحطين اربع جواتي ومرتبين حيل وهمن عندهم اشكال ثانية حلوة

وشريت قبل جم يوم جناط للزوارة حق ملابسي وسالت التاجرة راهين وكبار قالت لي اي وكان شكلهم حلو وذرب حيل يوم وصلني الجناط حلوين وحسافة عليهم كانوا حيييل صغار قالت لي عجبوج قلت لها اي بس تمنيت يكونون اكبر من جذي وانحرجت بصراحة يصلحون حق مواليد بنات لأنهم كيوت شمواه بيج وعليها بالطرف جورية حمرا تجنن بس صغار اذكركم خذيتها ب 27 من غير التوصيل 3 =(

 

[ملاك ^ الحب]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

انا اكبر نصب صار لي محل الغرشوب شريت بدله حق عرس بنت خالتي نفنوف ناعم حيييل ب 140 دينار

وانا بالعرس جان تييني بنت عمي تسلم علي جان تقولي جم خذيتي بدلتج قلتلها 140 جان تقولي امبييييييييييييييييييييييي انا شايفتها بالفروانيه 30 دينار والله مت من القهر تقولي نفسها بالضبط ولا مو بس جذي على ما خلص العرس والله يابنات البدله من تحت تنتفت لانها شيفون بس الشيفون الخرطيييييييييي


وخذيت من وحده بالمنتدى ديودرنت على قولت وحده خله ريحه اباطي جنه اباط سيلانيه

بس للمانه بالمقابل شريت من مونا مودا دراريع حق بنتي تهبببببببل خامتها غسل ولبس

وخذيت من غراس جم شغله وايد حلوييييين

بس ماراح اخذ من المنتدى الا الي مجربتهم