(المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

[zain-alq8]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

انا اكبر نصب صار لي محل الغرشوب شريت بدله حق عرس بنت خالتي نفنوف ناعم حيييل ب 140 دينار

وانا بالعرس جان تييني بنت عمي تسلم علي جان تقولي جم خذيتي بدلتج قلتلها 140 جان تقولي امبييييييييييييييييييييييي انا شايفتها بالفروانيه 30 دينار والله مت من القهر تقولي نفسها بالضبط ولا مو بس جذي على ما خلص العرس والله يابنات البدله من تحت تنتفت لانها شيفون بس الشيفون الخرطيييييييييي


وخذيت من وحده بالمنتدى ديودرنت على قولت وحده خله ريحه اباطي جنه اباط سيلانيه

بس للمانه بالمقابل شريت من مونا مودا دراريع حق بنتي تهبببببببل خامتها غسل ولبس

وخذيت من غراس جم شغله وايد حلوييييين

بس ماراح اخذ من المنتدى الا الي مجربتهم

لا حبيبتي ترا البنات ياخذون صور موديلات الغرشوب ويروحون الفروانيه العربيد يسوونلهم طبق الاصل نفسه انا شفت بنات بعيني هناك بالمحل اهي غاليه صح بس حرام شغلها وذوقها وتعبها واكيد مكلفها ترا ماتصيرلي ولا شي بس كلمت الحق تنقال

 

[حرم حبيبي]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

نفسي شريت مقص الحف وخرطي انقطع الخيط

 

[happyq8]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

توني ما كملت قراءة باقي الموضوع بس اقولكم اللي اتذكره الحين

1- انخدعت بموقع www.wholesale-dress.net صراحة الصور بالموقع حلوة والاسعار بعد بس لما وصلونس الأغراض لووووووووووووووعة وحسافة غالفلوس اللي دفعتها

2- انخدعت بشركات الشحن صراحة نهيييبه احسن شي نطلب من مواقع توصل الكويت علا طول بدون شركات شحن وصناديق بريد بأمريكا وبريطانيا والصين لان صج نهبوني وأعلنت إفلاسي

3- معارض الحريم مدح مو طبيعي وآخرتها الموديلات بسيطة وعادية والأسعاااار طايره بالسما


شكرا عالموضوع

 

[مطنوخه الكويت]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

:bbbiu: نرفع الموضوع والله ناسيه شنو عندى بس اكيد فيه أشياء تحسفت عليها بس وربى ناسيه

 

[شمـ305ــوخ]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

شكثررررررررررر

 

[غدووور الكويت]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

شقول وشخلي انا وااايد انغريت ببعض التاجرات من المكنسه اللي ما منها اي فايده ولا اللي يابت لي بطانية البرد مستعمله وحاطتها بجيس المحاميد وراعية المشغل اللي خيطت
لي عبايه بشوارفسكي ب ١٠٠ دينار وقبل اللبس الشوارفسكي قام يطيح والحين اكثر من ٣ شهور ما يابت الملفع اللي معاه حسب الاتفاق ولا اتقول الملفع سعره دينار واللي اتقول السعر مع التوصيل ولمن اتييب البضاعه المندوب يطلب توصيل واللي تاذ توصيل مرتين مع العربون ومع تسليم البضاعه!!!
بس بعض التاجرات والنعم فيهم اخلاق وتعامل وبضاعه حلوه

 

[شمـ305ــوخ]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

شريت بدله من مره بمعرض روضان ب60
ولما رحت بلوكات انصدمت لقيتها ب25 ??
وهم مكياج شريت كحل دايم من مره لقيته ب3
لقيته بشايع بربع قهرررر

 

[شمـ305ــوخ]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

بنات نصيحه لاتشترون من حريم
نصهم مالوت العربيد وبلوكات
ومكياجهم كله بسرداب شايع رحو وشوف
وعلي شنو الاسعار نارررر

 

[funrose]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

خوش موضوع يعطيكم العافية بنات وايد استفدت منكم

 

[أبله أريج]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

حساافة

 

[شوكلآته]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

ههههههههههههههههه ذكرتوني شكثر ينقص علي
بقولكم انا شصار فيني ايام تجهيز عرسي طبعا عروس والعب بالفلوس لعب هههههههه ومستانسسه
جان اروح ذاك اليوم لمحل حق قمصان نوم
شريت منها قميصين الواحد تقريبا ب30 ولصقات جسم اللي تنباع عند ابو اميه بعشرر دنانير و3 هيلاهوب عاديه واقل من عاديه على عشره ومدري بعد جم شغله خذيتها وبالخير طلعت ب 120 دينار ويوم رجعت البيت انتبهت انه مقصوص علي ههههههههههههههههه وبسس سلامتكم *

 

[مهره بلا خيال]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

أنا شكثررررررررررررر بس اللي أذكره بجامات (((ومــــــــــن سيكرت))) أخس بجامات أول شي تتوسع من الركبه حدث ولاحرج وإذا غسلناها صار اللون كأني منقعته فالشمس وكل شي ولا القطن لاتكوووور من الفخوذ حسسني أني لابسته من سنة جدي وهو بعدني بس لبسته ورحت غسلته...

 

[prettysoul]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

أنا شريت جهاز الفواحة من سنتر بوينت
وكنت فرحاة فيها حيل
لكن تفاجأت
أذتني صار طعم فمي كبريت ورجعتها لهم الحمدلله
البخور احلى وابرك
وشريت ماكينة الحف عبارة عن مقص وفيه خيط
ورجعتها الحمدلله من حسن حظي
تكد البشرة ولاتشيل الشعر وعاد أنا بشرة وجهي حساسة
وخلطات الحمدلله ماأشتري من المنتديات.
وشريت كريم مدحوه اللمسة الفضية في المنتديات وأرسلت له طلب من السعودية مخصوص وطلع مايسوى شي وتفاجأت ولقيته
عند العطار
ومع الوقت صرت اتمهل لما أقرأ عن أي شيء أحد يمدحه

 

[prettysoul]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

ايه تذكرت
زين الأتات شريت من عنده زمان ومااستفدت
وتذكرت شريت أباجورة من سنتر بوينت تصميمها بسيط بس لما جاء وقت الصدق وشغلتها طلعت ريحة بغت تذبحني وأنا نايمة ورجعتها

 

[prettysoul]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

السلام عليكم
بقولكم سالفه صارتلي من جم اسبوع

دقوا علي شركه الغانم وقالولي ان رقمي طلع عندهم وفزت
طبعا واحد مصري وبسرعه يتكلم جنج فايزه بسياره
ويقول فزتي بتلفون نوكيا n9 وكبونات بقيمه 555 دينار
وعطينا العنوان والمندوب راح يوصلج خلال ساعه
وانا ما صدقت خبر استانست بس جان يقولي لازم تدفعين 27 دينار
قيمه فتح الملف بس طبعا انا قلت عادي في مقابل التلفون والكبونات
سالته عن الكبونات قالي مو خصم هذي تشترين فيهم وقالي اجهزه انا قلت خوش
نجهز حق البيت اللي ناقصنا
وسكره مني بعد ما عطيته العنوان ودق علي المسئول واحد كويتي وبعد باركلي
المهم ما اطول عليكم دقيت على زوجي ابلغه جان يقولي يقصون عليج اول مره هديه بفلوس
وكانوا داقين علي من قبل وانا رفضت عاد حسيت نفسي غبيه المهم قالي كيفج بس خوفج التلفون لعبه مو صجي
ولا تستلمينه لمن تجربين
وعقب ساعه وصلي التلفون وقبل لا اعطيه الفلوس قتله شغلي الجهاز وفعلا اشتغل و عطاني الكبونات
لمن شافه ريلي ولا التلفون (صينييييييييييييييييييييييييييييي ) ما يسوي 5 دنانير
والكبونات اكثره صالونات ولمن ادق نفسيتهم خايسه ويبون فلوس زياده فوق الكبون

واسفه عالاطاله بس حبيت انبهكم

أختي الفاضلة
أنصحك هالكوبونات حرام في حرام
لأن أنا بعد دقوا على جوال أمي وقالوا ربحتوا ولكن لازم تعطوا المندوب 27 دينار
وأخوي سأل الشيخ قال حرام
مافي هدية مقابلها مبلغ تدفعه
وتركناهم

 

[prettysoul]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

ايه صح موكريم اللمسة الفضية شكلي مضيعة
كريم طبيب الشعر
صححت الخطأ
ماسكارا ميبيلين اللي علبتها لونها أصفر
طاحت رموشي بسبتها ورميتها مع إنها جديدة
ماسكرا ماكس فاكتور ريحتها تتغير بعد 3 أشهر
وروج برجوا العضوي ويييييييييييييع ريحته مقرفة
الله يعزّكم
وديتها لهم وقالوا لأن صناعته عضوية مافيه أي كيماويات ورميته
ونصيحة لأي أخت
تبتعد عن الخلطات التسمين والتنحيف
ماتعرفون ضررها على المدى البعيد

 

[حبيبه ببي]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

حنه التنعيم

 

[الوناسة]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

قبل جم سنة بالتلفزيون كانوا حاطين دعاية عن كوشية مساج
وطلعت خرطي حطينالها بطارية بس تهز لا مساج ولا شي

 

[نسمة بحر]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

طلبت من تاجرة كريمات طعم ووويع يلوعون الجبد بس شكلهم مغزز تعرفون العلب اللي بواميه معبيتهم في
ومكتوب منتج لريحه عطرة للفم قلت شنو هذا خلي اجربه دام ب6دنانير رخيص ويوم يابوة ولا حلاو نفس النعناع اللي لونه اخضر وازرق اذا تعرفونه صدددددددددددددددددددمه

 

[الـــدفـــشـــة]

رد: (المنتج الخدعــة ) >> حسافة عطوكـ أكبر من حجمكـ <<تجاربكمـ الكل يشاركـ

انخدعت بكريمين تفتيح من تاجرتين
يمكن بشرتي عنيدا موراضيه تتفتح وباجي البنات عادي لانه اشوف الكل فرحان فيهم
لووول

انخدعت بمسكرة ميبلين الصفرا الي الكل يمدحها وبالاخير خربوطيه
اليوم الصبح ببجي منها

اممم شنو بعد
في اشياء بسيطه لاتذكر